Thursday, April 30, 2009

運輸署

我家買咗新車,
因為私人轉讓,
係金鐘返工的我就被老點去做轉名手續.

去到運輸署,
嗰條人龍長到呢..................................................
有個牌寫咗要等 120 分鐘!!
吓? 等兩個鐘?
依家仲有啲乜嘢政府服務要等咁耐?
仲要係排隊等, 冇派籌, 冇時間分段, 冇位坐, 想點???

十二點去係咁, 三點去都係咁.
唯有下個禮拜一開門就去希望唔駛排啦.

Wednesday, April 29, 2009

Wedding Accessories @WeddingsofDesign

因為律師沒有提供介指枕/簽名筆/証書封套等什項.
所以我又多咗嘢買/做勞作仔啦~
其實有好多好多細節可以花少少心思架 :)

簽名筆同簽名簿

合巹交杯香檳杯~

人情箱!! 大家記得帶入場費~

from WeddingsofDesign

Theme Song::Times of your life

王若琳的 CD 在 ipod 很久了,
不過我鐘意 shuffle 歌曲,
所以從沒細心留意她的作品.
今朝心血來朝,
覺得專輯的旋律很適合當日的場地,
微風輕飄的感覺加一點點懷舊的氣氛.

再仔細看當中的曲目,
Times of your life 作為 theme song 很貼切吧?
Wedding is one of the important times in my life that has to be remembered :)

1975年作品,
原唱者Paul Anka.
王若琳的版本很溫柔 :)

Times of your life
王若琳
作詞:NICHOLS ROGER S、LANE BILL
作曲:NICHOLS ROGER S、LANE BILL

Good morning, yesterday
You wake up and time has slipped away
And suddenly it's hard to find
The memories you left behind
Remember, do you remember

The laughter and the tears
The shadows of misty yesteryears
The good times and the bad you've seen
And all the others in between
Remember, do you remember
The times of your life (do you remember)

Reach back for the joy and the sorrow
Put them away in your mind
The mem'ries are time that you borrow
To spend when you get to tomorrow

Here comes the saddest part (comes the saddest part)
The seasons are passing one by one
So gather moments while you may
Collect the dreams you dream today
Remember, will you remember
The times of your life

Gather moments while you may
Collect the dreams you dream today
Remember, will you remember
The times of your life
Of your life
Of your life

Do you remember, baby
Do you remember the times of your life
Do you remember, baby
Do you remember the times of your life
---------------------------------------------------
向昨日的總總說聲早安
當你甦醒時,時光已偷偷消逝
剎那間已經失去 你所遺留下來的記憶
你還記得嗎
你還記得嗎
所有的歡笑與淚水
交織過去那朦朧的影子
所有經歷過的黑與白 與那些灰色的記憶
你還記得嗎
你還記得嗎
珍惜你生命中最珍貴的時刻
伸手抓緊歡樂與傷悲
跟記憶借些時間
深深埋藏在心底
然後在明日之前將它花盡
落日將盡
四季總是不停著重複著
將收藏每個瞬間的夢想
緊緊擁抱者
是否你還會記得
你生命中最珍貴的時刻
將收藏每個瞬間的夢想
緊緊擁抱者
是否你還會記得
你生命中最珍貴的時刻
在你的人生中
在你的生命裡
..............................................
你生命中最珍貴的時光是?

Guestbook @KCscrapper's

其實酒店都有提供 Guestbook,
但總係心思思想買本靚嘅.

封面有位加姓名日期.

喱士襯番個 wedding theme.

內頁全部花花紙的可以做貼貼相簿.

from KCscrapper's Shop, USA

Tuesday, April 28, 2009

香草煙肉包::美心

日日早餐都係地鐵站的美心西餅買麵包,
之前個個星期都會買糙米芝士包.

今日大發現: 香草煙肉包.
好軟熟的包,
香草同煙肉都好香,
一放入口即時覺得好意大利菜餚的感覺~
如果有橄欖油同醋一齊食就好啦...

好似好易咁

係人地個 blog 教架,
好似又易又好味咁 :)

北海道牛乳燉蛋白
材料:
北海道牛乳 200ml
蛋白 2隻
砂糖 2湯匙

做法:
1. 將北海道牛乳與砂糖,放入煲中隔熱水將糖攪溶;
2. 蛋白拌勻,用篩過濾蛋白筋,再倒入牛乳中拌勻倒入碗中,去除表面泡沫;
3. 用中小火蒸15分鐘,再轉小火蒸5分鐘至熟,即成。

士多啤梨奶凍
材料:
士多啤梨 1盒
牛奶 200ml
鮮忌廉 200ml
糖 80g
檸檬汁 1湯匙
魚膠粉 10g
水 4湯匙

做法:
1. 將士多啤梨洗淨,去椗壓碎,放入攪拌盤內備用,魚膠粉用水泡開;
2. 士多啤梨加入三湯匙糖及檸檬汁,魚膠粉隔水加熱,加入一湯匙糖使之溶化,緩緩加入牛奶拌勻;
3. 將鮮忌廉、牛奶混合物及士多啤梨混合拌勻,加入魚膠粉溶液拌勻,模型沾水,倒入已混合好的材料,放雪櫃雪三小時待其凝固,即成。

copy from,
3 step cooking!

Daisypath

在部落格加咗條 timeline,
倒數結婚日又得,
結婚週年又得,
生仔預產期都得.

係呢度有得整: Daisypath.

