Wednesday, July 30, 2008

我看新人之五

又多一個怪人.
新人怪.
擾亂公司政策的阿叔仲怪.

一個無拿拿去請教個資歷最淺又最冇規矩嘅.
(年資同年齡係冇關係架.)
一個又以為自己好好人的指導新同事教人好食懶非.
(好心做壞事.)

自己死就好啦,
仲要害人,
真係無陰公.

我當新人的時候,
世界不是這樣的.

做人難

做醜人難,
同蠢人講嘢難,
點醒個蠢人仲難.

Wall.E

很浪漫的卡通片!
兩隻悶蛋機械人發展出人性.

八成時間無對白,
需要很強的故事性同豐富的畫面.
中段略悶.
小強好無聊不過都幾得意.

環保的主題,
令人反思.
肥胖退化到唔識行的人類,
只有程式冇彎轉的機械人,
污染到人類不能再居住的地球.

官方簡介:
身為最後一名「廢物整理機械人」(地球型號)的威E,在全人類大遷徙後的污染地球上,獨自執垃圾執足700年,一直盡忠職守從未詐病吞pop,當他以為自己要做到down機才可以榮休之時,卻遇上總部派出的最新型號超級機械人Eve,更因而發現自己原來身懷影響宇宙存亡的重大任務,立即緊隨Eve向太空出發!

Tuesday, July 29, 2008

熱! 熱! 熱! 熱! 熱! 熱! 熱!

熱! 死了.

Monday, July 28, 2008

留言

這陣子寫上感情路上的點滴.
不知怎的,
收到好幾個沒有留下名號的留言.

子非魚,
你唔需要明白我的感受,
而我亦不準備向大家解釋.
我只是自說自話.

是因為描述感情的話題引起大家興趣?
多謝你們的關心.
既然路過留言,
何妨讓我知道你是誰?

Wings Bar & Restaurant

做完占,
有啲攰,
想坐底又未肚餓.
去到 wings 先飲杯嘢食個甜品再叫主食.

朱古力心太軟 (HK$52)
做到外脆內軟,
熱蛋糕凍雪糕,
不過朱古力較 '杰',
少了岩漿的效果,
但還是很好吃.

Ruby Red (HK$54)
mocktail,
很 girly 的飲品,
雜莓汁囉,
略甜.

Set Dinner (HK$98, 其他選擇 HK$98-168)
有前菜, 湯, 主菜, 飲品.
辣肉醬粟米片, 頗油膩.
羅宋湯, 一向都很好.
湯配的蒜蓉飽都很香口.
卡邦尼扁意粉, 好味, 不過 creamy 得黎幾膩.

我要香煎鵝肝配燒什菜沙律 (HK$70)
什菜沙律有誠意.
鵝肝配多士就正常貨式囉.

藍芝士露荀野菌忌廉汁尖通粉 (HK$68)
可以拼配其他的意粉.
好好食!
至衰食甜品食到半飽~!

埋單 HK$376.

個人太貪心,
叫得太多,
其實一啲都唔貴.

水晶燈, 梳化加黑漆漆的環境,
hea 一流.

Wings Bar & Restaurant
地址 : 銅鑼灣怡和街2-6號英光大廈4樓
電話 : 2881-6981
類別 : 西式

Sunday, July 27, 2008

空調

很變態.
我家位於客廳的空調,
昨天才是今年內第一次的運作.

原來你非不快樂

原本我是到書店買我必讀的深雪,
可惜要書展後才有貨.
看到林夕的新書自序寫得極好,
是心靈書籍.

對佛學很有興趣,
可惜中文底子差,
理解能力低,
參透不了.

林夕這書很淺白,
雖然只看了十數頁,
每篇均有無盡的思考空間,
很有共鳴.
可以慢慢的細味.

節錄如下:
總是在悲哀的時候,
才有足夠的距離審視着快樂的條件.
樂不思蜀, 便忘了自己身在何處.
不斷理性地知道當下是如此快樂,
就會擔心失去, 又如何快樂起來.

要滅苦, 先破執,
不固執於追求,
不以堅強為手段擁有為目標,
心才能沒有牽掛,
沒有負擔故無重,
才能自由自在.

關於愛情,
因快樂而快樂,
就是做到 '不錯過任何挑逗, 也不為任何人守候',
'不給我的我不要, 不是我的我不愛'.

