Wednesday, April 30, 2008

APacCHRIE/ICE Conference

終於都落實到澳洲參加會議.
在未加入準博士的行列之前,
這可能是我人生唯一一次學術性的演講.

6th Asia-Pacific CHRIE (APacCHRIE) Conference & THE-ICE Panel of Experts Forum
21 - 24 May 2008
Sheraton Perth Hotel
Perth, Western Australia
"Developing and Delivering Industry-Relevant Education and Research"

當然我又怎會放過同時旅遊的機會?
暫定, 除了柏斯 (Perth),
我必要去的 Ayers Rock,
這是我會再回到澳洲的唯一原因.
Alice Springs, Darwin,
全都是我以前讀書時成日寫但從沒有到過的地方.
時間好緊迫,
一定要好好計劃.
--------------------------------------------------
6th Asia-Pacific CHRIE (APacCHRIE) Conference & THE-ICE Panel of Experts Forum

Educators, researchers and practitioners in tourism and hospitality are invited to attend the 6th Asia-Pacific CHRIE (APacCHRIE) Conference and THE-ICE International Panel of Experts Forum 2008 that will take place from 21-24 May 2008 in Perth, Western Australia. This joint conference will include invited keynote panel speakers, informative refereed presentations, and symposium/roundtable discussions, which will focus on the latest in educational research. Extensive networking opportunities will be provided through the international education exchange. The joint convention presents an exciting opportunity to combine industry-relevant education and research and is open to members and non-members of I-CHRIE or THE -ICE.

The conference theme "Developing and Delivering Industry- Relevant Education and Research" will address how to collectively strengthen and deepen the relationships that exist between education institutions and the industry. A majority of the program we will be hearing from our colleagues that have submitted papers during the call for papers, abstracts and symposia. The mixture of refereed full papers and working paper submissions is designed to encourage a mixture of academic and industry relevant presentations.

An exciting social program is planned that will showcase Western Australia and all that is unique to our land. A social day to be held Saturday 24 May 2008 will ensure delegates have the opportunity to get up close and personal with a koala or kangaroo and taste some of the best culinary delights and local wine Western Australia has to offer. Mark 21-24 May 2008 in your diary now to attend this conference to learn, share knowledge and for the great networking opportunities.

reference:
http://www.apacchrieconference.com/

囍粵小廚

堂弟與堂妹吵架,
我跟媽從中調停, 並出外用膳.
想一個坐得舒服又可以泊車的地方.
港島東, 首選鯉景灣, 方便又快捷.

囍粵小廚係越華會班底,
食物當然無用至疑,
但這裡的裝修整潔舒服多了.

魚湯浸大蜆 (HK$58)
魚湯鮮甜,
大蜆冇沙 (係略細隻),
加咗兩隻乾辣椒, 辣辣地,
魚湯底粉絲又正.

脆皮炸豆腐 (HK$48)
豆腐十分滑,
薄薄而煙韌的脆粻,
椒鹽又香口,
我食咗半碟.

芝士焗班塊 (HK$65)
班塊唔係雪藏貨.
芝士汁值十分,
送飯一流~
肥少少都冇計囉.

擂沙湯圓 (HK$12)
一碟三粒,
芝麻餡, 暖暖地, 唔錯.

碟碟份量十足.
又白飯 (HK$12),
又可樂 (HK$15),
又三位茶 (HK$24),
又餐前小食 (今次係花生一碟, HK$10)
連加一都係 HK$269.

值得一題的是服務態度超好,
原本叫咗一碟娘喜好的沙薑大雞腳 (HK$38),
經理上菜的時候發現冇汁,
特地再送入厨房再煮,
然後娘小聲的跟我們說略鹹,
經理偷聽到便二話不說的攞走兼取消.

囍粵小廚
地址 : 西灣河鯉景灣太康街 33號 GA10B-12A 號地下
電話 : 3101 1580
菜式 : 港式

Tuesday, April 29, 2008

有時想起

我相信人同人的相遇是緣.
無人知道關係幾時開始, 幾時完結.
但無論你做乜嘢都唔會影響結果.

常會想起那些舊朋友,
想知道他們過得可好.
只明確了解緣份確是終結了.
兩個人生中的交接點已經過去了,
大家互不相干,
連舉起手打個電話問候一句的勇氣也沒有.

Monday, April 28, 2008

怪公司

這是一間好奇怪的公司.
作為仲介人,
我想這裡的員工都比較高傲(懶散?).

沒有低聲下氣,
但有聲大夾惡!
沒有哀求的語調,
不過有囂張的態度.
沒有人等錢洗,
有更多的人賺錢買花戴.
沒有人自動找尋客源,
公司靜過圖書館.
個個都好似釣魚咁,
等待願者上釣,
仲要無唸住用魚餌!

一啲都唔似仲介公司.

記憶力

戀愛是一場考記憶力的遊戲.
(人際關係亦然.)

當你關愛一個人,
你會記住關於他/她的事情,
你會留意他的所有,
緊張他的一舉一動,
關心他的生活點滴,
從而令他快樂.

喜好,
習慣,
各式紀念日,
那些該做,
另外那一些不該做,
林林總總的瑣碎事.
你會盡量去記低, 避免爭吵.

實在少啲記性都唔得!

