Saturday, February 28, 2009

離開日常

每日返工放工家事工事,
困擾得很,
壓力滿瀉.
唯有將自己與所有的事情隔離,
選擇放下.

作為城市人,
直接聯繫實際太容易.
要先放棄 msn,
還有電話/ 電郵.
當然總有找上門的事情,
除了重要的電話外,
其他一律不接.

心情得以沈澱,
再次重新出發.

這種百無聊賴的日子很悠,
但係零收入.
下個禮拜又要回到現實去.

Friday, February 27, 2009

瘋狂購物

為咗響應政府的無膠袋日,
專登揹咗個背包出街.
好處係真係一個膠袋都冇,
壞處係個袋太大, 可以買好多嘢 :p

先攻佔 Times Square Club Monaco Bazzar,
四件再八折, 六件額外七折.
買咗四件衫,
冷衫原價 HK$1590, 減到 $320, 八折後 $256!!!
背心原價 HK$235, 減到 $75, 八折後 $60.
短袖 tee 原價 HK$235, 減到 $120, 八折後 $96.
平到震!

再去莎莎買面膜,

長期必備: 肌美精特強保濕面膜 - 紅色盒 25ml (HK$58/5片)
不過今次係買肌美精美白保濕面膜 - 藍色盒 20ml (依家減價中, HK$9.9/片)
仲有 Lilybell 綠色盒的潔膚棉 (HK$12.9) (鍾意佢夠大張.)
另試新嘢美肌工房的豆乳面膜 (都係減價中, HK$9.9/片, 呢期豆乳好似好興咁.)

然後去卓悅見到我的美麗日記面膜 (HK$52/10片),
再添置蘆薈奈米面膜 (主要用途是保濕及潤澤肌膚).
雖然其實想買蘋果多酚奈米面膜 (主要用途是緊緻毛孔、細緻潤澤肌膚),
鐘意佢有清香的蘋果味.

最後景點 Soigne,
上次試用的活泉水 (PICOWATER ALLPURPOSE MIST) 唔錯,
又買咗兩支 (八折, HK$368, 唔知點解唔記得咗同小姐講我係 VIP, VIP 好似有七五折架麻!! 蝕!!!).

結果滿載而歸!
買咁多嘢心理上就舒壓,
但係就增加咗經濟壓力囉!

難得

夜晚十一點.

難得一家四口都係屋企.
難得一家四口都逗留係客廳.
難得一家四口共處一室但係自得其奇樂.
爹睇電視,
哥打機,
娘行行企企,
我打電腦.

雖然各顧各,
不過有一種微妙的連繫去互相支持信任.
大家都冇先要離場的動靜.

突然間,
爹話: 夜啦, 快啲沖涼, 早啲瞓覺啦.
我話: 咦? 你好似講緊聽朝六點我要返學咁喎? 其實大家已經幾廿歲, 聽朝都冇嘢做, 又唔需要早起身喎, 家吓十一點咋老闆!

然後大家仍然繼續各人手上的事情未有移動.
享受片刻的寧靜.

搵乜?

同爹出商場,
我行開咗一陣,
見到佢入咗'屈人寺',
所以我都行入舗頭裡面.

售貨員好有禮貌同我講:
小姐, 想搵乜嘢? 有冇嘢幫到你?
我心唸:
有, 我搵人, 搵我老豆, 佢企係你後面. 唔該借借.

牙醫之二

當日其實係阿爹阿娘一齊去睇牙醫嘅,
但係阿爹係第一次去.

牙醫八卦問阿娘: 出面嗰位係咪你先生?
阿娘話: 出面嗰個係我男人.

咁大個人講啲咁嘢,
都唔怕笑大人個口嘅!

Wednesday, February 25, 2009

對著幹

係人都知我老豆最鍚我,
你走黎恐嚇佢個女實在係老虎頭上釘蚤乸.
好衰唔衰我最憎人挑釁我.
你要同我玩我一定奉陪到底.

反而想多謝你:
係壓力爆煲的時候找上我,
重燃我的鬥志.

公道自在人心.
上天自有安排.

牙醫

我同阿媽用同一個牙醫多年,
但係好少會一齊去.

每次牙醫見到阿媽的時候都會話:
吖, 你個女叫乜嘢名話?
阿媽話: 你又記得?
牙醫: 通常靚女我都記得架.
阿媽: 我個女係好靚架, 我覺得!

氹得阿媽鬼咁開心.

Monday, February 23, 2009

Teresa Festival

一路知道呢度蛋糕不錯,
不過舊店係鰂魚涌比較吊腳,
所以到依家都冇幫趁.

上期飲食男女介紹佢個曲奇,
今日適逢去新九記食粥,
所以決定買黎試一試.
HK$60 的 assorted cookie.
都 ok 喎,
鬆化又唔會太膩.
約十五個款式每樣一塊,
啱晒多心的我~

包裝上只得一個膠袋,
冇 jenny bakery 咁精美耐存,
好似迫我要快啲食晒咁.

下次試吓芝士餅先~

Teresa Festival
地址 : 灣仔皇后大道東158號
電話 : 2528-1272
類別 : 西式、麵包/西餅

誠心禮佛

小妹今年犯太歲,
過年後到廟宇攝太歲.

自小到筲箕灣拜神,
自從早幾年的上手廟祝退休後已經少來.
不過為咗攝太歲又拜一拜.

新任主持 '明碼實價',
攝太歲一百八十元一位包衣紙作福.
一百八十元事少,
(雖然我知其他地方都係約六十八元.)
我俾二百應該找二十,
佢又話叫我準備定四個五蚊銀???
(舊年係三個兩蚊銀.)
但係冇同我講點解???
到拜完神的時候,
佢將我啲五蚊銀放晒入神壇前的'聚寶盤'度.

攝太歲要另外俾錢? 貼士呀???
香油錢唔係隨心架咩??? 家吓我覺得明搶!!
'聚寶盤'的錢又係咪廟宇的香油錢???
點解年年價錢不一?

其實小事一椿,
不過不吐不快,
總覺得有人呃善信咁囉.
佛係個天上係睇到架囉.

番禺::長隆大馬戲 --《森林密碼》


目不暇給!
目瞪口呆!
目不轉睛!
目眩神迷!
因為馬戲太好睇,
冇影相.
(iris 度有幾張.)

前中後台,
空中地面下水,
一浪接一浪,
有人有動物,
有動有靜,
包羅萬有,
你唸到唸唔到, 常見唔常見的馬戲內容都包括在內.
你仲想點?

半個紅館咁大嘅場,
8000+ 觀眾席,
300+ 表演者,
50+ 動物,
門票都係 $150,
長隆酒店住客仲有九折.
(可能其他酒店都有折, 不過我唔知.)

有機會我唔介意睇多次~

Reference:
長隆大馬戲 --《森林密碼》

番禺::長隆2D1N 行程

B+ 級的節目,
因為有 A 級的馬戲同 B+ 級的野生動物,
很高興~

2009.02.21
6.30 起身
6.45 出門口
7.50 搭船出發
10.10 到蓮花山港
10.50 到長隆酒店 check in
11.30 出去食農家菜
13.00 遊祈福新村
15.00 按摩
17.30 市橋步行街
19.30 長隆大馬戲 --《森林密碼》
21.00 洛溪食街

2009.02.22
9.30 起身食酒店早餐
11.30 香江野生動物世界 (自駕 + 步行)
15.30 再食農家菜
17.00 酒店搭車去碼頭
18.00 搭船返香港
----------------------------------
溫馨提示:
1. 都係搭車好過搭船, 祈福每半個鐘頭一班車, 時間彈性好多
2. 住長隆酒店睇長隆大馬戲有住客專區, 買票又有折.
3. 如果仲想玩長隆歡樂世界或者水上樂園, 最好再留多一兩日.
4. 去廣州都好近, 四十分鐘的車程, 可以去多個地方.