Pre-Wedding Photo::羅浮宮婚紗攝影

預訂酒店的場地會送唔同的贈劵俾你籌備婚禮之用.
羅浮宮婚紗攝影係其一,
$4188 婚紗攝影套餐,
同 $1000 作婚紗租賃.
唔好唸住可以俾朋友用,
檢查得好仔細,
要有酒店張單同贈卷一齊俾佢.
(差在未問你攞身分證!)

先講攝影套餐,
女的包一件婚紗一件晚裝連配飾,
男士禮服剩係包黑色, 有 bowtie 腰封,
如果轉白色銀色又要加錢,
禮服裇要自備.
影約 40 張相
得到 12 款相.
會晒成唔同大小.
16' x 20' 油畫布 1 張 (冇相架)
8' x 10' 2張
5' x 7' 2張
4' x 5' 10張
UV Coating 另計
不過係唔包執相同唔包相簿同檔案嘅!
如果要執相加相簿同檔案,
至少係要加 $2700 嘅.
每加一張相連檔案係要 $176.
同埋要係你訂酒席的三個月內影兼無論揀衫定攝影都只適用於星期一至五!
係九龍塘影,
時間唔可以改.
花球粉樸眼睫毛自備.

好在我得閒陪你玩~
唔好嘥咗可以扮多一次靚靚的機會!
因為已經影咗一輯,
所以我好有定力,
堅持唔加錢 upgrade 個套餐,
希望影完之後都夠定力唔加相!
不過咁貴應該好有定力架~

然後問埋婚紗租賃,
$1000 其實好廢!
最平的租衫套餐要 $3388,
減 $1000 之後都要 $2388 啦!
我可以訂造幾件啦.

就係咁,
報告完畢.

蜜蜜月::蘇梅

泰國曼谷都算係蜜蜜月其中一部份啦.
可以去買吓家居用品,
會先留一晚曼谷第二朝至飛蘇梅.

SixSences Samui 係首選,
仲可以順便影多輯結婚相,
已經聯絡咗當地的 DONUDES Photography,
不過發現 11月係蘇梅的雨季,
去到落雨咁點算??

原先唸住 AsiaMiles 換機票的日本之旅就凍過水啦,
(成個結婚使費我都會簽咭儲分, 下年再去旅行!)
不過依家睇吓個 budget,
似乎同時間一齊做都比較吃力,
留番下年至去啦.

農曆節氣

2009 年 11月 7日.
係立冬.

阿媽: 嗰日立冬喎, 會唔會人地唔得閒要做冬架?
我: 唔得閒咪唔好黎囉.
--> 後尾發現立冬同冬至係兩樣嘢黎架. 立冬係唔駛做冬嘅.

佢跟佢阿媽講起,
auntie 話: 日曆寫住 '諸事不宜' 喎!
不過我同佢都唔信,
(個個都吉日吉時結婚架啦, 咪大把人離婚!)
而且酒店已經冇期,
再等就出年啦.
所以結果就唯有就範了.

後來我再查通勝!
以時辰計算! (精細啲!)
差唔多全日都宜嫁娶呀!!!
朝頭早嫁到夜晚都得 :p

電子通勝

西元2009 民國98年11月07日
農曆09月(大)21日 星期六 天蠍座
歲次 : 己丑年 生肖屬牛 甲戍月 丙辰日
每日胎神占方 : 廚灶栖外正東
五行 : 沙中土 破執位
沖 : 沖狗(庚戍)煞南
彭祖百忌 : 丙不修灶必見災殃 辰不哭泣必主重喪
吉神宜趨 : 天德 月德 母倉 益後 解神 青龍
宜 : 祭祀 解除 破屋 壞垣 餘事勿取
凶神宜忌 : 月破 大耗 四擊 九空 往亡
忌 : 諸事不宜

23- 1甲子時 沖馬 煞南 時沖壬午 天牢 六戊 三合 福星
[宜] 訂婚 嫁娶 求財 開市 交易 安床 祭祀
[忌] 赴任 修造 移徙 出行 詞訟 祈福 求嗣
1- 3乙丑時 沖羊 煞東 時沖癸未 元武 旬空 太陰 國印
[宜] 安葬 求財 見貴 嫁娶 進人口 移徙
[忌] 赴任 出行 修造 動土
3- 5丙寅時 沖猴 煞北 時沖甲申 地兵 長生 司命 驛馬
[宜] 求嗣 嫁娶 移徙 入宅 開市 交易 安葬 作灶 祭祀 祈福 齋醮 酬神 赴任 出行
[忌] 修造 動土
5- 7丁卯時 沖雞 煞西 時沖乙酉 狗食 日害 勾陳
[宜]
[忌] 祭祀 祈福 齋醮 酬神 赴任 出行
7- 9戊辰時 沖狗 煞南 時沖丙戍 建刑 不遇 路空 青龍
[宜] 訂婚 嫁娶 安床 移徙 入宅 修造 安葬
[忌] 造橋 乘船 赴任 出行 祭祀 祈福 齋醮 開光
9-11己已時 沖豬 煞東 時沖丁亥 路空 明堂 日祿 五符
[宜] 修造 蓋屋 移徙 作灶 安床 入宅 開市 求財 見貴 訂婚 嫁娶
[忌] 祭祀 祈福 齋醮 開光 赴任 出行
11-13庚午時 沖鼠 煞北 時沖戊子 天刑 帝旺 大進 貪狼
[宜] 求嗣 嫁娶 移徙 入宅 開市 交易 修造 安葬 祈福 出行 求財
[忌] 赴任 詞訟
13-15辛未時 沖牛 煞西 時沖己丑 日殺 朱雀 右弼
[宜] 赴任 見貴 求財 出行 嫁娶 進人口 移徙 安葬
[忌] 修造 動土 朱雀須用 鳳凰符制 否則 諸事不宜
15-17壬申時 沖虎 煞南 時沖庚寅 天兵 喜神 三合 金匱
[宜] 祈福 求嗣 訂婚 嫁娶 出行 求財 開市 交易 安床
[忌] 上樑 蓋屋 入殮
17-19癸酉時 沖兔 煞東 時沖辛卯 六合 貴人 天赦 寶光
[宜] 祈福 求嗣 訂婚 嫁娶 出行 求財 開市 交易 安床 祭祀 修造 入宅 安葬
[忌]
19-21甲戍時 沖龍 煞北 時沖壬辰 日破
[宜]
[忌] 日時相沖 諸事不宜
21-23乙亥時 沖蛇 煞西 時沖癸已 大退 玉堂 貴人 少微
[宜] 蓋屋 移徙 安床 入宅 開市 開倉 祭祀 祈福 酬神 出行 求財 見貴 訂婚 嫁娶
[忌] 開光 修造 安葬

