Monday, May 18, 2009

禮金

男家選址灣仔十八溪,
對唔住都要講句.
真係幾難食 :p
仲要超多味精.

原意係兩家見個面,
簡單食個飯.
點知最後都要講禮金??
明明講咗唔講架麻 @_@

禮金係一個好尷尬嘅問題.
我講咗個數你係咪一定俾到先?
定係街市買餸: '五蚊.' '唔得, 五個半.' '五個三啦.'
講得多又好似賣女,
講得少個女又好似唔值錢.

最緊要係:
禮金同擺酒嘅錢一樣.
唔係男家俾,
新郎俾.
結咗婚之後新郎嘅錢咪即係新娘嘅錢囉,
即係佢嘅錢咪等於我嘅錢囉.

老豆,
我想慳得一蚊得一蚊,
你唔介意架呵?

1 comment:

BABY said...

係囉...佢地都唔諗下"唔係男家俾,
係新郎俾."

Blog Widget by LinkWithin