博大霧

又到春天,
霧大到不得了!
濕氣極重,
一返到屋企第一件事就係開抽濕機.

Friday, February 20, 2009

好很幸福

我跟你說: 有了你我覺得很幸福.
然後你回: 你幸福, 等如我幸福.

誠徵

1. 有效美白或收毛孔精華素推介.
2. 泰國曼谷有趣 Bontique Hotel 推介.

又黎

溏心風暴沒完沒了,
煩過珠光寶氣.
好等錢洗呀?
真係有人可以唔理親情打劫人地努力耕耘能到的成果架!

個人立場只是為你而感到可悲.
咁大個人,
有手有腳不過個腦瞓咗,
渣乾你兄弟共同擁有的成果好光彩呀?
俾你爭到夜晚都發惡夢啦.
你唔係唸住咁樣對得住天地良心吖?
作為你的子姪都感到蒙羞.
你的子孫知道你地欺騙親人的血汗錢亦覺可恥!

請原諒我如果我真的太過火.

番禺::長隆2D1N

小休兩天,
聽日一早就去番禺.

套票 HK$1656 二人行.
包括長隆酒店新樓狩獵房連早餐,
(仲有貴價啲嘅星光房, 鳥巢房, 野趣房, 名稱奇奇怪怪!)
來回船票, 中港城碼頭.
7.50am 的船, 好早!
不過成兩個鐘船程,
早啲去玩多啲.
另主題公園門票2張(香江野生動物世界、長隆大馬戲、長隆歡樂世界、鱷魚公園,任選其一),
我揀咗長隆大馬戲.
(好鐘意睇馬戲團!)

長隆酒店新樓 iris 剛去完話好靚,
祈福比較舊但亦較方便,
所以俾多少少住好啲啲.

其實仲可以搭車 (便宜少少),
不過要係銅鑼灣上車 (聖保祿醫院對面),
皇崗又要落車,
去到祈福新邨再轉車,
轉黎轉去好似好煩咁.
全程約三個半鐘.
搭船就一班船之後轉酒店車就到啦.
船程二個鐘再加車程四十分鐘.

reference:
長隆集團
長隆酒店
長隆歡樂世界
長隆大馬戲 --《森林密碼
香江野生動物世界
祈福新邨

Thursday, February 19, 2009

買! Soigne

大減價~
Soigne 布甸 mask 第一, 二件 HK$848,
第三, 四件 HK$748,
平均一件 HK$399,
仲要小姐話 3 月1 日後由 HK$590 加到 HK$680,
到時都唔知有冇錢買 :P
拿拿臨搵幾個人一齊買~

然後 VIP 再買 rubfeed 又平啲 HK$440 (原價 HK$680),
之前冇試過架.
但係小姐擦咗落我手背之後呢...
嘩! 真係好滑!! (絕冇誇張!)
小姐話可以係布甸 mask 或精華素之前打底用會更吸收,
又可以收細毛孔,
促進血液循環,
blablablabla....
銅鑼灣店個小姐的 upselling skills 真係好勁,
唔係第一次架啦,
我又俾佢 sell 到再買多啲嘢!
臨俾錢的時候又 sell 多樣活泉水,
旅行裝兩支 HK$60,
可當 toner 用,
可以放係手袋得閒攞出黎噴,
之後買支大的又可以 refill 落個小樽入面,
blablablabla....

又破財!
-----------------------------------------------

特 效 修 護 美 容 液 ( 1 分 鐘 按 摩 液 )
RUBFEED
< 適 合 任 何 皮 膚 >
- 內 含 多 種 植 物 維 他 命 , 具 有 舒 緩 、 鎮 靜 及
柔 軟 肌 膚 作 用 。
- 加 強 肌 膚 細 胞 的 活 躍 性 及 能 量 。
- 能 迅 速 使 肌 膚 吸 收 養 份 , 幫 助 血 液 循 環 ,
- 保 持 肌 膚 晶 瑩 通 透 , 有 彈 性 和 帶 動
- Night Cream 的 滲 透 力 , 改 善 疲 倦 肌 膚 。
- 每 晚 只 需 按 摩 一 分 鐘 , 用 後 即 時 感 覺 到 皮
膚 潤 滑 有 彈 性 。

活 泉 水
PICOWATER ALLPURPOSE MIST
SG-250
(250ml) $230
以 尖 端 科 技 將 日 本 靜 岡 縣 高 山 地 下 泉 水 份 子 壓 細,令 水 份 更 容 易 滲 入 肌 膚,徹 底 滋 潤 肌 膚 底 層 內 每 個 細 胞,從 而 確 保 所 補 充 水 份 不 易 揮 發 流 失。含 多 種 純 天 然 植 物 精 華,具 抗 氧 化,無 香 料 及 任 何 色 素,深 入 呵 護 高 效 保 濕 及 有 助 舒 緩 肌 膚 疲 累 等 功 效。
輕 輕 一 噴,隨 時 隨 地 讓 身 體 每 吋 肌 膚 迅 速 回 復 滋 養 光 采。可 於 上 妝 前 使 用,令 妝 容 更 為 貼 服 及 更 易 上 妝。亦 可 噴 於 頭 髮 上,令 秀 髮 更 滋 潤 亮 澤。
成份:
超 微 細 活 泉 水
【 含 純 天 然 泉 水 礦 物, 高 度 滋 潤 保 濕 】
可 溶 性 膠 原 蛋 白
【 令 肌 膚 迅 速 恢 復 彈 性 】
錦 葵 精 華
【 高 效 保 濕 】
虎 耳 草 精 華
【 舒 緩 】
金 盞 花、藥 蜀 葵 精 華
【 天 然 植 物, 具 抗 氧 化 功 效 】
用 法:
早 晚 保 養 前、上 妝 前、冷 氣 房 內、運 動 日 曬 後、肌 膚 泛 紅 時 皆 可 噴 於 全 臉 及 全 身 肌 膚。
(info from Soigne.com.hk)

Wednesday, February 18, 2009

Facial @IPSA

千祈唔好以為我得閒冇嘢做就周圍去做 facial,
我一向認為用做 facial 的價錢可以去買貴價有效的護膚品.
(仲可以慳錢!)
平均一個月做一次 facial $400,
或者可以個個月買唔同的精華素 / 面膜.
(或者兩個月買一枝貴嘅!)
(邊慳到錢吖....)

地點: IPSA I-Place
Recipist: Kimmy

anyway,
IPSA 呢個免費,
係上次係 IPSA I-Place 買嘢的時候送嘅 on the peak facial.
三個月到期,
今日係最後一日.
(pix from sogoclub.com.hk)
其實冇乜特別事情,
主要係成件事用 IPSA on the peak 產品.
先為皮膚進行電腦測試水份油脂,
睇吓啲三角肌理紋,
分析你皮膚所需.
(我發現每個 IPSA Recipist 都好好禮貌,聲線都好溫柔!)
然後用 IPSA 的全線由潔面磨沙精華素潤膚面膜齊全.
(冇針清冇修眉不過有面部按摩.)
完結後再指導你皮膚要注意的地方,
同送你產品試用裝.
全程約 1 小時.