大日子::2009 年 11 月 7 日

點都估唔到我的婚姻竟然係由一張冇厘頭買的免費 AirAsia 泰國機票開始.

某一日佢興致勃勃的搵酒店啦搵攝影啦,
仲要度埋期添!
仲話唔介意唔去泰國... :p
我就同佢講:
泰國之旅事在必行,
一係之前結婚, 不過太前就太趕,
去完泰國晒完之後半年至白得番,
咁就下年年中再算啦.

佢話等多一年又唔會多好多錢結婚,
不如而家結完可能仲可以儲多啲錢.
咁就決定張機票係 11 月 7 號又係星期六.
飛機起飛 8.50pm,
lunch buffet 之後出街影完相就飛啦~

不過大少爺一路都冇求婚的意慾,
唔通就咁就到場講句: 我願意??
我一定會答唔願意囉.

持續減薪

上一個減薪計劃都今個月尾期滿,
老闆遲遲未公佈會否持續減薪.

今日我係第一個蒙主寵召,
出黎的時間一張紙一個信封.
佢打俾我問我乜事?
我同佢講我被人炒咗啦...
(我都唔明點解佢咁都信??)
佢即時擔心死,
笑死我~

其實老闆係提出一個新的小量減薪計劃,
咁嘅時勢唔炒人兼仲請人,
又體諒經濟對員工的影響.
我覺得佢都算係咁架啦,

婚禮是非題

婚禮真的衍生好多問題,
爭執都多咗.
好在大部份的時間佢都任由我自己發展.
--------------------------------------------
男人來自火星,女人來自金星!

造化迥異的一對,男人和女人在各方面存在不同:
他們的溝通方式不同;他們的想法和感覺不同;他們的認知和反應不同;他們對愛情的需求不同…
當婚禮的男女主角意見相左時,到底該怎樣解決呢?

場地:浪漫還是氣派?
新娘:「我想有一個童話般浪漫的婚禮,草坪、藍天、白鴿、湖水…」
新娘希望選擇環境優雅僻靜的郊縣莊園或海景半山,用大自然的美景襯托新婚的蜜意,浪漫似乎是女人的專利,對於新娘來說,不浪漫,婚禮就喪失了所有意義。
新郎:「我的婚禮一定要氣派,要能體現我這麼多年事業的成就。」
新郎往往會把婚禮作為一場盛大的社交Party,因此展現自己的身份和成就就顯得格外重要。
大日子調解員:新娘看重場地環境的浪漫,而新郎則希望氣派得體。男女不同的審美觀讓準備結婚的兩人,首次交鋒對立。但婚禮最根本的意義在於為愛情加冕,為承諾護航,不要把婚禮的真諦忽略,否則,這場婚禮不但會變得銅臭味十足,還會成為別人的笑柄。因此婚禮的場地選擇還是應該以浪漫為主。
--> 我要浪漫又要氣派! 不過我都係想要個靚的場地註冊啫.

新娘裝:性感還是莊重?
新娘:「馬上要為人婦了,我要將最性感的一面留在親朋心中。」
女孩子從小就把婚禮當天幻想為自己一生中最美的一天,希望自己能夠像菡萏已久的花苞,在這一天盡情的綻放。新娘為這天百般修煉的美好身姿,自然是希望曲線完美展現,這也是齊肩、露肩等性感設計常常在婚紗上出現的原因。
新郎:「婚禮上有很多長輩和小孩,還是穿得保守些好。」
被大男子主義操控神經的新郎對這些婚紗的經典設計產生了異議,不知是因為對老人與小孩子感官上的「照顧」,還是新郎「所有欲」的驅使,有很多新郎都不喜歡自己老婆以性感示人。
大日子調解員:雖然婚紗有很多展現曲線與身材的設計,但是整體格調是莊重的,並不存在令老人與小孩存在不悅的可能,因此,新郎口中照顧別人感官的說法多半是藉口啦!新郎佔有欲的氾濫自然也是愛的表示,但婚禮這樣的大日子,還是應該給你的新娘美麗的權利,讓她盡情選擇自己夢中的婚紗款式吧。
--> 莫非我係男人? 我要莊重唔要性感喎, 但係唔要同其他人一式一樣囉. 反而佢有問我要唔要性感囉?? 好在, 我有三個機會可以買三件! 一件行禮, 一件香港影相, 一件蘇梅影相, yeah~!