考驗

上天沒有在考驗我們,
只有我在考驗你.

我輸了.
但輸得很安樂.

Saturday, July 26, 2008

過去的 '朋友'

自某一天開始,
我再分不清你說話內的真偽,
實在不能再待在一個不知是敵是友的人身旁.

Thursday, July 24, 2008

我左眼見到鬼

有線又重播.
我最喜愛之一.

很喜歡鄭秀文作愛情小品的演出.
很有喜感.
戲內服裝非常精美.
劉青雲的喜劇亦是一絕.

每一次睇呢齣戲都眼濕濕,
他人批評: '唓! 有幾愛吖! 識得嗰七日, 愛咪愛佢啲錢.'
尾段鄭秀文不斷叫: '老公, 我唔掛住你啦~ 我唔愛你啦~'.
同埋劉青雲去投胎那一幕,
跟手鄭秀文發現原來死去的老公一直在自己身邊.

好無奈.
愛情從來都係兩個人.
唔需要理會別人的目光.

你愛過的,
一世都會記得.

官方簡介:
何麗珠出身低下,父親鬍鬚雪因犯法坐牢。一次旅遊,邂逅
商家丹尼爾,相識七日閃電結婚,未及回港丹尼爾便意外淹
死。喪禮上,珠面對這背景和自己差異極大的夫家有種格格
不入的感覺。珠繼承了大筆遺產,過著無憂無慮的生活。某
夜,醉醺醺的駕車在公路上猛烈撞車,靈魂被撞飛出身體,
鬼魂王勁威逼其回到軀體,珠大難不死自此便左眼看到鬼…

孤兒仔

娘一早來電說大陸一天遊.
今晚獨個在家.
很冷清.

無聊找到舊年買的褲子,
梗梗(緊緊)穿得下,
很不快!
我要再努力一點!

分手後一星期

如果我說這星期我過得頗舒服,
會不會太涼薄?

沒有鬼哭神嚎,
沒有發白日夢,
很平靜.
食得落瞓得好.

我對我所擁有的愛惜的都異常緊張.
步步為營.
心力交瘁.
每次想起都覺得好大壓力.
我的壓力又成為他的壓力.
大家都用盡最大的努力去企圖改變已漸變色的戀情.
好大責任.

如今分開了,
好像放下心頭大石,
解除一切束縛,
輕鬆多了.

我看新人之四

第一件事當然係唔怕蝕底,
唔好練精學懶.
你係懶都要扮勤力!
你個心係咁唸都唔好俾人知!

第二件事梗係睇吓時勢,
邊個莊, 邊個閒,
邊個忠, 邊個奸,
唔好無拿拿死咗都唔知乜嘢事.

第三年事就係抱住謙厚的態度,
虛心求教.
有禮貌就事半功倍啦.

占不占?

一向做占都好 hea,
上一堂瑜伽已經想走,
對一般的器械都興趣不大.
(不過其實整整四十五分鐘的悠閒活動我都已經攰死咗....)

上星期,
換個戰友,
睇吓會唔會勤力啲.

成件事情實在令我刮目相看!
可能我的朋友在占內都不大出汗,
又或者新戰友是大汗人啦.
實在估不到係可以有個半鐘頭不斷的運動,
汗水係如雨下呢~
當然我也有慢慢的跟住做啦~
不過都係冇乜汗...

成件事我淨係想:
如果你冇做占, 你會肥幾多呢?
又或者,
日日都做占, 你又會瘦幾多呢?

Le pain grille (agnes b. cafe)

我有一餐 agnes b,
久久都落唔到筆.
留番個位,
得閒先寫啦.

Le pain grille (agnes b. cafe)
地址 : 銅鑼灣京士頓街2-4號1及2A舖
電話 : 2577-0370/2881-9129
類別 : 法國菜

蝙蝠俠 - 黑夜之神

好好睇! 好好睇! 好好睇!
(雖然都有好多爭議的地方.)
一定要入戲院睇嘅戲囉.

唔鐘意冇用舊的城市景,
但係又好鐘意 ifc 夜景喎.

蝙蝠俠一貫木獨,
小丑同雙面人都超型!!

片長兩個半鐘,
最緊要揀間舒服嘅戲院.

