Tuesday, March 31, 2009

是回不到過去了


天亮了 S.H.E
作曲:Rosan Robert 、Villalon Jade
作詞:施人誠
編曲:Geo

天亮了 天亮了 地球又轉一圈了
世界還 活生生地存在著
還活著 沒想到我還活著

穿越一場海嘯 甚麼滋味 我終於親身體會
天崩地裂 精疲力竭 靈魂不在身體裡面
然而萬歲萬歲 終於和你有個了結

你一邊 我一邊 我們的世界最好别再重叠
也別再回想那個太長太長的昨天
太多愛 太多淚 別再這樣浪費

天亮了 天亮了 地球又轉一圈了
既然 我還幸運地活著
當然要 全力以赴去快樂

天亮了 天亮了 世界還是好好的
甚麼 痛都是很渺小的
看太陽 不是又升起來了

結束一段感情 當然不像 搬個家那麼方便
太多細節 太多碎片 堆在回憶那間房間
但是忍耐一點 不去碰它就不危險


你沒變 我沒變 我們到最後才弄懂這一點
人活著不就爲了實現一個個心願
好可惜 我和你 許了不同的願

天亮了 天亮了 地球又轉一圈了
既然 我還幸運地活著
當然要 全力以赴去快樂

天亮了 天亮了 世界還是好好的
甚麼 痛都是很渺小的
看太陽 不是又升起來了

我的心是我的 不會再給你了
我是我自己的 我很快樂

天亮了 天亮了 地球又轉一圈了
既然 我還幸運地活著
當然要 全力以赴去快樂 

天亮了 天亮了 世界還是好好的
甚麼 痛都是很渺小的
看太陽 不是又升起來了

迫婚?!

阿媽無端端問: 你唸住幾時結婚?
我: 未決定.
媽: 會唔會今年?
我: 唔知, 有乜好嘢?
媽: 冇, 我發現你老豆今年可能有大件事, 會有血光之災, 咁 '一喜擋三災' 吖麻, 咪睇吓你會唔會結婚或者生仔囉.
我: 咁不如你生多個仔啦.
媽: 啋! 我有咗要告個醫生呀!

阿媽呢招迫婚幾好,
非常適合年紀長, 孝順又未成婚的朋友.

新宿事件


冇劃位的電影票.
一早去排隊想坐個好位,
點知上一場延遲,
原本九點半等到到十點,
罰企咗成個鐘,
又攰又悶又眼瞓,
點解唔劃位呢???

文化中心睇戲幾好架喎,
張櫈又舒服啲,
斜度足絕對唔會變成人頭版,
銀幕又大,
同埋冇燈的時候真係好黑.

套戲本身呢,
都值得睇嘅.
成龍不再係超人,
係一個人在異鄉寄人籬下的奮鬥故事,
日本版黑社會.
兩個鐘頭冇冷場,
真係幾好.

因為慾望,
這個世界改變了,
變得你不再熟悉了.

新宿事件 (IIB)
119 分鐘
導演: 爾冬陞
演員: 成龍, 吳彥祖, 徐靜蕾, 竹中直人
普通話、日語及粵語對白,中英文字幕 九十年代,拖拉機工人鐵頭(成龍飾)冒著生命危險偷渡前往日本投靠同村好友阿傑(吳彥祖飾),以便找其到了日本留學的女友秀秀(徐靜蕾飾)。他在日本,與其餘偷渡客一同幹著粗活,但生活迫人令他們開始從事違法勾當,鐵頭亦與當地最大黑幫龍頭江口(加藤雅也飾)扯上關係,鐵頭一群人的力量亦愈來愈強,生活漸見起色。可惜阿傑與外來黑幫老大高捷(高捷飾)有牙齒印,開始展開一場黑色風暴。而警方亦把調查外來黑幫勢力的檔案命名為「新宿事件」,並由警察北野(竹中直人飾)負責調查...

未嫁得出

請不要再問我關於結婚的細節,
大家一開始就以結婚為前題的交住著,
真係結婚有幾出奇?
依家一次過滿足大家的好奇心.

係咪就黎結婚?
未確定, 可能聽日, 可能下年.
時機到的時候自然嫁得出,
簽張紙之麻~
又唔係要大鑼大鼓做大龍鳳.

大日子幾時?
其實真係未決定,
佢未求婚,
我屋企人又未知,
冇可能好肯定咁講一個日子.
最快可能係十一月.
呢個講天時地利人和.

係咪有咗, 點解咁急?
絕對冇, 我非常介意本人成為未婚媽媽.
如果我真係有咗,
仲等到十一月?
到時個肚大過鑼啦!
當你有時間有錢,
籌備根本唔係問題,
阿哥都係用咗四個月就嫁出啦.
咪又係我統籌~

婚紗相就証據啦?
唔係,
影呢輯婚紗相一開始就係平平地玩玩吓,
想試吓辛唔辛苦靚唔靚,
影相好簡單啫,
貴少少的生活照囉,
唸住年年都去影黎留念架喎.
都冇唸過作為結婚照,
到真係結婚的時候我一定會再影多幾輯!

地點, 伴娘人選, 婚紗呢?
係, 我對每樣嘢都有研究,
有啲之前幫阿哥睇過,
有啲做咗咁多年人有唸過,
有啲大家傾吓傾過,
不過全部都未落實.

我地都係爽快的人,
要落實所有的細節真係零難度.
嫁得出的時間,
一定會張貼告示, 大肆宣揚!

Sunday, March 29, 2009

忙忙忙

都唔知點解??

這陣子的約會排得密密麻麻,
放工後天天出街,
日日有嘢做,
充實到....呢....

但係點解工作的時間一啲都唔忙呢?

聖羅蘭婚紗攝影::揀相

又上去啦~
劃咗兩個鐘頭的揀相時間.
其實好驚,
影得太好驚要加好多錢,
影得唔好連 basic package 都揀唔到, 咁點??

之前冇講,
人仔3999 包啲乜呢?
- 5 套衫, 5 個造型
- 48 張相入 cd 入相簿
- 12' x 8' 韓國水晶 x1
- 10' x 8' 韓國水晶 x1
- 18' x 12' 相簿 x1
- 12' x 8' 相簿 x1
- 8' x 8' 相簿 x1
- 7' x 5' 相簿 x1
- DVD x1
- CD x1
- 2R 銀包相 x6
- VIP 金卡 x1 (可以每年番黎影唔洗錢, 但係詳細唔多清楚, 間間內地公司都有)
- $1000 禮服券 (可供免租婚紗禮服)
- 拍攝當日的午餐
- 加相每張連 CD $48, 唔連就 $38
當中係冇大相,
因為我唔鐘意,
換多咗啲相同多咗本相簿.

明明記得影咗好多相,
但係可能佢地之前都有揀過,
到我揀的時候得番 150 張左右.

第一回合先揀走啲一定唔要嘅,
減淨 120 張,
都多過我唸好多啦.
之後細心少少,
都淨 110.
又揀,
淨 97.
其實我目標係一張都唔加 :p (mission impossible!)
最後 89 停手.

沙灘的希臘女神 look 係最靚的系列,
完全 out 唔落手,
件衫真係靚得好緊要!
揀咗 36 張!

室內白色公主婚紗個髮型唔係好得,
有片'陰'成日遮住隻眼,
啲布幕佈景總覺得娘娘地.
因為轉咗幾個佈景,
每樣揀啲都 10+ 張.

