Sunday, May 31, 2009

MUA::又失敗

終於去咗試妝,
答案係, 勁失敗!

因為我大細眼,
一隻雙眼皮, 一隻單眼皮,
加上特大黑眼圈!
呢個比較麻煩,唔容易.
尋日個姐姐就真係唔識整啦,
整三次都係超級大細眼,
個黑眼圈仲大過平時!

髮型呢,
真係要搵間有好多頭飾. (cathleen, 你啱!)
我頭髮又少,
又鐘意簡單高貴,
一般都係梳個髻,
係有個誇張的頭飾先至錦上添花!

整極都整唔好,
整咗我四個鐘!!! (一般都係兩個鐘之麻...)
嘥晒啲時間!

又再上路...

Wedding Shoes AGAIN!

搵對靚的 wedding shoes 好難!
冇辦法,
金都型閃閃鞋真係唔係我杯茶!

我的要求話難唔難, 話易唔易:
至少三寸,
要幼踭,
絹布,
密頭,
尖頭,
白色.
NO 閃石.

大家講得到名的大部份有售晚裝鞋的地方我都行過:
Lane Crawford, Seibu, Joyce, Manolo Blahnik
Harvey Nichols, Jimmy Choo, Roger Vivier, IT,
On Pedder, Salvatore Ferragamo, Miu Miu, Prada
Celine, D&G, Stella McCartney, Dior, Gucci.....
行到嘔電!!
不過都冇合心水.

依家上網睇到好幾個網頁都 ok:
Yoox
Bellissima Bridal Shoes
Weddings2go
--------------------------------------------------------------------

Thursday, May 28, 2009

裙掛::美華

又了結一件心事.
因為上次同阿哥係金都樓下租裙掛,
好多款式,
不過鐘意嘅就件件都冇期!
所以到自己的時候就早啲去租啦.
但係我就唸住去上次買過嘢的美華租啦.
我明白金線多代表富貴啲,
不過個人偏好較多紅色.

美華平啲,
不過款式就得六款,
再分平腳同波浪腳.
掛王就全件繡金銀線,
係好貴氣,
不過總係覺得裙掛應該有紅色.
店東介紹掛后,
有少少紅色,
八成繡線.
但係我都係鐘意大五福,
六成繡線咁,
比較大體啲.
仲有小五福,
四成繡線啦,
不過太多紅色,
我著就好妹仔囉.
之後就什麼富貴xx咁,
釘珠仔珠片,
完全唔得.

我揀咗大五福,
媽媽就揀咗棗紅色嘅大五福.
三日兩夜,
$1130,
仲送多咗睡衣俾我添,
因為款式唔多,
唔使 30 分鐘就攪掂!
舒服晒~

又到咗落雨的季節,
又到咗心思思想買雨靴的季節!

Wednesday, May 27, 2009

平到震

咁啱睇樓遇著開倉,
兩折 or less!
CNC / Just Cavalli / Galliano / Exte...

男女裝都有,
一折或者二折!
鞋就全部 $150!

我買咗兩個袋俾媽媽&阿嫂,
Just Cavalli @350. (原價@3500)
Galliano @275. (原價@2750)
一件背心,
Galliano @200. (原價@2000)
一對長 boots,
CNC @150. (原價@5350)
一對紫色高跟鞋,
Just Cavalli @150. (原價@4850)

俾咗 $1125,
原價係 $18750!
即係 6%!!
痴咗線!!!

Tuesday, May 26, 2009

Wedding Shoes::Ferragamo

一早有 2k budget 俾 Wedding Shoes,
後尾又想慳得一蚊得一蚊,
唸住平平地做對著一次就算.
然後買咗件到腳眼的晚裝,
咁又見到對腳啦.
見到腳又冇理由著對 cheap 鞋架??
我一向對鞋都好注重架麻,
著得咁靚,
唔係對鞋出賣咗我呀??

尋日係 ferragamo private sale,
見到對金色絲綢的 10cm 尖頭幼踭鞋,
折咗 $1775.
唸咗好耐,
好似好貴咁就放棄咗啦.
返到屋企,
愈唸愈鐘意啦...
金色浮誇得黎好靚啦.
絲綢又好高貴啦..
10cm 又夠高啦...
尖頭又尖得好型啦....
絲綢包幼踭又幼得好 fashion 啦....

唉...
尋日 last day 啦...
(後悔死咗 :P)
幾時又折記得通知我啦...
唔該晒... 晒... 晒... 晒... 晒...

Monday, May 25, 2009

He's just not that into you

在這山, 望那山.
我想起你.
看著: He's just not that into you.
(by Greg Behrendt & Liz Tuccillo)
都有八成中架.

不過想深一層.
me too.
i'm just not that into you, too.
我都中咗八成 :p

ShoeGirl::follow-up

ShoeGirl 的鞋已經攞咗.
不過好奇怪好鬆,
(下次有機會都係買番 39.5 就得啦.)
咁小姐就幫我加鞋墊,
加鞋墊同出面街買有乜分別呢?
分別係佢唔係就咁加個鞋墊,
佢要先除去鞋底塊皮再放鞋墊再舖番塊皮.
即係其實都冇特別 :p
只不過你得到你想要的鞋面拼你想要的鞋底.

由於加咗鞋墊,
對鞋又變咗有啲迫!
咁著咗一日之就腳趾尾起咗水泡啦 :(

再過多兩日,
小姐又打俾我 follow-up,
咁佢好好話可以再攞番對鞋俾佢再整,
雖然唔知道可以點整.

售後服務認真不錯,
OL 款式選擇都唔少,
價錢就尚可,
有心情有時間都可以再光顧.

中醫::1st follow-up

四劑藥,
很快就過去啦,
又要去奉獻啦.
其實個人覺得呢四日都冇乜特別,
飲完藥仲有啲頭痛.
不過中醫係長期作戰,
所以決定俾多次機會佢.

佢就話我個脈像好咗??
話因為我以前的脾胃吸收唔好,
而家就調節中,
以後又唔會手腳冰冷,
血液循環又好啲嗰隻囉.

咁今次啲藥又好似唔同咗,
又四劑.
專登問咗個護士,
佢仲話: 講咗你都唔識啦~
係, 藥名我唔識,
不過我識上網!
川斷
川芎
紫玥
前胡
太子參
葉子
生地
熟地
甘草
山x子
夜xx
合頌皮
丹皮
生羗
仲有幾樣睇住都唔記得.

拖字訣

今天的事今天做,
不要留待到明天.