官方簡介:
繼《蝙蝠俠-俠影之謎》後,導演基斯杜化路蘭及飾演蝙蝠俠/榮布斯的基斯頓比爾再度攜手合作萬眾矚目的《蝙蝠俠-黑夜之神》。在這部新作中,蝙蝠俠繼續他對抗罪惡的正義旅程,並在葛咸城探長占哥頓與律師鄧夏維的協助下,屢建奇功。但這個正義組合會將面臨前所未有的挑戰,葛咸城將被極度邪惡的魔頭「小丑」搞得翻天覆地,且直接向蝙蝠俠宣戰。

Tuesday, July 22, 2008

醉酒佬

這不是第一次有醉酒佬打電話黎同我求婚,
我唔明點解呢件事情一定要酒醉後先至做?
零誠意,
我亦相信成件事都係冇心嘅.

因為俾人拒絕都唔怕瘀?
因為第二日可以扮冇講過?
因為飲酒壯膽?
因為只係瘋言瘋語?

最憎人飲醉酒.
最憎人亂咁嗡當秘笈.

仲細咩?
你唔係以為我仲信醉酒佬講嘢吖?

不過都要多謝你,
給我丁點的安慰.

鼎泰豐

鼎泰豐回來了.
講咗 N 次都未有去過.
成日驚長人龍,
今日準時收工,
六點九到達,
等咗唔駛五分鐘.

干煸四季豆 (HK$28)
普通.

膠原水晶肉 (HK$45)
OK.

小籠包 (6隻) (HK$45)
保持水準.

菜肉蒸餃 (6隻) (HK$42)
保持水準.

鮮肉粽子 (HK$32)
淋到不得了, 差.

原盅牛肉湯 (HK$48)
冇食.

香蔥拌麵 (HK$28)
唔好食.

仲要HK$10/位茶,
再加一,
兩個人食咗 HK$305.8!!!

總括都係去台灣食好啲.
一來又唔平,
仲要我唔多飽,
二來全部菜式都偏鹹.

地址 : 尖沙咀廣東道30號新港中心3樓130號
電話 : 2730 6928
類別 : 上海點心

男性朋友都說我很好,
因為我不煩人.

我不煩人,
因為我自愛,
又或者我未夠愛你.

很少要求協助,
自己做到洗乜求人.
很少提出要求,
最憎滿懷希望然後失望.
要十分的相信,
才會跟你分享我的心底話.

Monday, July 21, 2008

續: 哥哥結婚了

哥突發奇想到沖繩結婚去.
有海灘, 有教堂囉.
一家人一齊度蜜月囉.

我淨係想遊山玩水.

習慣

最難受是要離開你已習慣的事情,
重新步出安全網,
由頭建立另一種習慣.

因果

有因必有果.
今日的果是結合了當初的種種而成.

羅馬不是在一天內建成的.

Sunday, July 20, 2008

我懷念的

太在乎,
所以太執著.
太放不開,
造成大家都辛苦.
我太缺乏安全感.

縱然多麼的不捨,
我選擇放下,
對大家都好.

我想,
重新開始.
------------------------------------------------


我懷念的 孫燕姿
作詞:姚若龍
作曲:李偲菘
編曲:Martin Tang
製作:李偲菘

我問為什麼 那女孩傳簡訊給我
而你為什麼 不解釋低著頭沉默
該相信你很愛我 不願意敷衍我
還是明白你已不想 回首

想問為什麼 我不再是你的快樂
可是為什麼 卻苦笑說我都懂了
自尊常常將人拖著 把愛都走曲折
假裝了解是怕真相太赤裸裸
狼狽比失去難受

我懷念的 是無話不說 
我懷念的 是一起作夢
我懷念的 是爭吵以後 
還是想要愛你的衝動
我記得那年生日 也記得那一首歌
記得那年星空 最近的右手
在那的胸口 誰記得 (誰忘了)

我懷念的 是無言感動
我懷念的 是絕對炙熱
我懷念的 是你很激動求我原諒
抱著我的痛
我記得你在背後 我記得
我顫抖著 記錄感覺相擁
最美的煙火 最沉的相擁

誰愛的太脆弱 誰過頭太遠了
誰要走我的心誰忘了那就是承諾
誰自故自走 誰忘了相處過
誰讓愛變沉重 誰忘了要給你溫柔

(我懷念的 ) 
我還有想要愛你的衝動
我記得那年生日 也記得那一首歌
記得那片星空 最緊的右手 最暖的胸口

我放手 我讓座 假灑脫
誰懂我多麼不捨得
太愛了 所以我 沒有哭 沒有說

賤骨頭

我們都是賤骨頭.