公園婚紗都 ok,
因為一個地方有幾個景,
比較特別啲,
pose 亦有誠意啲.
都有好多可以揀,
又 10+.

都話唔識做扮 cool 的表情,
晚裝同旗袍都麻麻地,
個樣怪,
pose 又唔鐘意,
好辛苦咁每樣留咗 6-7 張.

唔好以為揀完相就完!
仲要唸封面啦封底啦,
相紙啦,
水晶面啦,
相簿顏色啦,
銀包相啦,
揀到嘔!

最後再俾咗 $2188,
加咗 41 張相同將 7' x 5' 相薄升級到 10' x 10'.
最後用咗 $6187 得到 89 張相,
上去咁多次搭車約 $1000 啦.
都幾好玩吖~

下次就睇排版啦.
最衰佢地冇電郵 / 網上系統,
又要去多次!

小貼士:
1.
攝影師真你冇老點你,
佢叫你笑你就笑,
叫你彎身就彎身,
啲相真係靚好多.

2.
係屋企練定露齒的笑容,
好鬼幸福樣囉.

3.
你影的時候覺得娘的 pose,
到你影咗出黎之後都係覺得娘!
不過婚紗相的本身就係娘,
睇開啲啦,
揀黎留念囉,
過多幾年更加唔會做呢啲娘嘢.

冬菇蛋花粥

以前係澳洲讀書的時候,
最鐘意煲粥,
簡單方便.

用普通電飯煲就得,
加多啲水,
用對筷子隔住個蓋就得.
覺得太希就煲耐啲,
太杰就加番啲滾水囉.

冬菇蛋花粥有益健康又好味.
鮮冬菇切絲,
雞蛋做蛋花,
臨食之前加蔥花,
色香味俱全~

想再懶啲,
用隔夜飯加熱水當潮州粥煲一樣得.

死亡

關於死亡兩三句.

1.
人生必然定律,
那天終必降臨.

2.
唔知好彩定唔好彩,
上上一輩的親人多早在出世前已離開,
迄今為止只去過大酒店兩次.
白事知識零蛋.

3.
偶而想起父母某一天會離開我,
都忍唔住會眼濕濕.

4.
葬禮點解要做大龍鳳?
你要對人好,
應該係佢仍然在世的時候,
唔係死咗之後大喊大叫黎後悔.

5.
早幾日見到內地可以將骨灰從地底排放到公園種植,
這才是真正的塵歸塵土歸土.
千祈唔好土葬我,
唔想知道我屍身腐爛.

禮儀師の奏鳴曲


可能經濟唔好,
依家係戲院睇到的電影有誠意得多,
太爛的根本上唔到好的戲院.

開頭以為會喊苦喊忽,
結果又幾有趣喎.
老豆去咗打牌,
我地一家五口去睇戲.
大家都覺得好好睇喎.

好敬業的禮儀師.
你見到大螢幕的死屍一啲恐懼感都冇,
仲覺得禮儀師好型好專業,
好似佢老婆一樣,
覺得禮儀師個函頭唔好聽,
但係你見到禮儀師個專注樣,
真係型到震!!

禮儀師の奏鳴曲 (IIA)
130 分鐘
導演: 瀧田洋二郎
演員: 本木雅弘, 廣末涼子
日語對白,中文字幕 在東京當職業大提琴手的大悟(本木雅弘),所屬樂團突然解散,他無奈帶著妻子美香(廣末涼子)回到故鄉山形的老家落腳。失業的大悟發現一則「旅程歸途助理」的招聘廣告,誤以為是旅行社助理,在見工時才得悉是送別先人的禮儀師,負責在葬禮上清潔遺體和整理儀容等的入棺儀式。大悟雖然非常恐懼和抗拒,但為了生計只得接受新工作;跟隨著老闆(山崎努)經歷一場場的儀式,他漸漸了解妝扮死者的重要意義,甚至尋回失落已久的親情...

Thursday, March 26, 2009

幸謠說


深雪是現今唯一一個每本小說一出就令我立即俾錢的作者.
新出 '幸謠說'.
地鐵站就有自助賣書機,
有書睇啦~

聖羅蘭婚紗攝影::拍攝

好辛苦架...
全日拍攝...

7.00am 就要出門口
9.00am 到達
2.00pm 出外景
6.30pm 回到主場
8.30pm 離開
11.00pm 返抵家門
早出晚歸,
慘過返工.
早餐冇食,
飲咗杯朱古力保持能量.

造型師叫 Susan,
係首席造型師.
不過唔好以為好勁,
內地最鐘意巧立名目,
仲有集團總監, 化妝主管.
另有助手一名.
攝影師叫 Andy,
不過 Susan 提我叫佢 '安妮姐姐'???
(明明係個男人??)
佢話咁樣會影得我靚啲 :p
另有助手一名.
個 sales 係貝貝,
(個個sales 都係疊字的熊貓.)
佢成日都黏住我,
好煩~
仲有無聊人一大堆.

第一個拍攝造型係室內主婚紗,
白色公主樣婚紗,
所以佢幫個簡單的弄鬈長髮披肩加個小皇冠,
坦白的說,
唔多喜歡:p
懶溫柔!
攝影師好有心機,
換咗好幾個佈景同(假)花束.
會問你想要的感覺, (甜蜜? 自然? 酷?)
然後指導你表情動作,
當然其中有啲都娘娘地啦.
我想要甜蜜,
所以張張都咧開個口嘴黎笑,
張張露齒好似傻仔咁 :)
不過依家唔笑等幾時??? :D

下一個係紫紅色晚裝,
造型師整咗個野性頭,
額前的頭髮梳到超高!!
好可怕 :p
到攝影的時候其實我唔知做緊乜?
亦都唔知要乜嘢感覺?
攝影師成日話要嘟嘴,
用口呼吸,
嘴唇要分開, 又不要太開.
究竟係點樣完結??
我唔清楚.
我想起 America's Next Top Model~!

時間關係,
要出外景啦.
出去之前俾個簡單飯盒,
味道唔錯,
不過我唔敢食,
我驚有肚腩,
又驚去廁所.

先穿白色大拖尾婚紗,
造型師幫我配咗個超大的頭飾,
好喜歡!!
最愛超誇張的東東.
一行六對.

好痛苦的過程.
不過因為先完成造型再坐車出去,
先怕暈車浪,
個頭又重唔可以亂動,
然後婚紗後腰位有個大蝴蝶結阻住晒!
仲要塞車!
比死更難受...

目的地話係去 '秘密花園',
原來係小梅沙大酒店個燒烤場!!!
有個魚塘,
有一小片草地,
有啲草/木製涼亭加條石橋.
不過我相信啲相都應該唔錯.

行程繼續,
走之前換下一套沙灘裝,
個頭收為髮髻,
比較清爽.
見到其他人選的都是伴娘裙款的簡單彩色短裙,
慶幸我選了飄飄飄的希臘女神裙,
雖然舉步艱難. :p

再上車去下一站,
係大鵬灣發電廠後的 '沙灘'.
好多貝殼的沙灘囉,
行到好痛~
風涼水冷.

完成後再塞車返深圳,
攰死人.
再轉髮型,
一日裡面轉五個造型,
一梳啲頭髮斷晒,
全部都係噴髮膠!

最後係中式旗袍,
上海灘的造型,
好靚~
勁假樣好似 Stephy.