不是小時候就應懂得了嗎?
最怕事情沒完沒了,
又失眠. 想點?

Sunday, May 24, 2009

聖羅蘭::取相

尋日又上深圳,
大前題係去聖羅蘭攞製成品,
唸住順便去荀崗兜個轉,
結果落雨,
都唔周圍去啦.

製成品呢,
四大本相簿兩個相架真係好鬼死重架!!
好彩我有阿四! (唔該阿四 :))
亦都好彩我冇要大相,
如果唔係都唔知點搬?
我見到有人張相打橫好似成張清明上河圖咁大張囉!
個相簿質素就比我想像中好,
相紙同顏色都好,
不過排板同上色執相就非常一般啦.

除咗攞相,
我地去咗銀行開戶口,
咁以後係淘寶網買咗就方便好多啦~
仲每個月有五百蚊淘寶零用錢添!

但係真係好大雨囉!
唯有轉去後面按摩啦,
三 part 按摩, 超正~

Saturday, May 23, 2009

著唔落的 Vintage Gown

其實鐘意呢條多啲,
連頭紗 1 set 架.
不過 24" 腰邊著得落?
又改唔到,
唯有望梅止渴啦.





婚紗::Vintage Gown

我又買咗嘢 :)
呵呵~~~
唔知幾時著,
可能迎賓 / 送客啩?

最衰冇拖尾,
如果唔係一定係 The One 啦!




Friday, May 22, 2009

陳井井

繼差唔多讀音的名字,
即係楊揚, 郎朗嗰啲,
我地想出陳振塵同陳層震之後.
近來叠字名的名人二代好興,
好似薄瓜瓜, 李禾禾, 薩頂頂同萬寶寶咁.
用啲九唔搭八的字做叠字名.

佢就話不如叫陳井井!!
意謂井井有條喎~
乳名叫瓜瓜,
(name after 薄瓜瓜. 薄瓜瓜好叻啦!)
而且 bb 一定成日呱呱嘈喎!
仲話瓜瓜同井井男女都用得 :p

中醫

因為人窮的關係,
都好一段時間冇睇中醫調理身子.
(長期服藥真係好貴架...)
不過既然結婚可以洗咁多錢,
冇理由唔整番好自己個身體先 :)

睇中醫比較煩,
因為要等執藥,
大包小包攞番屋企又煩又一陣味.
就算阿媽煲都要趕番屋企飲.
叫中醫嗰度煲咗攞走又要等個幾鐘!

就算以前有睇開 (係北角, 灣仔),
又或者各同學睇緊的中醫 (係太子, 銅鑼灣),
都覺得好遙遠,
廢時失事.

最後好懶咁揀咗公司附近的藥堂,
都做咗好耐架啦.
好處就係佢幫我煲,
早十五分鐘打俾佢,
佢就倒定出黎攤凍囉.

佢話我吸收唔好,
仲要由阿媽個肚開始先天不足的吸收唔好??
依家幫我集中的調理,
呢個月要日日飲,
下過月就飲三幾次就得喎.
(下個月咪同我講未調理好要再日日飲囉.)
佢的口才唔太好,
又或者我真係健康啦,
冇乜特別嘢講過.

依家四劑藥加診金 $620.
星期六, 日唔開要帶暖壺返屋企番熱.

藥方唔係好睇到,
有甘草,
生地,
熟地,
丹皮,
麥冬,
生羗.....
係睇到咁多 :p
(個個中醫都龍飛鳳舞架囉!)
苦到暈!

姊妹裙

其實唔鐘意大家著到一式一樣,
我想好似呢啲咁,
同一個色系,
各人有自己的喜好.


大家一齊灰色系 one-piece 短裙,
銀灰 / 淺灰 / 深灰 / 紫灰.....
好冇呢?

pics from iris 提供網址, Credit Crunch Bride

Thursday, May 21, 2009

公告天下

在公告天下的層面上,
我地爭拗咗好幾次.

係未求婚之前,
唔想俾人知.
因為覺得我都未應承,
點同人地講啫?
人地問我佢點求婚?
點答呢? 都未做!
又唔想到時全世界人都知道然後俾壓力我囉,
好似一定要嫁咁,
同埋佢求婚都求得求其啲啦.
講真, 求婚真係好重要囉!

求咗婚之後,
又覺得應該俾大家知啦.
始終都係開心事,
過程中又可以其他人分享.
而且大家同一間公司,
想先俾老闆知, (某程度上的尊重啦.)
之後再同同事講.
依家路靜雞雞咁籌備好似唔見得光咁...
佢就覺得派帖的時候至通知都得啦,
佢地都係贈興啫.

呢個咪男同女的分別囉.
問題仍然未解決.
點講? 幾時講?

姊妹

今日係部落格見到人地講姊妹團,
有人不停俾人 reject,
有人好 official 咁整張邀請咭俾大家,
有人做咗一系列姊妹衫但係到大婚嗰日啲姊妹竟然冇著!! (遺憾終身啦!!)

我都好似冇 official 咁同大家講,
因為大家都心照無論邊個結婚咁其他人就會做姊妹架啦.
而且大家都非常幫忙,
又隨和的俾我選擇大家的服飾.

也要說聲: 謝謝大家呢~
不過...
如果大家對於玩新郎的環節更努力一點就更好啦~ 呵呵~~

鞋與襪

從不否認,
我愛以貌取人.
指的不是樣貌,
意指儀表整潔度.

很怕一雙鞋面擦破的皮鞋.
很怕男生唔擦鞋.
很怕鞋帶與皮鞋不配合.
很怕鞋底磨蝕不平均變成四十五度角的斜踭.
很怕一身黑色西裝配搭啡黃色的皮鞋.
很怕黑褲黑鞋但配白襪.
很怕西裝人配船襪.
很怕一除鞋見到對襪穿咗個洞.

以上種種,
都令到原本一身靚西裝的你都暗淡無光,
觀音頭掃把腳唔係女人的專利.

Wednesday, May 20, 2009

怪客

呢個係我出街影相一個唔覺意遇到的租客,
係租客, 唔係我的客.
萍水相逢,
交談不超過十分鐘.

工作關係交換咗卡片,
當日已經 sms 請我飲咖啡,
外國人請飲嘢一啲都唔出奇.
所以都冇放係心.

