Monday, September 1, 2008

家庭無聊事

返屋企食飯.

娘叫我七點鐘返到.
我準時,
發現佢未開始煮飯,
但係有一大煲我想食的紅豆沙.
佢話要等爹返黎.

一等,
等到八點幾,
我食咗三碗紅豆沙.

爹返黎,
開飯.
菜式奇奇怪怪,
炒雜錦太鹹啦,
白灼椰菜花加胡椒粉啦,
唯一個蕃茄紅衫魚正常.
況且我都飽飽地,
不停投訴呢樣嗰樣~

娘同爹講: 睇吓睇吓, 煮埋俾佢食仲咁多嘢講! 梗係食飽紅豆沙啦!
我同爹講: 都係你唔好啦, 咁遲至返黎! 攪到我食飽咗紅豆沙!
爹同娘講: 都係你唔好啦, 煮啲嘢咁好食! (再加反白眼!!)
我: .............!!@r^&#%^*&

我爹實在情場浪子鬼見愁, 溝死女呀~

No comments:

Blog Widget by LinkWithin