Sunday, February 1, 2009

住邊好?

記得當年買樓,
開始的時候最想買康怡,
覺得價錢合理,
地點適中.
可惜樓價升得太快,
搵錢搵得冇咁快.

再下一轉,
神來之筆想唸西半山,
好似都幾靜咁,
老豆一句: 咁鬼遠!
又放棄咁.

之後想唸杏花村,
老豆又話唔駛買啦,
唔出租俾人自己住就得.

最後發現屋企樓下有個買位放賣,
差兩層,
啱 budget 啱 size,
未睇過都想即時落訂!
唔覺意俾人買咗就嘔血啦!
唔覺唔覺就住咗兩年啦.

老豆一路想叫我換個大單位,
我知佢想我結咗婚之後都仲係佢附近住.
不過一路都冇啱嘅樓盤.

有日老豆突然話:
嫁咗如果唔話得事要搬走嘅,
咁就唔好嫁啦.

有邊個父母想你搬走架?
盡量啦.

2 comments:

聶秀康 said...

以前離媽媽遠些好,現在喜歡近媽媽可以成日返屋企食飯。
現居買果日是八號風球!但又住得ok.

芷蔚 said...

好少返屋企食飯, 不過有阿媽洗熨 :p 我呢度冇洗衣機.
住近阿爸阿媽有安全感好多, 至少星期日可以繼續飲茶唔會遲到.

Blog Widget by LinkWithin