面前選擇有的是,
何必只著眼在那一棵枯樹上呢?

離開是為了再回來. (破釜沈舟?)

Saturday, July 19, 2008

決定了

雖然再一次係我提出.
雖然可能對雙方都好.
雖然我唔捨得.
雖然我希望係最後一次.
雖然我係有唔開心.

但係絕對係一個正確的決定.
------------------------------------------------


愛情已死 張智霖
曲/編/監製 : 伍樂城
作詞: 林夕

能抱下去 還有沒有餘力 辨認誰
能吻下去 還有沒有好心情 能沉睡

就當做個紀念 曾漂亮過的謊言
我就座 你表演

不必告訴我愛情已死
知已當然知彼
無能為力冷戰 可以嬉戲
人在機場 早晚亦要飛
來為你離別致哀下半旗

即使你對我愛情已死
表演一場歡喜
為何情願報憂不報喜
臨別痴呆 可以扮逃避
在一起 來較量 誰入戲

難愛下去 仍要盡你綿力 玩心碎
難笑下去 仍借用你的真情 流流淚

向上吻向下吻也沒有激情
向後看有沒有悲壯佈景
無論多麼高興
沉睡到清早總要清醒
別太早清醒

Friday, July 18, 2008

好苦惱

為自己的未來而思考,
可以跟朋友作討論,
最後結論還是留給自己.

拿不起, 放不低.

今日熱到不得了,
係條街度停耐啲都呼吸困難!

一早無聊對話

一早返工,
第一件事當然係跟貝貝對話啦.
我們都可算無聊之最!
-------------------------------------------
Jo says:
hi

Wee says:
hihi

Jo says:
so hot again

Wee says:
hai wor, and i've to go out again too

Jo says:
me 2! Tuen MUN! hell

Wee says:
i go from north point to central!

Jo says:
i go from tuen mun to hku

Jo says:
which one is worse

Wee says:
che~

Wee says:
but u only one bus trip to hku

Jo says:
no la! have to change ga!

Wee says:
i stop by NP X2, wan chai X2 + central X2 wor

Jo says:
I stop at TM x 1 and HKU x 1 wor

Jo says:
have to take 2 hrs bus wor!

Wee says:
hahaha, i walk for 2 hrs wor!

Jo says:
i sit for 2 hrs. nothing to do

Jo says:
hahaa

Wee says:
ho mo liu.........

Wednesday, July 16, 2008

我看新人之三

新人應該主動一點,
但絕不應該主動搭訕.

眼瞓

呢幾日都瞓足八個鐘.
但係仍然由頭攰到落腳趾尾.
頭昏腦漲.
點算?

安全感

兩個人在一起最重要是一種安全的感覺.

唔會害我,
唔會呃我,
唔會珗我.

唔淨只係當你喺我身邊的時候感受到你臂彎內的安全感,
而係你無論身處何地, 我仍能感到你的支持和能夠依靠的肩膀.

Tuesday, July 15, 2008

我看新人之二

我都唔明點解可以搵到間咁奇怪的公司.

遲到日退,
打機睇報紙,
吹水食早餐,
看似大逆不道的事,
老鬼們樣樣老逢.

新人進取一點,
工作勤快少少,
找人問問前路如何,
卻似作奸犯科.

for-give

我沒有放下.
沒有原諒你.

很奇怪,
我接受得了別人多種的性關係,
但接受不了心靈的背叛.
-------------------------------------------------------------------------------
香江人語:愛上一枝情場洗潔精!