今次小姐寫俾我:
提升水份保持力同滋潤,
去除老化角質,
加強皮膚吸收.
(好似籤文 :p)
另得到 Brightening Serum.
直到走嗰一刻小姐都冇 hard sell,
非常舒服!

其實平時 IPSA 的 facial (HK$400) 都可以叫做唔洗錢,
全數可以換回產品.
當做個皮膚測試,
試試全線產品加瞓個美容覺,
也非常不錯.
除咗 facial,
仲有修眉服務(HK$150),
本人眉目尚算清秀所以從未試過,
不過友人試過覺得服務非常細心,
同樣全數可以換回產品.

I-Place 同樣有專櫃服務,
下次想到 IPSA 補倉,
不妨到 I-Place 參觀一下,
至少唔洗迫又唔洗掙!

另外小姐話日元持續高企,
3 月1 日起全線加價,
Soigne 都係.
有買趁手.

IPSA I-Place
@Sogo 16/F

Tuesday, February 17, 2009

個性分析

所謂的:個性分析。

要評估自己的性格,請看看以下的圖片,並選出你最喜愛的一張。 這些圖片是科學家跟一位心理學家一起合作的成果,並且經過歷時幾年的全球性測試,他們收到這個研究的響應之後,再小心地調較各個圖片的顏色及形狀,然後再次進行測試,直至他們得到這些非 常成功的圖片,這些圖片代表了九種不同的性格。 這是全球最準確的性格測試。希望你喜歡這個測驗!看看你們的性格如何吧。測 試圖片如下,最好在5秒鐘選出你喜歡的圖片!





答案︰
1.無憂無慮,頑皮,愉快的人
你喜歡自由自在,無拘無束的生活。你的座右銘是︰生命只能活一次,因此你盡量享受每一刻。你好奇心旺盛,對新事物抱有開放的態度;你嚮往改變,討厭束縛。你覺得身邊的環境都不斷在變,而且經常為你帶來驚喜。

2. 獨立,前衛,不受拘束
你追求自由及不受拘束,自我的生活。你的工作及消閑活動都與藝術有關。你對於自由的渴求有時候會使你做出令人出人意表的事。你的生活方式極具個人色彩;你永遠不會盲目追逐潮流。相反地,你會根據自己的意思和信念去生活,就算是逆流而上也在所不惜。

3. 時常自我反省,敏感的思想家
你對於自己及四周的環境能夠比一般人控製得更好更徹底。你討厭表面化及膚淺的東西;你寧願獨自一人也不願跟別人閑談,但你跟朋友 的關係卻非常深入,這令你的心境保持和諧安逸。不介意長時間獨自一人,而且絕少會覺得沈悶。

4. 務實,頭腦清醒,和諧
你作風自然,喜歡簡單的東西。人們欣賞你腳踏實地,他們覺得你穩重,值得信賴。你能夠給予身邊的人安全感,你給人一種親切,溫暖的感覺。你對於俗氣的,花花綠綠的東西都不屑一顧,對時裝潮流抱著懷疑的態度;對於你來說,衣服必須是實用及大方得體的。

5. 專業,實事求事,自信
你掌管自己的生活,你相信自己的能力多於相信命運的安排。你以實際,簡單的方式去解決問題。你對日常生活中所遇到的事物抱有現實的睇法,並且能夠應付自如。人們知道你可擔重任,因此都放心把大量工作交給你處理。你那堅強的意志使你時刻都充滿信心。未達到自己的目標之前,你絕不罷休。

6. 溫和,謹慎,無攻擊性
你生性隨和,但處事謹慎。你很容易認識朋友,但同時享受你的私人時間及獨立生活。有時候,你會從人群中抽身而出,一個人靜靜地思考生活的意義,並自娛一番。你需要個人的空間,因此有時會隱匿於美夢當中,但你並不是一個愛孤獨的人。你跟自己及這個世界都能夠和陸共處,而你對現狀亦非常滿意。

7. 具分析力,可靠,自信
你對事物的靈敏度令你可以發現到旁人忽略了的東西。這些就是你的寶石,你喜歡發掘這些美好的東西。你的教養對於你的生活有很特別的影響。你有自己高雅獨特的一套,無視任何時裝潮流。你的理想生活是優雅而愉快的,而你亦希望跟你接觸的人們都是高雅而有教養的。

8. 浪漫,愛幻想,情緒化
你是一個感性的人。你拒絕只從一個嚴肅,理智的角度去理解事物。事實上,你覺得人生必需要有夢想才叫活得充實。你不接受那些輕視浪漫主義及被理智牽著鼻子走的人;而且不會讓任何事物影響到你那豐富的感情及情緒。

9. 精力充沛,好動,外向
你不介意冒險,特別喜歡有趣的,多元化的工作。相比之下,例行公事及慣例會令你沒精打采。你最興奮的是可以積極參與任何比賽活動,因為這樣你就可以在眾人面前大顯身手。
----------------------------------
我選了6。
copy from: zz

大細超

小時候的願意唔係要發大達,
亦都唔係想考試一百分,
每一晚我都祈求可以第二朝一起身的時候兩隻眼可以變成一樣的大小.

我有駌鴦眼,
一隻雙眼皮,
一隻單眼皮(勉強可以叫做內雙眼皮),
視覺上單眼皮的好似細好多,
特別係唔夠瞓的日子,
以前戴眼鏡的時候都相對明顯.
有時可以離譜到相差50%!!!

這兩天對眼都好精靈,
望落去差唔幾~
懷疑早幾日做完 Borghese facial,
可能面部皮膚收緊咗,
內雙眼皮都變成雙眼皮!!
很高興~

雲陽閣川菜館

其實食咗好耐,
一路都懶懶閒咁寫吓停吓.

水煮鮮魚片 HK$90
必食推介.

川北涼粉 HK$48
普普通通.

明明叫拚盤可選四道小食,
個小姐唔知點解幫我地分開叫咗四小碟!!
棒棒雞絲 HK$48
燈影牛肉 HK$48
川北涼粉 HK$48
薑汁露筍 HK$48

麻婆豆腐
同出面街食嘅好唔同,
真係好麻!
好好味.

乾煸冬筍 HK$68
冬筍煸得好乾身,
好正!

魚湯浸時蔬 HK$60
一般般.

八寶茶 HK$20
茶是鐵觀音,
再加入玫瑰花、紅棗、花旗參、冰糖、杞子、龍眼肉等.
幾有趣.

荸薺豆漿 HK$18
咪就係豆漿囉.

另再加
紫貝天葵汁 HK$12
白飯 @HK$10
花生 HK$10
茗茶 @HK$10
加一後三個人 HK$635.8

雲陽閣川菜館
地址 : 尖沙咀彌敦道132號美麗華商場4樓A號舖
電話 : 2375 0800
類別 : 四川菜

潮樓

食物唔駛講啦,
大公司水準一向穩定.
見到餐牌寫星期一至四晚市菜牌六折,
星期五至日假期九時後七折,
免茶免芥免加一,
真係好抵食.

