Thursday, May 21, 2009

公告天下

在公告天下的層面上,
我地爭拗咗好幾次.

係未求婚之前,
唔想俾人知.
因為覺得我都未應承,
點同人地講啫?
人地問我佢點求婚?
點答呢? 都未做!
又唔想到時全世界人都知道然後俾壓力我囉,
好似一定要嫁咁,
同埋佢求婚都求得求其啲啦.
講真, 求婚真係好重要囉!

求咗婚之後,
又覺得應該俾大家知啦.
始終都係開心事,
過程中又可以其他人分享.
而且大家同一間公司,
想先俾老闆知, (某程度上的尊重啦.)
之後再同同事講.
依家路靜雞雞咁籌備好似唔見得光咁...
佢就覺得派帖的時候至通知都得啦,
佢地都係贈興啫.

呢個咪男同女的分別囉.
問題仍然未解決.
點講? 幾時講?

5 comments:

BABY said...

我贊成早D講, 早D講比個心理準備人, 到派帖時先講, 人地收到會覺得好ODD.....仲有如果人地唔想來, 唔知點樣同你講!

Jellyfish said...

我覺得起碼老細要早啲講!

Anonymous said...

xxx

芷蔚 said...

理論上應該佢同老闆講, 但係佢又覺得老闆邊理得咁多員工? (但係我覺得佢係度做咗咁多年, 至少老闆一定記得佢個名先啦...)
咁佢一路唔同老闆講, 我就一路都唔可以同同事講, 咁囉. (佢又覺得同同事講先都無所謂咁囉...)

Jellyfish said...

老細係唔理得咁多.
但係你唔比面佢就唔得囉!
你話比佢一個知先,得佢覺得你尊重佢嘛!

Blog Widget by LinkWithin