Friday, July 31, 2009

好時辰::7/11/2009

這是未來奶奶唔知係邊度得到的時間表:
05.00-07.00 宜
07.00-09.00 凶
09.00-11.00 吉
11.00-13.00 宜
13.00-15.00 凶
15.00-17.00 吉
17.00-19.00 吉

19.00-21.00 凶
21.00-23.00 吉

未來奶奶特別吩咐要係 09.00-11.00 出門 & 入門.
這是最好的吉時.

其實 11.00 都要去到酒店啦,
呢個時辰實在零問題.
13.00 前簽個名,
大家都舒舒服服啦~

晚裝::White Bridal Couture (2)

一開門三個好好笑容的小姐同我地打招呼!
Elmis 負責招呼我地.

婚紗同 Vera Wang 係分開擺嘅,
所以 booking 的時候要講清楚.
開頭小姐以為我睇婚紗,
所以俾咗本婚紗 catalogue,
留咗我同阿玲係間 private room 度慢慢睇,
冇騷擾,
不過好貴 :p

Vera Wang Maids Collection 放係樓下,
揀咗兩件試吓.
(一早上網做咗功課啦!)

第一件: 有腰線, 有 detail, 不過真係好伴娘.

都係紗的款式, 不過呢隻紗太疏窿, 而且可能我太肥, 唔襯我.
(真係要減一減...)

之後同小姐講可能色丁的款式好啲.
呢件小姐話穿得最好睇,
不過個人覺得魚尾好肥 :(
但係裙腳真係超靚!
後面有小圓腳架.
其實仲試咗一件好 plain 但係個尾再大啲的 basic 款,
但係搵唔到張相 :p

件件價錢差唔多,
以呢個質素黎講真係好得,
可揀款式, 揀顏色, 度身訂造.
小姐話訂造要三個月,
之後返黎仲要改,
要特快服務就要加 US$20-40.
所以有興趣就要早啲決定啦.
服務態度非常好, 全程好笑容, 零 hard-sell.

Jaycow 頭飾都好出色,
我鐘意一個小圓帽加網紗的 vintage design,
Elmis 話買咗之後 Jaycow 仲會調整個網紗去襯個面型.
不過要 $3k+ :p

最後都係覺得 Vera Wang 同我整體婚禮唔配合,
唔需要心掛掛啦~

Vera Wang 網頁
跟進上回

伊豆遊

伊豆半島的必遊地方和經路
設定經路: 以熱海為起點, 沿伊豆半島東岸南下至伊東, 再南下至下田, 北返至河津, 北折進入伊豆半島中部的修善寺, 再北上三島, 以此為富士山遊的起點. 沿途重點景點介紹如下:
- 熱海的代表性遊點: 熱海温泉鄉, 海灘
- 伊東的代表性遊點: 海側--城崎海岸步道(吊橋,燈塔); 山側--大室山 / 或一碧湖
- 下田的代表性遊點: 歷史名勝"黑船"了仙寺
- 河津的代表性遊點: 七瀧(瀑布)步道
- 中伊豆的代表性遊點: 修善寺温泉, 伊豆舞孃步道
- 三島的代表性遊點: 三島大社

交通證
- 經京急蒲田、横浜方法: 羽田空港坐京急空港線往京急蒲田,轉京急本線快特往横浜,再轉JR特急スーパービュー踊り子(Superview踊り子號) 往伊豆熱川。由東京站乘坐JR特急踊ク子號直達熱海及伊東等站,時間 1小時45分,車費4.390yen/位。
- 最平盡量唔坐特急車方法: 羽田空港坐京急空港線往京急蒲田,轉京急本線快特往横浜,再轉JR東海道本線往熱海,繼續轉JR伊東線往伊東,最後坐伊豆急行往伊豆熱川。單程3,060円,行車時間約兩個半鐘 (未計等車)。
- 不需要買東日本火車證. 它最少要20,000日圓.
- 交通方案有: 東海道新幹線, JR特急踊子號, 或者JR東日本普通列車.
- 去伊豆, 即使用最貴的新幹線, 單程也只是5,500圓左右. 遊完富士山回東京, 從三島回來, 最貴也只要4,000圓.
- 東日本證不覆蓋東海道新幹線, 只容許你乘特急踊子號或普通車從東京來回伊豆/富士, 但也只覆蓋至熱海或伊東 (去下田要另付費). 它不覆蓋伊豆半島其餘地方, 也不覆蓋富士山週邊的地方
- 在伊豆區內, 交通機構包括 JR伊東線, 私鉄伊豆急, 東海巴士, 和伊豆箱根鉄道. 東日本證只在JR伊東線適用, 乘坐這條線路線, 買單程票只是幾百圓.
- 在伊豆半島內周遊, 應該買"東海巴士"的乘2/3天車券. 伊豆半島的鉄道, 只有東岸的JR伊東線 (熱海~伊東)和 私鉄伊豆急(伊東~下田), 和中部的伊豆箱根鉄道(修善寺~三島). 連接其餘所有地方都要靠東海巴士. 買乘車券比較方便.