原諒英文是「for-give」,是要付出的,不是只看自己的感受,在適當的情況下學會原諒,把許多事情都放開一點,生活都會過得容易一點。


我的朋友們是blog迷,喜歡把自己的想法公開。友人間看見,愛看的就留言讚賞,不認同的就群起而攻之;這一向是我們之間的溝通方式。可是漸漸地,這種團體間的溝通媒體,因為blog的公開性,友人F4「突然成名」,開始有仰慕者加入,結果出現fans踩場事件,認真出奇。我對F4說:「你終於變了個知名人士!」事件起因,又是《Sex And The City》,內容很想與大家分享一下。

那天與一大班朋友看完SATC後,大家都在自己的blog上留下觀後感。對於Miranda的丈夫Steve有了一次婚外性這情節,F4這樣寫:「換了是你,你會原諒Steve嗎?很多朋友都說原諒,只有我說不。因為當大家再親熱的時候,就想起對方曾攪過其他人的身體,只覺得難受及骯髒了,所以,No!」他認為實在無法接受。
就電影中的情節而言,Miranda之所以要與Steve分開,是因為他破壞了結婚時大家定下要遵守的結婚誓詞。而之後Steve在婚姻治療師前亦說:「那妳不是在破壞其他的誓詞嗎?」

我亦參加過一些香港婚禮,不論在政府婚姻註冊署還是教堂,大概都有一份已備好的結婚誓詞,一對新人只要把自己的誓詞加到新郎或是新娘空格去,禮成!其實我一直都想知道,有幾多對新人,在忙亂的結婚日,會記得那篇誓詞的所有內容呢?

不知大家看法如何,我只知婚外性(記著,只是性,不是情,是一次過的!)向來很普遍,就以寫信給我分享經歷的讀者為例,也收過很多類似的故事。當大家以為發生了這種事情之後,定必會是分手,離婚收場的時候,我可以和大家說,大部分的結局都是關係繼續下去。可能有勇氣一下斬釘截鐵做決定的人,都不用寫信給我問意見。不過我清楚受騙的一方是覺得骯髒重要,還是覺得破壞了誓詞重要。

問新認識年輕友人W,他說:「你問我?件事發生當然會唔開心,會妒忌,會問點解佢唔對我做佢對另一個人做?野……不過講骯髒,我諗都唔會有人夠我咁骯髒,有乜好嬲。」

林先生的blog中就這樣寫:「當然,各人都有自己一套想法,也沒有甚麼批判成分,其實只是有些問題卻來了:攪過其他人身體,這便是骯髒?只有自己的身體不骯髒,其他人身體都是骯髒?大家一開始都沒有嫌過對方攪過甚麼人,為甚麼一次胡混便變成骯髒?以前仍未一起前攪過其他人,這又是不是骯髒?那對方跟你在一起,就變成潔淨?對方跟你攪完便變得潔淨,你是『洗潔精』嗎?還是,實情是,去攪的為何是對方不是自己?」
這種事的處理手法,的而且確是有很多事情考慮的。比如親友A,她丈夫不止有婚外性、婚外情,連仔也生了一個回來,也不離婚,因為父母都在,兩老都頗為保守,她是不想父母傷心;原來,為了結婚而結婚悲哀,但原來為了不離婚而不離婚就更是悲情。

電影的結尾,Miranda和Steve還是在一起了,也許是因為愛,又或者是因為寬恕。正如林先生在blog的尾段都說:「老實話,原諒是要用心去做的,加上自己有多愛對方。原諒英文是『for-give』,是要付出的,不是只看自己的感受,在適當的情況下學會原諒,把許多事情都放開一點,生活都會過得容易一點。」這亦是我想對正遇上感情問題的各位說的一句心底話。

葉志偉
2008-07-15

Sunday, July 13, 2008

我阿嫲

今日我地一家去飲茶,
阿嫲每一次都要叫一盎飯.
傾計的時候,
二叔話某人 '麻叉煩',
阿嫲即刻問 '麻叉煩' 係乜嘢飯?

我着咗條短褲,
阿嫲話: 你咁高, 又瘦, 條褲咁短, 露咁多肉!
我以為佢會問我怕唔怕凍?
點知佢下一句係: 咁肉酸!!
OMG!!
着短褲=肉酸!!

Saturday, July 12, 2008

觀點與角度

從新人的眼中,
我們這幾個老鬼好像很幸福的.

budget 較高,
要求地段較好,
人品較高尚的客人,
總好像派到我們手中.

你們好像忘記了我也是從同一路途走過來的,
不要抹煞的我這幾年來的努力(我冇勤力, 不過都有努力),
日子不是白過的.

我也是從一萬幾千的麻煩客中成長過來.
經驗累積後便可以得到更好的機會.
最後成功與否是全靠你的知識與努力.
好客與壞客全在觀點與角度.