Sunday, April 27, 2008

四種體質型

我絕對係「虛寒型」, 最憎飲水! 超怕冷!
食多兩隻冬菇先得~
------------------------------------------------------
健 康 blog : 四 種 體 質 蔬 果 養 生前 排 電 視 播 韓 劇 《 大 長 今 》 掀 起 一 片 食 療 養 生 熱 潮 , 唔 知 家 重 有 冇 人 記 得 ? 最 近 畀 我 中 醫 藥 管 理 委 員 會 網 頁 度 , 發 現 一 篇 關 於 中 醫 飲 食 養 生 嘅 文 章 , 食 療 強 身 源 遠 流 長 , 單 係 要 揀 配 合 唔 同 體 質 嘅 蔬 果 , 已 經 大 有 學 問 。
我 哋 嘅 身 體 大 致 可 以 分 為 四 種 體 質 型 : 身 形 偏 瘦 又 結 實 , 加 上 面 色 同 唇 色 都 偏 紅 , 性 格 比 較 急 躁 , 鍾 意 冬 天 多 過 夏 天 屬 「 陽 熱 型 」 ; 面 色 同 唇 色 都 比 較 蒼 白 , 好 多 時 胃 口 都 唔 係 幾 好 , 容 易 口 淡 、 疲 倦 , 唔 鍾 意 飲 水 , 又 最 怕 冷 嘅 人 屬 「 虛 寒 型 」 ; 時 時 都 潮 熱 大 汗 , 身 形 偏 瘦 , 容 易 口 乾 、 失 眠 同 大 便 唔 暢 通 , 又 經 常 覺 得 手 心 好 熱 就 屬 於 「 陰 虛 內 熱 型 」 ; 身 形 肥 胖 、 鍾 意 瞓 覺 多 過 運 動 , 嗜 食 肥 膩 , 嗰 口 時 時 有 黏 膩 感 覺 就 多 數 係 「 痰 濕 型 」 。

冬 菇 最 啱「 虛 寒 型 」
按 住 自 己 身 體 嘅 狀 況 揀 啲 啱 食 嘅 蔬 果 , 就 係 食 療 養 生 , 效 果 未 必 會 好 快 出 , 但 慢 慢 應 該 會 有 幫 助 , 例 如 「 陰 虛 內 熱 型 」 人 , 可 以 食 多 白 菜 , 因 為 白 菜 特 性 比 較 甘 寒 , 可 以 幫 助 消 化 , 同 埋 暢 通 大 小 便 。
「 陽 熱 型 」 人 就 可 以 食 苦 瓜 , 因 為 苦 瓜 可 以 清 熱 解 暑 , 又 有 清 肝 明 目 嘅 功 效 , 有 濕 熱 同 肝 火 盛 就 最 啱 食 。
「 虛 寒 型 」 就 可 以 試 吓 食 冬 菇 , 因 為 冬 菇 可 以 健 脾 和 胃 , 最 啱 脾 胃 虛 弱 、 成 日 無 胃 口 人 食 , 長 期 食 重 可 以 改 善 體 質 。 「 痰 濕 型 」 人 就 可 以 試 吓 食 冬 瓜 同 絲 瓜 呢 類 清 熱 蔬 果 。 順 便 一 提 , 木 瓜 有 通 乳 汁 嘅 功 效 , 最 啱 餵 母 乳 嘅 女 士 食 。

blog 主 : 醫 神
蘋果日報 2008-04-27

Saturday, April 26, 2008

Aspasia

很想食西餐.
厭倦了銅鑼灣,
走到尖沙咀.

The Luxe Manor 係間 Boutique Hotel,
好似 Love Hotel 的大堂,
加張 '老夫子' 漫畫圖案的高背單人梳化椅 (Wing Arm Chair),
好型~

餐廳位於一樓,
裝修優雅,
環境一流,
枱同枱之間相距頗遠,
加個大屏風,
感覺自成一角.
其一賣點係主厨: 米芝蓮三星大厨 Chef Roland,
侍應亦會在上菜的時候介紹每道菜.

餐包有兩款,
蕃茄 foccacia 及農夫包,
另有小碟盛醋跟橄欖油,
小處也照顧到, 很細心.
因為個醋太好味, 我食咗好多包~

Tasting Menu 係時令的白露荀.
叫咗一個頭盤加多個比薩.

Aspasia Pizza (HK$188)
被餐廳視為頭盤的比薩,
係薄批,
有巴拿馬火腿, 露荀, 蛋, 芝士,
每片比薩有一大叠巴拿馬火腿,
係比較淡味的火腿,
一向唔愛薄批的我都要俾十分!
(所以食咗飽加比薩我都七成飽啦.)

頭盤要煎帶子加鵝肝 (HK$168),
超正,
兩樣都係我的至愛,
煎得香脆可口.

Tasting Menu (HK$688 per person),
全英文加意大利文.
坦白講我識唔晒.