鹵水拼盆 HK$80 - 有蛋、鵝片、豆腐、紅腸、蓮藕
梅子明爐烏魚 HK$38
海鮮芙蓉翅羹 HK$80
欖菜肉崧四季豆 HK$55
當日係星期五的九點後,
埋單 HK$188.5

潮樓
地址 : 銅鑼灣告士打道255-257號信和廣場1樓R4舖
電話 : 2892 0988
類別 : 潮州菜

寫作抒懷抗抑鬱

寫作抒懷抗抑鬱
17/02/2009
太陽報
【本報訊】美國研究員發現,寫作有助腦部控制情緒,減少憂慮、恐懼和悲傷的感覺,這或許能解釋為甚麼現在仍有人維持寫日記的習慣。研究員期望將來可以發展出一套以寫作為基礎的療法,治療社交恐懼或其他恐懼症。
加州大學的研究員邀請了三十人進行測試,讓他們看一些人的照片,相中人都是愁眉苦臉,然後要求他們形容一下照片。腦掃描顯示,當他們描述的時候,負責管制情緒的腦前額葉皮質會活躍起來,證明將情緒以文字抒發出來,不論是寫詩、填詞、寫日記等,都能夠令頭腦冷靜下來,再度達至心理平衡。

領導今次研究的利伯曼指,很多寫日記的人,並非有意藉此處理情緒問題,但此舉確有宣洩作用。
--------------------------------------------------
認同寫咗部落格之後個人輕鬆咗~
況且最初都係因為想舒坦心情至開始寫作.

Sunday, February 15, 2009

和味無窮- 北海道

北海道─"小樽"
高級溫泉、懷石料理
店鋪推介:銀鱗莊
地址:北海道小樽市1-1
電話:(0134)-54-7010

三角市場、八角魚料理
店鋪推介:八角屋
地址:小樽市稻穗1丁目4番15
電話:(0134)-22-3355

樹輪蛋糕
店鋪推介:北樓
地址:北海道小樽市町7番22
電話:(0134)-31-3464
------------------------------------------------------------------
北海道─"旭川"
創意豆腐料理
店鋪推介:元祖豆腐料理
地址:旭川市四通5丁目(3.4仲)
電話:0166-24-7080
傳真:0166-24-6767

咖喱湯
店鋪推介:Magic Spice
地址:札幌市白石區本郷通8丁目南6-2電話:011-8654-8800
網址:http://www.magicspice.net/

超巨型壽司
店鋪推介:鮨
地址:旭川市24丁目
電話:0166-25-5682

手作味噌
店鋪推介:味噌
地址:旭川市東旭川町旭正409
電話:0166-32-3602
傳真:0166-32-3664

旭川拉麵
店鋪推介:一藏
地址:旭川市永山114丁目一村
電話:(0166)-47-8887
--------------------------------------------------------------
北海道─"札幌"
北海道神宮、紅磚館
札幌市內,真是古處處。創建於1869年的北海道神宮,是札幌市內歷史最悠久的傳統建築之一!

高級串燒店
店鋪推介:藏鵡
地址:札幌市中央區南3條西4丁目一札幌地下1階
電話:011-272-3210
傳真:011-272-3410
網址:http://www.ts.se.com

蟹料理
鱈場蟹分佈於北海道以北水域,由於這種蟹棲息的地方經常有鱈魚出沒,所以日本人就叫它們做鱈場蟹。
店鋪推介:将軍
地址:札幌市中央區南4條西2丁目14-6電話:011-222-2588  
傳真:011-280-2527
網址:http://kani-syougun.com

高級壽司店善
店鋪推介:善 (山店)
地址:札幌市中央區北1西27丁目59
電話:011-644-0071
傳真:011-644-0130
網址:http://www.sushizen.co.jp/
------------------------------------------------------------------
北海道─"函館"
函館夜景
來到函館一定要欣賞一下夜景,函館夜景是世界三大夜景之一,與香港及意大利拿坡里齊名。

海膽料理
店鋪推介: 
地址:函館市大手町22番1
電話:0138-26-8821
傳真:0138-26-8831
網址:http://www.uni-murakami.com

八幡和式甜點
店鋪推介:菊泉茶房
地址:函館市元町14-5
電話:0138-22-0306

魷魚及海鞘料理
函館因為盛產魷魚的緣故,所以用魷魚製成的食品種類非常多,喜好吃魷魚的人一定不會失望。
店鋪推介:函館食道
地址:函館市若松町9-19函館朝市
電話:0138-27-2002
網址:http://www.asaichiterai.com

店鋪推介:海光房
地址:函館市若松町11番8
電話:0138-26-8878
網址:http://hakodate-kaikobo.com
--------------------------------------------------
北海道─"稚内市"
宗谷岬Soyamisaki,距離稚內市中心大概30公里。在這裏可以到最北端民宿、最北端食堂,和最北端壽司店。

八爪魚料理
店鋪推介:鄉土料理 天勝
地址:稚内市中央2丁目5番10
電話:0162-23-5336

帆立貝收成、海鮮丼
海鮮丼
這裏有間料理店,用在內海活捉的三文魚,捕獲後即時冷藏,進食前才拿出來處理,所以份外新鮮。
店鋪推介:鮨
地址:稚内市中央2丁目13-3
電話:0162-23-6131
網址:http://www.narazushi.com/
----------------------------------------------------
北海道─"目梨郡羅臼町"
知床瀑布
知床有瀑布王國之稱就算下雨都要去看一下!

葡葡蝦
店鋪推介:純番屋
地址:北海道目梨郡羅臼町文町
電話:0153-87-5667
網址:http://www.shiretoko-funaki.jp/banya.htm

四色丼
店鋪推介:瀨 鄉土料理
地址:北海道目梨群羅臼町富士見町51番地
電話:0153-87-3388
傳真:0153-87-2969
---------------------------------------------
北海道─"網走"
網走Abashiri是北海道東北部鄂霍次克沿岸最大的城鎮,登上天都山,就可以居高臨下,飽整個城市。網走水産業蓬勃,在此可以全年品嘗到時鮮海味;旅遊景點亦非常多,能取湖就是其中之一。

能取湖
是日本珊瑚草最大的群生地。珊瑚草生長在含有鹽分的濕地,正式名稱為厚岸草,由於形狀同海入面珊瑚相似,所以又叫珊瑚草。每年秋天9-10月,原本綠色的珊湖草會慢慢轉成紅色,這種獨特的景觀在日本只有極少地方能看得到。

此地的「堅獄食」,如今卻成了遊客專程來品嘗的菜式呢!
網走監獄博物館
地址:北海道網走市呼人1-1
電話:0152-45-2411
網址:http://www.kangoku.jp

高級民宿料理
北暖暖
地址:北海道網走市大曲39-17 
電話:0152-45-5963
網址:http://www.only-hotsk.com/

Touch screen轉壽司店
鮨「月」
地址:網走市駒場北5丁目83-27()
電話:0152-45-3333
網址:http://www.seiwa-dining.com

Kinki正式的叫法是喜知次,是一種深海魚,由於皮薄肉嫩肥美加上產量少,所以特別矜貴,在日本料理中,屬於高級的食材!
Kinki料理
花乃
北海道網走市南5東2丁目
TEL.0152-44-7576
FAX.0152-44-2039
http://www.hananoren.co.jp
-----------------------------------------------------
北海道─"釧路"
每檔的魚生刺身都經新鮮處理,至少有三四十種,每份由50yen至800yen不等,豐儉由人,吃法就好像香港的車仔美食。
和商市場
地址:北海道釧路市黑金町13-25
網址:http://www.washoichiba.com/