今日又電郵我:
So tell me - what sort of coffee do you go for ?? Are you a latte, capuccino, americano or more of a regular coffee person ?? Or do the two years in Australia mean you're more of a long black or flat white sort of girl ?? Or there is of course a chance that you are one of these eco-friendly greeen types that goes into Starbucks asking for a decaf, skimmed, soya milk latte ........... which to me is almost as bad as going to a pub and asking for a glass of alcohol free wine ;-)

用咖啡比喻人生?
你估你陳豪呀?

眼部按摩 @ Giorgio Armani

iris 收到 Giorgio Armani 的邀請函 (即係信用卡嗰啲.)
可以帶一個朋友一齊去試,
當然我就最得閒兼攪攪陣啦:
體驗新出的 eye cream 同 lasting silk UV foundation SPF20 啞緻無重妝效.
有速效黑矅石按摩同 Armani Foundation lesson.

招呼我的櫃姐叫 Sue,
不過實在麻麻地,
iris 嗰個有心好多.

先用 Armani 的產品落妝,
再擦 toner,
兩個步驟都求其到我好懷疑佢有冇覆蓋晒我成塊面,
總係覺得淨係突出的位置有擦,
邊緣或者鼻翼兩旁的位置都冇掂過.

之後就擦 eye cream 啦,
重點係會跟一舊黑矅石做按摩.
講真,
試一次半次點知得唔得呢?
我淨係知個小姐幫我按摩完之後對眼紅晒 :(
好似紅眼圈咁,
好彩好快就消咗.

之後就 cream, make-up base, corrector, foundation, concealer 一條龍啦.
同樣地, 上 cream 又係求鬼其,
到 foundation 的時候呢,
用個掃好似屋企裝修上灰水咁囉,
快快手掃兩掃.
(之後 iris 解釋話呢隻 foundation 一定要用掃, 但係小姐冇同我講.)
因為我黑眼圈比較勁,
個 concealer 質地都唔錯,
不過好似都遮唔晒.
剛上完妝的時候都覺得 '啞緻無重',
好輕身的粉底.

小姐都有問我會唔會有興趣購買其中的產品.
不過我覺得一定要唸吓先,
一來太衝動一定會買錯嘢,
二來化妝物品一定要試吓夠唔夠持久.

而最後的答案係:
我唔會買.

因為我本身的皮膚就十級乾,
所以一定要用啲勁水份的妝物.
短短三個鐘頭之後,
全面的粉都浮咗上黎.
懷疑係佢地 skincare 的產品唔夠持久,
補濕能力唔夠,
又或者呢隻粉底唔適合我啦.

請記緊

從別人的部落格抄來的溫馨提示, 請緊記 :p
-------------------------------------------------------------
點樣可以有個難忘既婚禮?
難忘既婚禮不在於場地不在於佈置而在於---人
即係兩位主角新郎同新娘 !!
因為你既來賓就好似睇球賽既觀眾,如果你地好投入咁踢,佢地就會好投入咁睇,而 end up就會有好難忘愉快既婚禮 !!!
總結左佢地主持既婚禮,而得出寶貴既經驗提醒我地,而佢主要提醒左新郎個日好多細節 !!

正確方法是:
1. 老婆 march in 時唔好心不在焉,左顧右盼,而要面向走廊把目光一直盯著你的新娘子
2. 新郎要向前行迎接新娘子,還要和新娘爸爸說一些話才把新娘子接來,不要搶 !!
3. 全程要拖著新娘子,不要令她好像被人放置一旁,(其中有很多橋妙,怎樣可以不放手戴介子和走位等等)
4. 如用介指枕要想好綁法可以單手拿出介指以免拿不出來令氣氛變得不莊。
5. 新郎哥請辨別清那一隻是新娘的介指才拿起,因為很多新郎哥隨便拿一隻,最後自討苦吃,因為你的娘子是會硬把那小小的新娘介指戴入你的手指才肯罷休!!
6. 為了影相好看,不要遮住晒新娘子隻手,要用左手輕輕地托起她的左手,右手要要擒拿手咁拿介指。
7. 不要看著誓詞宣誓,你是在對新娘作出終身的承諾,請含情默默的望著她講出承諾 !!(沒有人提示的新郎請你背了這簡單的誓詞吧 !!)

我請在場各人見證:我XXX願意娶妳XXX為我合法妻子

8. 一定要帶新郎、新娘、兩位主婚人的身份證明文件正本。聽聞有D新老爺嗰日會換新銀包,不過裡面係無身份證架。
9. 頭紗太長掀起時要小心掀起時動作古怪,可以先用捲既手法捲到新娘既鼻既地方,再做掀既動作(試婚紗時不妨先練習一下)
10. 鍚新娘moment:新郎不要向前傾地kiss新娘,先不妨做下眼神交流,向前貼緊了新娘後再kiss,會自然d,鍚新娘其實係代表這個承諾、這個婚姻法律你願意加上火漆來遵守,是一個別在意義的一吻,所謂seal it with a kiss,請大家enjoy這一刻。
11. 以上咁多點新郎新娘最好多先預習幾次,practices make perfect

又月尾

時間過得真係快,
又到月尾.

好似一事無成...

Tuesday, May 19, 2009

婚紗::我的第一件婚紗

終於到啦,
訂造 20 日左右.
包到好似一個 cushion.

企領同婚紗係分開嘅.
手套同頭紗係送嘅.
質地很好,
非常雪白
尺碼亦準確,
不過唔夠我想像中的 vintage.
(相的黃色一撻撻又係因為屋企枝燈!)

唔緊要啦,
我仲要做多兩件 :)


Monday, May 18, 2009

化妝服務

其實大部份的化妝專櫃都有化妝服務,
而且大部份都可以全數換回產品.
就啱平時有用開佢地的產品,
就可以有個免費的化妝啦.
適逢麥同學要做姊妹,
我地問咗好幾間:

Ipsa @I-place only
HK$500
Tel: 2831 4896

RMK @Sogo
HK$700 / HK$350 (no redemption)
Tel: 2865 0941

Christian Dior @Time Square
HK$500
Tel: 2110 0930

Laneige @IFC
HK$150
Tel: 2234 7008

Shu Uemura
HK$1000

Benefit @Times Square
HK$800
Tel: 3102 3690

Shiseido
Buy any 2 products

Giorgio Armani
HK$750

Laura Mercier @Times Square
HK$800
Tel: 2157 0729

Clinique @Sogo
HK$500
Tel: 2574 5822

MAC
HK$350 (no redemption)

幸運的我

在適當的時候遇上合適的人.
讓我晒一下幸福可以吧?

總有人在給你支持,
特別當你係條街度行到身水身汗攰到抽筋.