Crispy Micro Squid with Sparkling White Asparagus
白露荀打汁加梳打,
因為唔鐘意梳打,
麻麻地啦.
***************
White Asparagus Soup with Quail and Foir Gras
冇乜印象,
我唸我唔太鐘意.
***************
Tagliolini with White Asparagus and Caviar
or
Risotto wih Japanese Mackerel Fish, White Asparagus and Cima di Rape
要咗 Tagliolini,
好重蛋味,
好味道.
***************
Pan Fried Sea bass with White Asparagus, Spring Vegetable Ragout and Pistachio Bottarga Crust
or
Pata Negra Pork Lion and Braised Pork Cheek with White Asparagus, Black Olives and Artichoke Puree
揀咗魚,
海鹽好香,
魚亦煎得香滑,
配菜更不在話下.
好好~
***************
White Asparagus Tart wiht Almond Sorbet
白露荀本身味淡,
作為甜品,
軟軟爽爽,
幾特別,
但係撻皮本身麻麻.
***************
Caffe
Pasticcini

Panna 一支 (HK$68)
另加一杯 cocktail - Bellini (HK$128),
經理推介,
好重的桃味,
甜甜地易入口,
相信同時極高酒精含量,
完全係死咗唔知乜事的典範.

埋單 HK$1364.
求婚. 生日. 紀念日.
慶祝地點強勁推介!

Aspasia
地址 : 尖沙咀金巴利道39號 The Luxe Manor 一樓
電話 : 3763 8800
菜式 : 意大利菜

希臘迷城

一向愛看天幕 / IMAX 類的電影,
真實感高,
畫面亦靚,
而且大部份都比較知識性, 感覺有趣.
以前香港未有 IMAX 的時候,
外遊中的其一活動便是 IMAX 影院.
(反而機場的 IMAX 影院還未有一齣吸引我的影片令我到此一遊.)

希臘是我很希望跟情人旅遊的地方,
如果有機會,
希望留待度蜜月的時間 (很老土...).
那些白色圓拱形小屋,
碧海藍天,
希臘式神殿,
浪漫又神秘.

以前於西方歷史課中常提及希臘,
文明, 戰爭等的討論,
但係英文好深,
好難引起興趣,
西史亦係我其中一科最差又最憎的科目,
(亦係唔知點解會考可以合格的科目??)

希臘神話內的人物故事就吸引多啦,
個個名字都優雅高貴兼有背景有寓意,
又靚又叻有智慧有戰鬥力,
再唔係就心地善良,
我一定會參照個案為我的仔女改名.

《希臘迷城》就一般啦,
因為我對希臘有興趣至比較好睇,
生物題材的 IMAX 好睇啲囉.
票價 HK$32, 片長 47 分鐘.
假日活動,
我覺得幾益智喎~

官方簡介:
全 天 域 電 影《 希 臘 迷 城 》引 領 觀 眾 參 與 一 次 考 古 旅 程 , 發 掘 二 千 五 百 年 前 古 希 臘 文 明 遺 留 下 來 的 重 要 文 化 遺 產 。
透 過 採 用 數 碼 重 組 技 術 , 觀 眾 可 以 再 次 一 睹 著 名 的 巴 特 農 神 殿 真 貌 , 並 可 再 次 感 受 於 公 元 前 1646 年 摧 毀 聖 托 里 尼 島 的 火 山 爆 發 的 懾 人 威 力 。
《 希 臘 迷 城 》描 寫 一 位 二 十 一 世 紀 的 希 臘 考 古 學 家 , 如 何 發 掘 古 希 臘 文 明 神 祕 一 面 的 經 過 , 當 中 包 括 探 討 至 今 仍 然 影 響 著 現 代 社 會 的 概 念 、 發 明 和 成 就 。

太空館

小學時期必到的參觀地點,
一向對天文科學沒多大興趣的我,
沒有特別喜好,
(科學館有趣多了~)
但係溫故知新都唔錯,
入場費也只是十元吧.

這天第一次嘗試到 '太空漫步',
(以前去到都是 '維修中'!)
因為在太空中的重量只是地球的六分一,
個人太輕,
怪不得太空人都係跳下跳下.

吸引我去的原因是另文的天幕電影: 希臘迷城.

官方網站:
http://hk.space.museum/

拍賣對答

星期六係無聊日.
無聊的同事給我無聊的拍賣品.
超攪笑的物主,
今日必讀!!

http://hk.f2.page.auctions.yahoo.com/hk/show/qanda?aID=b7753866&u=:jackywong666&tp=

其實物主想到網上賣米已經勁有創意!
節錄如下:
問題10
comemon4***** (無) : 有冇谷牛賣?我個女想養^^ 2008-04-06 00:20
答覆
jackywong666 (18) : 金香牌就有谷牛, 有谷牛貴5蚊

問題13
samuel0***** (-1) : 我想買一千包呀..有冇得平d?因為我間工廠有好多工人等開飯..可唔可以叫fedix送黎..叫佢搵工場的張就得.. 2008-04-06 00:29
答覆
jackywong666 (18) : 那一個張?