理想酒店:
下田温泉大和館
位於伊豆半島尖端的下田温泉大和館係日本人心目中十大温泉之一, 露天風呂風光明媚, 像明信片一樣。 一泊二食每位 13,650 yen 起。

伊豆高原:
お宿いちほう( 宿 Ichibou ) - 8.500yen位起,址:伊東市富户298-1,富户站步行8分鈡,電:0557-51-1302
伊豆高原温泉旅館,頂樓可飽覽日落美景。

熱海温泉旅館5間如下:
1. 熱海後樂園ホテル - 16.000yen位起,有遊樂場、商場、餐廳、酒吧及檜木造的露天浴池。(度假酒店)
2. 熱海金城館 - 13.000yen位起,於熱海站設專車接送,須預約,吃時令山珍海味。
3. Hotel Katsura ホテルかつら - 10.000yen位起,鄰近白濱的Sun Beach沙灘。熱海站步行15分鈡,電:0557-82-5353,址:熱海市東海岸町3-23。
4. 四季の宿 小林や - 15.000yen位起,熱海市東岸町1-11,熱海站步行6分鈡。
5. 旅館立花 - 16.000yen位起,熱海市昭和町5-13,熱海站步行12分鈡。

伊東:
ホテル湯湯園 - 9.800yen位,外有男女露天共浴池,內有各式大浴池。

地方大,
選擇多,
唸吓再決定,
至少都三日兩夜啦.

資料來源: Yahoo! 知識+

東京自遊行::行程預定

七日六夜的行程,
預兩日一夜去伊豆溫泉,
仲有四日全日係東京.

Day 1: 30/09/2009 Wed
香港 -- 東京 -- 池袋 -- 東京鉄塔 -- 池袋
CX504
起飛 09:10
到著 14:35
預計去到市區 check-in 都要花 2.5hrs.
即係 17:00 左右開始計劃行程.
出機場後可到京成電鉄服務站買 Skyliner + Tokyo Metro 2 日票 JPY2480, Tokyo Metro 2日票可之後使用.
乘 Skyliner 到上野或在日暮里站下車, 後到 JR 日暮里站乘 JR 山手線到新. 並在JR車站先買明天到伊豆的車票. 建議買約 9:00 在品川開出到熱海的特急踊り子号.
都廳展望台看看東京, 後到新宿區逛逛夜市, 新宿西口商店街有不同食肆及大黑屋賣平價票, 部份要預訂的門票也可當天在區內辦妥.

Day 2: 01/10/2009 Thurs
出發去伊豆, 另文再講.
由JR新宿站約8:30出發到品川, 車費為 JPY2790, 約早上 10:20 到 熱海市.

Day 3: 02/10/2009 Fri
伊豆 (未決定留一晚定兩晚.) -- 池袋
(酒店未定, 預計都係東橫 Inn or Sunshine City Prince Hotel, 都係池袋區.)

Day 4: 03/10/2009 Sat
築地市場 -- 宮崎駿三鷹之森 -- 吉祥寺 -- 台場
可預早7:30到築地看場內市場, 若只到場外市場, 8:30到也可 - 2009年休開市日
三鷹之森門票建議先在港購買. 預當日約早上10:00前到該館門口進場. 該日不是週二定休日便行.
吉祥寺在新宿駅搭JR中央線到JR三鷹駅南口有往美術館的專用巴士。三鷹好細,唔會逗留太耐,去完三鷹美術館之後,坐猫巴士回程去JR三鷹駅再坐坐一個站到JR吉祥寺行街。

Day 5: 04/10/2009 Sun
下北澤 -- 涉谷 -- 原宿 (總之就山手線啦.)

Day 6: 05/10/2009 Mon
橫浜
建議在JR站買橫濱自由乘車'票 (横浜フリーきっぷ) 行程可參考, 另外還有三井Bayside Outlet.
or 東京廸士尼樂園
or DisneySea

Day 7: 06/10/2009 Tue
見步行步
CX505
起飛 18:30
到著 22:10

以上交通可用 http://www.ekikara.jp/top.htm 查車程及車費, 乘車及下車站要入漢字, 選好日期及時間後按"檢索"後, 在第二檢索細選後再按"檢索"便可. 現為方便查找, 暫列出以上路線中, 中文跟漢字的站名有異的部份:

資料來源: Yahoo! 知識+

Thursday, July 30, 2009

時間太少

終於明白點解人愈大, 朋友愈少,
因為每段關係都需要用心用時間經營,
但係年紀愈大, 可供分配的時間就愈少.