完全唔介意俾你鬧,
仲話專登俾機會你,
因為你鬧咗會舒服啲.
(我想佢有被虐待狂!)

自己非常節儉,
但係絕對捨得花錢在你身上.

食飯的時候縱容你叫到一枱都係,
然後有個人會同你食晒所有的餸.

無端端想睇貴價懶高尚音樂會舞台劇馬戲團,
佢又俾錢你去買飛陪埋你去睇.

做個表情,
已經有人知你個心唸乜.

唔一定要叫你煮飯,
但係佢絕對會洗碗,
而且自己會熨衫擦鞋.

明知你購物慾旺盛銀根短缺,
佢仲繼續俾你行街花費.
(當然如果佢結賑就更好.)

去自遊行旅行都舒舒服服相安無事,
你想去邊佢同你安排,
仲要自己想去的景點都放棄而俾你返酒店瞓個晏覺.

冬天的時候有人瞓暖個被窩至叫你入去,
你仲可以將凍冰冰的腳板放到佢個肚腩上面又唔會要你走開.

總會拿起廁所板,
然後更會清潔一下.

任何時候都讚你叻!
出街買到嘢又叻,
瞓覺瞓多兩個鐘又叻 :p

謝謝您 :)

Mod's Hair Volumn Up 空氣感‧蓬鬆髮洗髮乳


這個是那天很想很想買洗頭水但又要包裝美觀而係萬寧選擇的產品.

盲中中購買的時候的意見:
黑白的簡單包裝,
四方形柱狀.
(我買的是普通裝, 照片的是家庭裝.)
Loreal 旗下產品,
差極有限.
有別於平日的 乾性髮質, 中性 同 油性,
佢用 Volumn Up 同 Volumn Down 黎區分,
咁 Volumn Up 好似好適合我啲懶頭髮,
可以恢復彈性.

用後意見:
捽兩捽就起泡,
用一個一蚊銀的份量,
長髮用已經夠晒.
淡淡的菠蘿清香,
很 salon :)
彈性好似都唔錯,
唔似以前咁貼住晒.
不過唔係間間萬寧都有得賣,
我尋晚去筲箕灣東大街同柴灣新翠店都冇.

產品特色:
1. Volumn Up 空氣感‧蓬鬆髮洗髮乳 
◆添加獨特髮質修護成分
◆低分子量水解蛋白配方
◆頭髮能夠恢復柔軟的彈性,卻不減少蓬鬆髮靈活

2. Volumn Down 無燥感柔順髮洗髮乳
◆含高階保濕氨基酸配方
◆以豐盈保濕成分柔順僵髮質
◆自然的保濕潤澤直到髮尾

3. Heat Salon Esthetic 熱進化沙龍質感洗髮乳
◆含氨基酸修護配方
◆更能深入滲透修護髮梢
◆深層修護易損傷的髮梢末端

官方網頁
Mod's Hair

禮金

男家選址灣仔十八溪,
對唔住都要講句.
真係幾難食 :p
仲要超多味精.

原意係兩家見個面,
簡單食個飯.
點知最後都要講禮金??
明明講咗唔講架麻 @_@

禮金係一個好尷尬嘅問題.
我講咗個數你係咪一定俾到先?
定係街市買餸: '五蚊.' '唔得, 五個半.' '五個三啦.'
講得多又好似賣女,
講得少個女又好似唔值錢.

最緊要係:
禮金同擺酒嘅錢一樣.
唔係男家俾,
新郎俾.
結咗婚之後新郎嘅錢咪即係新娘嘅錢囉,
即係佢嘅錢咪等於我嘅錢囉.

老豆,
我想慳得一蚊得一蚊,
你唔介意架呵?

Sunbath

我家西斜,
一到夏天就勁曬兼勁熱,
特別係主人房的位置,
超好太陽!!

唔關窗簾可以正正來個日光浴~
星期日想黎個午睡都要擦防曬!

不過可以開太冷氣曬太陽其實都幾爽~~~

Sunday, May 17, 2009

47203

今日遇到一個怪騎警.

出去飲茶的時候,
係停車場門口突然有架的士走出黎,
二叔大力的踏了一吓 brake,
有個騎警見到,
然後又慢駛眼超超咁望住我地架車,
全程東區走廊跟住晒,
都唔知想點.

回程的時候,
咁好彩,
又見到佢!!!
今次開喇叭叫我地駛埋一邊.
做乜呢?

原來佢 charge 我地後座乘客無用安全帶!
咁咪俾佢抄囉.
最嬲係佢話今朝已經俾咗警告我地.
眼啤啤就警告啦?
我有讀心術呀??
我覺得你好唔 professional 囉!

結果咪得到張價值 $230 的告票囉.

南京!南京!

都唔知點解要睇啲咁沈重的史記.
不過結果拍得比我想像中冇咁沈重,
很多事情都輕輕帶過,
心裡面知道事實比影片更沈重一萬倍.

只能說:
活著真好,
活在歌舞昇平的年代更好.

暑假有好多戲一定要睇:
哈利波特–混血王子的背叛,
冰河世紀 3 大威龍駕到,
少女香奈兒,
變形金剛狂派再起,
未來戰士2018.
邊個去睇快啲舉手!

南京!南京! (IIB)
131 分鐘
導演: 陸川
演員: 中泉英雄, 范偉, 劉燁, 高圓圓
普通話對白,中英文字幕 1937年的12月南京城破開始。儘管有大批的國民黨士兵潰逃出城,但也仍然有大量不願意投降的士兵留了下來,在這座城市的街頭巷尾展開了無望而慘烈的抵抗。其中就有國民黨精銳部隊一員的陸劍雄(劉燁)。在抵抗最終失敗,數十萬中國人的鮮血終於染紅長江之後,南京全城淪為一片死地。唯一尚有生機存留的,就是位於金陵女子學院的“安全區”。在這裏,大量的難民因為拉貝的“納粹”身份而暫時獲得了喘息的機會。而實際主持安全區難民工作的,則是拉貝的秘書唐先生(范偉)和歸國女教師姜淑雲(高圓圓)。但是,在日軍的眼中,所謂“安全區”,只不過是一個囤積了大量女性資源的“倉庫”。最後,中國的女人們用她們的身軀拯救著隱藏在難民營的男人,也在拉貝面前書寫了一段中國人堅強的歷史。