全日的行程終於完結!
造型師仲問我要唔要落妝換髮型?
梗係唔駛啦!
再梳啲頭髮冇晒啦~
而且 8.30 我都餓死咗啦.
落妝都免啦~
拿拿臨俾我走啦!
至多食完飯搭皇岡車轉的士返屋企!

別緻餐廳 Cafe Le Must

因私事去到紅磡國際都會,
叫天不應叫地不聞 :p
一早搵定有乜食??
openrice 中別緻餐廳好評較多,
決定訂座試一試.

打開餐牌,
簡單易明,
一個套餐 HK$138,
從餐牌選出前菜, 湯, 主菜, 甜品, 飲品各一,
某些款式要加錢.

我們的選擇:
前菜
xxx芝士沙律
沙律的菜好新鮮,
(係我唔識名的西式菜種.)
不過比較苦 :p

蟹肉釀牛油果 (+25)
好香架,
我又鐘意食牛油果~


什菌湯
唔係 creamy 的什菌湯,
不過都好好味啦!

蕃茄雞肉清湯
個人唔好西式清湯 :p

主菜
奶油乾火腿寬條麵
超讚!
因為 salami 同乾火腿都係好嘢,
奶油寬條麵又唔會好濕好唸.

煎三文魚
好嫩滑,
不過男士食呢個三文魚一定唔夠飽~

甜品
蘋果玉桂卷
熱食的,
酥皮的,
唔太甜,
美中不足係酥皮多過蘋果.

檸檬慕絲餅 (+$15)
ok 啦,
唔太特別囉.

埋單HK$348.
超抵!
有氣氛,
有質素,
有服務.
下次去銅鑼灣食過.

別緻餐廳 Cafe Le Must
地址 : 紅磡都會道6號國際都會商場752號舖
電話 : 3167 7175
類別 : 法國菜

新開分店:
地址 : 銅鑼灣記利佐治街1號金百利廣場7樓R3
電話 : 2573 8929

聖羅蘭婚紗攝影::揀衫

聖羅蘭婚紗攝影係深圳灣附近,
皇崗搭的士人仔 50,
羅湖人仔 70,
深圳灣人仔 20.

係深圳影的好處係,
分開揀衫同攝影,
中途發現有唔滿意可以返香港買.
唔好處就要去幾次.
揀衫, 攝影, 揀相, 攞製成品.

一早已經選定拍攝日期,
星期六揀衫, (要早一至兩日)
星期一影相,
因為怕星期日出外景太多人. (怕羞 :p)

終於都到期啦.
好彩減肥結果都幾滿意 :P
揀衫行程用咗兩個半鐘,
五個造型,
揀咗白色公主樣婚紗(室內主婚紗),
紫紅色晚裝(室內靚靚高貴 look),
藍白色珠片旗袍(中式),
白色希臘女神(沙灘裝),
白色大拖尾婚紗 (室外公園 / 森林用).

Tuesday, March 24, 2009

婚紗攝影::內地攝影

一早已經唸咗返內地影相,
一來比較便宜,
二來比較近.

佢話去台灣/四川太遠,
可能天氣唔好,
瞓得唔好,
狀態唔好.

星期六冇特別事幹,
所以返內地走一轉.
之前已經係上網做咗搜查,
選定麥田映像.
去到皇崗搭十六蚊的士就到啦,
係一間寫字樓入面.

上到去已經打個突!
黑媽媽又細間,
同我上次陪阿哥睇的時間嗰啲完全冇得比!!!
接待員又唔專業,
問佢睇吓啲衫,
佢得四個三米長的架,
仲要密麻麻件件都有個袋套住,
乜都睇唔到!
小姐話電腦入面有相,
好少選擇仲要好娘!
最靚就係佢網頁的新娘選嗰幾款!
再問佢睇吓個室內景,
佢帶我去個露台同我講出面嗰一角假草地就係景!
我真係懷疑可唔可以企到兩個人?
如果我畏高咁點?
另一個水晶燈景呢,
就真係一盞書桌咁大的水晶燈,
我以為係 reception 的裝潢咋!

可能佢主力係外景囉...
不過啲衫都攞命啦.
所以我即時掉頭走,
走番之前同阿哥去睇過嘅聖羅蘭.

遠就遠啲,
係南山區,
不過可以係深圳灣走.
至少人地好似商場咁有兩層,
大量婚紗的選擇先啦.
由於之前已經聽過一次,
所以行過圈冇乜問題,
就落訂試吓影最平的 3999 套餐啦.
都係也也烏平平地玩吓啫~

不過有排都未影,
遲啲再寫.

(舊文: 寫於 2009年 2月 9日)

婚紗攝影::影相前的準備

影相前一星期:
1. 減肥就梗架啦! call 機肉拜拜~ (但係拜拜肉仍在... 灰!)
2. 買 nu bra (上網見啲人話平同貴都差唔多, 咁我揀對厚架囉 :p) (但係最後都冇用到!)
3. 買對平平地的白色高踭絹面鞋 (要平, 因為行完沙灘對鞋都報銷啦! 要高, 因為佢高囉! 我一定唔做小矮人啦!!) (最後高踭鞋都冇去沙灘, 不過去咗園林都死啦.)
4. 朝朝食即食燕窩 (臨急抱佛腳~)
5. 日日布甸 mask (為了靚靚~~)
6. 睡眠充足 (自閉一個禮拜!)
7. 染髮 (至少都遮蓋白髮.)
8. 修甲 (french nail!)

雨季又來了

又落雨...
好彩尋日冇陽光都冇落雨.
最憎落雨!!!

濕淋淋...
公司凍到好似雪房咁...
i'm freezzzinggg...

婚紗攝影::一天的讚美

昨天聽了一整天的讚美說話,
心底暗暗高興 :D

但這些都不是攝影師的話 :p
是化妝師, 造型師說的.

- 你皮膚好好呀~~
(梗係啦, 呢個禮拜我日日敷 mask!)
- 你頭髮的顏色好漂亮呵~~
(loreal 3D color 深紫葡萄, 不過都唔太能夠遮掩白髮.)
- 你左邊眼型很好~~
(又提我傷心事, 我知右眼唔靚...)
- 你臉好小呀~~
(因為佢大面, 所以我咪細囉.)
- 你臉型很漂亮~~
(幾日將近不吃不喝, 唔係唔尖呀??)
- 你身材好好啊~~
(係件件衫的設計上都有前有後啫!)
- 你腰好細呀~~
(我真係減肥架!!!)
- 全場你最漂亮啦~~
(你唔係攞我同佢地比呀???)

我當真架啦~ 哇哈哈!!!

Sunday, March 22, 2009

火車

一般上內地我都係經皇岡 / 深圳灣,
好少機會搭火車,
更加好多年都冇去過羅湖商業城.

尋晚見時間尚早,
所以搭的士行一轉商業城.
成日都唔明點解個個都話要去商業城???
唔係翻版天堂咩???
原來除咗翻版,
仲有平鞋, 平衫, 首飾, 舞衣, 窗簾, 修甲, 按摩.
結果都係空手而回.

之後就搭火車返香港,
慘啦!!!
嘈到呢!!!
電視聲啦, (車廂開乜鬼電視呀???)
人聲啦, (都唔知係夜媽媽定人多???)
車外面的立雜聲啦, (車聲人聲風聲!)

頭都痛!
早知就去靜音車廂或是頭等啦....
不過我唸我都唔會再搭火車架啦!!!