我和你的分別在於我平穩渡過了那段不太明朗的日子,
沒有怨天尤人,
一步一步慢慢向前,
現在開始有點點的收成吧.

Friday, July 11, 2008

信任

既然信任度已經到達零,
我都唔知點樣先可能繼續走在一起?

Thursday, July 10, 2008

月餅

今件收到的第一個月餅,
是老朋友遠從廣州帶回來的.

是老字號蓮香樓的出品.
味道如何還未知道.
但那個古舊味道的小鐵盒,
很有型呢!

建與毀

建立可能需要一輩子,
破壞只發生在一瞬間.

香港中產之六大煩惱

我有中產的惰性.
--------------------------------------------
在香港這個社會裡,有很多中產人士。而本土中產的特色是,他們有固定的收入、有固定的假期、也擁有基本的學識,所以在經濟能力上來說,生活不成問題。但在風光背後,實質上中產是面對很多問題,很多煩惱。這些煩惱,不單止妨礙到中產人士去提升自己的地位和事業,也影響家庭,以及個人健康。

本地中產帶有很多土產的特性,他們很多時候都「怕癢又怕痛」,久不久便無病呻吟,因為生活在Comfort zone(安逸地帶)?:忙的時間想休息,不斷慨歎;度假的時間,又想?工作,不斷Check電郵,看看公司有甚麼事發生;他們窮困的時候,就會渴望富有;生活安逸的時間,又害怕快樂不是永恆,沒有安全感;應該要作決定的時間,便擔心結果不如預期,還會怕輸;最聰明的時間,通常都在事後,而非事前,「事後孔明」;不屬於自己的東西,便常常渴望擁有;反而握在手裡的東西,卻又不懂珍惜。

我也是過來人,也曾經有以上的特徵,但是我醒覺得早,所以我在二十一歲的時候便結婚,二十五歲便生下我第一個孩子,三十一歲便開始創業,還用了十年時間不斷進修。我的工作壓力極大,但不代表我心理壓力也是很大,因為我有做運動的習慣,它能幫助我減輕工作上和心理上的壓力,所以我不需要看心理醫生。

當我在三十一歲的時候,我覺得安逸的生活,會荼毒我的心態,令我甘於逸樂,很容易便會產生以上的土產特性,為了解脫這些問題,所以我決定離開警隊去創業。幸運的是,我能夠醒覺得快,是因為我有很多良師益友,不斷以過來人身份去提點我,令我走的冤枉路比他人少,才可以有今天的少少成就,所以中產人士最重要是有朋友,不是豬朋狗友,而是良師益友。

在以上這些特性?,我歸納出中產人士面對的六大煩惱,這些煩惱我也曾經面對過,所以在來臨的數篇文章,我會以過來人身份,為大家一一解讀:

煩惱一:結婚還是不結婚好?
煩惱二:生不生小孩好?
煩惱三:退休要投資?
煩惱四:好不好繼續進修?例如讀MBA?
煩惱五:面對很大壓力,是否要看心理醫生?
煩惱六:創業還是不創業好?

最後一篇私人醒,就是「良師益友,還是豬朋狗友」,因為物以類聚,人以群分,近朱者赤,近墨者黑。希望我每一位讀者,都有幸及早醒覺,能夠學懂活在當下,做事當機立斷,達到:「修身」,自身快樂;「齊家」,家庭幸福快樂;「治國」,事業上有成就有滿足感;「平天下」,遇神殺神,遇鬼劈鬼,水來土掩,兵來將擋。以及擁有豐盛的人生,活得快樂,活得健康,當一個成功又快樂的中產人士,遇到任何問題,都可以迎刃而解!

都市日報: 2008-07-10
CEO實戰手記:香港中產之六大煩惱
黃毅力

失魂事宜兩三件

沒有規限自己醒來的時間,
舒舒服服一早起來已是八時十五,
每朝也要遲到二十分鐘.

一個禮拜總有兩, 三次,
要返轉頭攞番個手提電話,
有時去到電梯口,
有時已經落到樓下,
近排沒有太多來電而令電話變得不重要.

Wednesday, July 9, 2008

生命無常

手語堂到達尾聲.
我們在課堂上需要作手語示範,
關於 '我的家庭', '我的興趣', '我的工作'.