一個星期返五日半工,
所以可供玩樂的時間只有平日的晚上, 星期六的半晝, 及星期日的全日.

星期日例牌 family day,
星期六要做 gym.
平日的五個晚上要好好利用.
我比較幸運, 唔需要 OT, 亦暫時未有上堂.
五個晚上都可以運用.

其中一個要同家人食飯,
一個同陳星星拍拖,
一個俾十兄弟.
仲有兩個... 但係選擇太多.
除咗有可能重覆以上的人物動作, 仲有...
要俾未來奶奶, 佢好鐘意我去佢屋企食飯.
有啲少見的好朋友飯局,
有更少見的舊同學舊同事飯局,
有啲跟結婚有關的約會,
想俾自己, 一個人無無謂謂的對住部電視.

以有涯隨無涯,
殆已.

晚裝::White Bridal Couture

突然間好想看一下 Vera Wang Maids Collection & Jaycow 頭飾,
二話不說上網做 online booking,
非常快手的回覆,
明天下午會到中環看一看 :p

White Bridal Couture
Address: G/F, No.17 Lyndhurst Terrace, Central, Hong Kong
Tel: 2521 3288

幸福

幸福是要爭取的,
適量的主動是必需的.
性格決定命運是真的.

人生中不斷的出現交叉口,
每一次的決定權都在你個人身上,
行多一點你就有機會得到多一點,
你要為自己謀求幸福啊.

Tuesday, July 28, 2009

我的理想白事

小時候沒有想過我的夢幻婚禮會時怎樣,
因為我介意人地話我恨嫁, 我係好鐘意拍拖同對婚姻有好奇, 一路以黎都知道對方係咪想嫁的人.
但係我就成日都想我的白事應該點做:)
人終有一死 :(
百無禁忌啦~

1. 第一件事一定要就係燒咗我! 睇得衛斯理多, 我怕我會望住 / 聞住自己慢慢腐爛.
2. 陪葬? 衫就著婚紗啦. (如果到時仲著得落 :p), 都冇乜特別要求啦, 都燒咯~
3. 棺木當然唔洗靚啦, 都燒咯~
4. 儀式呢, 是但隨心啦, 唔使嘥錢啦, 我死咗都睇唔到. 如果真係作孽, 打齋都幫唔得我幾多.
5. 金銀衣紙呢.. 人有我有囉. 假如真係有地府要錢洗, 咁都要燒啲錢俾我用架~ 最好有車有樓啦, 哈哈~
6. 最好寫 '天妒英才' instead of '天妒紅顏' 啦, 我要腦多啲.
7. 神枱的食物呢... uummmm.... 好難, 我多心, 素菜? 海鮮? 甜品? 樣樣都想喎. 不過其實我都食唔到啦.

其實我只係去過大酒店兩次,
究竟白事要做啲乜真係唔清楚???
anyway,
我的白事從簡就得啦.

我又會想如果明天就死咁今日會做乜呢? 得 24 小時會去邊呢?
我會周圍同我愛的人講: 我愛你.
約大家一齊大排筵席, 大吃大喝~
跟至愛的家人飲茶,
同親厚的兄弟唱 k 吹水,
最後與星星 candle light.

咁似我平時做嘅嘢嘅???
哈哈~
(某天我突然死咗呢個 blog 就會上 A1 啦~!!)

最重要還是珍惜當下所擁有的, 活得快樂.
我愛你們 :)

Monday, July 27, 2009

羅浮宮::影相

9:15am 的約會,
好早 :( 早過返工!
不過因為落雨,
我地遲咗少少.
不過咁早的好處係第一對,
係冇其他人的情況下,
又快又爽手.

造型師係 May,
說話唔多,
但係勁快手,
機械式啪啪啪就化好啦.
不過係冇用 make-up base,
一坐低就即刻搽粉.
10:45am 就開始影啦.

男裝呢,
我們沒加錢,
只有黑色的選擇,
他選了沒有閃的純黑色燕尾禮服.
不過後來他還是加了 $100 化過妝~
另有專人幫佢熨一吓自備的裇衫.

攝影師阿軍 (or 君??),
助手 Jason,
超 friendly,
可能因為有咗上次經驗,
今次擺 pose 快靚正.