婚戒:驚豔還是經典?
新娘:「好靚啊,多顆碎鑽的設計係我最鍾意的流行款式。」
有人說,珠寶是女人天生的朋友。的確,沒有女人不愛那晶瑩璀璨,光鮮奪目的珠寶鑽飾,而每季層出不窮的新款設計,更讓女人們心神嚮往。在婚禮前購買婚戒時,蜂擁而至的流行資訊,自然會左右新娘的視線。
新郎:「小鑽唔保值,經典的設計才是婚戒的首選。」
價值不菲的精美婚戒往往會鑲有名貴的鑽石,理智的新郎在購買前往往會考慮到戒指保值以及升值的空間,所以1卡以上、成色優秀、有國際權威認證證書、設計經典素雅的鑽戒最受新郎的青睞。
大日子調解員:當下最為流行的珠寶款式往往設計獨特,令人印象深刻,由於造型的需要,還會加入許多小顆鑽石或寶石。這些小顆珠寶的價值往往不高,但新款式的戒指的價格要高於珠寶本身價值很多,不利於保值。而且時尚品質並不等同於轉瞬即逝的流行,流行終有過時的一天,永不落伍的經典時尚設計才是婚戒的最佳選擇。
--> 經典, 一定係經典. 要戴到死架喎. 一個圈冇款式就最好.

樂隊:Jazz 還是Rock & Roll?
新娘:「我喜歡Jazz的旋律,婚禮應該擁有格調高雅的音樂,而不是吵鬧的。」
Jazz的浪漫最適合婚禮的氛圍,在歌者深情的演繹中,眾人見證著新人的幸福,微笑拭淚,是許多新娘的夢中景象。
新郎:「婚禮是釋放自己的最後時機,在那時,我要成為十足的Rocker。」
Rock & Roll 是搞熱氣氛最有效的音樂,婚禮上的 Rock & Roll樂隊往往能給人留下深刻的印象,嘗試一下你就會知,音樂有著為愛情增溫的功效。
大日子調解員:音樂愛好是非常個人的表現,沒有辦法通過客觀的分析來協調。樂隊的選擇還是應該根據婚禮的風格來定。如果是浪漫高雅的草坪婚禮,Jazz是最佳的選擇;如果你舉行的是一場個性十足的婚禮,就讓 Rock & Roll為你的婚禮再加大些馬力吧。
--> 樂隊?? 唔好啦啩, 嘈之巴閉!

高跟鞋:越高越有氣質還是越高越勞累?
新娘:「我希望能夠在婚禮上展現出高雅的氣質,美麗的婚紗和禮服一定要搭配足夠高度的高跟鞋。」
高跟鞋對於女性的作用不僅僅是增加高度,在海拔上升的同時,氣質與自信也隨之增加。而且高跟鞋在調節女性身材比例上有著神奇的效果。因此絕對算不上舒適的高跟鞋,被世界上絕大多數的女性所追捧。
新郎:「鞋是穿給自己的,尤其是在需要站立很久的婚禮上,一定要越舒服越好。」
新郎是新娘的守護神,他對新娘的疼惜也會體現在與新娘的爭執上。高跟鞋一直是男人們很難理解的東西之一,在婚禮中,新郎最關注的一般是婚禮的整體效果與新娘的情緒,他們不希望新娘由於高跟鞋而傷害到身體或影響到心情。
大日子調解員:婚禮畢竟不是小型Party,整個過程中,新娘大多時間會以站立的姿勢示人,這份辛苦新娘往往在造型過程中容易忽略,站在鏡子前面的新娘,被一切美麗元素沖昏了頭腦,很少有人還會考慮舒適問題。這時新郎的建議新娘還是應該聽取的。
--> 累就梗架啦, 不過我唔要做小矮人, 至多買對貴啲舒服啲.

copy from:
婚禮是非題
大日子
text: 趙文晶

唔高興

雖然主意已決,
但係有啲嘢 day 1 冇做,
直到 day N 都冇做,
實在由期待轉化為失望,
仲有啲憤怒添.

唉.. 漫漫長路,
恐怕都遺憾終生架啦.

Monday, April 27, 2009

窮過鬼

自從決定要結婚之後,
就唔捨得駛錢,
一闊三大.
買樓結婚度蜜月,
好多嘢要預備!
樣樣都係$$$.

支出多到嚇死人~

男人的頭髮

最憎長頭髮的男人,
我會想起 blue jeans,
八十年代的樂隊,
'豈有此理' 的原唱者.
大家仲叫到名的 '單立文' 係隊員之一,
印象中每個人都好似乞丐 :p

男人亦都千祈唔好電曲髮,
曲髮型男從來除咗木村拓哉之外,
就係木村拓哉.

短髮, 清爽, 乾淨,
咪得囉.

Friday, April 24, 2009

手信 @桂林

桂林有三寶:
三花酒, 腐乳, 辣椒醬.
我三樣都冇買 :p

買咗荔蒲芋頭條,
荔蒲芋頭即係大家熟悉的荔芋,
荔蒲出產芋頭,
芋頭條好似薯條咁,
麻辣味好香口.

另外推介薑糖,
白色嗰隻,
好薑!

律師証婚::2

結婚的事項濕濕碎碎,
我希望大家都付出啲心思時間,
所以我做軍師統籌,
佢聽候受命.
可惜我係急先鋒,
佢就慢郎中.
樣樣都唔急,
一來佢覺得有排都未夠期!
二來神奇地我地想要嘅嘢全部都 available!!

但係我又想快快脆脆決定所有嘢.
頂唔住又唯有自己搵埋, (激死我!!)
之後再老點佢去做聯絡呀, 問詳情呀,
好在佢又乖乖去做之餘又會讚吓我能幹,
咁個心都舒服啲.

原本搵律師係佢的工作,
但係佢咁耐都冇俾啲好選擇俾我,
咁我又唯有自己搵個啱心水啦.
最緊要平靚正!