Saturday, March 21, 2009

梅豔芳 Faithfully


近排聽得最多的 MP3 係梅豔芳 Faithfully 3CD!
依家再聽 '淑女' '將冰山劈開' '烈炎紅唇',
一啲都唔過時~

Friday, March 20, 2009

被追

有時被追都唔一定係開心架.
例如追你的人你唔鐘意啦,
佢太煩啦,
或者太樣衰啦,
或者佢追你反而令你覺得冇面啦.

事情發生個多月前,
令到我非常唔開心!!!

嗰個想同我做 '朋友' 的係個阿叔!
我唸 40+ 啦.
仲要係某大廈高級管理員!
我冇年齡同職業歧視,
不過突然間俾個年紀長的朋友咁樣黎認識我,
覺得自己都老咗一節囉!!!

係睇樓的時間留低張卡片之後佢打俾我同 SMS 我:
你介意我打你手機嗎? 係就係唐突咗少少, 不過想約你麻.

我真係介意, 好介意!!!
點解會吸引啲阿叔!!!
一向係少男殺手架麻!!!

減肥

仲有三日就可以出關啦!
至少都食個自助餐吖???

Thursday, March 19, 2009

感謝

應當感恩.
因為你們,
成就了今日的我.

失去令我更懂得珍惜現在.
相處多年讓我學懂忍讓體諒互勉共存.
------------------------------------------
感謝傷害你的人, 因為他磨練你的心志.
感謝欺騙你的人, 因為他增長你的智慧.
感謝中傷你的人, 因為他砥礪你的人格.
感謝鞭打你的人, 因為他激發你的鬥志.
感謝遺棄你的人, 因為他教導你該獨立.
感謝絆倒你的人, 因為他強化你的雙腳.
感謝斥責你的人, 因為他磨練你的心志.

摘自:
賴淑惠
選擇放下就能活在當下

Wednesday, March 18, 2009

唔該 thank you~

又一奇人,
你唔當我上司,
我都係你同事啦.

你搵你個同事幫你轉告人事部你需要請假,
俾個 sms 你:
i want to apply leave today.
或者得兩個字:
early appointment.
至少都加句 '唔該 / thank you' 啦.
一次唔記得,
兩次冇寫,
三次我相信你係唔會做.

基本禮貌都唔識,
駛唔駛由頭教過你?

Tuesday, March 17, 2009

我的最愛 L for Love, L for Lies

看了 '我的最愛',
估佢唔到,
好好睇喎!!!
剪接好好,
結局出人意表而且內容都很有心機.
好多段都好入肉,
對白亦頗精警.
不過 Stephy 的超高音真係好難頂!

這是我最鐘意的其中一幕:
我想你身邊的都是肥婆豬扒.
M 到的時候可以亂發脾氣.
成日話減肥其實想你話我無論點你都會愛我.

Pansum Wall Sticker Shop牆貼專賣店

我一屋都係白色,
因為簡單就是美.

不過見到牆貼又好想買張返屋企點綴吓...
唔貼牆都可能貼櫃啦...

my must buy~




Pansum Wall Sticker Shop牆貼專賣店

分手

有好多人都好鐘意以 '分手' 作為嗌交的籌碼,
講兩句唔夠人講就話分手.
這種唔經大腦的 '分手',
後果自負.

唔捨得就唔好講啦.
你估人地次次都會同你講: 唔好啦....
人地真係答你: 好!
咁你點呢?

如果有一日,
我真係講分手,
我唔會係講笑,
因為我真係想離開你.

先小人, 後君子

那天 iris 說起 Helena May 同伯大尼都係註冊的好地方,
法定古蹟, 古典味濃.

然後我搵啲相俾佢睇啦.
佢話唔好.
我問點解?
佢話因為同啲親戚唔係好夾喎.
即時怒火中燒! 關親戚乜嘢事???

他日我結婚,
每個細節(除咗拜祖先的時間)都係要配合我同我老公!
事無大小都只需要與我兩口子相襯.
婚宴場地唔啱襯咁旅行結婚唔洗見到啲親戚啦.

如果要聽埋/考慮埋其他親朋戚友的意見,
我寧靜唔嫁.

Monday, March 16, 2009

copy: 把終身託付大笨象

讀 者 小 陳 這 樣 形 容 大 笨 象 : 「 獨 身 女 人 愛 上 他 , 以 為 可 付 託 終 身 , 對 方 雖 未 變 心 走 佬 , 但 卻 臨 老 爛 賭 , 向 女 人 要 錢 填 數 。
有 趣 的 說 法 ! 的 確 , 在 不 少 人 心 目 中 , 買 大 笨 象 不 是 投 機 , 甚 至 也 不 是 投 資 , 跟 大 笨 象 在 一 起 , 幾 乎 是 一 個 終 生 承 諾 , 把 畢 生 血 汗 把 未 來 希 望 傾 注 到 大 笨 象 身 上 , 比 收 藏 到 床 下 的 餅 乾 盒 更 保 險 。
如 果 說 跟 別 的 股 票 玩 的 是 一 夜 情 、 霧 水 情 、 濫 情 、 偷 情 、 亂 愛 、 錯 愛 , 但 求 曾 經 擁 有 , 不 求 天 長 地 久 , 對 大 笨 象 , 追 求 的 卻 是 長 相 廝 守 。 許 多 人 跟 伴 侶 的 婚 姻 經 不 起 七 年 之 癢 , 跟 大 笨 象 卻 情 比 金 堅 , 經 歷 高 低 起 伏 而 堅 貞 相 守 , 銀 婚 不 過 等 閑 耳 。
大 笨 象 是 女 人 眼 中 的 丈 夫 人 選 : 老 實 、 寬 厚 , 賺 錢 能 力 強 , EQ 高 , 逆 境 亦 自 強 。 越 是 跟 股 票 愛 過 、 恨 過 、 快 樂 過 、 傷 心 過 的 人 , 越 能 體 會 大 笨 象 的 好 。 男 人 信 不 過 , 兒 女 也 不 一 定 靠 得 過 , 放 在 銀 行 中 的 錢 也 可 能 貶 值 , 但 是 大 笨 象 , 只 要 你 愛 它 , 它 一 定 給 你 愛 的 回 報 , 縱 跌 巿 , 亦 有 股 息 收 。 老 來 無 依 , 只 要 有 大 笨 象 在 手 , 心 中 不 會 無 助 徬 徨 。
沒 想 到 大 笨 象 會 有 令 股 評 人 落 淚 的 一 天 , 絕 對 是 集 體 失 戀
大 笨 象 由 神 變 人 , 面 對 抉 擇 , 象 迷 的 哀 傷 只 有 象 迷 知 道 ; 揮 慧 劍 斬 情 絲 跟 奉 獻 積 蓄 重 續 舊 緣 都 只 有 一 字 可 曰 : 痛 。

高慧然
15/03/2009
蘋果日報

是老了

Day 1: 接機 home@1.00am
Day 2: 你咪理, 我愛你, 死未? home@11.45pm
Day 3: 今日情人節梁靜茹演唱會 home@12.30am

只不過是連續三天稍稍夜遊的活動,
已累得要命.

Sunday, March 15, 2009

查找

找尋資訊的時間有人結伴上路,
很是高興~

短短的日子內已可決定大方向,
舒服晒~

當然都要多謝某人縱容行兇啦~
呵呵~~~

今天情人節─梁靜茹2009香港演唱會


日期: 14/03/2009
地點: 紅磡體育館
人物: 6 條茂李

很期待的演唱會.
梁靜茹的現場演唱一向不錯,
而且佢嘅歌實在陪伴我在情場中的悲歡離合.

