Tuesday, March 24, 2009

婚紗攝影::內地攝影

一早已經唸咗返內地影相,
一來比較便宜,
二來比較近.

佢話去台灣/四川太遠,
可能天氣唔好,
瞓得唔好,
狀態唔好.

星期六冇特別事幹,
所以返內地走一轉.
之前已經係上網做咗搜查,
選定麥田映像.
去到皇崗搭十六蚊的士就到啦,
係一間寫字樓入面.

上到去已經打個突!
黑媽媽又細間,
同我上次陪阿哥睇的時間嗰啲完全冇得比!!!
接待員又唔專業,
問佢睇吓啲衫,
佢得四個三米長的架,
仲要密麻麻件件都有個袋套住,
乜都睇唔到!
小姐話電腦入面有相,
好少選擇仲要好娘!
最靚就係佢網頁的新娘選嗰幾款!
再問佢睇吓個室內景,
佢帶我去個露台同我講出面嗰一角假草地就係景!
我真係懷疑可唔可以企到兩個人?
如果我畏高咁點?
另一個水晶燈景呢,
就真係一盞書桌咁大的水晶燈,
我以為係 reception 的裝潢咋!

可能佢主力係外景囉...
不過啲衫都攞命啦.
所以我即時掉頭走,
走番之前同阿哥去睇過嘅聖羅蘭.

遠就遠啲,
係南山區,
不過可以係深圳灣走.
至少人地好似商場咁有兩層,
大量婚紗的選擇先啦.
由於之前已經聽過一次,
所以行過圈冇乜問題,
就落訂試吓影最平的 3999 套餐啦.
都係也也烏平平地玩吓啫~

不過有排都未影,
遲啲再寫.

(舊文: 寫於 2009年 2月 9日)

2 comments:

Anonymous said...

恭喜你呀!結婚?

芷蔚 said...

未確定, 不過多謝先 :)
但係下次最好留名啦.

Blog Widget by LinkWithin