上網見到好多人都覺得何廣榮律師好好,
所以我就老點佢打去問吓啦.

佢話一打去係律師直接聽電話,
好好人兼好滑頭喎.
收費 $2500 連所有要申請文件之費用,
不過介指枕, 羽毛筆, 証書封套全都唔包要自己準備,
約咗下個禮拜上去聽吓流程望吓佢個樣.

何廣榮律師
地址: 上環干諾道中133號誠信大廈1902室(地鐵站C2出口)
電話: 28543882

睇樓 @美孚新村

當然, 我想住香港島啦.
不過我都唔介意未生仔之前住一排美孚嘅.

單位都係四正嘅,
兩房單位都 ok,
不過實用率比想像低,
得75%.

美孚新村好大,
好多幢樓,
所以密密麻麻,
咁我要求的太陽同景觀,
實在欠奉.
得番啲周邊的座向可以選擇.
然後佢又要靜,
某啲向大街的選擇又刪除掉.
得番向公園或者泳池,
咁呢啲又好貴.
根本就out-budget.

想靚就俾多啲錢啦.
但係我冇 :p

律師証婚::1

我地唸住係酒店註冊,
咁我真係有啲要求,
想搵個四正啲的律師,
最好可以講一次台詞俾我聽吓,
睇吓會唔會奇奇怪怪.

之前參加人地婚禮,
有啲把聲唔好聽,
有啲以為自己係蕭亮,
有啲太樣衰.

不過可以見証的律師至少要做咗律師七年先至可以考牌,
咁都唔見得會後生架啦~
上網見到相的大都有啲中年發福囉.
算啦....

最抵死係打電話去問價,
一般 $3800 左右.
間謝xx律師樓話要 $4350,
咁明明廣告話 $2999??
佢話 $2999 係酒樓價, $4350 係酒店價.
有冇攪錯???
你套西裝又一樣,
車費又差唔多,
台詞又不變,
你憑乜嘢收貴我???

Thursday, April 23, 2009

Susan Boyle

貌不驚人瘋魔全球的村姑.
一開口唱歌真係嚇一跳!
唔知佢唱乜都起晒雞皮疙瘩~

Britains Got Talent 2009,
參賽者 Susan Boyle 唱出 Les Miserables.
因為頻寬過大,
Susan Boyle 的相關影片幾乎都被 YouTube 停止嵌用,
不能嵌在部落格內.
這是相關網址:
Susan Boyle - Les Miserables

桂林肇慶自駕遊::回憶

五日的行程,
有兩日半都係車入面渡過,
經過國道 - 好似香港的高速公路, 石屎路面, 燈光通明.
經過省道 - 質素已經好參差, 好多都仲係沙路, 山路不過闊少少, 完全冇街燈, 得少少反光牌.

有日由桂林唸住經廣州返東莞,
其中一段路的國道未完成,
一定要走省道.
2.00pm 開車,
開到接近 7.00pm,
天都開始黑,
係條山路度左兜右兜,
一路都唔見城市,
只係偶而經過小村莊.
去到一個三岔口,
廣州仲有 100km,
肇慶就 77km.
去肇慶就近啲,
可以玩多個地方.
當下決定一個右轉,
向肇慶出發!

咁就瀨嘢啦!!!
天又黑,
肚又餓,
人又攰,
仲要眼瞓唔敢瞓.
全程係九曲十三彎的山路,
右邊就係懸崖,
冇街燈,
兩旁都係高聳入雲的大樹,
月光都唔係好睇到.
好彩有個 GPS 系統,
大約都知條路係點,
不過司機就其實睇唔到,
因為掛住望路.
當時我不知幾想唱: 她的眼光, 她的眼光, 好似好似星星發光, 睇見睇見睇見心更慌...
(即係殭屍先生的主題曲, 葉德嫻的鬼新娘)
唔知點解山卡啦咁有幾個屋,
無拿拿又企幾個人,
有時突然殺隻野狗出黎,
想嚇死人咩...
因為唔開得快,
如是者行咗兩個幾鐘!

開始見到街燈同公路的時間,
簡直如悉重負!
但係到咗夜晚合埋雙眼的時候都仍然左轉右轉暈車浪中 :(
第二朝起身都未暈完...
-------------------------------------------
省道一路都係山區入面,
全是農田, 小村莊,
不過相信已經係比較先進的地區.

有日咁啱放學時間,
一隊隊的穿住拖鞋的學生治著路肩行路返屋企.
我地架開開咗好耐都仍然都見到學生的縱影.
保守估計,
佢地每日返學放學都至少要行一個鐘,
距離就好似銅鑼灣返中環咁囉.

我們真的好幸福.

Wednesday, April 22, 2009

人有相似?!

攞咗婚相返黎俾咗小量好友分享,
幸好大家都覺得質素唔錯,
否則啲錢就好似掉落鹹水海啦!

對於當日的化妝,
有人話似周麗淇,
有人話似周汶琦,
有人話似陳法拉,
有一個造型我自己覺得似鄧麗欣 Stephy.

之所以話化妝對一個女人係幾咁重要!
似華裔小姐又得,
玉女又得,
model 都得,
得咗~

Tuesday, April 21, 2009

睇樓 @南豐新村

南豐新村係港島東老牌屋苑,
係康怡隔離,
太古地鐵站行幾分鐘,
譚詠麟以前都係度住.

得三個面積,
474' (兩房), 627' (三房), 692' (三房).
全部四正,
不過 474' 好過 627'.

都算叫做上少少半山.
唔望英皇道方向的都好靜.
不過日日上斜路都唔係辦法.

結果麻麻地,
唔唸南豐新村住.