(被迫) 買咗螢光捧 :p
一路搖一路唱~,
每首一路跟著唱~

最差係每首歌之間都會熄燈!
氣氛完全帶唔唔到落下一首!

簡簡單單沒有大量舞者,
衣服又沒有特別出色.
只有少量間場的雜技團表演.
不過仍然係一個很開心的晚上.

Saturday, March 14, 2009

你咪理, 我愛你, 死未? (喪愛甜心版)


日期: 13/03/2009
地點: 香港演藝學院歌劇院
人物: 4 條茂李

一般般,
冇乜驚喜.
不過有幾幕都幾好笑.

突然間不能一心二用,
專注聽歌詞又睇唔到戲 :p
個心偏愛二汶的歌聲 (不過交唔到戲 :p),
好響亮!

最得著係覺得寧願中間後啲都好過前排側位.
---------------------------------------------------------
你咪理, 我愛你, 死未? (喪愛甜心版)
一個笑中有淚、觸動心靈、以鋼琴小提琴現場伴奏的百老匯歌舞劇!
此劇原著(英文版) 於96年起在美國外百老匯連續公演至今,由風車草劇團公演的全球首個授權中文版《你咪理,我愛你,死未?》更是三度公演均告爆滿!
原著英文歌詞句句一針見血,由王祖藍執筆之中文歌詞同樣鬼馬抵死,今次「喪愛甜心版」演出班底除了風車草劇團的梁祖堯、邵美君及湯駿業外,還特別邀請了at17的林二汶參與演出!導演乃Peter Jordan,並由張錦程擔任聯合導演,務求加愛情感覺,要入場人士感同身受,隨時喊餐飽,笑到夠!
《你咪理,我愛你,死未?》網頁: www.windmillgrasstheatre.com

Friday, March 13, 2009

第三十三屆香港國際電影節

剛買了第三十三屆香港國際電影節的票:
表演名稱: 新宿事件
場地: 香港文化中心 - 香港文化中心大劇院
日期: 2009/03/30 09:30
不設劃位 HK$60

全因為文化中心大劇院上映好似幾得意咁~
原本成龍的戲就麻麻地,
但好過睇文藝片啦 :p
其他的選擇仲有香港大會堂, 香港科學館, 香港電影資料館啦.

哥哥手信 from 台灣

哥哥飛台灣之前一早搵定啲減價貨叫佢買俾我~
一減就平好多架啦麻~
橫豎全部都唔等駛 :p
主打 DR.WU 同我的美麗日記,
至少我用過覺得 ok 啦.
----------------------------------------------------------

DR.WU RS活氧美白精華液 15ml
Anti-oxidant Whitening Serum With Fullerene RS™
DR.WU最新研發的「三次元活氧美白機制」,針對黑色素的形成有效達到抵禦、抑制、還原之作用,DR.WU首度應用美白科技Fullerene RSTM,加上酯化維他命C與鞣花酸,逆轉老化現象,抵制還原黑色素改善膚色黯沉,淡化黑斑、多方面解決肌膚問題,使肌膚回復原有的淨白透亮。
原價 NT$1200
特價 NT$799元 @康是美

之前已經完成一支,
平靚正之選.
質地清爽,
日頭用.
----------------------------------------------------------------------

DR.WU 玻尿酸保濕水凝霜 30ml
專為敏感及乾燥缺水肌膚所設計的高效保濕水凝霜,強效保濕鎖水配方,質地清爽細緻,吸收迅速,含豐富的海洋膠原蛋白、玻尿酸及多種植物萃取精華,透過DR.WU特殊的微導傳輸系統,有效釋放活性成份,改善暗沉鎖住水分,常保肌膚健康柔嫩有光澤,展現水嫩、緊緻、有彈性的完美狀態。
原價 NT$1350
特價 NT$??元 @康是美

新貨式!
三月剛上市.
DR.WU 玻尿酸一向出名,
希望呢個都唔會失望啦~
----------------------------------------------------------------------

DR.WU VC微導全效精華液 30ml
Intensive Revitalizing Serum With MAP
針對惱人的缺水、暗沉、鬆弛、粗糙、緊繃等肌膚問題所研發。All-in-One全方位保養概念,同時解決五大肌膚問題,打造無瑕豐澤肌質。<屈臣氏獨家販售>
原價 NT$1350
特價 NT$1200 仲加 1 蚊多 1 件!!! @Watson's

VC 呢個系列香港好似未有得賣.
都唔太清楚同普通美白系列冇乜分別 :p
不過貴啲同功效好似多啲囉.
所以我唸住夜晚用~
-------------------------------------------------------------
'我的美麗日記' 其實香港愈黎愈平,
早幾日我見到某連鎖店賣 HK$52 (10片) 咋.
但係見唔到我鐘意的蘋果多酚(緊緻毛孔用)咪叫阿哥賣囉.

點知佢個香港人死貪心,
又買咗節日限定的禮盒裝同巧克力多酚(抗老緊實用)俾我!!
水感美人養成專案禮盒 30+3片 係 NT$588 喎~
仲送支潤唇膏(SAVEX護脣膏(熱帶水果味)添!
(珍珠*10片+蘆薈*10片+保加利亞白玫瑰*5片+納豆*5片+隱藏版*3片贈品)


要知道佢係買一式兩份俾我同佢老婆!!
全喼淨係護膚品,
好似走水貨咁!!!
半年唔駛買護膚品啦~

info from,
Dr Wu
博客來網絡書店

Six Senses Hideaway Samui

其實我個人真係三心兩意,
得一又想二 :p

睇吓睇吓,
見到泰國蘇梅島呢間酒店超靚!!!
Six Senses Hideaway Samui via travelusb.com
CX 賣緊 ~HK$3000 一晚.



然後再睇吓睇吓,
有個 Hideaway Wedding Package,
min. 189,000 baht,
3 日package,
~HK$40,000!!!
好似好得咁囉,
等我問吓詳情再報告啦~

仲有求婚 Propose in Paradise Package,
呢個係西瓜刻成 Will YOU Marry Me??!!
勁好笑~

H&M slim legs 西褲

幾季前已經開始買 H&M slim legs 西褲,
著得對腳又瘦又長,
物料有彈性又唔會皺唔洗燙,
仲只不過係 HK$199.

第一條買深紫色,
之後又買仲黑色,
新出酒紅色買! 再買多條黑色,
深寶藍色又幾易襯又買,
今季新出紫紅色好靚,
又買咗一條.

結果同一個款有六條~
呵呵呵~~
(其實舖頭仲有灰色啡色綠色同鮮紅色...)

Thursday, March 12, 2009

72 歲


雖然本人對謝賢那種懶不刻意的型冇乜與趣.
不過 72 歲手瓜都仲能起月展,
仲想點呀??

註冊

唔想擺酒,
但係都可以揀個靚啲的地方簽紙啩!

