Thursday, February 12, 2009

男女大不同

同一件事情,
男同女的反應差遠啦.

某天在街頭與很久冇見的 Y 先生擦身而過,
然後分別將事情同 A 小姐同 B 先生分享.

A 小姐: 係咩? 佢做緊咩呀? 同邊個一齊?
我: 唔知喎, 面對面打個眼色, 鬼知咁多咩!
A 小姐: 哦.

B 先生: 係咩? 佢做緊咩呀? 同邊個一齊?
我: 唔知喎, 面對面打個眼色, 鬼知咁多咩!
B 先生: 冇理由佢係嗰區架, 佢去邊呢?
我: 都話唔知囉, 鬼知咁多咩!
B 先生: 呀邊個唔係佢隔離咩? 點解佢一個人呀?
我: 都話唔知囉!!
B 先生: 佢依家係邊度返工呢? 係咪仲係嗰個女朋友? 仲係住係香港島?
我: 打個眼色咋!!! 都話唔知囉!!! 你自己打俾佢啦!!! %*^*^xyz^&*$#&$

女人根本就知道冇咁多下聞,
同清楚大家都唔多將是非收收埋埋,
所以就唔會追問啦.

好佩服男人咁有求知慾,
邊有你咁鐘意閱讀理解,
一個眼神就可以引申咁多問題!
不過我知嘅都講咗俾你聽,
你點追問我都係唔知架啦!

No comments:

Blog Widget by LinkWithin