聖羅蘭::睇板

又去聖羅蘭,
今次睇板,
睇吓相簿的排板.

今次好醒,
聖羅蘭係東方雅典spa隔離,
所以決定先去東方雅典再去睇板,
係皇崗就有來回專車接送!

咁就慳番一百蚊車錢~
中式按摩 $118 90分鐘,
小費最少 30,
連加一 $160/位.
除笨有精掛?

一早講咗一隻字都唔要,
去到發現版版都成段詩囉!
第一版一開就寫住: 我愛你! 你是我的空氣, 你是我的生命!
真係唔得你死!
海灘就寫: 感激我在這裡遇見你!
幾時係海灘遇見呀?
簡直冇眼睇!!
最驚嗰啲無厘頭英文,
串錯字, 錯文法, 唔中唔英.
或者可以唸吓韓文,
起碼我唔識解.

好在即時改板,
即時拍板,
唔駛再走上去多一次,
一個月後就有製成品喇!
今次攞走CD一隻.

住邊處?

初步完成婚禮統籌,
又要唸住邊處啦??
生 bb 前住邊問題不大,
之後一定要近娘家有人湊 bb, 方便快捷.

當然我地大家都唔太想搬離原居地啦.
我地原本都住開舊屋苑,
見慣實用四方的圖則,
新樓大窗台大露台,
覺得好浪費.

我地唯一的共通點係希望要地鐵沿線,
最好係地鐵上蓋啦,
我想要開揚景觀,
唔要樓對樓,
要六樓或以上.
裝修不拘,
寧願自己由頭做過.
(如果可以... 我都想繼續有個衣帽間... 雖然好奢侈...)
佢就要靜,
最好蚊飛過都聽到.

一路都冇共識 :p
我唸我地最後都係各自留居原地,
咁就一天都光晒啦~
哇哈哈~~~~

Monday, April 20, 2009

天煞撞正怪怪獸


想睇天煞撞正怪怪獸,
不過呢齣戲冇星期二的電影戲票優惠!!!

唔捨得俾至少$70睇卡通片喎...

Saturday, April 18, 2009

鈎冷 @TotusMel

鈎冷鈎到出神入化!
Ankle Corsets, 好鬼靚!

Mask

Bracelet

From TotusMel, California, USA

Friday, April 17, 2009

結婚配飾 @Emily K Botanic Studio

呢個 headband 好靚, 唔知配唔配到我條裙呢?

手花, 係珠縺架.

襟花, 隻雀仔勁得意~

From Emily K Botanic Studio, West Virgina, USA

貝殼花球 @Kimberly Aurora

貝殼都得!
啱晒沙灘婚禮~



From Kimberly Aurora : Romantic Flowers, USA

陶瓷花球 @Midori Designs

陶瓷花球,
做得好真!



From Midori Designs, Hawaii, USA

紐扣花球 @Letters4lilly

花球唔一定同鮮花嘅,
可以用紐扣,
好彩色不過太 fansy,
做襟花都可以唸吓.




From Letters4lilly, Perth, Australia

Hair Piece @Liaison

超誇張的店.
全店最簡潔, 白色羽毛花.

cuff 一套, 很華麗.

有特色的 Hair Piece.

From Liaison, California, USA

進度表::17Apr

勁好彩~
明明見到人地啲 blog 都話要超過一年前預訂,
我依家問樣樣嘢都有期!!!
抄吓人地寫個進度表先~
雖然大部份都未決定,
但係我短時間搵到咁多嘢,
工作效率係咪好高呢??
-----------------------------------------------------------
婚禮日期: 未決定
註册地點: 紅磡都會海逸酒店 The Patio 11.00am - 3.00pm

婚妙/婚禮當日攝影
婚紗相: 羅浮宮(酒店送coupon, 未影), 聖羅蘭 (未取)
婚禮當日攝錄: ForStarProduction

新娘
婚紗 & 晚裝: 淘寶網 (未訂)
晚裝鞋: 未睇
裙褂: 未睇
頭飾及飾物: 淘寶網 (未訂)
花球: Amanda1986
化妝造型: Ming / Tammy (未決定)

新郎
禮服: 陳師傅
恤衫: 陳師傅
皮鞋: 平時返工嗰對

兄弟姊妹
伴郎: 未決定
伴娘: 未決定
兄弟: 未決定
姊妹: 10bros
宴會MC: 未決定
女家統籌: 未決定
男家統籌: 未決定
伴娘/姊妹服裝: 未決定
媽媽服裝: 未決定
爸爸服裝: 未決定
奶奶服裝: 未決定
主人家襟花: 未決定
兄弟服裝: 未決定
姊妹服裝: 未決定
兄弟襟花/姊妹手花: 未決定

接新娘/註冊
結婚戒子: 點睛品 (未訂)
花車: BMW X5
兄弟姊妹/親戚接送車: 5552, 5294
花車佈置: 未決定
結婚公仔: 未決定
擬結婚通知書:未做
結婚証書套: 未決定
戒指枕+羽毛筆: 未決定
接新娘遊戲道具: 未決定
紅傘及睡衣: 未睇
Cushion及敬茶用具: 屋企有
利是封: 未睇
過大禮日子: 未決定
上頭日子: 未決定
出門地點: 未決定
出門吉時: 未決定
入門地點: 未決定
入門吉時: 未決定

婚宴酒席
賓客名單: 有初步名單
賓客坐位表: 未決定
場地佈置: Carmoon
Wedding Logo:未整
Wedding Theme:Vintage
Reception 相架: 未整
March-in片頭: 未決定
婚宴音樂: 未決定
嘉賓簽名冊: 酒店提供
簽名筆: 未決定
酒水: 酒店提供, 額外買紅白酒
回禮小禮物: 未決定
Table Stand: 未決定
婚宴請帖: 酒店送
請帖回禮禮是:未買