海陸空選擇各一:
海: 淺水灣酒店
陸: 黃金海岸酒店
空: 都會海逸酒店

平平地的選擇還有康文署的公園泳灘.
不過我唸做裝備都用唔少錢囉.
-------------------------------------------------------------


都會海逸酒店設有五個別具風格的宴會場地,不論大小或中西式婚宴,一應俱全,貼心配合每對新人的不同要求。 例如七樓室外的海景餐廳,採用大型開放式帳幕設計,充滿歐陸情懷,且坐擁無敵廣闊維港景致,空間感充足,晚上配合特別的燈光效果,室內室外小橋佈置,更添浪漫氣氛;帳幕設計可轉為獨立室內宴會廳,筵開二十多席,偌大寬敞,氣派盡顯;再加上其他音響、燈光、擺設等優質配套設備,令婚宴盛事更完美。
都會海逸酒店
地址:九龍紅磡都會道 7 號(紅磡港鐵站側)
查詢:3160 6827


香港黃金海岸酒店全新婚禮園林,298平方米的花圃種植了不同形態的樹木,令一片綠野中更見層次感。配合採用歐陸式宮廷設計,掛上匠心獨韻的水晶燈之雲石亭台,極盡豪華優雅,園內亦設有多道白色拱門、南瓜車、英式涼亭、噴泉等設施,讓新人們於歐陸式的浪漫氣氛下進行婚禮,拍下最動人真摰的倩影。
婚禮園林共劃分成三大區域─星夢園(Dream Garden)、情牽廊(Love Avenue)及漫花庭(Blossom Square),針對每對新人的不同喜好和需要,總有一款合心意。
黃金海岸酒店
地址:香港黃金海岸青山公路1號低層地下
查詢:2542 8668

東區鯉魚門公園及度假村禮堂
度假村禮堂前身是軍營教堂,公園有很多不同的古老建築,環境帶有歐陸式風情,註冊之餘,更是拍婚紗照的好地方。
查詢:2568 7455
淺水灣泳灘
被譽為全港最美的沙灘,行禮地點的小涼亭極具特式,如想舉行夏威夷式沙灘婚禮,是毋庸置疑的好推介。
查詢:2555 9021
九龍仔公園之洋紫荊園
有超過140棵洋紫荊樹,長滿代表香港的市花洋紫荊,綠草如茵,帶點英式傳統婚禮的氣派。
查詢:2762 2061
九龍寨城公園(六藝臺及竹桐軒)
以中國江南園林景緻作為設計藍本,極富中國色彩,若穿中式裙褂行禮最適合不過。
查詢:2760 4408
大埔海濱公園
一望無際的吐露港景緻,海濱長廊由街燈至欄杆都極富有歐洲色彩,是拍攝婚紗照的好地方。
查詢:3183 9041
西貢海濱公園
位於西貢海旁,風景優美,而且交通方便。
查詢:2791 3151
訂場手續
準新人的任何一方最早可於擬結婚日期的十二個月前遞交申請表。可從網上下載登記表格,郵寄申請表,請於信封面註明「預訂康樂場地舉行婚禮」,辦事處會以收到申請表的日期作實。如收到超過一份預訂同一地點及時段的申請,辦事處便會以抽籤的方式分配場地。成功的申請人須於本署發出通知信後七個工作天內繳付費用。申請人亦可於每月最後一個工作天或下一個工作天起到分區辦事處申請十二個月內該區未被預訂的場地或時段。申請人最遲須於擬結婚日期兩個月前遞交申請表。
收費
在室內場地(鯉魚門公園及度假村),首四小時收費為$2,900,隨後每小時$260;在室外場地(淺水灣泳灘、九龍仔公園、九龍寨城公園、大埔海濱公園、西貢海濱公園),首四小時收費為$2,500,隨後每小時$170。

copy from,
都市日報 2009-3-12

墾丁


雖然未有去墾丁的意向,
不過同事搵咗一輪,
話呢個網站的資訊比較詳細:
悠遊墾丁
希望快啲用得著啦!

轉貼

其實作每件事情之前,
最開心係籌備的時光.
容許你有許許多多天馬行空的幻想空間.

無論去 openrice 睇吓去邊度食飯,
抑或旅行去邊度行,
或者婚事如何進行.
上網找資料實在一發不可收拾!

這個找尋的旅程又令到我很想將其轉貼,
很忙 :p

Wednesday, March 11, 2009

心心 @DCI Product

很 sweet 呢.
二人世界多麼好.



from,
DCI Product via Oh Joy!

Hair Piece @ban.do

喜愛誇張的 Hair Piece,
不過只限觀賞性質,
幾時可以戴出街呢??

iris,
最尾嗰款係咪好似 project runway 嗰個呢?



from,
ban.do via Oh Joy!

Headband @treeandkimball

很浪漫很浪漫呢~~~
不過係香港戴一定俾人以為發花顛!!!



from,
treeandkimball via Oh Joy!

Gown @sarahseven

很美的裙.
可訂做,
全球郵寄,
作為婚紗也不錯 :)


from:
sarahseven's shop via Oh Joy!

Blog

新興趣係不停找尋新的 blog,
別人的生活,
別人的介紹.

左 link 右 link,
日日新鮮,
看見美好的東西,
望吓都歡喜.

***新增 Oh Joy! 的介紹好靚~***

Applegreen

兩個人去尖沙咀,
都唔知食乜好.
尋找 openrice.com
見到 Applegreen 風評不錯,
唸住打個電話訂位,
fully booked 喎,
(咁好似應該真係唔錯喎~)
唯有早少少 walk-in 啦.

主打沙律,
叫咗個Sesame Orange Chicken Salad (棒棒雞沙律),
原本見到隔離兩個小姐 half portion 好似會唔夠食,
點知 full portion 係好大盆!!
食極都食唔完,
結果係食唔晒!!!
不過係好好味嘅~
好多好多菜囉,
啱晒我.

咁當然唔會淨係叫個沙律啦,
另加一碟意粉.
清湯蜆汁加魷魚,
海鮮鮮甜,
不過意粉未算很好.

本來已經飽死荷蘭豆,
不過都好想食甜品~
叫咗去 Apple Green Crisp (HK$48).
好好味呀,
又唔會好甜,
個 crisp 面好脆~
加埋雲呢拿雪糕,
perfefct~

埋單 HK$279,
坐咗兩個鐘,
很舒服.
女士輕食加高談闊論必然之選.

Applegreen
地址 : 尖沙咀河內道5-7號地下3號舖
電話 : 2368 1263
類別 : 美國菜、西餐廳

麻煩

記得當年我在永安作領隊的第一堂課.
這是我人生中的第一個關於 '服務' 的課程.

導師說:
跟客人的談話當中千祈唔好話:
'麻煩你電話幾多號.'
'麻煩你等一等.'
'麻煩你身份證.'
'麻煩你xxx'

因為你不停講 '麻煩你xxx',
明明唔麻煩都覺得有啲麻煩啦.
所以我依家都只係會講 '唔該你xxx' 囉.

尋開心

再不要問我對第三者 / 婚外情的看法,
我不會舉腳贊成,
(冇辨法, 點都要講句: 你青春不再啦麻~)
但也不會歧視你.

當年的我也是開心為上,
只顧自己.
(厚顏無恥, 哈哈~)

跟甚麼人一起不重要,
最重要一起的時間是舒服開心便好,
千萬不要受委屈唷~

尋開心 趙學而
作曲:周初晨
填詞:林夕

別來扮 伶仃孤苦身世 你是我哪位
誰也學會 拾得起 放得低
而眼淚嗎 我不敢發揮 就如洞悉一切
亂世的情侶 誰亦滿身傷勢

別忙著 狂抽煙的手勢 以為愁腸是美麗
我令你 有歡慰 才是實際
你讓我 有安慰 誰亦不必理虧
你別要 再幽怨 和慚愧
我尋你開心 你尋我開心
我們還有什麼可以恨
我贈你體溫 你贈我興奮
男或女來製造愛我不關心

愛情求開心 沒有所謂敵人
快別要破壞美好氣氛
別在乎什麼 所愛非人
誰能讓你愉快 便算 合襯
(誰能讓你愉快 便安枕)
(誰能讓你愉快 和安枕 也就能合襯)

Uncle Nelson

Uncle Nelson 係度坐咗好一段日子,
因為大家工作的範疇唔同,
佢有冇生意我唔知.