Saturday, May 16, 2009

進度表::16May

婚禮日期: 2009 年 11 月 7 日
註册地點: 紅磡都會海逸酒店 The Patio 11.00am - 3.00pm

婚妙/婚禮當日攝影
婚紗相: 羅浮宮(酒店送coupon, 20/7 揀衫, 27/7 影), 聖羅蘭 (23/5 攞相), Donudes (8/11 影)
婚禮當日攝錄: ForStarProduction

新娘
婚紗: 淘寶網, 已訂, expected @22May
晚裝: Moschino Cocktail Dress, or??
晚裝鞋: 訂造
裙褂: 未睇, 金都
頭飾及飾物: 淘寶網 (未訂) or MUA 包?
花球: Amanda1986, 已訂, expected @23Aug
化妝造型: Unique Image (30/5 試妝)

新郎
禮服: 陳師傅
恤衫: 陳師傅
皮鞋: 平時返工嗰對

兄弟姊妹
伴郎: 未決定
伴娘: 未決定
兄弟: Jay, Lawrence, Victor... ???
姊妹: Iris, Jo, Sum, Ling, Cindy
宴會MC: Jo & ???
女家統籌: 未決定
男家統籌: 未決定
媽媽服裝: 裙掛
爸爸服裝: 未決定
奶奶服裝: 裙掛
主人家襟花: 嘗試自製中
兄弟服裝: 未決定
姊妹服裝: 未決定
兄弟襟花/姊妹手花: 嘗試自製中

接新娘/註冊
結婚戒子: 點睛品
花車: BMW X5
兄弟姊妹/親戚接送車: 750, 5552, 酒店 benz
花車佈置: 未決定
結婚公仔: 未決定 monchichi?
律師: 何廣榮律師
擬結婚通知書:8 月中做
結婚証書套: 未決定
戒指枕+羽毛筆: 未決定 (酒店有提供)
接新娘遊戲道具: 未決定
紅傘及睡衣: 未睇
Cushion及敬茶用具: 屋企有
利是封: 未睇
過大禮日子: 2009 年 9 月 20 日
上頭日子: 未決定
出門地點: 未決定
出門吉時: 未決定
入門地點: 未決定
入門吉時: 未決定

婚宴酒席
賓客名單: 有初步名單
賓客坐位表: 未決定
場地佈置: Carmoon or 酒店 package
Wedding Logo:未整
Wedding Theme:Vintage, Lace & Pearl. 白色 & 紫紅色
Reception 相架: Designing
March-in片頭: 未決定
婚宴音樂: 王若琳 Times of Your Life
嘉賓簽名冊: 未決定 (酒店有提供)
簽名筆: 未決定
酒水: 酒店提供, 額外買紅白酒
回禮小禮物: 未決定
Table Stand: 未決定
婚宴請帖: Joy's Card, 未整
請帖回禮利是:未買

儀式用品類/其他
當日 run down: 未決定
工作人員 task list:未決定
用品 packing list:未決定
嫁妝: 未買
中式禮餅券: 未買(奇華)
西餅券: 未買(美心)
過大禮用品:未買
上頭用品:未買
男女家對聯:未買
開門利是: 未傾
婚前檢查: 未book
回門乳豬: 未決定
新居: 未睇啱
蜜蜜月地點: 蘇梅 Six Senses (七月中 book)

上回

婚介::點睛品

行咗好多舗頭,
貴又睇過,
平又睇過.
現成的款式一路都睇唔啱.
唯一的要求係要鉑金.

最後都係回歸基本步,
一個圈咁零款式冇石勁平實的介指就算啦.
婚介都只係一個象徵意義放係神枱供奉啫.
不過咁平實都係冇得現成買架!

依家係點睛品訂造,
板面鉑金 900 (冇得造 950 囉).
我的濶 3mm,
佢的 4.5mm.
依重量計算,
等報價中.

小姐話我地選擇的濶度冇模,
所以全人手造,
都叫做獨一無二啦.
約六至八個星期起貨.
造咗個尺寸啱至刻字.

爸爸退出了

有天爸爸突然很歉意的跟我說,
他在決定不繼續經營工廠的時候沒有問過我的意見,
因為佢覺得女仔不太適合工廠的模式同埋要長時間內地工作.

其實當時答佢想又死唔想又死.
答想做,
但係結果可能做得唔好而且又有違爸爸想退出的心態.
答唔想做,
佢又可能覺得依家間廠好失禮你咩?
我心裡暗暗慶幸佢冇問我 :p

講真工作咗咁耐,
應該係我去唸究竟可唔可以照顧兩老冇工作後三十年的生活,
而唔係要佢地繼續擔心仔女未來六十年的起居.

佢最終的決定,
我地只可以幫忙分析利害,
而唔係左右佢的決定.

名義上由一個二世祖回歸打工仔,
更加需要努力一些.

Friday, May 15, 2009

DIY::手花 3rd trial

創作總監設計的手花+同學隻手.

Ikea 買的平價花球, 影相用.
簡單加工,
ling 友情客串攪攪陣.

總監無聊試製.
同學自稱 beau-ti-ful~

Thursday, May 14, 2009

華麗上班族之生活與生存

首演買唔到飛,
失望了好一陣子.
再演恆生優先訂飛,
買唔到最平的 $200,
又覺得 $320 好似貴咗啲.
(結婚真係令我覺得自己好窮 :p)
所以唸住放棄.

點知過咗兩日佢同我講 7 月 8 日千祈唔好約人,
又驚俾驚喜我得到反效果!
原來當我放棄的時候佢上網買咗飛喇~
呵呵~
--------------------------------------

華麗上班族之生活與生存
日期: 7月4-5及8-11日
地點:香港演藝學院歌劇院
演員:張艾嘉、鄭元暢、王耀慶、楊淇、朱宏章、謝盈萱、黃健瑋、莊凱勛、吳天葳、彭浩秦、林英杰
導演:林奕華
編劇:張艾嘉
《華麗上班族之生活與生存》 大綱
一場發生在"黑色星期一"的辦公室命案揭開了序幕,到底剛進公司的新鮮人李想是自己從100層的辦公室頂樓跳下去,還是被人推下去?誰會關心事件的真相?
金融海嘯造成辦公室裡人心浮躁,傳言公司最高層準備裁員,並終止上市計劃,就算現在當權的女上司張威也可能被撤換。 她的下屬個個虎視耽耽,大家在自保之余,也看誰能奪取女上司的掌門人地位。於是,眾人奇招盡出,在"喜、怒、哀、樂"間,展開一場辦公室裡殺人不見血的生存遊戲。
張威與劇中的每一個人物,如同每個現代人,面對的是無數"生活"與"生存"的難題與考驗,也許她面對最大的敵人正是她自己。當她手段用盡,犧牲身邊所有人而獲得"勝利"的那一刻,我們都在猜想她臉上那抹微笑的含義。華麗上班族之生活與生存