儀式用品類/其他
當日run down: 未決定
工作人員 task list:未決定
用品 packing list:未決定
嫁妝: 未買
中式禮餅券: 未買(奇華)
西餅券: 未買(美心)
過大禮用品:未買
上頭用品:未買
男女家對聯:未買
開門利是: 未傾
婚前檢查: 未book
回門乳豬: 未決定
新居: 未睇啱
蜜蜜月地點: 蘇梅 Six Senses

花球::Amanda1986


這是在網上看到可以全球訂購的花球,
仲係 tailor-made,
獨一無二,
又可以配襯件 vintage look 的婚紗~

細就細啲 5" - 7",
因為平啲 :p US$80,
中要 8" - 10" US$165,
大的 10"-12" US$280,
郵費另計.

睇住做個咁上下的款式,
訂購之後會電郵物料的樣板俾我選擇,
可以改三次,
約需兩個月的時間.

From: Amanda1986, Oxnard, USA

MUA::1

本身零化妝認識,
都唔知去邊處搵??

上 yahoo 睇吓啲化妝師的 blog,
留個言,
睇吓人地得唔得閒? 收幾多錢?

有啲覆得好快,
有啲隔幾日至覆.
一睇就知邊個有誠意啦!

初步鐘意 Ming WongTammy Leung,
不過價錢就差一截,
試個妝再唸~
(90% 係 Ming 架啦, 除非試得好差啦...)

半夜 3 點瞓唔著的留言,
Ming 第二朝九時半就已經覆咗!
最鐘意人地早睡早起~

官方網頁:
Ming Wong
Tammy Leung

DIY::Reception

不喜歡晒大張相,
又娘又阻訂!
結完婚之後咪放係床尾~
仲要反轉!

係人地的結婚部落格見到呢個日式設計,
好似好靚囉,
所以決定自己試吓做一個~
衰咗咪搵 iris 幫手囉 :p:p:p


訂購婚紗::淘寶

一向鐘情懷舊款式的婚紗,
鐘意好多好多喱士,
公主款篷篷裙反而唔係我杯茶.
(我扮公主實在嚇死人 :p)

婚紗買黎留念,
傳俾個女,
或者到死的時候仲未離婚,
我希望可以陪葬 :)
budget 10k.

好早的時候已經去咗係銅鑼灣專買 vintage 的 SatisFactory 睇咗,
不過都唔係百分百滿意,
約6k-8k.
去過中頭萬年行一間專買喱士衣服的店,
晚裝 3-4k.

後來發現淘寶網!
簡直驚為天人!
訂造都係人仔 500 - 2000!!!
幅相就好靚啦,
製成品遲啲再同大家分享~

婚禮攝影::ForStarProduction

原本上網見到 Lawrence Tsang 的婚禮攝影好靚!!
後尾麥同學選用咗佢 partner DM,
成 20K+ 喎!
sorry 啦, 實在 over budget 啦.

雖然明白機會只得一次,
所以應該揀個好啲,
不過我真係希望盡量燒少啲銀紙囉.

係婚紗展見到 For Star Production,
覺得影得唔錯,
而且佢地用嗰隻珍珠相紙,
效果好立體,
再睇埋報價,
都知道非佢莫屬啦!
一拍即合~

HK$16880
- 大會攝影師 x1
- snapshot x1
- 錄影師 x1
- march-in 片段
- 12" x 12" 設計相簿一本
- 1000 張珍珠相紙輸出
- 全部數碼檔案
- 3 分鐘剪輯 dvd
- 全程足本 dvd
- 12 小時攝錄

官方網頁:
For Star Production

註冊場地::The Patio




去完婚紗展之後,
都係最鐘意紅磡都會海逸酒店 The Patio,
完全係我想要的註冊地點.
開放式帳篷, 海景, 海風, 花園, 私人派對的感覺.

紅磡地點又方便,
酒店自助餐又幾好,
缺點係會場內冇洗手間,
賓客必經餐廳自助餐長廊進入,
不過入到 The Patio 就自成一角.

Buffet 口啤幾好,
lunch buffet 場地由 11.00 - 15.00,
09.30 就可以進場裝飾 (雖然我應該唔會燒呢啲錢~).
min. paid 比較低,
咁我人數唔多,
150 人左右,
最多 200 人的場地正合我意.

都會海逸酒店
地址:九龍紅磡都會道 7 號(紅磡港鐵站側)
查詢:3160 6827

全日 blog

今日決定暫停上網睇結婚的東東,
呢排真係睇咗好多嘢,
要 blog一blog 整理兼介紹一吓.
全部問晒詳情但係未俾錢~

唉..
冗員即係冗員~

Thursday, April 16, 2009

dermes

開始著背心的時間就好憎腋下的毛髮,
又黑又粗生得又快~
一早已經決定有錢就立即趕盡殺絕!

早係 2004 年 (未買樓前!) 已經俾錢架啦,
要激光好多次架,
每次要隔幾個月等生長週期,
我懶, 上一次已經係兩年前,
做咗 6 次左右已經 98% 冇晒,
淨番嘅太幼唔黑嘅好難做,
今次係第 8 次.

dermes 久唔久就有小姐打電話黎跟進,
睇吓你仲需唔需要繼續激光療程,
直至做唔到或者你覺得唔需要為止,
服務超好,
佢主動打黎提你,
你唔需要驚唔記得.

