Thursday, January 31, 2008

利是

到咗咁上下年紀,
農曆新年的時候,
總有一大班人問你: 幾時到你派利是呀?

通常我都會自嘲:
我冇人要呀!
或者:
我嫁唔出呀!
然後大家都會收聲.
再唔係加多句:
睇相佬話我 33, 34 歲先嫁得出呀.
萬試萬靈~
即時死掉~

相比起派利是,
我對收利是的興趣大好多~~~

羽絨

凍到冇晒心機...
又要成日出街,
想凍死人咩!!!

sally 打電話俾我,
我同佢講: 我今日着咗羽絨.
佢話: 咁真係好凍啦, 你竟然不顧形象, 着件羽絨!

係啲咁嘅天氣底下,
外表放埋一邊先啦.

如果可以,
我想揹個暖爐上身添呀...
我十級怕凍....

唔出街睇樓得唔得吖....

Tuesday, January 29, 2008

上一次我講點解要結婚, 係 push factor.
今次我想講 '點解我要嫁俾呢個人?'
呢個人, 係 pull factor.

有人話我貪心,
但係我都只係普通人,
作出最普遍的要求:
靚仔, 有錢, 仲要愛我同錫我.
真係咁難搵咩???

以前為拍拖而拍拖,
唔需要考慮其他外在的因素,
兩個人在一起開心便好了.

我想結婚係兩個人生活上的互相扶持,
除了兩個人的嘻嘻哈哈,
還有很多其他的事情會影響關係.

愛當然重要,
但兩個人的係生活上多方面的磨合,
只有愛,
不足以成就一段快樂而長久的婚姻.

仲有生活的態度,
佢對我家人朋友的接受度,
照顧度.
當然,
所有的事情加埋係要開心啦.
係好多好多要求的組合.

愛錫係雙方,
一個肯做,
一個會接受.

相處需要時間,
一齊食吓飯,
傾吓計,
過吓二人世界.

態度,
付出關心,
分擔吓煩惱,
交換日常的瑣碎事,
甜言蜜語少不了.

時間同態度加埋係一種交流,
兩個人步伐一致,
一個行得太快,
一個行得太慢,
都 work out 唔到.

安全感,
專一啦,
金錢都有關係.

講錢好似好市儈,
但有某程度上的交流同回憶係需要金錢堆砌嘅,
同埋呢樣事實上係生活的基本需要.

仲有好多好多,
但係暫時講住咁多先啦.

Monday, January 28, 2008

今日特凍,
冇出街,
返咗屋企同阿媽食飯.

到我返蝸居的時候,
阿媽話: 着番件褸呀!
我: 我搭電梯咋, 攞住得啦.
媽再跟住我出門口, 因為佢要鎖門!
媽: 快啲返屋企自己沖涼啦~
我: 梗係自己沖涼啦, 唔通你同我沖咩!
媽: 你想我都唔想啦!
我: ..........

心淡?

我唔知係太攰定太 '穩定' 定放棄了.
我實在冇意慾想得到或者知道多一點.

芝士焗菇

我有一個發霉的朋友,
她說她身上長滿菇.

我昨天跟另一個朋友說:
我發霉了.
他: 你係芝士. 發咗霉變咗芝士~
他: 你係黑色的芝士!
我: 錯! 我藍色嘅, 藍色貴啲!~

然後,
我跟長菇的朋友可以煮埋一碟成為芝士焗菇.

現誠徵:
意粉朋友
牛油朋友
白飯朋友
...

以便組成更多的菜餚.

Sunday, January 27, 2008

女王與女僕

女王與女僕,
你冇理由唔識揀?

我應該知道我要啲乜?
right?

Saturday, January 26, 2008

棉襖

新年有人買新衫,
有人買新傢俬.

我屋企就鍾意睇全盒同棉襖.
每一年都睇,
每一年都睇唔啱.
幸好全盒已經係舊年買咗.

每一年去逛一逛國貨公司棉衲部,
係我地某個星期天的娛樂.

一個字: 胖!
已經十級嚴重....

再咁落去,
呢世都嫁唔出啦!!

大家唔好引誘我,
幫幫忙,
我真真真真係要減肥啦!!!!!

萬千師奶賀台慶

睇過《男人之虎》, 某啲地方唔啱 channel, 幾悶.
今次 '師奶' '電視' 呢個題目, 接近大眾, 好有共鳴.

我最鍾意一開始話:
shopping 最緊要抵,
shopping 最緊要型,
shopping 最緊要唔好過 budget!