問題38
scampy***** (無) : 我用白花油同你換得唔得呀? 2008-04-23 17:38
答覆
jackywong666 (18) : 唔得, 白花油我怕有AIDS

問題61
maples_dr***** (14) : 你d米祈過福未架?聽講祈過福d米食落會香d。 2008-04-24 00:07
答覆
jackywong666 (18) : 祈福開光+50

問題79
scampy***** (無) : 我比較仲意食軟飯,lee隻米煮唔煮倒家? 2008-04-24 09:54
答覆
jackywong666 (18) : 咁條女黎買俾你食咪得囉

問題187
lwy17128****** (無) : 賣家超有耐性, 寫個服字俾你服.... 2008-04-24 17:13
答覆
jackywong666 (18) : 多謝 (服字收到)

Friday, April 25, 2008

H&M

今季的 H&M 非常精彩,
每次唔覺意經過都會唔覺意放低少少善款.
有好多我喜愛的桃紅色衣飾~

最抵死係件件一百幾十,
買多又唔肉赤.
最衰就係試身室塊鏡照瘦人,
啱心水都要買咗返屋企再試清楚,
好彩就係唔鐘意都有得 refund!

但係我淨係行中環總店,
太小店的 H&M 好似貨倉咁,
好迫.

橙色

今夏的衣飾全部都七彩繽紛,
唔洗俾錢, 齋睇都已經好開心.

尋日行經北角七海,
試咗兩條連身裙 (again!!),
咁啱兩條都係鐵銹橙色.
着咗上身其實同膚色都好接近,
但係款式比較特別,
又唔係貴
掙扎咗好耐結果我都冇買.

點解?
因為我唸唔到應該着咩嘢色嘅鞋...
黑色又好冬天,
白色又怪,
又冇理由其他顏色,
好難襯呀!!!

但係最後我都係屋企樓下用咗同等的價錢買咗一條黑色, 一條藍色的連身裙 (A.A.A.gain!!!)
錢, 都係要洗嘅.

Thursday, April 24, 2008

搵錢

無聊的我,
又做咗啲無聊事.
在部落格內加咗個廣告連結.

其實只有親朋好友睇個部落格,
沒有大事宣傳,
都唔會有太高的點擊率.
唔係話要搵大錢,
不過去台灣有啲零用錢洗吓都好吖~

Wednesday, April 23, 2008

放假

因為之前放咗兩日病假,
係屋企無所事事到發慌,
我依家又唔係好想飛啦.

購物狂

其實男女都愛購物,
只是女的愛遊盪,
男的淨購物.

如果以一年的消費值計算,
男的絕不輸女.

一只貴價手錶,
一部手提電腦,
單鏡反光相機,
林林總總的配件.
加起來的總和足夠我買幾年衫啦.

Tuesday, April 22, 2008

貧窮線

自從在生活中調節了各項的 budget,
每月可用的飯錢 / 交通費 / 買衫, 都有一個限額,
我便活在貧窮線下,
每月也維持着最低的消費.

不能大吃大喝,
不能每個月買個名牌手袋,
沒有瘋狂購物.
物質上很貧窮啊~

Monday, April 21, 2008

我的攪笑父母

兩老返咗大陸,
幾日冇見.

兩點鐘.
我打俾阿媽話佢知我番屋企食飯.
我聽到佢把聲怪怪地.
我: 咦? 你病呀?
娘: 係呀! 我掛住你吖麻~
我: 所以我番黎食飯囉.

四點鐘.
想睇吓阿媽買咗餸未.
點知打錯俾阿爸.
爹: 喂?
我: 唉唷! 打咗俾你添, 其實我想搵阿媽.
爹: 車! 你掛住我咪出聲囉! 你係想打俾我嘅.
我: 打錯咗之麻~
爹: 怕咩醜啫, 我講咗先, 你咪冇咁尷尬囉.
我: (冇你咁好氣.) 係呀. 係呀.

兩公婆一擔擔!
吹脹!

禮多人不怪

與人相處,
貴乎感恩.

一個人對另一個人好並唔係必然嘅.
你要令對方覺得佢為你所付出的一切都係值得嘅!
你要讚佢好! 讚佢正! 讚佢勁! 讚佢醒! 讚佢叻!
多謝對方付出的包容心機時間精神.

唔該 / 多謝 應該經常掛係口邊,
唔係叫你虛偽.
既然心存感激,
你要講出黎人地先至明白架,
你估佢係你肚裡面條蟲咩?

早點

今朝早咗起身,
百無聊賴,
決定早啲返工!
我應該可以九點前返到公司.

唔知係咪公司有蟻咬定係個人係懶骨頭?
明明可以準時返工,
我最後都決定要食埋早餐先返公司,
我一向都係買個飽返公司食架啦!
結果都係食咗麥當當,
同平時一樣都係返九點半!

Sunday, April 20, 2008

那一年, 你才十九.

有那麼久嗎?
那一年,
你才十九.

你記得我們怎樣認識嗎?
是一餐九唔搭八的團年飯.
誰會想到在那個場合會結識了你?

是我一直在縈繞著你嗎?
一定是我前世欠了你讓我離不開你.
圍在我身邊的人多的是,
但我只是小心眼的想要你.
我總不能眼把把的看著你走.

一次又一次的.
我不能忍受沒有你的日子.
我一定會努力做個乖寶寶!

一個好爸爸

說教的電影.
冇想像咁好睇.
早知買 vcd 啦.
不過落雨,
唔睇戲又有咩做呢?

