Tuesday, December 30, 2008

大功告成

終於都完成大家的 2009 運程啦~
返黎再見!
新年快樂~

2008 回顧+ 2009 展望 - 張城城篇

2008 年,
係好懶的一年.

對工作.
零熱誠.
唔想返工,
又要飛啦,
又係星期五六日.
展望:
weekend 放假,
大家陪我玩啦...

學習呢?
時間配合唔到,
冇嘢特別有興趣,
(咪係懶囉...)
展望:
時間配合唔到,
冇嘢特別有興趣,
(咪係懶囉...)
(筆者按: 佢應該唔會變架啦.)

旅行呢..
返工幾日算唔算?
展望:
次次放大假大家都唔得閒...
咁點呀?

愛情呀?
零付出 = 零收入.
展望:
試一個靚仔都得啩?
(筆者按: 你唔幫自己冇人幫到你, 積極啲啦.)

做人本來就好簡單,
有得懶 (長期懶散),
有得食 (長期為食),
有得睇 (長期睇台劇),
有得瞓 (冇人瞓得比我多),
有十兄弟,
夠啦~

2008 回顧+ 2009 展望 - Iris 篇

2008 年,
係好懶的一年.

對工作.
零熱誠.
成班同事勁斜膊.
freelance 又成日都接近夠鐘至做:p
展望:
只係按本子做份內的事,
斜膊人變番直膊人.
做啲簡單又多錢的 freelance~

學習呢?
自學手作仔.
展望:
整個新公仔,
最好兄弟一人一個 (天荒夜談篇...)

旅行呢..
去轉日本買得太少.
展望:
游貝貝究竟我地去台灣定泰國!

愛情呀?
輕輕的我走了,
正如我輕輕的來.
展望:
可以似劉德華咁靚仔就好啦~

做人本來就好簡單,
有得懶休多兩日,
有得唱多兩首梁靜茹,
有得去多兩轉佐熊,
有得瞓多兩轉,
有十兄弟,
夠啦~
----------------------------------
筆者按:
雖然識咗廿幾年,
但係我實在想講:
iris 呢篇比較難寫,
因為佢大部份時間都比較冇所謂,
又懶 :p 又唔唸 :p 又唔提供意見 :p :p :p

31Dec - 3Jan 北京

千祈唔好問我行程,
因為我唔知.
淨係知聽朝八點機,
四點半要起身,
幾點返我都唔清楚.

小休幾天.
不過今晚要寫埋各位的牛年運程 :p

2008 回顧+ 2009 展望 - 麥同學篇

2008 年,
係好懶的一年.

對工作.
零熱誠.
但係都永無準時放工.
展望:
唔好咁忙,
少啲 OT,
有時間可以準備私人事務.
慳得一蚊得一蚊.
(不過買衫錢唔慳得.)

學習呢?
終於全部合格,
成功畢業啦.
展望:
未唸,
搵啲輕鬆啲無聊啲玩吓啦.

旅行呢..
汶丹島!
原來冇得買嘢得番兩個人,
都係另一種享受~
展望:
襯還是單身的時候,
同十兄弟去多次旅行.

愛情呀?
順風順水,
去到尖沙咀~
展望:
揀到件心水婚紗,
有錢置多兩件晚裝.
延開五十席有錢賺 :p

做人本來就好簡單,
有得兩口子四圍遊,
有得食完打邊爐唔會一陣味,
有得行街買衫,
有得唱最新的梁靜茹 k 歌,
有十兄弟有 ec,
夠啦~

2008 回顧+ 2009 展望 - 各顧各篇

睇相佬呃你十年八年,
我嘗試滾你一年~
各人都要求個人篇的 2008 回顧+ 2009 展望
好似寫緊星座運程咁!!!

你地都 comment 番個人的展望就好啦~

2008 回顧+ 2009 展望 - 林芍芍篇

2008 年,
係好懶的一年.

對工作.
零熱誠.
每日 case 不多,
做得太快同事又唔抵得,
做得快準時放工都唔啱?
展望:
裁員唔關我事,
繼續出十四個月糧~

學習呢?
成日返學冇得 shopping 冇得 gym.
但求合格又過骨~
展望:
快啲讀完,
快啲畢業,
快啲行街!

旅行呢..
同新朋友去完台中,
小休幾日义個電.
展望:
土樓!
土樓!
土樓!

愛情呀?
努力尋找另一半中.
霧水...
疑似...
展望:
識番啲正常直的有前途有機會的朋友.
其他事容後再談.

做人本來就好簡單,
有得懶,
有得食中醫唔俾食嘅嘢,
有得睇張敬軒演唱會,
有得瞓,
有十兄弟,
夠啦~

2008 回顧+ 2009 展望 - 游貝貝篇

2008 年,
係好懶的一年.

對工作.
零熱誠,
不過同事相處愉快.
展望:
老闆唔好留係公司,
唔好 send email 俾我.
同埋佢記得做 progress report 快啲出糧俾我.

學習呢?
日日同啲護士攞口水,
好煩囉,
除咗去屯門嗰日比較願意.
十八區咁去好攰!
展望:
快啲上完堂,
快啲 home study,
快啲唔駛對住老闆!

旅行呢..
最憎跟團!!
一早到黑趕! 趕! 趕!
展望:
一定要去泰國揼骨啦!
但係又想去台灣飲珍珠奶茶...
幾時大家請到假???