咁深一層小小的啟示就係講電視界的一成不變.
同埋鼓勵思考創作.

我個人簡單啲,
大笑一晚,
心情輕鬆好多~

強烈推介!

另外推介劇內配樂:
城市足印 - 徐小鳳
 
留心街中每個人
彼此匆匆過 皺著眉心
重疊的足印 細踏了千遍
多千遍 看落也不要緊

留心身邊每個人
冷冷的雙眼 試問何因
人在匆匆裡 哪曾會知道
今天你我是遠還是近

如今 都市內每人
仿佛不可以讓友情接近
時間鞭策著的一生
天天相見卻沒有時間望人

留心街中這個人
帶笑一雙眼 那樣誠懇
迎面的走過 對著我一笑
心中愛意自遠而近

陽光 溫暖象這人
一顆心充滿著友情歡欣
人生相見瞬即相分
能否讓兩心可以漸近

官方簡介:
《萬千師奶賀台慶》,一晚笑盡經典電視節目
詹瑞文與林奕華繼《萬世歌王》後再度攜手,也是他們的「香港集體回憶三部曲 — 歌影視」的第二部電視篇。上次《萬世歌王》對流行樂壇一針見血的幽默諷刺,令超過六萬觀眾笑破肚皮後又有所感悟。今次電視台出身的林奕華以第一手經驗配合詹瑞文八面玲瓏千變萬化的演繹,以歷年來的電視節目經典為骨幹,結合抵死啜核、發人深省的情節,由黑白到彩色、由守H到志雲、由港姐到港男、由廣播道到將軍澳、由大時代到大細契、由新到出更、由皇庭到鑑証、由曾sir到朱翁、由圓的志偉到方的東昇、由新秀到一叮、由新姿到閒情、由K100 到大搜查、由雙星到森小、由鳳凰女到獎門人、由每日一字到最緊要正字,重電視四十年來喜怒哀樂危機轉機。

Friday, January 25, 2008

死亡

我唔怕死,
早啲死咪仲好.
最緊要活在當下,
享受仍然在世的日子.

反而我對死亡充滿好奇.
死咗之後去咗邊?
鬼節係咪可以周圍活動?
鬼同鬼可唔可以做朋友?
點溝通呢?

幸福

我唔會話我幸福係因為好命,
我有出力嘅.

幸福是要自己爭取的.
有時主動少少,
努力一點,
你會得到多一點幸福.

性格改變命運,
需要保持正面的態度同接受新事物的心情.
不過要改變性格有點兒困難.
外在因素比較容易控制.

時間管理要做得好,
一個成功的人會懂得甚麼是時間.
除咗遲到早退,
時間係指你如何分配你的時間於家庭, 朋友, 工作, 學業, 自我.
點解你覺得吃力不討好?
因為你唔明白當中的要決係:
你要係唔同的時間唔同的崗位上要努力做好你的角色.

要懂得選擇,
揀一條適合自己兼有前途的路.
選擇你有興趣的工作,
選擇適合你的另一半.

其實幸福好簡單,
你都可以垂手可得.

Wednesday, January 23, 2008

積福

我口賤,
不過未至於刻薄.
好怕人地以踩其他人黎抬高自己,
係真係比人高定掩飾自己的自卑?

我成日都覺得要積吓口德,
因住收尾嗰幾年.
發財立品,
有時說話唔需要去到咁盡.
今日你好景,
聽日可能人地迎頭趕上.

凡事留一線,
他朝好相見.

Tuesday, January 22, 2008

家庭無聊事-3

我 (可憐的): 爹, 我近排好窮.
爹 (獅子開大口): 問我借啦, 利息三厘.
我 (失望的): 咁我不如去銀行.
爹 (以為自己好豪): 錯, 我即刻 cash 俾你, 無需批核.
我 (打沈佢): 好彩我三更窮, 五更富, 一個月出四次糧.
娘 (無你地咁好氣): 咪就係, 成日都話冇錢, 我都費時啋佢.
爹 (還在夢中): 三厘息都幾和味.

Monday, January 21, 2008

嗜好

我的嗜好係 'shopping',
別人問起而回答 'shopping' 好像很不大體.

以前還可以跟人家說: 我要返學.
這陣子無所事事,
好像很不上進.

唔想再無拿拿攞十萬出黎讀個 bachelor 或者 master,
藝術細胞我又冇乜,
興趣就樣樣都有啲,
成日想有人陪一齊讀啲平平地冇 commitment 懶優雅的興趣班,
不過又搵唔到個人!

