Monday, May 18, 2009

幸運的我

在適當的時候遇上合適的人.
讓我晒一下幸福可以吧?

總有人在給你支持,
特別當你係條街度行到身水身汗攰到抽筋.

完全唔介意俾你鬧,
仲話專登俾機會你,
因為你鬧咗會舒服啲.
(我想佢有被虐待狂!)

自己非常節儉,
但係絕對捨得花錢在你身上.

食飯的時候縱容你叫到一枱都係,
然後有個人會同你食晒所有的餸.

無端端想睇貴價懶高尚音樂會舞台劇馬戲團,
佢又俾錢你去買飛陪埋你去睇.

做個表情,
已經有人知你個心唸乜.

唔一定要叫你煮飯,
但係佢絕對會洗碗,
而且自己會熨衫擦鞋.

明知你購物慾旺盛銀根短缺,
佢仲繼續俾你行街花費.
(當然如果佢結賑就更好.)

去自遊行旅行都舒舒服服相安無事,
你想去邊佢同你安排,
仲要自己想去的景點都放棄而俾你返酒店瞓個晏覺.

冬天的時候有人瞓暖個被窩至叫你入去,
你仲可以將凍冰冰的腳板放到佢個肚腩上面又唔會要你走開.

總會拿起廁所板,
然後更會清潔一下.

任何時候都讚你叻!
出街買到嘢又叻,
瞓覺瞓多兩個鐘又叻 :p

謝謝您 :)

2 comments:

Vivian said...

你真的好幸福!! =)

芷蔚 said...

暫時都還好啦 :)

Blog Widget by LinkWithin