先影室內晚裝,
深紫色晚裝配咗個曲長髮加黑色羽毛頭飾,
超靚!
(May 俾咗兩三個頭飾 / 頸鍊 / 耳環俾我揀.)
一間房四個景,
個個角落都影齊,
一套衫一個鐘影咗十個景!
然後到婚衫,
用咗個自己都估唔到嘅發花癲類似花圈的絲帶包住陳慧琳式的高髻加頭紗.
雨細咗可以行出我心儀的花園區外景教堂牆,
不過超多蚊...
我啲咁唔吸引蚊的人都中咗三嘢!
但係地下濕淋淋整污糟晒條拖尾,
唔執相見唔見到呢??
又影咗四個外景,
再返入室內影華麗 (but 娘 :p) 的場景.

話咁快,
一點左右就影完啦~~
(開頭所有工作人員都話兩, 三點架.)
8 月 14 號就有相睇.
雖然造型唔多,
但影咗咁多個景,
好易瀨嘢~
星星家姐話同埋我地一齊去,
以防我地失手....

真矛盾...
驚影得靚想加相 --> 嘥錢 :p
靚又唔加相 --> 好嘥氣 :p:p
驚影得唔靚 --> 嘥咗一日 :p:p:p

陽朔::漓江

一日內兩個河江遊,
有啲膩 :P
而且今次有好嘈的摩打,
相比起早上的悠遊,
完成另一回事.

我們遊漓江的船,
漓江比較寬闊, 江水比較兇,
所以要用有摩打的船,
而且江上另有有空調的小輪行駛.

景色沒有遇龍河般美,
山比較高, 水比較猛.
最大特色係好似元寶咁嘅山,
即係人民幣二十蚊紙的圖案.

無端端有堆牛游水中~

是隼,
可以穿上蓑衣,
跟它扮打魚人影相.

Sunday, July 26, 2009

陽朔::遇龍河木筏遊

喜歡這個河道遊,
不太商業化,
就是純純的欣賞風景,
心曠神怡.

那是個天氣很好的早上.

我們是坐這樣的竹筏,
全人手, 很原始.

中途賣物的船家.

鏡面似的河道.

一叠一叠的山水.

河道靜得似湖.

長長的河道, 慢慢遊, 很舒服~

有很多魚的!
途中有店有售賣燒的小魚,
味道很不錯~

陽朔::印象.劉三姐

陳星星一知道去桂林便嚷著一定要看的劇目!
結果完全沒失望,
雖然很多的內容都跟奧運開幕式近似,
不過仍然非常引人入勝.
最鐘意那個露天實景,
桂林山水真的甲天下呢~

不是舞台,
是真的桂林山水,
打燈在山上,
那條幽靜的河川,
還有蟬鳴啦!

紅色的布預先收在河道內,
再由表演者拉起來,
是我最喜歡的曲段.

中間的彎月會隨著舞者兩邊跑動而搖晃~

關於出嫁的一段.

中國, 就是人多!


官方簡介:
印象.劉三姐 官網
創作時間長達五年,演員人數超過700,全球最大的山水實景演出《印象.劉三姐》于2003年3月在桂林陽朔正式公演。

大型桂林山水實景演出《印象劉三姐》是錦繡漓江-劉三姐歌圩景區之核心工程,由桂林廣維文華旅遊文化產業有限公司投資建設、我國著名導演張藝謀出任總導演,國家一級編劇梅帥元任總策劃、製作人,以及兩位年輕導演——王潮歌、樊躍的加盟,數易其稿,歷時三年半努力製作而成。她集漓江山水風情、廣西少數民族文化及中國精英藝術家創作之大成,是全世界第一部全新概念的“山水實景演出”。

演出集唯一性、藝術性、震撼性、民族性、視覺性于一身,是一次演出的革命、一次視覺的革命。

方圓兩公里的漓江水域,十二座背景山峰,廣袤無際的天穹,構成迄今世界上最大的山水劇場。投資建設造的目前國內最大規模的環境藝術燈光工程及獨特的煙霧效果工程,創造出如詩如夢的視覺效果。傳統演出是在劇院有限的空間裏進行,這場演出則以自然造化為實景舞臺,放眼望去,漓江的水,桂林的山,化為中心的舞臺,給人寬廣的視野和超然的感受。傳統的舞臺演出,是人的創作,而“山水實景演出”是人與上帝共同的創作。山峰的隱現、水鏡的倒影、煙雨的點綴、竹林的輕吟、月光的披灑隨時都會進入演出,成為美妙的插曲。晴天的漓江,清風倒影特別迷人;可煙雨漓江,賜給人們的卻是另外一種美的享受;細雨如紗,飄飄瀝瀝;雲霧繚繞,似在仙宮,如入夢境……演出正是利用晴、煙、雨、霧、春、夏、秋、冬不同的自然氣候,創造出無窮的神奇魅力,使那裏的演出每場都是新的。