如是者,
我又繼續日復日...
日過日的...
游手好閒...

Shopping

某天,
認識了新朋友,
他們問我平時做乜多?

想了一會,
我決定回答事實的全部:
Shopping!!

他們很驚訝!
'我唔明白邊會有咁多嘢買?'
'行黎行去咪又係嗰啲商場??'

其實係佢地唔明白,
不過我唔會怪佢地,
大家生活係兩個世界裡面.

我地話 'Shopping.'
其實係唔等同 '購物',
勉強可以解釋為 'window shopping'.

'Shopping.'
係指三幾個女仔柴娃娃,
漫無目的的係街上流連,
同時不斷的暢談近況.

'街' 係指某幾個大型購物區各大小購物商場.
'流連' 嘅時候會眼仔睩睩,
但係並不等同買嘢.
主要消費係食飯, high tea.

主旨係 '暢談近況'.
用三幾個鐘頭,
non-stop 嘅講晒啲嘢出黎,
吐一口烏氣,
舒服晒~

蘿蔔糕後記

由於娘買咗糯米粉誤作粘米粉,
所以蘿蔔糕一路都冇變硬,
成為蘿蔔糊....

嘥晒我啲心機...

Sunday, January 20, 2008

蘿蔔糕

新年最鍾意就係蘿蔔糕.
上街食嘅唔係太硬就太軟,
自己整啱口味好多!

昨天用咗幾個鐘頭整蘿蔔糕.
刨蘿蔔, 開粉, 撈糕,
全部都係 '力的表現'!!

手臂應該減到 1cm~ 哈~

Saturday, January 19, 2008

行樓梯

星期六運動日~
係返工時候用十五分鐘做咗個小運動~
由 13 樓行咗上 32 樓,
然後撘電梯返地下再行上 13 樓!

好攰!
出晒汗!
我唸下個禮拜會好啲~

Friday, January 18, 2008

Predict your Life and Love

Your Life
You are sincere and easy going. Flattering and charming around are not your style. You care so much for freedom that often leads You to the difficult path. Because of your sincerity, most people find You easy to be around although You are sometimes too straightforward.

Your Love
your gentleness, care and sincerity make You an attractive person. Even though You don't intend to be charming, but You naturally are, especially in the eyes of opposite sex.

為乜啫?

從都市日報看到:
----------------------------------------------------------------
女: 我先得十歲! 應該係度享受童年生活! 點解我淨係得返學, 做功課, 習作, 補習同埋學彈琴架?
母: 係咁你先有機會考入間好嘅中學.
女: 為乜啫?
母: 咁然後入讀名牌大學.
女: 為乜啫?
母: 咁跟住搵番份好工囉.
女: 為乜啫?
母: 咁你就可以勤力做工搵錢, 搵夠錢就退休囉.
女: 咁椒我就會有返個童年呀?
父: 咁樣你就跟住會死, 好彩嘅話, 你會再投胎返黎做條蟲.

reference: http://lilywong.net/archive/lilyarc013c.html

草根

同事說:
這幾天股市大跌,
即時變咗草根的生活.
希望盡快回歸中產啦...

《小王子》法國音樂劇

成個故仔一字不漏兩個半鐘頭由頭到尾唱俾你聽.
法文非常優雅.
歌曲十分動聽.
一貫的靚!

不過成日掛住睇字幕又睇唔到個台.
當然最精彩就係各星球的奇人.

但係唔知因為太貴定宣傳不足,
六成入座率,
我地買平飛就 upgrade 去咗貴飛位!!

如果有得 download 隻 cd 就好啦.
---------------------------------------------------------------------------
【大公報訊】改編自風靡全球著名小說《小王子》的法國音樂劇明年一月初於香港公演。製作班底專程由法國來港,以逾三百個舞台機關配合奇幻燈光效果,帶領觀眾進入小王子的奇妙旅程,解放觀眾的童心。

藉對話思考生命與愛

小王子音樂劇改編自聖修伯里原創於一九四三年的全球著名小說《小王子》,該書已被翻譯成超過一百六十種語言,全球賣出超過五千萬本。故事藉著飛機迫降落沙漠的飛行員與來自外星的小王子的對話,勾劃出種種對生命與愛的思考。

該劇請來「鐵三角」組合:前巴黎國立歌劇院總監Bruno Carlucci,曾為教宗若望保祿二世設計服裝的Jean-Charles de Castellbajac,以及《鐘樓駝俠》作曲家Richard Cocciante合力打造這個音樂劇。