官方簡介
黑社會龍頭天恩(古天樂飾)細味一生,回想自己於龍蛇混集的環境中長大,不理母親反對投靠黑道,視互爭利益的幫會廝殺為閒事,未曾留下悲憫之淚。十多年間,天恩由江湖小卒晉升至社團龍頭,金錢、女人得來太易;直至他遇上初出茅廬的律師美寶(劉若英 飾),暗黑生活方有轉變。二人一見鍾情,即打得火熱,美寶更意外懷孕,嘗試迫婚卻不被答允。個性向來硬頸的她,索性大著肚子搬到天恩家裡寄居,若即若離下小寶寶喜兒終於出生,從此激發了天恩潛藏父性──女兒一顰一笑牽動著他全副神緒。為免女兒傷心,天恩決定隱瞞自己加入社團的真相,直到永遠。

Saturday, April 19, 2008

性格測驗

今日的事幹.
性格測驗.
----------------------------------------------------------------------------
成就型(精明能幹,重視形象)

您是自信、野心勃勃、成功、行動敏捷和熱心十足。
您賣力工作來追求自我的目標,而且是極佳的驅動者,能讓身邊的人共享「任何事都可以達成」的信念。
您的腦子裏盡是不同的任務,心中牽掛著許多不同目標,並在必要時給予每個目標應有的注意力。您把焦點都放在勝利上,不注重細節,也不在乎投機取巧完成。
您不注重感覺,只在乎自己的形象,著眼於別人回應給您的感覺。

優點:
您對別人的期望具有直覺的洞察力,可以像變色龍一樣改變自己的形象以順應身邊的人。

缺點:
您和自己的感覺失去了連繫,總是拖到空閒的時候才去感覺情緒。

愛情:
雖然您可能經常感覺到關係會結束,但您能夠為伴侶帶來活力、樂觀和主動。
對您來說形象是最重要,所以您很容把注意力放在群眾,令伴侶感覺被丟在一旁、不受重視,成為您形象下的附屬品。

「關係對我而言壓力很大,如果我選擇了特定的伴侶,我所能掌握的事會變得很有限。」

安定方位:忠誠型
在安定的狀態下您會開始接觸到自己的感覺,但這是一個兩難的情況,因為您對自己、環境和感覺的種種懷疑也跟著浮現。

壓力方位:平和型
當面對感情的壓力或情緒對抗時,您會開始迷失了焦點及自信心,會傾向過度耽溺於足球、酗酒、藥物等。變成搖擺不定、意志渙散的人,甚至因為無法自我激勵而惱怒。

建意:
停下來感受一下自己的感覺
避免很有目的地交友
放慢腳步,停下手邊的工作,花一點時間外出。

最渴望:自己的能力被認同,讚賞
最恐懼:不被賞識,感到懷才不遇
最難達到的美德:坦誠 (Honesty)
最難克服的執念:虛榮 (Vanity)

Reference:
http://www.parttimegroup.com/PartTimeLove/Assessories/NineType/_Paper1.aspx

Friday, April 18, 2008

唔知乜嘢水

久咳未好,
阿媽又煲啲怪物俾我飲.
龍眼, 杞子再加兩片薑.
佢話燉咗四,五個鐘.

個味點講呢...
有啲鹹, 有啲甜, 有啲辣.
三個味道互不相關, 好鬼難飲.

今朝佢又話煲咗老過我的陳年果皮水,
仲要我一定要食埋啲果皮.
救命!

Thursday, April 17, 2008

執衫

病假在家的日子,
我又找來那些在死角裡不見天日藏著大堆舊衫滿佈灰塵的大膠箱進行大清理.

早五年購入的西褲,
腰圍上,
依家再着當然差兩寸至扣到鈕啦.
最離奇係當年個長度明明係到地,
家陣差成寸幾兩寸吊晒腳!
唔係重有得高吓話?

有一件墨綠色圍毛毛邊的開胸冷外套,
非常女人的款式,
無鈕扣, 係腰位用一條幼絲帶縛緊,
係十年前係日本讀書的時候購買的.
十年內從未着過,
多年來的都在思考點解我會買呢件衫??
見到個綠色我都應該放低啦!

仲有一大堆未剪牌未着過的衫,
大部份都唸唔到自己當年點解會買??
有啲依家大隻咗都唔啱着啦.
我將佢地送晒去屋企樓下個回收箱啦.

最難過的時間

在要返工的日子,
最難過的時間是 2pm-4pm.

飽飽滯滯, 眼皮重重,
飯氣攻心, 思考特慢,
時間又過得特別慢.

一般緊急的事情都已經於上午完成,
下午通常都無所事事, 游手好閒, 一事無成!

又到了這個難過的時間,
我的心情都好難過.

Wednesday, April 16, 2008

下個禮拜約你食飯

某些少見面的朋友,
寒暄兩句,
結尾一定要加句:
下個禮拜約你食飯!

十次有九次都唔會再收到電話囉~!
都唔做嘅嘢就唔好講啦.
i take it serious okay?

Tuesday, April 15, 2008

排飽

一個病人,
好像除了可以食白粥以外,
便是排飽!

我最憎排飽!
無味道.
無性格.
無內涵.
悶爆~

Monday, April 14, 2008

病的好處

1. 有假放!
2. 大爺的享受 - 因為病, 乜都有人幫你做
3. 會減磅 - 冇胃口, 要戒口, 會嘔, 轉個頭已經輕咗兩公斤!
4. 練腹肌 - 咳到腹部肌肉都痛埋, 仲唔收肚腩!