金融海嘯下白領浮世繪,一齣笑裡藏刀式悲喜劇。
看CEO張艾嘉如與同事、敵人、情人交手過招
如何掌控職場中的三個男人
20歲的菜鳥下屬鄭元暢
30歲的情人特助王耀慶
40歲的前夫總裁朱宏章
一齣引爆上班族幻想與慾望的舞台劇
林奕華:「生活需要聰明,生存需要智慧。」

序幕
畫外音:一個年青人走出,一手咖啡,一手公事包,他呵欠連連,眼睛睜不太開,一大口喝了半杯咖啡。
李想(鄭元暢飾):
我不知道什麼叫黑色星期五,我只知道什麼叫黑色星期一,每一個星期一是黑色的,因為又到了要上班的時候,星期二其實也是黑色的……星期三……黑的,星期四……有點灰……星期五(開始有點雀躍)……星期六(興奮)……星期日……星期一(痛苦起來)……如果把朝九晚五改成朝十二或十二點半晚三,每天上班下班就發薪水,分紅每個月分……我也不懂年輕人為什麼一定要從低層做起……我的名字叫做李想,李安的李,夢想的想,我今年24歲,我現在要去上班了……

官方網頁: www.eldt.org.hk

話劇
普通話演出 (設中文字幕)
節目查詢: 2893 8732
演出時間: 約3.5小時(設中場休息)

日月如梭

自從決定要結婚之後,
我覺得日子過得好快,
轉個頭又週未啦.
好多嘢做咁囉.

最早結婚

有一日,
媽媽突然好驚訝咁同我講: 你係全家最早一個結婚喎!
我心唸: 咩呀? 阿哥舊年咪嫁咗囉?
之後佢話: 我地全家都 11 月結婚, 你最早!

哦....
我 2009 年 11 月 7 日,
佢 1974 年 11 月 11 日,
哥 2008 年 11 月 23 日.

MUA::3

原來成個過程最痛苦就係尋找 MUA!
繼上次嗰個貨不對板改用大公司.
但係大公司都用啲 sales technique 去 'sell' 我,
一啲都唔似大公司!

一早已經打電話去問,
指定某一個 MUA,
三個造型,
八點到四點.
清清楚楚,
佢同我講 $5600.
叫我上去睇多啲 porfolio,
ok,
約時間去尖沙咀總店.

上到去,
將以上的說話再重覆一次,
佢都係答 $5600,
book 1 part 上午, 1 part 下午.
試妝費 $1200,
即時決定當日 MUA,
50% 回贈.
即係 $5000.
(點呀? 明明就 $5600, 試妝 $600, $1200 試妝曉飛呀?)

因為試妝費太貴,
同埋我都要同佢商量應唔應該俾呢個錢,
所以我話返去唸吓先,
咁就再問清楚 $5600 包啲乜?

個哥哥話 $5600 即係兩 part,
包兩個造型.
(吓?? 想點呢?? 明明講咗三個造型架麻...)
之後佢話三個造型要加多 $1200,
咁 $6800,
扣番試妝回贈,
即係 $6200.
(明明就 $6800 + 試妝 $600, 共 $7400, 我心水好清! 唔好以為咁講我覺得平咗!)
仲要冇頭飾供應同埋唔係跟足全程.

最後我地都覺得佢嘅消售手法令我地唔係咁舒服,
所以又再重新上路.

去咗百利走一轉,
好多個人的 MUA,
攞咗資料,
初步選定呢三個其中之一試個妝先:
Unique Image
Fancy Make Up Studio
Florence Make Up Production
估吓我鐘意邊個??

Wednesday, May 13, 2009

嘥氣

人愈大,
講嘢愈少.
有心情想講嘢都留俾有共鳴的人.
完全明白: 話不投機半句多.

Tuesday, May 12, 2009

DIY::襟花製成品

兄弟用.
十級簡單!
十級簡陋 :P

不過有色差,
屋企燈光偏黃,
明明係紫紅色架啦!

Deco::酒店提供

要開始唸吓當日的裝飾,
叫咗酒店俾晒所有佢地會提出的材料的相片作為參考,
不過到時某啲用品舊咗會換新嘅.

原裝 Reception Table

酒店送的簽名簿

畫架

羽毛筆 & 介指枕

Dummy 蛋糕

Toasting Glass

Centre Piece

金色枱布

金色椅套

象牙色枱布 (另有紅色選擇)

象牙色椅套 (另有紅色選擇)

另 Backdrop - 16’W x 8’H.

Monday, May 11, 2009

囍帖 ::Joy's Card

酒店送的禮劵,
唔知點用,
唔知有乜嘢款揀.
唔知整幾耐,
所以順路走一轉.

入去同店員講你係邊間酒店,
佢地會俾一個 box file,
裡面有約 50 款特價款式的選擇.
酒店包一個價錢,
不過雖然特價,
大部份都要加少少錢.
其實全場的款式都可以揀,
中式西式都有,
都係加錢啫,
豐儉由人.
如果中英文對照要加 $100 囉.

印刷加校對需時約五至六個星期,
一個月前開始派帖,
所以最遲八月就要整啦.

Joy's Card
地址: 灣仔夏門街 29 號
電話: 2898 2850

求婚::Cova

基本上平日佢都唔會約我晚飯,
因為我地已經全日都見,
收工一般都係各自回家晚飯.

星期四佢無端端話聽晚出街食,
本來都冇乜嘢,
點知係星期五晏晝佢再問多次: 你記得今晚食飯冇約人呀?
呢啲咪剎有介事囉 :p
所以一路都冇問去邊度食飯.

放工後佢話去銅鑼灣,
咁我話行路去途經灣仔睇吓帖,
帖就另文再講.

臨去到銅鑼灣佢同我講訂咗位去 Cova,
問我好唔好?
基本上無論去邊做乜佢都會問我好唔好,
雖然其實佢已經決定咗,
我都覺得備受尊重.

去到 cova,
叫支礦泉水 $75
佢話想飲杯 cocktail,
問侍應攞 drink list,
但係侍應話冇 cocktail list,
因為有幾百種冇可能列晒出黎,
只要我地講就有喎.
咁點呢?
我真係唔知飲乜咁點算?
之後侍應推介 nothing 俾我,
我話唔係我飲喎???
侍應再話有 volka cocktail,
佢揀咗 Volka Grapefruit $78,
當中的西柚汁好新鮮.