吃爐端燒,食材是隨季節而轉變的。本地出產的鹹鮮「一夜干」是用Kinki喜知次所做,加上中島婆婆的手藝,用炭火燒香,單是陣香味都覺吸引。
店鋪推介:
地址:北海道釧路市町3-1
電話:0154-22-6636
網址:http://www.robata.cc

釧路濕原與屈斜路湖(免費足湯)
地址:川上郡弟子屈町屈斜路
網址:http://www.onsennet.ne.jp/konyoku/kotan.htm

高級溫泉旅館酒會席料理
店鋪推介:鄙座
地址:北海道釧路市阿寒町阿寒湖泉2-8-1
電話:0154-67-5500
網址:http://www.hinanoza.com

愛奴族料理
店鋪推介:民芸喫茶 
地址:北海道釧路市阿寒町阿寒湖泉4-7-8
電話:0154-67-2159
網址:http://jns.ixla.jp/users/taka20001116845/

阿寒湖
阿寒愛奴族部落
地址:北海道釧路市阿寒町阿寒湖泉4-7-19
電話:0154-67-2727
網址:http://www.lake-akan.com

Reference:
http://food.tvb.com/delicious_japan2/20080309.html#
http://sosoworkshop.blogspot.com/

寒背

想努力改變寒背,
各位如果見到我寒背,
記得提醒我!

做占的時候向後跑,
再加背肌重量練習,
我要努力!

仲有得閒係屋企全身背貼住個牆罰企!
(物理治療師教.)

Saturday, February 14, 2009

Facial @Borghese

sogo club 看到如斯筍盤:
貝佳斯美妍中心–情侶面部護理優惠
由即日起至2009年2月14日,您可與愛侶可各以優惠價HK$250享用指定之面部護理1次(原價HK$650/90分鐘)及護膚試用套裝乙份 (價值HK$320)。首次惠顧的每對情侶顧客,更可以即時獲贈Bio微電緊膚眼部去皺護理或水凝活膚眼部機理護理1次(價值HK$300/30分鐘)。(面部及眼部護理須於同一時段進行)
(其實二人同行就用得, 兩個女仔都得.)
官方話:
Bio R-2000 系統能配合人體機能幫助細胞進行自我修補, 促進血液循環, 促進新陳代戲及排毒, 迅速治療各種皮膚問題如皺紋, 黑眼圈, 眼袋, 色班, 暗瘡, 疤印, 粗大毛孔, 雙下巴及膚色不均等.

由於剛剛做完 SK-II,
所以拖到優惠的最後一天.
賣點除咗 Bio 機就係全部用其品牌的產品.

地點: sogo club 13/F
時間: 2009年2 月13日下午七時
美容師: Coel
(pix from sogo club)
一開始認真麻麻,
帶我入獨立房換衫,
笑容欠奉,
洗面感覺求其.
先落妝,
再磨砂.

然後針清,
針清就厲害啦,
先用支針的圓圈面清潔,
非常細心.
淨係兩邊面都各超過三十下,
個鼻就再五十下,
好似每 3mm 就清一清.
然後再用尖針,
再拮咗鼻三十下!
針到忍唔住要問: 針乜嘢?
(塊面有冇咁多嘢呀? 兩個禮拜前先做完 facial 咋喎!)
小姐話尖針可以清潔微細啲嘅,
佢地公司比較注重清潔,
因為之後做機會有用啲.

之後做 Bio 機,
微電流好似針拮咁,
做機做得好有心機,
用枝微電捧做按摩咁,
做咗好耐好 relax.
做到最後都接近瞓著.
Zzzzzzz......
半夢半醒的時候好似敷咗個軟膜.

小姐再番入黎的時候,
(佢幾時出咗去呢??)
就幫我肩頸按摩.
十級舒服!!!! (個人覺得好過 Elaine.)
成個人鬆晒~
(個心已經唸緊套票幾多錢? 好想再按摩!)
洗咗個軟膜擦番面霜就完成啦.

換衫後出番接待處,
就得到護膚試用套裝,
我有美白系列的晚霜同眼霜,
佢有同系列的日霜同洗面膏.

另外一個年紀長啲的小姐,
一出黎就叫我買套票:
面部緊膚駐顏護理 -- 原價HK$650/90分鐘
Bio微電緊膚眼部去皺護理 -- 原價HK$650/90分鐘
佢話兩樣加埋 HK$5200/10次.
好想即時俾錢,
因為按摩實在太太太舒服啦!
不過我都係忍住手,
唔係一個小數目吖麻!
(不過今日仲係好掛住個按摩... 或者淨係買按摩呢???)
(全身按摩 -- 原價HK$500/60分鐘)
(背部按摩 -- 原價HK$300/30分鐘)

總結:
針清超細心又乾淨,
Bio 機微電緊膚真得,
即時面尖咗,
黑眼圈淡咗眼袋都收緊咗.
按摩就超正正正正正正!!!!!!!!
今次試做勁抵唔洗講啦,
又 facial 又按又拎~
一定會慎重考慮買套票嘅!

Friday, February 13, 2009

姓名學

優子姓名學 - 個性分析
內在想法
*個性深沉、有主見,不容易被他人左右想法
*心思細膩,脾氣溫和,不會輕易動怒,比較沉得住氣 (脾氣溫和?? 錯晒.)
*完全主義者,凡事要求盡善盡美
*會掩飾真實的一面,不容易被他人看透
*很有自我的個性,是個令人難以掌握的女孩子

外在行為
*雖然容易溝通,但不一定會妥協,給人有種難以捉摸的感覺
*喜歡使用軟性訴求,不會跟人硬碰硬 (錯! 最鐘意鬧人!)
*跟自己有關的事會很積極,若無關就完全不理會
*是個給人第一印象很好的女孩子
*很有耐性,做事寧可慢慢來也不能隨便放棄 (錯! 最鐘意放棄! 耐性零.)

感情分析
*未來是個賢內助,對於另一半非常照顧呵護 (賢內助?? 係真唔係呀??)
*嚮往家庭生活,有老公的疼愛及可愛的小孩是最大的心願
*對感情很心軟、容忍度很高,除非對方劈腿、太過份,否則不會輕易分手
*性愛上很配合另一半的需求,懂得討對方歡心
*天生的感情變化雖然較少,但若有波折就非常痛心

財運分析
*天生財庫★★★★★
*財庫袋破了個讓人看不見的大洞,只有在交到壞朋友時才會大破財
*賺錢速度很快,天生很會賺錢,很會用錢滾錢的方式來增加財富 (天生很會賺錢?? 係咩?? 我天生很會洗錢就堅!)
*花錢速度慢慢的,甚至是個鐵公雞,不過也有可能受到煽動而亂投資破財
*偏財運★★★☆☆ 天生偏財運還算平平,偶爾尾牙時能抽到不錯的獎項
-----------------------------------------------
今年桃花運
*桃花運70分,會吸引一些趣味相投的對象
*與喜歡的對象交往過程會很辛苦~波折較多
*對感情的認知還不夠穩定,需要時間去考驗
桃花小妙招
*被拒絕沒關係,要再接再厲,一定會成功的
*這時會有破壞你感情的人出現,千萬別理他說了什麼,要相信自己與對方
*看起來很好的對象是最有可能傷害你的人

流年運勢
整體運勢
年初還是覺的運氣不好,常常受阻礙。
夏天來臨時,也就是好運來臨時。

工作運勢
工作上會有好的轉職機會,要好好把握。
如果沒轉職,也有機會接到值得挑戰的工作項目。

金錢運勢
正財運上升,偏財運不大好。

感情運勢
單身者多去參加聯誼,會有不錯的對象出現。
有對象者也會遇到另一個心動的對象,就看你的選擇了。
健康運勢年初抵抗力較差,年中後就慢慢好轉了。

Reference:
優子姓名學

Thursday, February 12, 2009

信箱

很懷念大家仍然寫信的年代,
想起打開信箱那一刻的喜悅,
感受著親筆寫信的溫暖.