導演Bruno Carlucci說︰「我們的工作就是讓觀眾驚嘆,就算沒看過這本書,也會覺得驚嘆。」為保留原汁原味,該劇以全法文演繹,現場附有中英文字幕。

300舞台機關效果奇幻

《小王子》音樂劇恍如一個大型魔術盒,設有逾三百個舞台機關,平均每分鐘就有兩個機關製造特別效果。故事中,小王子遊歷六個星球,最後降落地球。劇中的星球、沙漠和玫瑰都充滿神奇機關。小王子自行駕駛小飛船,以不同造型循著隱藏式軌道在舞台上穿梭飛行。劇中其他角色包括衣服滿掛書籍的地理學者,自動發光的點燈人,象徵愛情的玫瑰更可隨時「開花」和「凋謝」。

《小王子》自五年前開始首演,是次小王子的亞洲旅程,是繼本年七月及八月在上海及台北之行後的第三站,明年一月八日起登陸香港文化中心大劇院。該劇由大國文化呈獻,獲得法國領事館、法國工商總會及法國文化協會贊助。

Reference: http://www.takungpao.com.hk/news/07/12/31/MF-844533.htm

Thursday, January 17, 2008

精神年齡鑑定

從別人的網頁見到 '精神年齡鑑定',
幾廿條問題,
好快玩完.
結果:
-------------------------------
您的精神年齡15歲
與您實際年齡差-14歲
幼稚度60%
成熟度25%
老化度11%
-------------------------------
都唔知我係無聊定白痴......
真大煲!

Reference: http://myidk.com/age.php

Wednesday, January 16, 2008

放烏鴉

'放烏鴉' 的意念來自 IQ 博士 '鴉.. 鴉.. 鴉..' 嗰隻烏鴉.

作用:
同 ' o 咀' 差唔多.
當你唔想俾反應,
或面對爛 'gag' 的時候.

使用方法:
你可以做手勢,
用手板同拇指上下作相反方向移動.
手臂由外到內.
亦可以直接說出 '放烏鴉'.

變奏版:
你可以叫人同烏鴉講嘢去代表你唔想同佢對話.

Sunday, January 13, 2008

明知自己技不如人,
努力一番.
博不到半點掌聲,
反而每次都得到否定.

我好攰.
亦好心灰.

反覆的思來想去.
是時候劃上句號嗎?
當初的堅持是為了今日的心死嗎?
我唔明白.

雙方各有努力,
太陽亦經常由西邊升起.
但總差一點.
是那一點呢?

面前有的是選擇,
我仍猶疑不決.
是新不如舊?
我不服輸?
還是上天在玩弄我?

我需要一點時間.

我唔鍾意輸,
我好嬲我自己輸.

我會捲土重來.

Friday, January 11, 2008

存貨

我好怕想用的時候又冇得用.
同堆到有需要的時候先去買的話,
一係唔啱心水, 一係貴.

護膚品, 洗頭水,
黑高跟鞋, 西裝褸,
飲衫, 打底衫, 絲襪....
全部我都有新嘅係屋企.

基本上我屋企係一個小型貨倉,
買的時候可能零需要,
但係同 '書到用時方恨少' 的道理一樣,
我會係減價期間買定啲合心意的,
有需要的時候就唔駛周圍搵啦~

業主

係某啲人會同我講:
你咁有錢,
你係業主喎!

我要澄清:
我好窮,
層樓仲有排要供,
都唔知何日見家鄉!
我只係恆生銀行眾多債仔其中之一,
仲要慶幸層樓唔係負資產喎!

鍾無艷

我有幾個鍾無艷朋友.
在一般的情況係係無聲無影,
連要搵佢都有啲困難.

但係佢每次搵你都係十萬火急.
例如: 失戀, 轉工, 搬屋.
總之佢地打親黎都冇好嘢.

有另一批朋友會不值佢地的所為,
覺得我應該唔好理佢地.

我又覺得,
嗰啲 N 年唔搵你的朋友突然間出現,
原因有二:
一係佢真係好信任你,
二係佢應該冇其他朋友, 山窮水盡.
所以通常我幫到都會幫.

作為朋友,
你都想朋友好.
佢唔搵你,
代表佢生活安好,
我寧願佢地唔搵我啦.

Thursday, January 10, 2008

電動牙刷

我原本用 philips 嘅電動牙刷,
但係牙醫話我啲牙刷得唔乾淨,
叫我換 oral b.