演出以“印象-劉三姐”為總題,大寫意地將劉三姐的經典山歌、民族風情、漓江漁火等元素創新組合,不著痕跡地溶入山水,還原于自然,成功詮釋了人與自然的和諧關係,創造出天人合一的境界,被稱為“與上帝合作之傑作”。演出把廣西舉世聞名的兩大旅遊、文化資源——桂林山水和“劉三姐”的傳說進行巧妙地嫁接和有機的溶合,讓自然風光與人文景觀交相輝映。演出立足於廣西,與廣西的音樂資源、自然風光、民俗風情完美地結合,我們看演出的同時,也在看漓江人的生活。

劉三姐歌圩坐落在漓江與田家河交匯處,與聞名遐邇的書童山隔水相望。廣維文華公司與當地政府從歌圩建設一開始便達成了默契,既強調藝術的表現也高度重視環境保護,使整個工程建設與大自然融為一體。現在,歌圩幾乎全部被綠色覆蓋,裏面種植有茶樹、鳳尾竹等,加上所植草皮,綠化率達到了90%以上。其中,燈光、音響系統均採用隱蔽式設計,與環境融為一體,水上舞臺全部採用竹排搭建,不演出時可以全部拆散、隱蔽,對漓江水體及河床不造成影響。觀眾席依地勢而建,梯田造型,與環境協調,同時也考慮到了行洪的安全。就連所設的兩座廁所也引進南韓技術,建成目前全國最先進的生態環保廁所,廁所的污水並不直接排入漓江而是迴圈使用。另外,100多畝建設用地上,鼓樓、風雨橋以及貴賓觀眾席等建築散發著濃郁的民族特色,據建設單位介紹,整個工程不用一顆鐵釘,令人嘆為觀止。

觀眾席由綠色梯田造型構成,180度全景視覺,可觀賞江上兩公里範圍的景物及演出。觀眾席設位2200個,其中普通席2000個,貴賓席180個,總統席20個;演員陣容強大,由600多名經過特殊訓練的演員構成;演出服裝多姿多彩,根據各不同的場景選用了壯族、瑤族、苗族等不同的少數民族服裝;整個演出時間約60分鐘。

陽朔::聚龍潭

存放了很久的照片,
因為 size 太大,
要好得閒又無聊又記起佢至 upload 到.

打彩色燈的鐘乳洞,
先坐人手撐的船,
再行一段濕滑的路.
記得小時候都去過好幾個鐘乳洞,
那時媽媽拖住我怕我跌,
依家我拖住佢怕佢跌.


提親@七星岩

這個地方想寫好耐,
不過又懶懶閒...

七星岩在父母親的年代是很紅的景點,
他們當年也是在這裡作 pre-wedding 旅行的,
很前衛呢~


他也是在這兒靜雞雞的獨個兒跟爸爸說親的呢~
(我跟媽媽二叔二嬸走在前頭觀賞景色!)

包羅萬有

阿媽呢個月的新問題係: 你地仲有乜嘢未買呀?
我想: 住屋啩, 大部份都決定了.
她: 那我有冇呢? 金器呢? 子孫筒呢? 痰罐??!!!
我: well... 金器用番你當年嫁嗰件咪得囉, 千祈咪買子孫筒, 結婚之後都唔知放係邊呀?? 俾去包羅萬有利是得啦, 千祈唔好買啲無謂嘢, 全部利是 ok 啦!

真感謝那個發明 <包羅萬有利是> 的人, 勁有腦!

媽: 啲茶客成日問我有冇未準備, 有呢樣嗰樣咁, 最緊要唔好失禮人.
我: 有乜嘢會失禮呢? 你同人地講: 你個女好本事, 啲嘢佢攪掂晒!
媽: ......

哈~ 哈~~

Saturday, July 25, 2009

閃石拖鞋

是工作時順路見到的小店.
在棉登徑麼地道交間, 名叫 '千金'.


這雙將會帶到蘇梅襯婚紗的平底拖, HK$70~
小店還有涼鞋款的閃石高跟鞋,
出得大場面架!
最貴的款式都只不過 HK$190!
都要叫媽媽都場買番對先~

芝士蛋糕

多謝林芍芍給我的菜譜.
簡單易整.
沒有食死陳星星 :)

美式芝士蛋糕
材料:
1. 麥維他消化餅 8塊
2. 沙糖 約4安士
3. 牛油 4湯匙
4. 芒果味啫喱粉 1盒
5. 魚膠粉 1湯匙
6. 芒果 數個
7. 卡夫Cream Cheeses 1盒
(Philadelphia Cream Cheese – 250g)
# 芝士為銀色紙盒,盒上註明造蛋糕用
PHILADELPHIA CREAM CHEESE CAKE AS EASY AS