依家打開信箱,
只有銀行月結單同賬單!
份外孤單.

天線

今日條天線話我知:
我要買一對鞋.

行咗好多間連鎖鞋店,
雖然貼住晒 -- final sale -- 最後狂減 --!
不過仍然要成五百至八百蚊對鞋,

憑甚麼?

男女大不同

同一件事情,
男同女的反應差遠啦.

某天在街頭與很久冇見的 Y 先生擦身而過,
然後分別將事情同 A 小姐同 B 先生分享.

A 小姐: 係咩? 佢做緊咩呀? 同邊個一齊?
我: 唔知喎, 面對面打個眼色, 鬼知咁多咩!
A 小姐: 哦.

B 先生: 係咩? 佢做緊咩呀? 同邊個一齊?
我: 唔知喎, 面對面打個眼色, 鬼知咁多咩!
B 先生: 冇理由佢係嗰區架, 佢去邊呢?
我: 都話唔知囉, 鬼知咁多咩!
B 先生: 呀邊個唔係佢隔離咩? 點解佢一個人呀?
我: 都話唔知囉!!
B 先生: 佢依家係邊度返工呢? 係咪仲係嗰個女朋友? 仲係住係香港島?
我: 打個眼色咋!!! 都話唔知囉!!! 你自己打俾佢啦!!! %*^*^xyz^&*$#&$

女人根本就知道冇咁多下聞,
同清楚大家都唔多將是非收收埋埋,
所以就唔會追問啦.

好佩服男人咁有求知慾,
邊有你咁鐘意閱讀理解,
一個眼神就可以引申咁多問題!
不過我知嘅都講咗俾你聽,
你點追問我都係唔知架啦!

Wednesday, February 11, 2009

飛@ AirAsia

第一次成功係 AirAsia 買到零機價的機票!
好開心!

航班資料
啟程 香港 (HKG) to 曼谷 (BKK)
星期六, 07 十一月 2009 航班 FD 3695
起飛 香港 (HKG) 於 20:50
抵達 曼谷 (BKK) 於 22:50

返回 曼谷 (BKK) to 香港 (HKG)
星期三, 11 十一月 2009 航班 FD 3694
起飛 曼谷 (BKK) 於 16:30
抵達 香港 (HKG) 於 20:15

總計
0.00HKD Fare
270.00HKD Administration Fee
656.00HKD Airport Tax
52.00HKD Insurance Surcharge
48.00HKD Supersize Regular (Up to 15kg)
34.00HKD Rice/Foccacia
30.00HKD Hot Dog
兩個總金額 1,090.00HKD

好抵呀...
不過依家就準備定十一月的旅行,
勁早!

I am 嗚莎女

這是源自於日本的〔USAUSA~UNO SANO URANA]性格診斷,
是利用人類左右腦各司其職的特性,
設計了簡單的兩個慣性動作,
分辨出這個人習慣以左腦(主理性,語言,計算,分析)
還是右腦(主感性,直覺,想像,創造),
來做為解讀訊息用的”接收腦”,
還是決定怎麼說,
怎麼行動的”傳達腦”?
進而了解一個人的潛在性格與行為模式.

診斷方法
動作1、兩手直覺十指交握
<顯示一個人”接收腦”的慣用情形>
A.左手拇指在上-->”嗚”
(意思是接收訊息時優先使用感性為主的右腦)
B.右手拇指在上-->”莎”
(意思是接收訊息時優先使用理性為主的左腦)

動作2、雙手直覺交錯抱胸
<顯示一個人”傳達腦”的慣用情形>
A.右手掌在上-->”嗚”
(意思是傳達訊息時優先使用感性為主的右腦)
B.左手掌在上-->”莎”
(意思是傳達訊息時優先使用理性為主的左腦)

做好了嗎??診斷開始嚕^_^
將動作1和2的結果(共兩個字)順序組合起來,
就會產生四種性格(加上分男女就會有八種性格囉)
--------------------------------------------------------------------------------

1、莎莎女
性格:無堅不摧的鐵娘子:為人一本正經,給人精明幹練的距離感,若跟莎莎女成為好友,則是值得依賴的好幫手,但成為敵人,就會非常難纏!
戀愛:想太多的自我設限:交往前會想太多,對戀愛小心翼翼,不過很容易因此放棄,對主動告白的異性會難以招架,不過要小心反被聰明誤!

2、嗚莎女
性格:人情的好聽眾:散發出安心,溫柔,善解人意的氣質,是一個人人都想跟妳說心事的好聽眾,如困別人苦苦哀求妳,總是很難拒絶別人!
戀愛:難以爽快脫身:雖然會理性評估對方,不過一但陷入熱戀,就完全被感性主導,當熱情不在時,很容易因對方對自己的依賴而無法爽快分手!

3、嗚嗚女
性格:直覺行事的俠女:熱血又充滿個人魅力,會突然失控大笑或大哭,但都是出自真心,因此頗受朋友喜歡,最明顯的就是購買東西完全憑感覺,就算不實用或已有相同款式還是想買!
戀愛:單純的愛情至上者:以自己心理的感覺為主,不會參考對方或客觀因素來決定自己下一步舉動,若對對方很有好感,一整天就像春暖花開,如果對方疑似劈腿,也會驚天動地大哭一場,但也很容易變心!

4、莎嗚女
性格:陽剛味的大姊大:因為冷靜觀察與分析的性格,在同性之間很容易展現氣慨與責任感,常常是女生之間的大姊大,但掌握全場之餘又不失冷靜觀察!
戀愛:有目標的下手:操控自己的感覺,能冷靜分析對方是否適合自己,一旦鎖定目標,就會用盡方法維持熱度,雖然嚴謹以對,但內心總有一把不可告人的浪漫烈火!

5、嗚嗚男
性格:永遠樂觀的國王:因為相信自己的直覺,所以會顯得自信滿滿,率直天真,壞處就是對不感興趣的事,也絲毫不想掩飾,會顯得興趣缺缺甚至默不關心!
戀愛:自我得意的攻勢:很容易自我沉溺在熱戀氣氛中,不過太過率直樂觀的個性,可能會誤解別人對你是否有好感,陷入自我得意的陷井中!

6、莎莎男
性格:超級理性的數字人:完全以左腦為主的男性,以步驟跟數字為行事的準則,總是條理分明,不太能察覺感情,所以會給人固執,偏執的感覺!
戀愛:慢熱專情的完美主義:會在心中描繪完美形象,面對真實感情卻顯得慢熱自閉,一旦點燃熱情後,就會持續專情,就算對方回應冷淡,莎莎男仍念茲在茲,從一而終!