然後我買咗最新的 oral b vitality,
個刷頭真係轉得好快架!!
刷完啲牙好似好乾淨咁~

乾物女

潮 做 「 乾 物 女 」 測 試
今 日 Net 人 同 大 家 講 一 個 「 潮 語 」 。 先 問 問 各 位 女 讀 者 : 1. 你 是 否 認 為 在 家 看 漫 畫 比 跟 男 人 談 戀 愛 有 趣 ; 2. 你 是 否 一 個 追 求 懶 散 閒 適 生 活 的 年 輕 女 子 ; 3. 你 是 否 假 日 不 化 妝 也 不 穿 內 衣 。 如 果 你 全 中 的 話 , 你 有 可 能 是 一 名 「 乾 物 女 」 。 物 女 出 自 日 本 漫 畫 《 螢 之 光 》 中 女 主 角 的 生 活 狀 態 , 泛 指 年 輕 女 子 放 棄 談 戀 愛 , 凡 事 追 求 輕 鬆 自 在 , 不 介 意 自 己 變 得 乾 巴 巴 。
近 來 網 上 出 現 乾 物 女 的 測 試 , 以 上 只 是 其 中 三 項 。 其 實 「 乾 物 」 在 台 灣 及 內 地 已 逐 漸 成 為 大 熱 名 詞 , 台 灣 有 調 查 指 六 成 上 班 族 自 認 是 乾 物 女 , 連 藝 人 劉 若 英 也 坦 言 , 不 介 意 當 個 乾 物 女 。
香 港 女 士 一 向 我 行 我 素 , 正 如 網 友 「 June 」 發 現 自 己 是 半 個 乾 物 女 時 , 瀟 灑 地 說 : 「 好 平 常 , 由 他 乾 吧 。 」

蘋果日報 2008-01-10
------------------------------------------------------------------------------
我大部份的朋友應該都係乾物女.....

Wednesday, January 9, 2008

新春賀咭

小時候爹公司會印製新春賀咭,
每年爹都會親手寫一張給我,
攪笑地佢係郵寄返屋企架.

內容好簡單,
都係 '快高長大', '學業進步' 之類的叮嚀.

細個的時候好難得有信收架,
收到寫自己名的賀咭,
好開心.

What does your birth date mean?

You're powerful, dominant and in-charge of most situations you encounter. You do command respect for your skills, but you can be a bit of a dictator. Hard working and serious, winning is a habit for you. You are accurate and precise - and expect the same from others.

Your greatest strength is:
You always get the job done

Your greatest weakness is:
You're a perfectionist to a fault

女人心

女人心, 海底針.
網友鍾意睇我部落格從而明白多啲女性.

其實個個人都唔同,
我又唔代表大部份女性.
同埋女人係大部份的時間都唔明白自己想點,
好難清楚咁表達女人唸緊啲乜.

或者我可以開個無聊夫人信箱幫吓你嘅~ :)

Tuesday, January 8, 2008

肥咗...

我覺得肥咗.
膊頭橫咗.
腰粗咗.
肚腩大咗.
坐圍強勁咗.
小腿壯咗.
連腳板都好似闊咗!

點算??

零寫作idea.
是日休假.

Monday, January 7, 2008

賣懶

賣懶~ 賣懶~
賣到年三十晚~

我有很多的懶,
有冇人要??

我的志願

我從不懂為未來打算.
小時候每年要寫 '我的志願' 的時候,
都覺得比死更難受,
因為所有嘢都係老作,
寫的東西都係大人們所喜愛的職業:
老師啦, 警察啦, 醫生啦, blablablabla~

到咗十到 mung,
叫做有少少獨立思考能力,
我有想過做 dancer,
不過很快就俾我老豆打沉咗!
佢話做 dancer 要着好少衫...
仲少布過泳衣,
咁就 band 咗...

唸過做空姐,
因為可以周圍飛同一折機票太吸引啦!!
但係一想起啲時差同埋無聊的工作經驗,
我又放棄啦.

誤打誤撞做咗地產,
都幾好啦,
至少唔會餓死囉.
(我個要求幾低.... 唉....)

Wii Fit

昨天我用了整個下午去征服 Wii Fit!
今日腰酸骨痛..
不過真係超掂!
我應該會多啲返屋企~ 哈~

呼拉圈, 瑜珈,
帶氧運動, 小遊戲,
唔覺唔覺做咗幾個鐘頭運動~

阿嫲話: 你咁瘦, 咪做啦, 得番棚骨架啦!
阿嫲... 其實打機啫, 係唔會瘦架...