做法:
1. 先將餅乾整碎,然後放入攪拌機中打碎5分鐘;
2. 將餅碎倒入碗中,再將煮溶的4湯匙牛油混於餅碎中攪均,然後用平底羹壓平於紙盤內,放入雪柜雪凍20分鐘;
3. 魚膠粉放入8安士熱水中,攪溶後加入4安士沙糖,然後與芝士一齊放入攪拌機內拌2 - 3分鐘;
4. 將(3)倒入餅底上,放入雪柜雪凍30分鐘;
5. 將芒果切片,鋪上(4)之蛋糕面;
6. 啫喱粉用8安士熱水攪溶後,倒在(5)之上,放入雪柜雪凍2 – 3小時即成。


用咗菠蘿味的啫喱粉,
冇用鮮果,
份量隨心, 沒有跟足.

分開三層.
材料全部現成, 味道冇可能有問題.
芝士層有啲實,
可能因為手動,
屋企冇攪拌器,
真係要買一個至得.

下次要試:
啫喱粉溝埋芝士做一層.

哈利波特 混血王子的背叛


每一集的哈米波波我們也一起看,
今年也不例外~

因為片長關係,
大部份的戲院都開場得比較早於 7.00pm,
兄弟們都未能趕及.
得知銅鑼灣區只有總統戲院於 7.40pm 開場,
唸住早一日上網買飛,
但係發現總統係冇得上網買飛嘅!!
亦都得電話購票!!
結果當日六點至去買飛,
仲有三分之二的票,
我地四個人都可以坐中後排的中間位置~

關於齣戲呢...
冇咗好多好多書的劇情囉.
文戲比較多,
成日講感情線嘥晒啲時間,
打多兩場交好過啦!

官方簡介:
哈利波特 混血王子的背叛 (IIA)
153 分鐘
導演: 大衛耶茲
演員: 丹尼爾域基夫, 魯拔格連特, 愛瑪華生, 占伯班特
英語對白,中文字幕
7月15日上映
佛地魔進一步在麻瓜及巫師的世界中施展他的魔爪,而霍格華茲亦再也不安全。哈利懷疑學校中有佛地魔的內鬼在作祟,但是鄧不利多則忙於讓他準備快將來臨的最後一戰。 二人合力尋找打敗佛地魔的關鍵,而鄧不利多亦召集了他的舊戰友及同袍赫瑞司‧史拉轟教授,相信他掌握著重要的線索。而同時,學生們則受到不同敵人的襲擊,在校院內引發起很大的怨憤。哈利發覺自己跟丁.湯瑪斯一樣,越來越被金妮吸引。榮恩則成為了文妲.布朗的對象,但是他卻誤吃了羅咪.凡的愛情巧克力而中了她的魔法,這些都讓妙麗心生妒忌,但她卻把自己的感覺藏於心中。校園中只有一人沒有被情所困,他專心致至地要成功揚名,縱然是投靠黑暗的勢力……雖然愛情正在他們中間慢慢滋長,但是亦有著悲劇他們面前等候著……霍格華茲將不會再如從前一樣...

婚紗::沙灘用

這件婚紗的命運將會流落在蘇梅小島上.
從淘寶淘來的貨,
只需人仔350 + 運費15.

包裹.
沒有意思為這間貨運公司作宣傳.
很奇怪的,
今天打電話來說會給我速遞,
但結果第二天才到,
是那門子的速遞??

一包婚紗,
一包裙捧, 手套, 頭紗.

長過手睜的手套,
簡單的頭紗, 或者我可以加條喜歡的喱士邊 DIY~

製成品.
便宜的東西,
當然質地很遜!
很薄很尼龍啦.
不過只供上鏡用也不錯 :)
到蘇梅之前也不會熨它一下啦.
不是度身訂造的,
有兩條拉鍊作兩個尺碼.
胸線的摺沒有相的漂亮,
裙長度呢, 我 165cm 高,
沒加裙撐時就剛剛好,
但穿上高跟鞋便會過短了.

官方簡介:
颜色:纯白色/象牙白
质地:款式新颖,做工精细,保证质量,欲购从速!
款式:抹胸无拖,本图片为实景拍摄,保证实际效果与样品的一致。
所有婚纱礼服的尺寸都是均码哦,成品衣服尺寸是:成品尺寸是中码的腰围尺寸是2尺的,有很宽的缝可以放大到腰围2.3尺,相当于大码。可以缩小到腰围1.8尺,相当于小码。
尺寸:腰围66厘米(63.5-76.5厘米)胸围86厘米(80-91厘米)括号后面跟的尺寸是可以缩放的范围,只要在这个尺寸范围内的,都可以穿的.在衣服的接缝处留有很宽的收缩缝,只需要在当地的缝纫店改一下就可以了.如果需要定做的朋友要加三十元,不想定做就拿回家改下喽!大尺码加四十元!
胸围:胸部最丰满处的水平围度/腰围:腰部最细处的水平围度/臀围: 臀部最丰满处的水平围度.