餐牌係意大利文的菜式加英文的解釋,
當攰攰地的時候真係唔多想睇英文 :p
睇極都唔入腦架.
都係簡單啲 dinner set 算啦,
不過都有三版紙...

快快脆點咗餐就可以食餐前包,
有 cheese stick, 麵包同薄餅.
cova 的橄欖油係出名嘅,
當然要食麵包點橄欖油啦.
佢就要cheese stick, 好鬆脆.
後來因為主菜遲遲未到我就試埋個薄餅,
芝麻好香不過都係鐘意麵包多啲.

我要三道晚餐(pasta) $448
佢嘅三道晚餐 (meat) $568

前菜: Lobster Tiramisu
Cova signature dish.
經理話呢個 dish 比較滯,
所以將我地各自的頭盤分兩份,
分兩道菜上.
賣相同 Tiramisu 差唔多,
都係用 lady's finger 同 mascarpone cheese,
不過加咗龍蝦肉撈埋一齊.
質感同Tiramisu差唔多,
但係味道就好鮮味~
好得!!!

前菜: Salmon Tartara
Salmon Tartara 就冇之前嗰碟咁特別,
不過個哈密瓜打成的 sauce 就好香甜.

主菜: Linguine with Giant Scallop (+$60)
帶子鮮甜, (但係得兩粒 :p!)
意粉的熟度剛剛好,
橄欖油又香,
係蒜片多咗少少.

主菜: Lambrack
我食咗好少,
但都好好味.

甜品: Cream Puff with Gianduja Source with wildberries
呢個甜品真係估佢唔到.
先將甜品碟放係裝滿乾冰的盤上,
上枱之前會倒水落乾冰上然後煙霧離漫!
好似仙境上的甜品~
然後全場人都望住我,
個個都跟住要點呢個甜品添!

甜品: Blueberry Panna Cotta
相對失色的甜品.
用香檳杯裝住,
上面係 Panna Cotta,
底下係 blueberry nectar,
唔係特別好味.

Latte $50
冇研究咖啡,
唔評論.

最後再黎一個杏仁脆餅 dip 甜酒,
好香,
不過飽得滯食咗少少.

埋單前佢攞咗介指出黎,
講咗要講嘅嘢,
唔同大家分享啦,
結果係個位太凍所以趣趣地應承住先啦.
(我記得你欠我啲乜架!)

盛惠 $1407.

Cova Ristorante & Caffe
地址 : 銅鑼灣希慎道33號利園商場1期地面G10店
電話 : 2907 3399
類別 : 意大利菜

造鞋::ShoeGirl

好想買多對吋半的黑色高踭鞋,
不過今年興極高或者平底,
吋半黑色的選擇極少.
麥同學幫趁開 ShoeGirl 話唔錯,
所以我都去試吓.

款式選擇多,
有唔同的皮料及顏色,
今次就揀咗黑色肚紋蛇皮配深紫色肚紋蛇皮包踭.
樣板係黑色羊皮配深紫色肚紋蛇皮包踭,
標價 $680.

揀好款式,
試個碼數,
會係咁易鈎畫腳型,
同量度腳背的厚度.
唔知係咪因為麥同學係熟客,
服務唔錯.
之後佢話我 40 號鞋要加 $100.
埋單 $780,
兩個禮拜收貨.

試鞋的時候無論試大一號或試小一號的尖頭鞋都唔啱唔舒服!
店員話因為我第四隻腳趾太長喎.
可能係咁所以同 Jimmy Choo 無緣啦.

離開小店一個鐘後,
店員再打俾我,
話我要改全對蛇皮再加 $100,
都 ok~
不過點解當時唔講呢?
有啲唔開心囉,
當時講或者可能揀過第二隻皮呢?
(雖然我係好想要蛇皮 :p)

到第二日,
店員又打俾我,
同我講個鞋底要黑色好唔好?
樣板係米色.
想點呢?
當時我地係間店都流連咗好耐,
點解唔問晒呢?
突然又俾多幾個選擇題我,
冇實物係手我都唔係好明你講乜囉???

你可以話服務好,
因為佢會打電話問清楚.
亦都可以話服務差,
因為佢當時 confirm 的時候唔問清楚!

ShoeGirl
地址: 銅鑼灣耀華街21號地下
電話: 2834 1023

Sunday, May 10, 2009

手花 2nd Trial

頭太痛,
食多粒 panadol 係屋企搵啲嘢做.
不過可能藥力太勁,
整完之後就頭暈暈...

明明唔係想用 '花' 做主題,
所以今次用多啲喱士.
少咗創作總監,
個人的完成品係吓上下架啦,
相片的角度都差啲 :p

某啲元素改個顏色好啲.
可能珍珠改金黃 / 粉紅色.
羽毛 / 絲帶 / 花瓣是但一樣改紫紅色.

MUA::2

因為造型少,
budget 比較充裕.
我懶,
決定搵大公司報價.
幾個級數,
每級幾人,
梗有一個啱嘅~

Mae Von Makeup Institute
Cala Total Image
Mee Wedding
Faces Make up Studio

頭痛...

食咗 panadol 都仲痛,
好似晒咗一日咁.

Saturday, May 9, 2009

報稅

又到咗一年一度報稅的日子,
公司會計部尋日俾咗張全年總收入的文件我,
好驚訝!!!

因為我地係底薪加佣金再加津貼,
一個月出幾次糧,
時多時少.
長期有錢洗所以從來都冇為意其實得到幾多??
年年都係到報稅的時間先知道平均月薪.

今年真係好奇怪??
工作都冇起色,
戶口又冇進帳,
又冇大洗咗.
點解係咁嘅數呢??
啲錢去咗邊呢??

Friday, May 8, 2009

結婚 blog

依家個個結婚都寫 blog,
記低最重要的時光.
這陣子的空檔都給了別人的 blog,
看看別人怎樣籌備婚禮,
分享經驗.

有些很甜蜜, 分工合作,
有些很勤勞, 四處找資訊,
有些比較不幸, 過程中跟另一半或家人鬧意見.
其實婚禮係第一個一齊處理的大 project,
而且理論上係最 sweet 最能互相遷就的一環.
如果婚姻都未開始就發現大家唔能夠溝通一齊努力一件大事,
相信未來的日子都比較難行一點.