不過我知道佢絕對係我地呢層樓 Mr. Social of the Year.
好少見佢做嘢,
但係我日日都聽到佢大大聲的講私人電話,
周圍問人同唔同佢去食 tea 啦, happy hour 啦, 打麻將啦, 打邊爐啦,
辦公室的各人都俾佢問齊囉.

煩死人!!
雖然我都唔見得好勤力,
不過你唔好係我附近咦咦淫淫啦!!
--------------------------------------------
其實 Uncle Nelson 唔係叫 Nelson,
朝見口晚見面但係我真係唔記得佢叫乜嘢名.
只不過同時佢亦從來唔記得 Nigel 個名,
佢每次都叫 Nigel 做 Nelson.
最抵死係每一次佢叫 Nigel 做 Nelson 的時候 Nigel 都會應佢.

Starbucks

生活迫人,
但係你都可以對自己好啲.

到 Starbucks 買一杯 tall hot chocolate w/ cream 加兩件 lamington.
貴就貴啲,
HK$41.

香甜的 hot chocolate 加上色彩繽紛而軟滑的lamington.
簡簡單單,
不過心情就好很多呢~

原色人格簡易分析

又係人地個地頭搵到新玩意:
源自西藏的Me原色~
官方話係
外在行為、內在潛意識思考及與生俱來的靈質個性之三種穩定色光,組合成最能夠代表每個人內在個性和外顯行為的顏色組合

reference:
原色人格簡易分析 via plainfaceangel

04. 類比型
【Me原色組合】自覺紅色 + 潛質綠色 + 原生橙色
【類比型】
愛面子且藉由與同類型的人比較獲得滿足的人。
與同類型的人比較是他們進步最大的動力,能夠藉由這樣的比較獲得自身的成就感。雖然重視朋友和家人,但相較之下,更重視自己的成功。
。多半都很愛面子,除非必要不會承認這一點。(我一向都話我最愛面子!!~)

【類比型‧Me原色組合色彩本質】
。自 覺 紅 色:勇 氣
。潛 質 綠 色:超自然
。原 生 橙 色:安 定

【類比型的外顯行為】
。有創意、有創新革命精神,喜歡展現自己具創意的一面。興趣廣泛,對於生活中、工作上必須學習的知識,積極有好奇心,但往往只有三分鐘熱度。 (哈哈! 所以我樣樣都識少少, 樣樣都唔識!!)
。喜歡與人比較,尤其是當自己佔優勢的時候;當自己趨於弱勢時,絕對不會做這種自討沒趣的事情。
。相信靈魂伴侶,也認為生命中一定會遇見完美契合的靈魂伴侶;敢愛敢恨且愛恨分明的典型,認為「愛情就是給予對方全心的熱情和支持」。

【類比型的潛意識】
。潛藏型的愛面子,很在意自己的表現,希望給人良好的印象。但多數都不承認,甚至會刻意隱藏這個特質。
。重視情感和感覺,尤其著重精神生活的追求;不太重視物質,很少為了物質的匱乏感到憂心。敏銳的心讓他們很容易設身處地替他人著想;情緒很容易受他人影響,尤其是重視、珍愛的人。面臨情緒紊亂時,獨處的平靜能夠讓他們安定下來,回復理性平和的思考。(係呀, 我一個人靜靜地一陣間就冇事架啦~)

【類比型的靈能意識】
對於自己有良好甚至嚴苛的控制能力,當設定好目標,就會控制自己在規劃時間內完成。(我有好好的控制能力, 不過冇目標 :p)
。具有嚴肅和誠實的特質,常常給予中肯且誠實的建議。善於思考和推演,尤其在作任何判斷時都會縝密的思考,公平且完全的客觀,是穩重而可以倚賴的人。(阿媽成日話啲事情經我算過草都冇條生!!!)
。做事四平八穩,物質的滿足可以讓他們專心地展開新目標和規劃。面對困難非常理智,經過分析研判實際狀況而做出認知裡妥善的決定,不喜歡冒險,生活安穩是很重要的,若面臨選擇,大部分會選擇理性和安穩的那一方。 (最好乜都唔好變~)
。對於家庭有強烈的保護慾,很重視家庭的價值;他們也重視教育,對教育下一代有很強的責任感。(係喎, 讀書好緊要喎! 所以我堅持生咗仔一定要住香港島喎!!)

最憎

最憎人不斷重覆一個我唔識的課題.
都話唔識,
你再問都係唔識架啦!

最憎人唔聽人地講完成件事情的來龍去脈就急不及待的發表偉論!
你都未聽晒?
你點知我想講乜呀?

最! 憎!

如果你有親友去台灣

台灣的化妝品牌價廉物美,
所以每次有人旅遊的時候,
都會多口搭句幫忙購買.

Dr Wu 啦,
我的美麗日記啦,
寵愛之名,
牛爾等等.

不過台灣的藥妝店每月/每星期都有各種的減價貨品,
便宜多!
先上網睇一睇就更著數啦~

康是美
http://www.cosmed.com.tw/



屈臣氏
http://www.watsons.com.tw/

Monday, March 9, 2009

為食鬼的一天

一如每個星期日,
晨咁早飲個茶,
今次去咗土瓜灣.

然後阿嫲要去深水埗買腐竹.
樹記依家愈黎愈多人,
次次去到都要排隊!

之後經過九龍城,
想起謝寧的曲奇餅,
所以又走咗入去尋寶.
但係我又唔記得地址 :p
遊吓遊吓見到四季餅店.
見到啲3D蛋糕超靚,
曲奇都ok,
不過我真係想食咗謝寧嗰個先.

然後又見到豪華餅店排長龍,
又有阿蘇的文章話係No.1 的蛋撻,
而且又有蝴蝶酥喎,
咁我作為喜愛排隊的香港人,
又去排埋一份囉~
酥皮蛋撻囉,
酥皮香脆因為燶啲囉!
蝴蝶酥都好,
不過兩樣如果都焗番熱少少就好好啦~

想放棄的離開的時候,
架車又經過謝寧的曲奇四重奏喎,
即刻拿拿臨落車買啦~
不過好貴!!!!
HK$138一盒雜錦曲奇,
HK$38一包蝴蝶酥,
好過去搶~!
曲奇未開.
***11/03/2009 終於都開咗啦, 但係零驚喜, 仲覺得麻麻地添, 都唔鬆嘅. 又唔會想追黎食囉. 即時覺得俾人呃咗.***
蝴蝶酥就好好味啦~
牛油味勁香!

送咗阿嫲返屋企之後再出發去大坑!
因為睇飲食男女見到大坑有間叫 'Tuck Shop' 的雜貨店有榴槤雪條,
HK$100 有12支,
仲有芒果, 紅豆, 蜜瓜等等奇怪的選擇.
榴槤同紅豆雪條都幾好味架~
芒果就麻麻地.

黎到大坑,
順便食個晏,
去咗順興茶檔食車仔麵,
HK$26 三餸車仔麵連飲品.
不過實在一般,
柴灣電話機樓個哪渣麵仲好食!