記得早幾堂,
某男同學喜孜孜的跟我們'說':
我十一月結婚了,
歡迎大家到場觀禮.

因為他太年輕了,
我們忍不住的問他年紀,
他出生於一九八六年.
你看見他的面容總是甜蜜的.

昨天,
我們課堂練習跟聽障人士'傾談'.
跟那男孩子一組.
他跟我們說:
女朋友離開了,原本的婚事取消了.
我們還以為是分了手.
原來離開, 指離世了.
他的女朋友心臟病過世了.

跟這同學只是萍水相逢,
亦沒有懂得他的女朋友.
不過內心總是戚戚然,
很不好過.

Tuesday, July 8, 2008

闊太

今日我發現咗一件好可怕的事情:
我冇潛質做闊太!!!

我唔可以冇嘢做,
淨係說是道非,
講家族中的溏心風暴.
更加唔鐘意大曬首飾,
虛偽的讚賞你粒石又大又清,
仲要我根本唔明有乜咁特別?
買限量版名牌袋,
然後大家對鏡左照右拼,
話你好襯, 佢個貴, 呢個興.

都唔知為乜?
望住佢地,
我就知道我做唔到.

新人

在我的公司作新人,
很不好過,
因為你仲衰過透明!

冇人介紹你的同事/同組俾你識,
冇人同你講嘢,
第一日入職又冇人同你食飯!
如果你好彩同時又兩個人一齊入職就好少少.

日子一日一日咁過去,
頭一個月你都係生活係自己的世界裡面,
你唔主動去聊人,
根本冇人知道你的存在.

功夫熊貓

恨咗好耐!
熊貓好似好得意好攪笑好白痴!!
eason 配音又好似好抵死.

咁睇完呢...
即係咁...
又冇想像中咁好...
中斷有啲悶...
又冇高潮位...
但係又唔係話差...
都有啲位幾好笑...
似乎差首主題曲... 囉...

睇咗,
咪心息... 囉.

官方簡介:
《功夫熊貓》故事講述好食懶做的熊貓阿寶,一直醉心中國功夫,一次誤打誤撞竟然被認定為傳說中的武林高手「龍戰士」,奉命去對付剛逃獄的魔頭大豹!一代宗師施福大師因而要面對人生最大的挑戰──如何在迫切的時間內,將擁有一身豪華臀、麒麟臂、豬腩肉、唔睇得又唔打得的大熊貓,訓練成為名震江湖的功夫大師?!

運動後

運動後的幾天,
都未回復,
特別係腳筋.
暫時只能一星期一之作運動日.

不過我突然間好明白那些經常瑜珈渡日的女子,
時間又過得快啲,
精神又好啲,
心情都輕鬆啲.

唔做瑜珈,
佢地日子點過?

Monday, July 7, 2008

三十歲的苦惱

最苦惱的問題係個樣.
(即係咁, 我靠個樣搵食架麻!!! 嘩哈哈哈哈哈哈哈哈~~~~)

以前可以零保養,
依家就真係補少啲都唔掂.

以前覺得塗護膚品是件苦差,
一瓶二瓶,
前前後後,
浪費時間,
塗完後皮膚又似油膩膩的.

依家沒有護膚品是件苦差,
乾巴巴的,
皺紋都多幾條,
潔面, 爽膚, 保濕, 滋潤, 缺一不可!

歲月實在催人老.

瑜珈

昨天的瑜珈堂太盡全力了.
今天全身好像經脈盡斷, 筋骨鬆軟.
加上惱人的天氣,
想返屋企瞓覺.

Friday, July 4, 2008

街頭超人

很期待.
我鐘意 Will Smith.
預料中的輕鬆惹笑的晚上.

Will Smith 無令我失望.
依靠 PR 改變形象舊瓶新酒.
而想看超人片的話你要失望了.
因為只有前半段是特技.
唯一是 '神仙=超人情侶' 幾有新鮮感.

最估唔到成件事到最後原來係愛情片.