Sunday, January 6, 2008

龍皇酒家

一向有跟同事黎呢度做節.
食物不錯.

爹生日,
先同堂弟妹打牌再加一圍酒席. (HK$2988+10%).

招牌燙手妙齡豬 - 超脆皮, 豬肉有肉汁, 唔會乾睜睜~
明火雞煲翅 (加大 HK$400) - 超正!! 啲翅又大梳!!!
原隻蠔皇四頭鮑魚伴百靈菇 - 原本一人有一隻架! 仲要唔細隻架!
三椒爆蝦球. 日本海螺 - 蝦球好鬼大隻, 海螺又香, 好惹味~
古法蒸沙巴海班 - 係班塊, 不過好滑~
黃金蟹肉卷伴素鵝 - 蟹肉卷好啲, 不過兩個都唔油膩.
海味肉末泡青蔬 - 呢個最普通!
豉油皇脆皮雞 - 全場讚不絕口!
香芋腊味炒飯 - 食唔晒, 全碟打包!
合時鮮果盆
(全部都勁大碟架! 其實唔駛加餸都夠食~)

再加壽包 (HK$100x2)
沙薑雞腳 - 娘至愛~ (HK$28)
鹵水掌翼 - 爹至愛~ (HK$28)
鹵水豆腐 - 十分滑~ (HK$28)
蟹肉蝦仁蒸水蛋 - 二十分滑~ (HK$68)
日式汁牛柳粒 (HK$78)
鮮淮山浸勝瓜 (HK$68)
脆麻花 - 平時飲茶都食!

全部都好好食~
最後埋單 HK$4500.
交保護費加半份晚宴,
好窮....

龍皇酒家
地址 : 灣仔軒尼詩道33號皇悅酒店地庫2層
電話 : 2866-9932
菜式 : 廣東菜

Saturday, January 5, 2008

多情

你說我多情,
我會將佢當為讚美.

兩個人分咗手,
唔一定要成為仇人啫.
兩個人到最後沒能在一起有一種遺憾美.
我同我的 ex- 保持住良好的關係.

讀伊能靜的 '愛的練習本'.
她說:
------------------------------------------------
人世間沒有一段感情可能一直飽含激情
在不同的階段一定會演化成不同的情感
並且讓愛的關係得以不同的形式得以延續
相信只要是成熟的人走過感情的路
一定都會明白
如果這個形式是雙方認為最好的狀態
旁人有甚麼資格參與

愛最美的價值不是剝奪
而是給予
給予對方自由讓他得到其所愛亦是一種給予

有些人即使知道對方不愛了
卻還是寧可強佔也不給對方幸福的機會
用道德和責任來綑綁自己也綑綁他人
不在乎幸福與愛情
只在乎有沒有擁有

這世界的很多人都必定是在為愛付出或努力
不管任何一個人
在愛的路途上以任何形式都無法再延續時
也都該為對方祝福
而不是惡意的延續

保留曾經美好的記憶
也保留了愛真正的價值就是快樂
畢竟兩個人最初相愛的原因是因為在一起
在一起很快樂啊

兩個不幸福的人在一起
還不如去尋找四個人幸福的可能
----------------------------------------------

現在我可幸福呢.

拜拜你條尾

每個人都有自己個人的語言系統.
我成日都會講 'xx 你個 xx' (好似粗口, 哈哈~)

例:
拜拜你條尾!
再你個見!
係你個咁!
生日你個快樂!
身體你個健康!
...
..
.

好無聊..
不過你一定知係我~

清亭燕萍越南菜館

快餐越南菜.
樣樣都好似好趕咁.
不過食物不錯,
價格亦便宜.
一個小時午餐,
食飽加來回金鐘都冇問題!

蒸粉卷 (HK$28)
酥炸軟殼蟹(HK$40)
生鮮牛肉粉(細)(HK$28)
雞絲粉(HK$28)
牛油雞翼 (4 件)(HK$35)
越式炒芥蘭(HK$42)

三個人埋單 HK$221, 好豐富~

清亭燕萍越南菜館
地址 : 銅鑼灣謝斐道482號信諾環球保險中心2樓
電話 : 2832-9038/2832 2863
菜式 : 越南菜

童心

某人常說我在部落格中唱衰佢,
呢個唔係事實.
我地只係諷刺佢身在福中不知福.
又或者我地某程度上很高興我地的朋友仍然童心未泯.