從醫生處呃了兩天的病假.
在家看著 '18 禁不禁' 影碟.

終於都有假放啦~~~~~~~

Sunday, April 13, 2008

古方治咳

一到轉季的時間,
又病啦, 有兩聲咳.
仲要係一到夜晚想瞓的時候就咳!

阿爸又話要啐萬金油 (結果冇試~),
阿媽又要我食薑 (含住好口渴.),
又沖鹹金桔 (最得! 飲完好舒服!),
我自己買了秋梨枇杷蜜 (好好味道, 蜜糖甜甜地, 不過一樣的咳~).

但係唔知點解死都唔睇醫生囉!!

衫褲鞋襪個襪呀!

一年有四季,
衣服有衫褲鞋襪.
衫褲有長短袖, 連身裙, 半截裙....
所以一個女子有過百件衫絕不希奇.

今日又無聊的想做一點'善事'.
找出那些已不多穿的衣物棄掉,
結果又覺得另一個個抽屜太亂,
我又轉咗去收拾個亂到不得了的抽屜.

我突然發現我原來有過百對襪!!
有長有短,
有厚有薄,
有紅橙黃綠青藍紫啡灰黑白.
仲有十幾對連包裝都未開封!
救命!

Saturday, April 12, 2008

這是什麼公司?

全 team!
係全 team!
十幾人.
得我一個坐係公司.
雖然我都唔係做緊嘢.

有的順勢病假.
有的食早餐.
有的蛇王.

我想我是最冇朋友兼最唔熟周公,
所以我坐係度.

零工作.
冇客冇單.
你迫我上網打機囉!
悶死.

壓力

在你事業的衝刺期,
我不想給你壓力.
靜靜的守在一旁,
病了不讓你看見,
孤獨我沒有跟你分享.

有一天,
我累了.
我崩潰了.
我要走了.
如果那一天真的來臨,
請讓我走吧.

Friday, April 11, 2008

肥鬼

開季.
好想買衫.
但係一試衫的時候...

那個胃腩,
那雙麒麟臂,
實在慘不忍睹.

都是那些 A 字娃娃裙累事,
你永遠唔覺得自己肥!
在不知不覺間,
脂肪已經堆積如山啦.

唉.

Thursday, April 10, 2008

假嘢

我唔明白.

公司有各式 quota.
未能完成指定的 quota 係需要扣除薪金.
但係其實公司所提出的 quota 絕對唔難達到.
都係正常 update 吓, cold call 吓.
一般勤勤力力, 可以係一個禮拜內能夠完成.

你唔好亂攪個系統啦,
入埋晒啲假嘢!
我真係有用架!
咁大個人, 自律吓啦!!

Wednesday, April 9, 2008

因為想飲用更多的水份,
我同媽咪講今晚我想食<蕃茄洋蔥椰菜湯>.

阿娘極大反應: 咁我今晚咪食齋!!!
我: 點解?
娘: 你老豆話今晚想食<鹽水豆角腐竹煮粉絲>! 咁我點呀???

後記:
返到屋企,
阿媽用成煲<沙煱雲吞雞>咁大煲湯黎招呼我!
要食幾日囉....

愛情觀自在

陳年舊戲,
今朝有線重播睇咗少少.
睇啲主角名單都覺得爛片!
陳慧珊、連 凱、吳辰君、潘燦良、高翰文.
但係編劇係杜國威喎.
當年睇嘅時候覺得好悶,
今朝睇一陣, 禪禪地, 又幾有得着喎.
深入淺出的佛學論愛情.
要去買 vcd 煲煲佢先!

故事大綱
遁入空門就可以一了百了,抑或真正能得道從頭來過,分得開理智與感情,出塵與入世?
改編自杜國威同名舞台劇作的《愛情觀自在》,屬陳慧珊首部電影作品。故事講述閨中好友小靜與美娜,以及兩人男友兼死黨兄弟阿修和阿正。在美娜與阿正在籌備婚禮時,阿修突然失蹤,原來他厭倦繁塵俗世,追隨已得道的同學智源大師學道修禪,往大嶼山參加七日剃道,尋求做人新境界。
阿修終於在阿正和美娜的婚禮上出現,不過身為伴郎的他,竟然作和尚打扮,令人驚訝嘩然。正當大家以為婚禮可順利完成時,阿正在神父面前卻沒有即時回答「我願意」,美娜壓抑不住,要取消婚約....
四個年青男女,各自惘然惆悵。「問世間,情是何物?」「愛是山來情是水,緣來緣去永相隨!」

三國之見龍卸甲

今年必睇!
好有氣勢!
粒粒巨星!
Maggie Q 好搶~
關羽 / 張飛 / 關興的造型完全同我心目中的形象一樣 (同打機一樣!)
但係劉德華實在唔似將軍囉.

連爹娘都激讚!