Wednesday, July 22, 2009

冇大志vs唔上進

媽媽總是笑笑口的說我是個冇大志的人.
老闆也常笑笑口的說他是一個有本事但不太上進的人.

我們都喜歡舒舒服服, 跟著自己的步伐走著.

但作為一個仲介人員, 是太懶了吧??

殺人犯


終於都睇咗啦~
個個都睇晒啦...
同事話結局出人意表,
所以一路都唔肯透露劇情,
仲叫我唔好睇影評添!

結局都真係好估唔到,
亦拍得非常懸疑,
好嚇人!
但係好奇怪點解咁都唔算三級片?
血唔多啫,
但意識不良喎??!

未成魔前的郭富城做得好好,
看得出他內心的掙扎,
那對眼...
很厲害~
成魔後就好好--笑!
有點 over-acted 囉.

故事簡介
《殺人犯》由金馬影帝郭富城聯同台灣新進女星張鈞甯、演技派演員張兆輝、何超儀、錢嘉樂、陳觀泰和黃又南,加上新進導演周顯揚及《霍元甲》、《不能說的秘密》實力編劇杜緻朗共同合力打造警匪懸疑之作。
凌光 (郭富城 飾) 是一位年青有為的重案組總督察。他是警隊中的模範人物,入職多年屢破奇案,更即將晉升警司,堪稱最有前途的「未來警隊一哥」人選。凌光擁有幸福的家庭:妻子程希愛 (張鈞甯 飾) 美麗溫柔、兒子活潑可愛,一家生活品味優雅。一幅美好人生的圖畫,卻因為一宗連環謀殺案而完全改寫!
凌光於調查一宗連環謀殺案期間突然昏倒,醒來後,不但發現自己失去了短期記憶,更發現他的好拍擋竟然死於同一現場,而他的拍擋更成為近日「連環放血凶案」的第三個受害者!兇手每次都用最殘暴冷血的手法,令受害者被放血至死!而兇手每次殺人後都消失得無影無蹤,令警方完全束手無策。
凌光升級在即的時候遇到這宗香港歷史上最殘暴的兇殺案,他自然不惜一切,全力緝捕兇手,更要還他死去的好拍擋一個公道。但在查案的過程中,他竟發現每一條線索、每一個證據,都接二連三地指向他就是兇手!他越深入追查,他的嫌疑竟然越來越大!凌光的短期記憶亦未能恢復過來….而逐漸連唯一可以信賴的證據 - 自己 - 都沒法證明他的清白!
一步一步地,凌光被迫向瘋狂崩潰的邊緣!到底…..他是不是兇手?

導演 : 周顯揚
演員 : 郭富城、張鈞甯、張兆輝
片長 : 120 分鐘
級數 : IIB
語言 : 粵語及普通話 (部份) (中英文字幕)

Tuesday, July 21, 2009

羅浮宮::揀衫

時間實在過得好快,
又到月尾,
將會去羅浮宮影相,
但係我實在零減肥??
冇得執相的情形底下,
啲相一定好!恐!怖!

首先要多謝得閒的阿玲陪我去揀衫,
不過都好簡單啫,
只得一件婚紗, 一件晚裝.
但係約阿玲就要做多少少,
約佢 2.45pm 係金鐘等.
先要 1.00pm 打去睇吓佢醒未,
然後 2.15pm 去睇吓佢出得門口未~
3.30pm 要去到九龍塘羅浮宮.
結果...
大家預咗啦,
遲少少都尚可接受.
因為佢搭咗的士~ 哈哈~~
所以即時原諒咗佢 :D

由 Tina 接待我地,
好好笑容,
好好招呼.
(因為今日唔需要洗錢.)
婚紗同晚裝各可以試五件,
各有四本相簿的選擇,
都是比較舊的款式 :(
仲有 N 年前的郭可盈結婚系列!!
最後多口問多句仲有冇其他,
佢地竟然攞本最新的徐淑敏系列俾我揀.
揀得落手的選擇唔多,
第一輪每樣只揀到兩件可以一試!
好辛苦咁先集齊五件比較有啲興趣.