最後再去埋筲箕灣買餸~
功德完滿!!!

四季餅店
地址 : 九龍城衙前圍道136號A5舖 (近福佬村道)
電話 : 2790 6628
類別 : 麵包/西餅

豪華餅店
地址 : 九龍城衙前圍道 136 號
電話 : 2382 0383
類別 : 麵包/西餅

曲奇四重奏
地址 : 九龍城福佬村道58號鴻福樓地下
電話 : 2382 2817
類別 : 麵包/西餅

順興茶檔
地址 : 大坑安庶庇街24號地下
電話 : 2576 6577
類別 : 大排檔

雙眼皮

那隻奇怪的雙眼皮已持續多個星期啦,
因為個 facial 定因為瘦咗,
真係不得而之.
不過媽媽話我細個作病的時候就會變雙眼皮.

不過嗰日去飲可以舒舒服服嘅為雙眼化妝,
實在非常高興~

心癢癢的想買盒 eye shadow 慶祝吓~~
嘩哈哈!!!!!

Sunday, March 8, 2009

得閒飲茶

睇完星期日檔案講關於 '港女',
介紹 '得閒飲茶' 呢齣戲係講呢個題材,
拿拿臨上網睇,
好得喎!!

有啲我都有份 :p
例如食飯叫到一枱都係~
哇哈哈~~
好彩佢食得落 :p

飲宴

之前已經表明過自己唔想擺酒,
因為勞民傷財.

尋晚去咗大學同學的酒宴,
選址九龍香格里拉.
地點方便.

不過時間就差到極啦.
有乜可能唔能夠枱枱都有大合照吖???
七點幾就入座等叫名架啦麻~

然後話八點開始註冊,
個律師唔多掂.
慢吞吞接近九點至開始!
九點半先有得食!

仲要食食吓又要抽獎又要驚喜,
(雖然我都覺得個驚喜幾浪漫, 每枱搵五個人一人一枝玫瑰排隊送俾新娘, 最後一個係新郎.)
走的時候成十二點啦!!!!!!

都唔知黎恭喜你,
定黎貼錢黎做你臨記!

Friday, March 6, 2009

潮拜購物狂


日期: 06/03/2009
地點: MCL 康怡
人物: 3 條茂李

我係 Shopaholic 粉絲.
所以故事一清二楚.
基本上都係忠於原著.

女角太老,
男角又唔夠型.
衫褲鞋襪又唔係好靚.
但係作為傻大姐加白馬王子式童話故事,
看得很是開心.

特別一提係今日去咗康怡 MCL,
唔知乜嘢優惠,
三個人都係HK$110,
原價一人$55 架.
結果一人$37!!
仲送三張五蚊小食卷.
我話明要上網歌頌佢!!!

潮拜購物狂 (IIA)
104 分鐘
導演: P.J.荷根
演員: 艾娜菲舒亞, 曉丹斯
英語對白,中文字幕 個性古靈精怪又天生樂觀的貝琦(艾娜菲舒亞 飾)為了展開她的瘋狂購物之旅,畢業後便立即搬到曼克頓市。身處潮流聖地,心愛「飛佛」大量入手,貝琦即時成為城中的潮流教主﹗不過愈買愈失控弄得負債累累,偏偏陰差陽錯成為財經雜誌記者,更要在專欄上給人財政建議?﹗才剛暗自僥倖有個有型靚仔編輯上司(曉丹斯 飾),卻原來是個24小時工作狂人﹗二人的價值觀火星撞地球,因此一對歡喜冤家由朝嗌交嗌到晚。一直信奉「心情好買鞋、心情唔好買鞋」的購物邏輯

懶藝術

3-13 你咪理, 我愛你, 死未? (喪愛甜心版)
3-14 今天情人節─梁靜茹2009香港演唱會
4-02 合家樂繽紛:美國至激雜耍大王《奇想創意SHOW》
6-04 Cats

樣樣都想睇.
買吓買吓....
買到六月....
最慘買唔到張艾嘉的非常林奕華《華麗上班族之生活與生存》囉!

會唔會加場呀??
唔通真係要去廣州睇....

Thursday, March 5, 2009

我的敗家實錄


買了新電視.
買了新電視.
買了新電視.
呵呵!!!

SAMSUNG 40' LCD
都只係 HK$4990 咋~~~~~~~
其實仲想買大啲! 不過冇得揀 :P
當然都有小小問題啦.
曾經短暫 display 啦,
得一年原廠保養咁囉.

LA40N81B
全HD 高清 1080p LCD 電視
1080p全高清的解析度是常規高清圖像的2倍,同樣空間含有1.5倍的掃描基線,另外,同相機同理,更多的像素就能夠創造更優質的圖像。例如,頭髮、皮膚、物體邊緣及明暗的地方就會更加靚麗。1080p全高清給您萬物的本質。
可視範圍 : 40
解像度 : 1920*1080
動態對比度 : 15000:1
可視角度(水平/垂直) : 178 / 178

Wednesday, March 4, 2009

人心不足蛇吞象

金錢是萬惡之源.
有又死, 冇又死.

金錢可以買來享受,
當你享受過便回不了頭,
然後你就要搵錢黎維持享受.

一百萬零一夜的兩位小角,
在美國享受過高床暖枕,
回到印度仍懷念短短的風光.

習慣享受的你.
沒有金錢,
可以怎樣?

一百萬零一夜

叫好叫座的戲,
點可以唔睇?
咁事實上都係好好睇嘅.
無論戲裡戲外的貧民苦況,
實在令人心酸.

Jamal 懂得百萬富翁當晚所有的題目,
原因係佢有好多慘痛的經歷.
各有前因莫羨人.
你想要錢定想要經歷?
很好的故事,
絕對值得一看.

我鐘意小朋友 Jamal,
好可愛~


一百萬零一夜 (IIB) Slumdog Millionaire
120 分鐘
導演: 丹尼波爾
演員: 迪柏特爾, 亞尼卡普
英語及(部分)印度語對白,中文及(部分)英文字幕 在眾多屏息以待的觀眾面前,18歲的賈馬勒只要正確回答最後一條問題就可以在印度最受歡迎的電影遊戲節目「誰想成為百萬富翁」中贏出,獲得二千萬盧布的獎金,成為百萬富翁。眼看賈馬勒只剩一題就能成為百萬富翁,心有不甘的節目主持人Prem Kumar認定他作弊,趁節目暫停錄影,通知了警方以欺詐的罪名逮捕了賈馬勒。警方和Prem Kumar及其他觀眾一樣,都十分疑惑沒讀過書的孤兒為何能答對所有連博士專家都沒把握全中的問題,他們遂逐個問題探討,由賈馬勒娓娓道來自己不可思議的遭遇及這些經歷如何成就他的成功……

Tuesday, March 3, 2009

番禺::香江野生動物世界步行區

全場最靚的動物,
個名都唔識讀: 山魈.

個樣超無奈的 xx猴.
(動物太多都唔記得邊隻打邊隻!)

捉蚤乸中.

冇開屏的孔雀.

可以買樹枝餵長頸鹿.

最後: 係懶過蛇的熊貓!!!
(仲去海浪公園? 人地有十隻呀!)



呢個係睇老虎表演的劇場.


係動物園逗留咗四個半鐘.
規劃很好,
不需走重重覆覆的路!
Blog Widget by LinkWithin