官方簡介
趙子龍,活於漢末三國鼎立的年代,本是寂寂無名,但因為一份使命感促使他加入了蜀軍,憑著武藝超群、有勇有謀,以及對劉備忠心耿耿,除成為五虎大將軍一員,更有「常勝將軍」之稱號。《見龍卸甲》敘述了趙子龍(劉德華飾)由年輕到晚年出征鳳鳴山一役的內裏,在鳳鳴山一役,趙帶領的趙家軍拚死抵抗魏之圍攻,當時魏領軍之將為曹操的孫女曹嬰(Maggie Q飾),她對趙鍥而不捨,誓要一雪30年前趙子龍以智謀戰勝已故爺爺曹操之恥。與此同時,來自常山的同鄉大哥羅平安(洪金寶飾)在被困間,突與趙細談前塵過去。一個是成名之將軍,正要出世,修成正果;一個是世俗小人,努力入世,圖個功名富貴。二人一陰一陽,相生相剋,在「為何而戰」一命題上引起激辯,究竟大家是為了功名?為了劉備?還是為了正義?

Tuesday, April 8, 2008

半天假

工作太悶,
我給自己放了半天假,
愛死這公司了!~

Monday, April 7, 2008

張城城之死?!

張城城去到新公司得到地獄式的訓練,
一向超 hea 加超懶瞓兼服務態度超差嘅佢應該感到 '有咗耐風流!' 啦~

如此酷刑,
king of lo so 當然唔會放過任何一個 lo so 的機會.
這夜我跟貝貝被選上了!

城城話佢好快就會有心理病發癲至死,
當然讀書人貝貝博士可以做佢的顧問,
唔會見死不救!
(當然係收費啦, 至多友情價! 續秒計! 每六秒六毫~)

但係佢好似覺得自己死梗.
城城叫我地一定要去英國帶佢番黎唔要客x異鄉.

貴公司係咪會提供免費機票?
我同貝貝會先遊覽一番然後帶你番黎架!
你應該唔會介意遲少少架啦~

貝貝: 到時可唔可以得到你的 NDS?
你明言: 到時貝貝便可以擁有我的 NDS.
我說: 你好不大方!!
你: 冇辦法啦... (我想你仍然不太願意.)
(及後, 我同貝貝講: 為咗城城的 NDS, 你一定要長命過佢呀!)

城城,
你x咗,
我地會好傷心架,
我會一路遊覽, 一路懷念你~
我們是好朋友呵~ 呵呵呵呵呵呵呵呵~~~~

星林居

雲南桂林過橋米線如雨後春筍,
一時間開到成行成市.
試過很多的店,
個人最愛這間,
雖然服務勁差.
這店的家族恩怨也引人入勝~

小鍋米線 (HK$21) 好似車仔麵,
每加一餸 HK$4-10.
酸辣程度可以自己選擇 (我愛多酸),
不過每次的份量都唔一致,
最好叫小一度自行再加辣.
又可以要多/少的蔥/韭菜/芽菜/莞茜.
蘿蔔必食, 三大舊非常入味.

當年跟兄弟們做 GYM 的時候,
個個禮拜都食!!

星林居 雲南桂林過橋米線
地址 : 尖沙咀金馬倫道14號金輝大廈3樓
菜式 : 雲南菜 (粉麵)

假期

很想放假,
是真的放下工作的假期,
終於了結了那些麻煩人.

很想狠狠的休息幾天.
鬆一鬆.
想飛.

堂妹

很羨慕別人有大量堂/表兄弟姊妹的人.
除咗有人一齊出街玩,
仲有心理輔導兼和事老.

有人明白自己, 開解青春期的煩惱, 多好.

過雲雨

張敬軒說<過雲雨>是關於復合,
而復合係甜蜜的.
真的是苦盡甘來嗎?

我說復合是懷疑猜忌恐懼.

我疑心重.
佢報到, 我又半信半疑.
打俾我又驚, 唔打又驚.
變好又唸, 唔變又唸.

我擔心.
擔心事件會重演.

我膽怯.
冇乜嘢我都唔會話佢架啦.
嘈佢咪仲衰.
你覺得乜嘢重要啲先?

最後,
我逃避.
寧靜唔搵唔知唔見唔聽唔唸.
查到 '真相' 咪只會令自己唔開心.
你想知道, 你認同的便是 '真相'.

最要緊你知道最愛是誰.
他繼續努力的討好你.
呃呃 tumtum 日子便過去了.
老夫老妻便是這樣的不求甚解?
隻眼開.
隻眼閉.
-----------------------------------------------


過雲雨
歌手:張敬軒 | 作曲:伍仲衡
填詞:伍仲衡 | 編曲:伍仲衡

天空剛下了幾場雨 看街上路人不多
現在的你在做什麼 還有沒有在想我
快樂是否曾來過 探訪我們兩個
誰都不想讓自己錯 剩下了自己一個

找到你愛的咖啡店 嘗試去感應著你
喝一杯低糖的latte 你還會想嘗一口
快樂會否再來過 探訪我們兩個
誰都不想讓自己錯 剩下了自己一個

春夏秋冬 有多少人會走
春夏秋冬 有多少人會留

傳聞你身邊有個他 兩個人很快樂嗎
聽說你跟他提起我 是否對我也牽掛
快樂是否也來過 探訪你們兩個
誰都不想再讓你哭 剩下你自己一個

外面的雨下得太久 我的心感覺冷漠
看到這一場過雲雨 你是否會想起我

Sunday, April 6, 2008

十兄弟

圍有身邊的都是相識多年的好友,
有事冇事,
開懷開解,
喜事憾事好事慘事,
傾吐後, 總舒服多了.

