Friday, May 22, 2009

中醫

因為人窮的關係,
都好一段時間冇睇中醫調理身子.
(長期服藥真係好貴架...)
不過既然結婚可以洗咁多錢,
冇理由唔整番好自己個身體先 :)

睇中醫比較煩,
因為要等執藥,
大包小包攞番屋企又煩又一陣味.
就算阿媽煲都要趕番屋企飲.
叫中醫嗰度煲咗攞走又要等個幾鐘!

就算以前有睇開 (係北角, 灣仔),
又或者各同學睇緊的中醫 (係太子, 銅鑼灣),
都覺得好遙遠,
廢時失事.

最後好懶咁揀咗公司附近的藥堂,
都做咗好耐架啦.
好處就係佢幫我煲,
早十五分鐘打俾佢,
佢就倒定出黎攤凍囉.

佢話我吸收唔好,
仲要由阿媽個肚開始先天不足的吸收唔好??
依家幫我集中的調理,
呢個月要日日飲,
下過月就飲三幾次就得喎.
(下個月咪同我講未調理好要再日日飲囉.)
佢的口才唔太好,
又或者我真係健康啦,
冇乜特別嘢講過.

依家四劑藥加診金 $620.
星期六, 日唔開要帶暖壺返屋企番熱.

藥方唔係好睇到,
有甘草,
生地,
熟地,
丹皮,
麥冬,
生羗.....
係睇到咁多 :p
(個個中醫都龍飛鳳舞架囉!)
苦到暈!

2 comments:

Jellyfish said...

你用既藥材我啲方都有噃!
似乎大家都係咁常下.
都係寒底+脾胃差.

芷蔚 said...

但係佢話我唔駛戒口喎,
淨係冬天食少啲白菜仔同黃芽白, 夏天食西瓜都得.

Blog Widget by LinkWithin