Sunday, July 19, 2009

蝸居::客廳

結婚後都唔知可唔可以繼續留在蝸居,
決定影幾張相留念,
每件傢俱, 小擺設都是我的心血,
我用咗好多時間 & 心機 + 金錢建立而成,
每一件傢俱購買之時都經過深思熟慮.
真係好唔捨得...
讓我做一下家居雜誌記者吧~

因為地方細兼且開頭預計作為姑婆屋,
所有的選擇都要耐看,
主色設定為白色,
牆身都係白色.
原本想其中一面牆身換上鮮豔的顏色,
不過又驚過一排唔鐘意所以放棄咗.

木板地沒有改動,
只是打磨打臘一下.


廳的一角,
電視櫃購自歐化,
裡面有我珍藏的 TuxedoSam.
兩個相架都是自作業,
不過仲未唸到放啲乜嘢??
花樽購自泰國翟度翟.
富貴竹後那個怪怪的彩色東東,
是爹娘到青藏鐵路給我買來保平安的.
還有一大堆 VCD~

至愛的 L 型布藝梳化,
購自歐化傢俬.
原本仲有一部份白色可移動的放腳的位置,
不過蝸居太細,
唯有放在一邊封塵.

鐘意屋企有好多好多 cushion,
感覺溫暖有安全感.
cushion 套購自泰國翟度翟.

薄紗窗簾,
有花紋又透光,
記得小時候客廳都總是用薄紗的.

大大個鞋櫃,
是媽媽從北角找來的平靚正,
門較也是油壓的!
至少可放廿八對鞋,
已滿座,
另有一些長靴/少穿的鞋要放在鞋盒內.
櫃上放的九成都是別人送我的小禮物.

這是其中不顯眼的幾個:
小時候爸爸常到日本公幹,
每次他也會給我買手信.
那時候只有五, 六, 七歲,
最愛看機靈小和尚,
我愛稱它作小夜妹妹,
原本與哥哥的一休和尚是一對的,
可惜他的給我錯手打破了.

也是爸爸從日本買來的手信,
那時已十多歲,
小夜妹妹也長大了.

星星送我的 LEGO 玫瑰花.

上一個自作業,
飛機木 merry-go-round,
還有 iris 送我的扭蛋小玩意.

No comments:

Blog Widget by LinkWithin