我呢,
算比較幸運.
佢意見比較少,
一般都係我講佢做,
佢又係個有交帶的人,
所以分配工作俾佢都好安心 :)
錢又唔係太擔心,
我想要嘅嘢貴啲佢都俾我買,
都算係咁啦.
(我要求係咪好低呢??)

晚裝::Moschino Cocktail Dress

一早唸住 wedding party 會著三條裙,
裙掛, 婚紗同一條簡單的晚裝裙.
之後整多件婚紗去蘇梅影相.

裙掛簡單,
係金都租就得.
婚紗就訂咗淘寶.
簡單的晚裝裙一路都懶懶閒,
因為都唔趕,
有大把時間慢慢搵,
仲可以試吓唔同的造型.

誤打誤撞,
Jimmy Choo 同場,
Moschino 有小量飲裙.
見到有條紫紅色的喱士 Cocktail Dress,
哈哈~ 又係喱士~ 試吓先~
得一條,
冇碼揀,
但係一拍即合,
度身都冇咁啱!

全條喱士的裙其實好蝦人,
因為好容易變咗 sleepwear,
不過呢條又好 ok 喎,
cutting 有線條美,
紫紅色夠復古式喜慶.

平平地買咗先~
見到更好再買過 :)

DIY::手花 / 襟花

一早決定手花 / 襟花都要自己做,
因為想有珍珠 / 喱士襯番個主題 :p
自己做手作就麻麻地,
好彩我有創作總監 iris~

尋晚試過大約的程序,
整就唔難,
貼貼貼就得啦.

好似試妝咁,
呢個係第一版本:



不過後尾唸唸吓覺得用同一種花好啲,
所以洗牌再黎過~
呵呵~~~

Thursday, May 7, 2009

Jimmy Choo

常看報紙離誌見到一眾女星爭相恐後的讚揚 Jimmy Choo 的鞋履,
某些新娘子又話一定要 Jimmy Choo 的晚裝鞋,
我買唔起亦冇半個理由要去買咁貴的鞋,
所以從來冇去入過專門店.

呢個禮拜時代廣場的 bazaar 有我愛的 Paul Smith,
同場有同代理的Jimmy Choo,
半價左右,
千多元起有交易,
當然要試吓係咪真係咁神奇啦!

因為大部份係斷碼貨,
縱然款式再多都唔係太多選擇.
見到有新娘子著的白色緞布鞋,
不過樣子比較普通 :p
另外 OL 黑色高跟鞋, 閃閃晚裝鞋,
boots 都有.

一試上腳,
即時明白晒!
全隻腳都被乘拓著,
腳趾腳弓腳踭都冇虛位,
唯一美中不足係個人唔鐘意太尖頭,
太尖頭對腳趾公唔好,
我好介意腳趾外翻!
所以就算啱 size 我都冇買.

Wednesday, May 6, 2009

見工 @MTR

原來對上一次見工已經係兩年前啦,
都唔記得咗見工應該點做???

求職信係二月的時候心情低落手痕痕按個制寄出的產物,
去到四月尾人地 personnel 打黎的時候,
我都完全唔知發生乜嘢事啦.

雖然問題都係一般會問嘅嘢,
不過我都冇乜準備,
答得一團糟咁.

如果最後咁都請我,
都真係天冇眼啦.

結婚後遺症

都唔敢想像結咗婚之後有幾咁失落!
依家日日都有個目標睇結婚的細節,
6 個月後應該點好呢?

學煮飯定等生仔呀?

怪誕隨意門


原本冇唸住睇,
不過 jo 極力推薦又話好睇好恐怖咁,
咪去 elements 睇一睇.
elements 的 4D 戲院暫時都係最新最靚.

故事係千與千尋拼鬼佬黑色卡通,
勇敢的小女孩救父母.
都睇得過,
因為有4D,
3D 的畫加會震的櫈.

最值得一題係故事完結的時候全場都冇人離座?
又唔開燈咁?
埋尾的工作人員名單又勁長...
點解呢?
原本最最最後有一小段 3D 片段仔...

題外話...
睇完 7.50pm 的戲,
出到黎都未都未夠 9.30pm,
全個商場都收晒囉!
我都未 shopping...

怪誕隨意門 (3D 數碼版) (IIA)
101 分鐘
導演: 亨利錫歷
演員: 泰利夏卓爾 (配音), 狄歌達芬寧 (配音)
英語對白,中文字幕 小女孩歌露蓮(狄高達芬寧 配音)與父母剛搬進新屋,但父母終日為工作疲於奔命,令被忽略的歌露蓮悶悶不樂,更加嚮往一個較好較有趣的世界。一天她在家內發現一道奇怪的門,打開門鎖後只見門後是一面磚牆,好奇的歌露蓮幾經嘗試,終於發現門後竟然出現一條神秘的走廊,通往一個未知的世界...

Monday, May 4, 2009

明發

剛於深水埗買手作仔配料,
經過基隆街,
見到個好舊的招牌: 金牌魚肉湯碗仔翅豆腐花.

攰攰地抖一抖,
決定一試.
豆腐花 $6 / 碗.
好滑喎~
糖水仲有淡淡的薑香味呢.

明發
地址 : 深水埗基隆街261號

Saturday, May 2, 2009

資料搜集

其實我真係好適合做資料搜集員!
超鐘意上網搵資料囉.
以前做功課啦,
依家搵睇戲買飛呀, 結婚資訊呀, 旅行資料呀,
可以搵到不眠不休囉.

有冇呢類工種介紹呀?
我可以 part time 喎.
人工高啲 full time 都 ok.

親善大使之旅::行山

雖然就黎結婚,
但係我都冇乜見過佢屋企人好多次,
雖然佢阿媽久唔久就詐型叫我多啲去食飯.
食飯小事,
不過收工之後食埋晚飯再一個人返家成個鐘好悶 :p
所以趁住放長假,
分配一日同佢屋企人行山!

well....
結婚之後就係由每個禮拜只需要星期日陪我家的長輩,
變為要分配兩日, 分別陪伴兩家的長輩,
如果生埋仔,
私人時間每況愈下...

講番行山,
三個鐘頭慢慢行,
悠悠閒唔係追追趕趕.
天氣又好,
天清氣朗,
希望冇晒黑啦...

行完山飲個茶,
之後做咗個街坊腳底按摩,
@138 / 45 mins.
ok, 不過唔係超好推介囉.
再去舒適堡焗 sauna 舒緩疲勞,
輕鬆晒~

呢啲咪生活囉.
Blog Widget by LinkWithin