7、嗚莎男
性格:情義相挺的漢子:雖然看似冷酷,其實很重感情,會以直覺印象為出發點,然後再以堅決的步伐行事,就是那種看你順眼,就會收你做徒弟,挺你的那種大哥!
戀愛:不打沒有把握的仗:戀愛成功機率很高,一旦確認對方也對自己有好感後,就會火力全開,不過愛得深,對女方的要求跟猜疑也很深!

8、莎嗚男
性格:智囊分析者:喜歡探求理與擅長分析,常是旁人意見的給予者,給人一種冷靜穩當的感覺,不喜歡與人爭吵,很能妥善地處理事情,不過難免給人距離感!
戀愛:可能性至上:把自己喜不喜歡對方放在其次,反而以跟對方能否發展下去為第一前提,是個很適合愛情長跑或結婚的對象!

copy from:
http://livingaloe.blog67.fc2.com/blog-entry-417.html#more

Tuesday, February 10, 2009

高琤鞋指數

著高琤鞋咁攰.
攰咪早啲瞓,
早啲瞓咪忘憂囉.
------------------------------------------
高琤鞋助女士忘憂
10/02/2009 太陽報

【本報訊】根據過往的高琤鞋指數,經濟愈差,女士的鞋跟就愈矮,今年超高琤鞋跟卻是時裝界大熱,這情況是自經濟大蕭條以來從未見過。時裝專家認為,這物極必反的情況正好反映現在全球面對的經濟衰退,是一九三○年後最壞的一次。
英國《太陽報》報道,時裝專家解釋,在經濟不景的悲觀氣氛下,女性希望藉超高琤鞋讓自己看來趾高氣揚,提升正面情緒,這方法亦較廉宜。

時裝網站style.com的總編輯費爾普斯指時裝是令人逃離現實的好方法,高琤鞋並不單是滿足衣需要,更令女士感到自己性感、美麗、獨特及遠離煩惱的工具。購物網站主持克利里亦指在經濟衰退時,女士們沒能力可以在轉季時購買一櫃子新衣服,因此她們轉而選擇購買一對新高琤鞋。

我的大學同學

某 poly 同學仔結婚派帖,
難得跟他們仝人食飯.

一向跟他們不太親厚,
因為我係插班生,
而且本科人少的關係,
我們只有二十人一班,
好似中學小班教學一樣,
兩年的大學生涯都係見住同一班人.
加上當年的我最鐘意走堂返工,
試過出席率太低要見系主任 :p
畢業後亦沒有常聯絡,
一年見面不多於兩次.

尋晚的飯局不經不覺的坐到十一點人地打烊!
原因係某男同學記憶力甚佳!!!
佢記得上堂的趣事,
考試的成績, 老師的特徵,
o'camp, day trip,
學校舉辦的參觀活動,
以前的學科外遊去澳門, 上遊輪, 去深圳,
佢全部 (連細節) 都記得!!!
雖然我全部都冇份,
(因為 exempt 咗大部份的科目.)
不過尋日一次過好似上咗三年的大學生活咁~
嗰種無憂無慮開心到吖!

佢地話要攪十週年活動,
都有兩分期待.

Monday, February 9, 2009

買! Alessi

以前係澳洲讀書的時候,
因為想令自己開心啲,
所以我會買啲好靚的廚房用品,
Alessi 係其中一員,
貪其趣怪幽默.
況且貴極都只係買一份,
又有幾貴?

搬咗出黎住之後,
對家庭用品的興趣又大啲,
不過因為少煮食,
所以一路都冇添置新的 '沙煲冷掙'.

原本想買餐具作為阿哥的新婚賀禮,
結果唔知點解反而買咗幾件 Alessi??


叉子 @HK$130
湯匙 @HK$130
雪糕羹 @HK$120

Sunday, February 8, 2009

婆媳關係

同樣都係女性,
我好明白作為女人嗰種口是心非刁橋扭擰!

千祈唔好話你阿媽好大方,
更加唔好話佢無所謂!
女人係你永遠都唔會明白的生物,
唔止你老婆,
當中包括你阿媽!
特別當佢發現有另一個女人會同佢爭寵的時候.
無論你老婆係如何的人見人愛,
係你阿媽的眼中,
總有睇唔過眼的地方.

相見好同住難,
一間屋係絕對唔可以有兩個話事的女主人!
見面愈多,
只係磨擦愈大.

請記緊:
你阿媽對你女朋友同老婆的要求係差天共地~
一日未入門,
一日係女朋友,
佢都覺得冇問題.
當女友成為媳婦,
由地位高客人進升地位低的小媳婦,
(明升暗降 :p)
成個世界就改變了.
要求全然不多.
如果生活在同一屋簷下,
你就打開咗地獄之門.

唔好話人地個阿媽啦,
自己阿媽阿嫲都係咁.
左右兩面都不是人.

英文名字

很喜歡希臘文字,
比英文優雅多了.

很喜歡希臘神話,
像是遙不可及的神秘歷史.

有一天我有孩子,
應該會從神話人物中找一個特別的神祇的名稱命名,
希望他/她也有相近的魅力.

不過又會唔會太大壓力呢?
要似個神喎??!

婚都未結,
仔又未有,
呢啲係咪妄想症??
到真的時候至詳細啲睇啦.
---------------------------------------------------------
阿波羅(Apollo)~又名(福玻斯Phoebus)太陽之子,宙斯同托托那(Latona)的兒子,其人俊美,負責每日將太陽運送至地球的正中央,日出而作,日落而歸,他不僅是太陽神,而且還是音樂與詩歌的保護神是希臘奧林帕斯十二主神之一,是宙斯與黑暗女神勒托(Leto)的兒子,亞特米斯的孿生兄弟。阿波羅又名福波斯(Phoebus),意思是“光明”或“光輝燦爛”。阿波羅是光明之神,在阿波羅身上找不到黑暗,他從不說謊,光明磊落,所以他也稱真理之神。阿波羅很擅長彈奏七弦琴,美妙的旋律有如天籟;阿波羅又精通箭術,他的箭百發百中,從未射失;阿波羅也是醫藥之神,把醫術傳給人們;而且由於他聰明,通曉世事,所以他也是寓言之神。阿波羅掌管音樂、醫藥、藝術、寓言,是希臘神話中最多才多藝,也是最美最英俊的神祇,阿波羅同時是男性美的典型。
--> 好似樣樣皆能咁呀!

邱比特(Cupid / Eros)~維柰斯女神之子,掌管愛之箭,凡是被邱比特射中的事物,不管是人類或是非人類,皆會彼此愛戀。其特徵為有一對大而雪白的羽翼。
--> 人生的最大意義之一! 戀愛!戀愛!戀愛!戀愛!戀愛!

雅典娜(Athena)~宙斯的女兒,既喜愛軍樂與習武,又有溫柔美麗,與多思的一面,既是戰神又是智慧女神是希臘奧林帕斯十二主神之一,羅馬名字彌涅耳瓦(Minerva)。傳說是宙斯與聰慧女神墨提斯(Metis)所生,因有預言說墨提斯所生的兒女會推翻宙斯,宙斯遂將她整個吞入腹中,誰知頭痛不已,在忍無可忍下召來西法斯特斯,劈開頭顱,從宙斯的腦裏跳出來的是一位全身甲冑,挺舉金矛的女神,她就是雅典娜。雅典娜是處女神,具有威力與聰慧,為宙斯最寵愛的女兒。雅典娜是希臘人,特別是雅典人,最崇拜的女神,雅典城的名字就是用女神的名字命名的,而且亦是她專有的城市。她傳授希臘人紡紗、織布、造船、冶金和煉鐵等各種技能,還發明犁耙,馴服牛羊,因此她也是農業與園藝的保護神。她還是法律和秩序的保護神。
--> 好明顯生兒育女都係搵自己笨, 就好似宙斯要劈頭個頭咁痛.

