Tuesday, January 13, 2009

單身寶鑑之二

其實係記鈙上次去住家菜食飯的事,
但係寫咗一半停咗手.
-------------------------------------
方才係銅鑼灣食住家菜,
鄰座為一男一女,
張枱咁近,
我聽到佢地八成的對話.

男的在我左方,
大 M 字額,
不過樣貌沒有看得清潔.
女的打對面,
中女 OL 樣唔靚又唔太醜.
------------------------------------------
佢地的第一個題目係女方屋企有隻小狗,
所以推斷佢地唔係識咗好耐,
談話內容比較表面.

一般初相識的朋友都係由淺入深,
先問工作, 嗜好,
之後到學歷, 家庭.
唔需要老作,
亦唔好為此驕傲,
大家都想認識平和謙厚的人.
------------------------------------------
雙方談話過程中,
女方經常伸手拍打男方的額頭, 手臂....
男方係無動如衷的.
好明顯女方比較主動熱情啦.

好多女仔都以為咁樣代表 '親切'!
事實係過於主動得有啲令人生厭.
特別係幾十歲人唔係靚妹仔,
郁手郁腳咪多咗囉.
------------------------------------------
大家再討論到聖誕禮物,
女方送咗一個打印機加多個 mp3 俾男方,
男的話要俾返錢女的或是是但收一樣,
而女的堅持唔收!

送禮物唔緊要,
不過要有來有往.
同埋送啲比較貴重的禮物要視乎身份關係.
大家認識唔係咁深入就送近二千蚊俾人會嚇怕人啦.
------------------------------------------
男方問女方: 走啦, 你要返工啦.
女方: 唔洗咁急, 我都唔趕.
(事實係真係接近兩點, 應該要返工的時間.)

男方都話走啦,
女的仲要繼續,
怪啲囉.
心急啲囉.
人地都想走啦,
即係唔多想留低啦.
------------------------------------------
最後想講係男方失業,
剛找到工作.

稍稍有責任感的男仔.
冇工作的時候都唔想害咗人終生幸福啦.
個女仔咪標錯會囉.
唔係以為共度時艱就一定苦盡甘來呀?
------------------------------------------
成件事都係反面教材,
女仔係可以主動,
但係都要少少矜持.
依家有啲低咗.

1 comment:

聶秀康 said...

好岩呀!個女仔應該好鐘意個男仔...識無耐就送二千幾的禮物,真係會嚇怕人或會令人自悲因個男仔剛找到工作,有D女仔以為送禮物就表示好愛對方其實咁吾work架,一吾係引埋D貪心鬼就幣家火.

Blog Widget by LinkWithin