官方簡介:
居於美國洛杉磯的街頭超人亨哥(韋史密夫飾)天生異稟,擁有超能力,能夠飛天遁地,力槍不入。他一心想「替天行道,儆惡懲奸」,拯救萬民,可惜往往烏龍百出,成事不足敗事有餘。亨哥好心做壞事,超級英雄當不成,反被人視為超級掃把星。失意的亨哥終日酗酒,於街頭流離浪蕩,直到一次他救了公關顧問雷艾柏 (積遜比曼飾),雷艾柏感恩圖報,決定幫亨哥重新建立形象,以公關策略配合宣傳攻勢,讓他來個谷底反彈。但自古英雄難過美人關,亨哥與雷艾柏的索爆老婆瑪莉(查理絲花朗飾)之間有原來有不可告人的秘密?他又能否過關斬將,成為真正的超級英雄?想揭開這位反傳統騎呢超人鮮為人知的身世之謎,以及他跟雷艾柏及其索爆老婆瑪莉如何了斷,萬勿錯過暑假頭炮笑爆咀的《Hancock - 街頭超人》。

一開二

對於我愛的東西,
我總喜歡買多份.

無論衫褲鞋襪,
同款不同色,
同色不同款,
甚至一式一樣.

一件損壞了,
我還有另一件.

坦誠

終於跟隨感覺,
一口氣說出多年來的感受,
釋放了鬱結的情緒.

如獲新生.

醒覺

是不是所有人都一樣?
要到失去的時候才發現他/她/衪/它的重要性呢?

Thursday, July 3, 2008

謝謝你

我們都沒錯 只是不適合
我要的 我現在才懂得
快樂是我的 不是你給的
寂寞要自己負責


我忘了.
你有多久沒看見苦惱的我.
而我的快樂,
亦不只是建築於你身上了.

Looping

'Looping' 係當年上電腦堂學到最好用的字.
意解 '循環',
電腦上的用法是 '同一語句或語句組的重複執行'.

我個人腦都在不斷的 looping.

相信. 唔相信.
責任. 唔責任.
忘記. 唔忘記.

俾我休息吓啦.
又要同安眠藥做朋友.

離開

離開. 不應再打攪愛人對不對.

我比我想像中更想離開.
這是第一次由我提出而又沒有哭哭啼啼的離開.

Wednesday, July 2, 2008

有口話人

我們看見錯誤,
看不到修正.
看到今天,
看不見將來.
看到不應該,
看不見離開.
看到歡娛,
看不見悲傷.

我們都在為自己找藉口,
拖延時間,
自欺欺人,
自甘墮落.

然後朋友們都替我們著緊.
我們無用,
不能自持.

同時我們互相安慰,
口口聲聲的說: 放下吧.
跟別人說放下總很容易.
知易行難,
'有口話人, 冇口話自己'.
一齊努力吧!

哥哥結婚了

一路只聞樓梯響,
他總愛懶懶閒,
什麼也沒決定.

昨天,
他真的說要訂日子了,
約十月中.

各位,
為了那些飲衫,
我真的要減肥了,
要跟拜拜肉暫別啦.
幫幫忙,
唔好引我,
時日無多啦.....

後記: ipsa refiner water massage

我想應該為用了一陣子的新東西寫讀後感.

ipsa refiner water massage 真的很好用!!
按摩類的東西總好像能深層沁透,
保濕持久一點,
而且非常容易推開,
份量少少便能夠按勻成塊面.

大家都應該知道我一過九時開始無電而且黑眼圈極速擴散.
那天友人於夜間無電時份見到素顏的我,
平時佢一定話我個黑眼圈跌到落嘴,
今次佢竟然問我係唔係做完 facial,
仲要話覺得我個樣後生咗!!
然後我即刻入洗手間照吓鏡,
塊面又真係好有光澤水嫩的感覺.

這是我近來的晚間的 '過夜' 護膚品,
開大冷氣瞓覺到第二朝仍然好得!

Tuesday, July 1, 2008

游貝貝, 我愛你

聽君一席話,
勝讀十年書.

這是一場困獸鬥.
我們成了雙方的責任,
迷失自我,
但又不能夠自私的一走了之.

責任,
很沈重.

很邪的早晨

放假.
我仍然早起.
一扭開電視,
播影中的竟然是有線好耐冇播的 '我家有隻河東獅'!
仲要係後半部,
月娥飲咗忘情水,
季常求緊月娥原諒佢.

好驚啊大佬!
唔好玩我啦.
駛唔駛咁應景呀?

我又比武招親得唔得呀?
Blog Widget by LinkWithin