當年俾過萬,
可以分期付款.
幸好手腳冇毛, 唔係就赤死囉~

今日又 sell 我做唇毛,
唔駛 3k,
心癢癢...
不過依家慳得一蚊得一蚊,
ummmm...
算啦...

官方網頁:
dermes - 激光永久脫毛中心

事先張揚的求婚事件

我係一個好奄尖又麻煩的人.
就算你送禮物俾我,
唔鐘意的話都好難堆砌一個笑容俾人.
結果求婚介指都係自己親手去揀 :p

本身唔係太鐘意每日都戴住啲飾物,
所以都冇唸過要作為日常的配飾.
又唔鐘意一大粒石頭.
揀咗一隻好浮誇的鑽介作紀念品~

** 過咗一個禮拜之後仲有售後服務 -- 電話調查,
** 完成咗仲有禮券送添~ (不過未知幾多錢??)
** 可以買多隻介指仔啦~

都係小妹鐘情的 Green G. 產品.
購自點睛品.
相中的係玫瑰金,
我選的係 18K 白金.
呢個係點睛品與 Green G. 品牌係今年情人節 cross-over 的「Especially for You」系列,
是 Green G. 設計師 Sabina 的作品,
好似禮物上結著絲帶花球.
又可以配襯生日禮物「連理枝」系列的耳環 :)

官方網址:
Green G.

Wednesday, April 15, 2009

春天來了沒有?

點解仲係咁凍架?
啲冬天衫著到好厭啦!
等極都唔轉季,
又唔敢買長袖衫...
幾時至可以著短袖呀?

求婚 vs 麥當當

這些是電話對話:

佢: 你嫁俾我啦.
我: no 呀.
佢: 我聽日係公司同你求婚啦, 你嫁俾我啦.
我: no 呀.
佢: 咁我係麥當當同你求婚啦, 你嫁俾我啦.
我: no 呀. 點解要麥當當呢?
佢: 你鐘意食麥當當吖麻~ 我買個豬柳蛋漢堡俾你啦...
我: no 呀.
佢: 加多包薯條啦...
我: NO 呀!
佢: 整多杯可樂喇!
我: 有冇攪錯呀?? 為咗個豬柳蛋漢堡就嫁俾你??
佢: 咁一日一個豬柳蛋漢堡囉... 你嫁俾我啦.
我: 係咪玩嘢呀, 我唔嫁呀!!

有冇咁鐘意食豬柳蛋漢堡呀???
一個月都唔知食唔食到一次!!

Tuesday, April 14, 2009

婚紗

那天,
同佢講我想買件 vintage 50's lace 掩手臂小企領小圓腳的婚紗.

佢好大反應話:
咁保守!
婚紗唔係要露出北半球架咩?

去邊度搵個北半球出黎呀?
都話唔要 low cut 公主裙囉!

相似的款式銅鑼灣 Satis Factory 要 7k-10k,
淘寶網一千幾百就有喇.
婚紗一定要買,
霸住個衣櫃都係咁話~

桂林::象鼻山

象鼻山景區,
入場費33,
有個導遊講解.

象鼻山,
只要你仲記得地理堂的課,
你會明白象鼻的形成,
突然象鼻又唔係好似象鼻啦,
同埋桂林係冇大象嘅.

象鼻山內部係天然的酒窖,
釀出的三花酒好甜,
好 cocktail.

景區內無拿拿放舊石就成為愛情島???
無故事無關連無嘢賣無特別.
旅遊發展極差~


講到個旅途好似好悶咁...
其實有好玩的地方,
不過啲相係另一部相機度,
依家冇好嘢講 :P

陽朔::大榕樹景區

大榕樹景區係乜東東??

就係一大棵好有生機的大榕樹,
走個圈有好運嗰隻囉.



隔離就劉三姐故居,
但係我唔知劉三姐做過乜,
淨係知有齣戲叫 '劉三姐' 囉.

咁裡面有啲農民生活用品囉.

酒店

出外旅行,
酒店係休息的地方,
要有質素的睡眠先可以繼續明天各樣的行程,
唔再係十八廿二,
休息好緊要.

1. 要有穩定的熱水供應;
2. 熱水要夠熱!
3. 洗手間唔需要太多物資, 但係毛巾絕對不能少;
4. 個人鐘意較硬的床褥;
5. 枕頭唔要太軟, 最好每張床有兩個, 可以再瞓高啲;
6. 有床頭燈, 至少可以睇吓旅遊指南;
7. 電視最好有好多頻道的選擇, 一定有一個台啱睇嘅;
8. 要水煲, 可以沖杯竹庶茅根都好.

要求都好低啫....

陽朔::酒店

內地的車牌係分省分區,
一睇就知原居地係邊.
我地外省車一入到陽朔,
就有一堆電單車跟住我地,
好驚!

係窗邊不停講嘢,
原來佢地係類似 agent,
佢可以幫你攞酒店房, 安排行程.

最後我地下榻新西街國際大酒店,
街價 880 加一,
我地搵個 agent 哥仔,
壓價後 320 連早餐.

新西街國際大酒店有兩間,
我地住新店,
很好,
環境好裝備好早餐都好.

外觀, 勁新.

大堂, 有水晶燈~

望出去的大街, 周圍都有山, 幾靈氣~ 哈哈!

8529號房, 8字係假嘅, 5 樓至真!

兩張大床, 如果要雙人床要加錢架!

不過間房好黑~ 完全唔可以睇書.

最憎金魚缸廁所! 好在有簾~

新西街國際大酒店
廣西桂林市陽朔荊風路
電話: (86 773) 8888888
http://www.nwshotel.com
Blog Widget by LinkWithin