無論身在何處,
總有無形的支持.

活著多好!

肚腩

我的家是肥人一族,
除了我和娘.
(你見到我家肥族你就會知我是如何努力的去維持我的體重.)

全民皆腩!
每人皆有一個肥肚腩.
佬叔話佢同阿哥個肚腩六神合體之後,
佢地國泰民安, 日漸富強,
我就民不聊生.

滴汗!

酷愛張敬軒演唱會

期待以久的演唱會!
沒有失望, 張敬軒的現場唱得很好,
當然另一原因係我熟悉他大部份的歌曲啦.

佢唱歌咪好囉,
唔知點解要跳舞?
好似李克勤上身, 分別在軒仔識打筋斗.
佢都冇快歌, 唔好夾硬黎啦.

HK$300, 林芍芍跟歌迷會買的票,
坐位超正,
中段包廂前排第 19 行,
可以伸直對腳仲有扶手添~
坐耐啲都冇問題!
張城城冇得睇, 嘥晒!

Saturday, April 5, 2008

春天

相當肯定春天已經來臨了.
每朝我都俾啲吱吱喳喳的雀仔嘈醒晒.
六點幾喎...!!
之後就輾轉反側啦....
唉....

Friday, April 4, 2008

在乎

對於我在乎的,
仍然缺乏安全感.
好像沒有完全的屬於我,
我也沒放膽的完全付出.

應該是得到才付出?
還是要完全的付出才能得到所有?
我到現在也弄不清, 並已放棄查找.

豁達

對某些事情,
我豁達了.

是因為長大了?
放開了?
還是發覺事情並非事事如你所願?

沒有像以前的鑽牛角尖,
沒有尋根究底,
反正能力所限,
沒能強求.

Thursday, April 3, 2008

又講這陣子

公務繁複,
心情不佳,
麻麻煩煩,
呢樣嗰樣~

煩住大家唔好見怪,
多多包涵~
謝謝!

暫時雨過天清啦~!

新一季

呢兩個禮拜購物意慾旺盛.
見到新一季的春 / 夏裝, 勁興奮!

換季時段係我最瘋狂的時間.
見到新貨總忍不住的買!買!買!
今季心水貨品仍然係百買不厭的 one-piece,
糖果顏色系列的上衣,
同堆飛甩雞毛的七彩平底鞋!

工作艱苦.. 壓力大...
好想買嘢呀....
(常備藉口一!)

Wednesday, April 2, 2008

電梯

當搭電梯的時候,
有三件事係好黑人憎嘅.

1. 大聲叫嚷
係電梯入面大聲的談話,
你四週的人都冇得揀地要 '聆聽' 你的談話內容.

2. 唔按制
有啲人又要罷住個排制前面個位,
但係有人出入佢又唔按制,
係要等其他人或個門嘅時間制先關門!

3. 頭髮
有啲女人 (少量嘅男人) 留有一把長頭髮,
講嘢嘅時候個頭左擰加擰,
有啲重要不停用手撥頭髮,
嗰啲蓬鬆曲髮真係好難頂!

Tuesday, April 1, 2008

續舊情人

有時分手唔一定要斷絕來往.
分咗手之後,
仍然可以以朋友身份食飯交談,
但係呢個學問頗為高深.

舊情人同普通朋友係有啲分別嘅.
因為曾經拍過拖,
雙方有一定的默契,
同時對對方的家人朋友背景喜好都非常熟悉.
舊情人出街係舒服而輕鬆嘅.

不過都有禁忌.
當你約過去式的時候,
你又未必會同現在式報告.
二人話題中很容易會 '遺忘' 你現今的另一半.
有些事情心照就算啦.

當然, 先決條件係雙方都有誠意繼續往來先講啦.

舊情人

舊情人一個一個結婚了.
感覺怪怪的.
雖然拍拖時都冇唸住要嫁佢,
但係總不是味兒, 哈!

有一種人有我無的失落感.
我明白事情已經過咗去,
我都有未婚的另一半.
亦知道大家都冇損失,
咁又唔會嫌佢冇眼光,
更加唔會話: 男友結婚了, 新娘不是我.

不過我會覺得一個男人已經成家立室,
唔應該再同舊女友太好朋友,
咁我好似少咗個朋友囉.
就係咁囉.

髮型師

是我有眼光定係我能夠點石成金?

1999 年,
剛回港,
從報章得悉尖沙咀新開了一間日本髮型屋分店,
強調新法 '羽毛剪'.
長直髮的我,
立即去試試看.
選了 Junior Stylist, 剪髮 HK$280.
很快, 他升做 Stylist, 收 HK$380.

四年前,
他說將會轉到中環某名店.
再光顧, HK$450.
很快, 又升級, HK$550.

輾轉, 到了一家於銅鑼灣的名店.
已經係店內數一數二的髮型師, 上次收 HK$580.
昨天, 往剪髮,
埋單 HK$680.

貴價係代表一種信心.
坐底, 話佢聽長定短,
佢會自自然然剪出一個你滿意的髮型,
你唔需要擔心有乜行差踏錯.

雖然我一年至剪三幾次頭髮,
但係我都好赤.
需要轉換髮型師嗎?
識於微時能減至半價嗎?
Blog Widget by LinkWithin