最後婚紗揀咗一件比較宮廷式,
low-cut 心型胸有裙撐的公主裙,
喱士部份是金色的.
晚裝也是普通的 low-cut 一字胸.
上身繡線, 下身多層鋼紗,
最特別係紗的部份為漸變色,
由深紫褪至白色, 有小量閃片.

未買 girdle,
廢事浪費金錢,
揀咗衫再算~
自己覺得冇 girdle 都得,
但係 Tina 就話有就好啲,
所以都要買架啦.
另外係卓悅就買咗假眼睫毛同粉樸.

場景方面,
當時見到就比較鐘意:
扮教堂,
扮涼亭,
扮音樂盒,
LOVE 閃燈.
網頁有相.

星星堅持唔加相,
我要努力抵禦引誘~~~

Sunday, July 19, 2009

蝸居::主人房

主人房零特別,
冇床只有床褥,
唔影相啦.

另一個衣櫃,
那個位置剛好是一個凹位,
只需加上櫃面.
裡面只有兩條鐵通,
掛滿衣物.
沒有梳妝台,
只有多一個 ikea 櫃桶放置小物.
黃橙色的紗簾加添一點色彩,
也是翟度翟的產物,
另有一組是藍色的,
原本的設計是內裡可藏小燈泡,
很浪漫的說.
可惜我不是個浪漫的人,
燈泡已放在一角.

櫃頂上的 Elmo 同 Cookie Monster,
你估吓佢地有乜用途?

蝸居系列全文完 :)

蝸居::書房

沒能給它影一張照片,
因為實在太雜物房太亂,
不便出鏡 :p
四方型的房間,
兩個大櫃加一大張書桌.

書桌只是簡單的購自 ikea 一塊板兩隻腳.
以前讀碩士的時候放滿參考書.

兩大個黑色文件櫃,
購自天后二手公司傢俱店,
店東說是德國製, 鋼水較好, 較實淨.
事實亦重量十分,
兩個大男人都未必搬得起.
貼上從 fellisimmo 日本空運訂來的膠貼,
改變原本黑沈沈的感覺,
是我跟媽媽合作的成果.
一個放書, 一個放衫.


書房的蝴蝶窗簾,
小房的窗比較細,
原本想在書房工作的時候仍然有自然光線,
還能看著蝴蝶翩翩起舞,
感覺輕鬆寫意.
後來完成學業換了小巧的手提電腦,
都唔會再入去坐.

蝴蝶近鏡.
其實上次給它清洗的時候已經爛咗 :(

不過書房已完全變成衣帽間,
衫天衫海的,
書枱上都已全放了衣物.....

蝸居::洗水間

買的時候舊業主還沿用原裝的新樓附送的洗手間設備,
很嚇人...
我全屋破舊立新,
無論水管電線, 潔具廚具,
全部由頭從來.

洗手間最重要係一大片的鏡子 :)

地方淺陋,
師傅建議改為敞門,
洗水盤右方加上層架,
不過層架太亂, 冇影相.

毛巾獨愛七彩的 Tsumori Chisato,
不愛浴缸,
原來的位置改做企缸,
加上兩層三角架放置護理用品.

大大個洗手盤,
唔怕四圍都濕晒.
最唔鐘意那些碗型懶靚的設計,
上同下都要抹.

洗手間的磚,
用咗最多時間搵的部份,
行咗好多次駱克道, 還有旺角朗豪坊前唔知乜嘢名的裝修街.
白底暗紋加上閃銀 border.
後來加上射燈,
暗紋感覺更出色.
地板的磚也自認為很搭配,
是深灰的加閃粉. (可惜相片影得不好, 看不到那種低調的閃閃.)
磚的部份很貴,
都是意大利的貨.
不過洗水間地方不大,
都不會用上太多的磚,
豪小小吧... (自我催眠中...)

蝸居::廚房

原本裝修的時候是想原完改建為鞋櫃 / 衣帽間的,
後來家人朋友都說還是留下廚房比較好,
未來如果要出租都需要有個正常的設計.

每個配件大至櫃板,
細至手柄,
都是我的選擇.
(其實全屋都是我的選擇 :p:p:p)
我還記得大熱天時行著駱克道大肆搜購,
有些可以記下型號,
有些要自己重甸甸的搬回家中.

珍珠白色水晶板的廚櫃,
裡面全都是媽媽購物狂的大量廚房用品.
另白色 corian 面板,
不過時不時要漂一下.
洗手盤下留有洗衣機位,
但係衣服全拿到娘家洗熨 :)
牆身只用上簡單的白磚,
方便清潔.

那個抽油煙機是貴價貨,
吸力強勁,
幸好朋友介紹同時有強勁折扣,
買的原因只因好型~
實際沒有用過很多次 :p
Blog Widget by LinkWithin