希臘神話各人物
希臘神話故事
妖怪名冊
希臘神話中的植物世界
希臘神話人物

information from: http://hk.knowledge.yahoo.com/question/?qid=7008110500951

抑鬱症

三叔跟阿嫲同住,
他有抑鬱症,
久唔久又復發.

阿嫲乜都唔識,
淨係識照顧佢起居飲食.

每個禮堂日飲完茶,
佢都會先去茶餐廳買嘢俾三叔食,
但係把口又會講:
唉! 一把年紀仲要照顧個仔, 真係陰公.

其實佢咁大個人又有兩個錢,
你可以唔買俾佢架,
個個禮拜都講同一樣嘢.
有時我唸:
可能就係你太照顧周到所以其他人就可以活在自己的世界裡面.

心理病從來都係自己救自己,
你唔想改變,
冇人幫到你.
別人的愛只係喚醒你,
你執著的問題並不是你的唯一,
你仍然擁有全世界.

Saturday, February 7, 2009

MSN

每個晚上亮起 MSN 'wow-o',
就好像苦海裡的明燈,
一股腦兒將事情 bla-bla-bla 的打打打,
心裡也舒暢多了.

有準心理學博士為你解開心底的鬱結.
晚上十點到十一點,
每天上映.

Tuesday, February 3, 2009

奇幻逆緣


166 分鐘!!
兩個幾鐘呀!!
一定要去間舒服戲院有張舒服櫈再著件舒服衫.
我梗係揀太古廣場 AMC 啦.

最記得兩句對白:
I'm glad to have met you.
Something you never forget.

這是一個關於很難面對的生老病死的故事,
小時候一想到父母親有可能會離開我便會哭起來.
很怕面對別人的死亡,
反而對自己的壽命處之泰然,
更加自私的希望死得比你早.

人生在不同的時候會遇上不同的人與事,
但係就未必完美地在你想要的時候出現,
時空交錯總玩弄著你,
這是人生的一大無奈.

巧合加上巧合神推鬼擁造成你今日的行程,
世事大多非你所願,
所以唔好成日 '早知就 xxx'.

生命總有終結的時候,
有些事情你以為你永遠會記得,
原來時間會將之沖淡.

睇完呢齣戲,
實在有很多很多的感觸.
出碟的時候會再買碟煲多幾次.
強勁推介!

奇幻逆緣 (IIA) (The Curious Case of Benjamin Button)
166 分鐘
導演: 大衛芬查
演員: 畢彼特, 姬蒂白蘭芝
英語對白,中文字幕
這部電影講述的是一個奇人的故事,包括他走過的路和認識的人,沿途發現生命的喜悅和死亡的悲哀,與及一些超越時間限制的東西。

Monday, February 2, 2009

Facial @SK-II

因為太懶,
所以決定抄林芍芍的原版再改少少就算啦.

地點: Sogo Club SK-II Beautique
時間: 晚上八時至十時
人物: 林芍芍同我

去到先換衫, 之後再喝杯茶.
可以揀蘋果, 玫瑰或者薑荼.
大家都揀咗薑荼.
淡啲囉.

小姐話 Facial 有四款選擇,
補濕, 美白, 緊緻同深層清潔.
佢話佢睇完我啲皮膚幫我揀又得,
自己鐘意又得.
我對緊緻的興趣大啲,
個小姐見我啲皮膚都冇乜大問題,
所以佢幫我做緊緻.

先用卸妝油落妝,
然後再用泡泡洗面,
即係一共洗兩次.

Frinator電動清潔.
我覺得好似一支大的電動牙刷,
胸部以上膊頭, 頸, 面都有刷到.

唔好問我搽咗乜嘢,
冇乜留意,
不過之後面部按摩咗好耐好耐好耐好耐好耐.
肩頸都有,
係咁意囉.

針清就先用吸黑頭機再清,
小姐都幾好留情,
做完清潔得黎都冇紅鼻哥.
修眉就因為我堂眉都唔錯,
係咁意拔幾條雜毛就得啦.

搽神仙水用微電流導入,
先用一個大拑,
拑上有濕濕地既海棉,
拑係手腕上,
碌吓碌吓都幾舒服.

面膜係用 SK-II 既 paper mask,
做完 mask,
黎多次神仙水,
不過敷 mask 的時候較高咗張椅完全瞓唔著!!!
辛苦死 :p

最後做冷熱鎚,
我最鐘意呢個步驟!
先用熱的打開毛孔,
等其它護膚品更易吸收.
搽埋cream (包括埋眼部),
再用冷鎚收細毛孔,
做埋肩頸按摩完成啦!

做完後再有一杯茶.

成件事情玩足兩個鐘,
全部用SK-II Products,
做完後皮膚都有番晒光澤兼細緻咗.

用咗林芍芍的 package, HK$365.
更正: 係 $357 至真.
都抵玩嘅,
淨係不停按不停按不停按的人手按摩都抵啦.

Sunday, February 1, 2009

化妝

這是其中一樣有啲想學但係絕對唔敢學的課題.
一來美術天份極低,
二來學咗一發不可收拾.

寧願面青口唇白,
最驚學識咗之後不停買化妝品,
荷包多多錢都夠,
返唔到轉頭死梗.

上海婆婆

去到美孚唔知食乜,
佢間間都話麻麻地!
所以去間佢未食過嘅.

小籠包 (4 隻) HK$25
有驚喜!
水準之作,
皮簿多汁.

麻辣粉皮 HK$30
好辣,
不過好似辣油撈粉.

韭菜魚餡水餃 (8隻) HK$42
有韭菜實香啦,
魚餡都幾特別.

無錫烤肉骨 HK$56
個汁酸酸甜甜,
唔錯,
啲肉好淋.

高力香蕉豆沙 (4件) HK$30
一般.
豆沙唔太甜,
但係個皮唔夠鬆.

再加茗茶 HK$4/位同加一,
埋單 HK$210,
食物不錯,
貴咗啲囉!
但係我見 openrice 寫屯門分店好好多咁噃.

上海婆婆
地址 : 美孚美孚新村蘭秀道 6a/6b. N21/22 舖
電話 : 2741-3887
類別 : 上海菜

住邊好?

記得當年買樓,
開始的時候最想買康怡,
覺得價錢合理,
地點適中.
可惜樓價升得太快,
搵錢搵得冇咁快.

再下一轉,
神來之筆想唸西半山,
好似都幾靜咁,
老豆一句: 咁鬼遠!
又放棄咁.

之後想唸杏花村,
老豆又話唔駛買啦,
唔出租俾人自己住就得.

最後發現屋企樓下有個買位放賣,
差兩層,
啱 budget 啱 size,
未睇過都想即時落訂!
唔覺意俾人買咗就嘔血啦!
唔覺唔覺就住咗兩年啦.

老豆一路想叫我換個大單位,
我知佢想我結咗婚之後都仲係佢附近住.
不過一路都冇啱嘅樓盤.

有日老豆突然話:
嫁咗如果唔話得事要搬走嘅,
咁就唔好嫁啦.

有邊個父母想你搬走架?
盡量啦.
Blog Widget by LinkWithin