我地成日話要保持赤子之心,
呢樣佢就做得到.
young at heart,
所以個樣咪後生啲囉~ 呵呵~

蠢人

我怕蠢人,
我覺得佢地講極都唔明,
又或者事情簡單複雜化.

我鍾意話頭醒尾的人.
唔駛不停的解釋,
又唔會長篇大論的人.

明明係醒,
點樣扮蠢喎?
明明係蠢,
又唔該唔好扮醒啦!

我最想做一個醒但係扮蠢的人.
呢個係高深的學問,
學極都學唔識!
係呢方面,
我投降~

旅行與袋

我有一個 paul smith 斜孭袋,
跟隨我去了很多個地方.

上一次去旅行,
我想買一個背包.
再上一次想買太陽眼鏡.
今次, 我想買一個輕啲嘅斜孭袋.

斜孭袋很方便,
雙手可以騰出來到處摸摸擦擦.
袋裡有少量的金錢,
mp3,
太陽眼鏡,
証件,
夠了.

屋企有十萬個袋,
但係到需要實際用途的時候就總係個個都唔啱!
每次去旅行都俾個藉口自己買嘢~
yeah~

可惜不是你

每次聽到這首歌,
我都會想起你.

喜歡跟你聊天,
喜歡跟你一起的感覺,
喜歡你的不完美.

是火花消逝了?
是被現實打敗了?
還是我們都太愛自己?
我不知道.
-----------------------------------------


可惜不是你 梁靜茹

曲:曹軒賓
詞:李焯雄
編:陳飛午

這一刻 突然覺得好熟悉
像昨天 今天同時在放映
我這句語氣 原來好像你
不就是我們愛過的證據

差一點 騙了自己騙了你
愛與被愛不一定成正比
我知道被疼是一種運氣
但我無法完全交出自己

努力為你改變
卻變不了 預留的伏線
以為在你身邊 那也算永遠

彷彿還是昨天
可是昨天 己非常遙遠
但閉上我雙眼 我還看得見

可惜不是你 陪我到最後
曾一起走 卻走失那路口
感謝那是你 牽過我的手
還能感受那溫柔

那一段 我們曾心貼著心
我想我更有權利關心你
可能你 已走進別人風景
多希望 也有 星光的投影

感謝那是你 牽過我的手
還能溫暖我胸口

剪髮

有人話髮型係一個人 signature 嘅一部份.
我嘅 signature 係一頭長直髮.

一來我的頭髮冇乜彈性,
電鬈髮都冇人覺.
二來長直髮跟咗我實在太耐啦~

其實我很想很想剪游博士的短髮.
不過我又怕...
怕唔好睇,
怕唔習慣,
怕俾人笑,
怕俾人問係咪失戀!
(唔知點解剪短髮好似同失戀掛勾!!)

然後每一次...
'修修佢吖唔該~'
然後大家繼續話我晒錢...

Friday, January 4, 2008

牙齒

我的牙齒一向不太健康,
令我經常到訪牙醫.
(我相信我除咗買衫之外,
供款最多的地方就係牙醫診所.)
幸好它們算很齊整,
不過牙色偏黃.

** 血腥恐怖, 膽小者 / 害怕牙醫者勿看 **

這陣子,
個個星期要去牙醫度報到.
因為我又要杜牙根,
再整牙套.
杜牙根我覺得冇問題,
最大不了都只係要打麻醉針.
又唔洗剝牙.

今日牙醫同我洗牙.
洗牙其實好痛苦,
洗的過程牙齒酸軟,
機器的超頻聲音令你坐立不安.
最慘係洗完之後久久不散的血腥味.

洗牙嘅同時牙醫幫我檢查牙醫.
不幸的消息來臨啦.
我最唔想嘅事情發生啦....
唯一剝淨一隻嘅智慧齒生咗出黎!!!
仲要係下面大隻有可能要做手術嗰隻....
(不過都要照咗 x-ray 至知.)

上一次我剝另一面嗰隻我係屋企喊咗三日~
因為太痛啦...
仲慘過失戀...
個口裡面好似少咗忽肉.
塊面腫到好似有隻雞蛋係個口裡面咁.
(冰敷都冇用...)
然後朝朝早起身個枕頭上面有一灘血,
又食唔到嘢!
又樣衰~
又有口難言...

貼錢買難受,
咪就係咁囉.

Thursday, January 3, 2008

Gianduja

如果你鍾意食朱古力,
你會知道朱古力有好多唔同的變化.

加奶, 加糖的份量會影響,
可以加果仁, 生果的口味,
每個人的愛好都唔同.
有人愛黑朱古力,
有人愛薄荷口味.

我愛榛子朱古力,
我會記著呢個字.

Gianduja
Gianduja is a delicious mixture of emulsified hazelnuts and cocoa mass, cocoa butter and sugar. Originally this was an Italian specialty.
(當然係高級少少的超級市場至會懶高級的細分呢啲專有名詞.)

Refernce:
http://www.chocolatesource.com/glossary/index.asp#Gianduja

等待

對於愛情,
有些人心急,
有些人選擇等待.

當然,
等待未必有結果,
可能白等一場.

當你決定要愛一個你唔應該愛的人,
你要三思:
係咪好愛?
(真係咁愛? 唔好下巴輕輕.)
係咪適合?
(你係咪清楚人哋嘅真實一面?)
同埋你有冇時間?
(你有幾多歲月可以磋跎先?)

呢個世界又唔係得一個人,
可能你認為佢係最好,
但係除咗'最好',
仲有 '幾好', '一般好',
你可以考慮吓其他啦.

自我介紹

看完 '小王子',
我想起簡單的自我介紹.

當人地想認識你,
問題來來去去那幾個:
你曾經去邊度留學?
你的學歷?
名校出身?
職位?
大公司?
人工?
靚唔靚?
多唔多狂風浪蝶?
家庭背景?
住邊度?
自置?
有車?

各式表面證供標籤他人.
住半山有錢啲?
讀名校的人際網絡好啲?
做大公司有前途啲?

好膚淺.
不過我都係.

小王子

我近來買了很多書,
完成閱讀很多書.

但我沒有為它們寫一個閱讀報告,
好像很悶.
因為我看的書,
很多人也沒看,
沒有共嗚.

為咗回應 cath 的疑問,
同為之後的歌劇作準備,
我番睇咗 '小王子'.

你覺得唔好睇,
有兩個原因:
一. 你已經冇咗童心.
二. 你已經唔再思考你的生活.

有很多事情係喺大人的世界才會發生.
例如:
你的衣著, 你的外表,
非我族類而變得不可信.
記得金錢, 記得股票,
唔記得心靈的滿足.
只看見眼前的事,
忘記了幻想同好奇心.
大人的世界太複雜,
各式的定義被歪曲.
權力, 虛榮, 逃避, 重利,
是大人們特有的性格.
所有的事情複雜化,
其實事情的本身極其簡單.

小王子,
叫你重拾童年簡單的思考方式.

爛 gag

菠蘿係黃色.
咁乜嘢蘿係綠色?
答案係...
..
..
..
..
..
..
..
..
..
..
..
..
..
..
..
..
..
..
..
keroro
..
咁除咗 keroro, 仲有乜嘢係蘿綠色?
答案係...
..
..
..
..
..
..
..
..
..
..
..
..
..
..
..
..
..
..
..
keroro 個籮....
..
好爛....

旅行 checklist

以後旅行攞番出黎睇,
方便晒~
-------------------------------------
護照
機票
衫褲鞋襪
睡衣. 拖鞋
護膚品. 防曬
洗頭水. 梳
每次都忘記的太陽眼鏡!
相機
MP3 機
NDS
旅行轉換插頭. 义電器
藥品. 膠布
暈浪手帶 (因為我會暈車浪...)
雨傘

百利小食

百利已經係死場,
結婚用品進佔咗,
但係我同 ling 都會專登行幾步去食小食~~

老闆娘成日都 '靚靚~ 靚靚~' 咁叫啲客,
好攪笑~

基本上都係簡單炸嘢,
魚蛋, 燒賣,
墨魚丸, 龍蝦丸,
粟米湯, 粉仔....
但係老闆同老闆娘都好有誠意.
小食成日轉不突止,
仲自製奶茶, 咖啡,
不同的果汁配搭.
尋日去有蓮霧添~
唔同的食品又會提議你食唔同的醬料,
仲有自製的辣椒油, 正~

地址: 尖沙咀漆咸道南百利商場2樓尾站
(openrice 搵唔到正確地址....)

一日冇寫 blog

一日冇寫 blog,
攪到我成腦都係寫 blog 嘅 idea...
今日下午要努力!

Tuesday, January 1, 2008

新年

新的一年,
有新的展望嗎??
大計?
冇!

我淨係好想休息.
好想去旅行.
好想懶~
好想唔駛做但係仲有好多錢洗~

哇哈哈~~~
呢啲算唔算大計??

2008-1-1

2008 年 1 月 1 號.
屬於自己的一天.
Blog Widget by LinkWithin