愛情呀?
又係嗰個.
都唔想架...
展望:
搵個第個,
要幽默多嘢講無聊攪笑肌肉男!
快啲俾阿媽睇,
等佢唔會再懷疑我係les!

做人本來就好簡單,
有得懶,
有得打邊爐,
有得去佐熊睇吳尊, (順便) 睇郭富城,
有得去完 clinic 蛇番屋企瞓半日,
有十兄弟,
夠啦~

2008 回顧+ 2009 展望

2008 年,
係好懶的一年.

對工作.
零熱誠,
不過唔知點解都簽咗十六張單?!
相信都係啲濕濕碎的單仔.
所以金錢的增長都好濕碎 :p
展望:
冇喎... 唔洗做算唔算?
如果一定要做,
咁留係度都好滿意,
不過又唔會大富大貴囉,
都夠買多兩件衫嘅.
都 ok 啦,
我咁懶 :p

學習呢?
今年零學習,
學個無聊陶瓷計唔計?
展望:
未唸,
冇時間唸,
認真讀幼兒教育類比較實用啩 :)

旅行呢..
今年去咗越南, 柏斯, 台北, 將會去北京.
好似唔係好夠數咁...
展望:
下年一定要去泰國同日本,
今年冇去.
長線旅行就要睇吓有冇錢啦.

家庭呀?
賣出阿哥囉.
自己就賣唔出囉.
展望:
未唸清楚係咪一定要賣出,
可以做啲事前準備,
或者最後可能都賣唔出呢.

做人本來就好簡單,
有得懶,
有得食,
有得睇,
有得瞓,
有十兄弟,
夠啦~

買!買!買! 終於...

唔講唔知,
上一次買衫已經係 5 號!!
係衫或裙,
唔計配飾啦~

已經行咗好多地方都買唔到嘢.
竟然頭先蛇落街係公司樓下間日本舗買咗條黃色裙!
平時唔會入呢間覺得好貴嘅舗~

實在太渴啦~
依家舒服晒~

德興酒家

這是我的生日飯,
不過懶過蛇的我懶懶閒的沒有開始寫作....:p

原本打邊爐宴,
不過最後大家都病病地,
所以轉咗小菜.
今次因為約咗星期五要 HK$933 半席,
平曰 HK$666!
已包茶芥加一, 兩渣果汁.
食物還可以,
主要買點係平,
我相信下次叫任食打邊爐會再抵一啲.

我地五個女子掙死咗... :P
但係啲食物就一輪輪咁出,
食三碟又抖一抖,
轉第二輪火鍋的時間又好似想趕我地走咁囉!

紅袍乳豬全體
XO 醬爆鴛鴦蚌
燒洋腿百花球
賽磅蟹帶子西蘭花
竹笙鳳凰生翅
海參伴海螺片
清蒸大海斑
南乳吊燒雞
生炒糯米飯
蟠桃壽包
時菓拼盆

德興酒家
地址 : 灣仔柯布連道130-146號建利大廈1樓
電話 : 2511 3456
類別 : 港式、火鍋

Monday, December 29, 2008

買! 布甸 mask


如果只可以擁有一隻面膜,
我會揀 Soigne 的布甸 mask.

每次用完塊面都極有光澤,
軟化角質好似好乾淨,
白咗又去黃氣,
補濕又滋潤.
我全塊面連眼連咀都會敷埋.
一次過滿足所有的願望!

定價 $590 (不過常常減價),
櫃姐教要敷厚厚的軟膜,
我慳家的薄敷都好好啦!
一大盒用成年,
都唔算貴.
----------------------------------------------------------
特 效 補 濕 軟 滑 面 膜
CURECUSTARD MASK
$590
< 適 合 任 何 皮 膚 >
特 具 雙 重 性 功 效 , 能 有 效 清 潔 毛 孔 , 消 除
毛 孔 內 的 油 脂 污 垢 , 亦 同 時 為 肌 膚 帶 來 即
時 補 濕 , 可 軟 化 角 質 層 , 改 善 暗 啞 乾 燥 皮
膚 , 使 皮 膚 柔 軟 亮 澤 , 性 質 有 如 Custard
Cream 般 軟 滑 而 富 彈 性 , 滋 潤 亮 澤 富 健 康
神 采 , 內 含 雞 蛋 膜 成 份 , 使 皮 膚 用 後 有 如
雞 蛋 般 幼 滑 。 如 配 合 Charge Up Massager
一 起 使 用 , 柔 軟 效 果 更 佳 , 更 能 體 會 到
皮 膚 幼 嫩 潤 滑 的 特 強 功 效 。
可 使 用 於 眼 袋 位 置 , 有 效 清 除 油 脂 粒 。

想睇

下回想睇全集:
不良笑花
蘇 good
畢打自己人

單身寶鑑

《蘋果》資料,
倪匡話:「個女失戀走返黎悶悶不樂, 我話你坐係度做乜? 梗係出去蒲, 媾仔啦! 」
這句說話,
十級讚同.
林芍芍, 呢格實在係冒住婚期告吹的危險寫嘅單身寶鑑.

多活動, 認識新朋友
沒有男朋友但又希望有男朋友的時間,
我盡量日日都出街,
所有朋友叫到,
無論活動是多麼的無聊無趣,
飲酒打牌睇戲唱k行山遊船河燒烤....
都盡可能參與,
我會將自己盡量暴露於街外,
腦電波發出求偶的訊息.
因為就算唔成功,
你都可以同佢地做朋友,
然後你介紹你的朋友佢識.
又可以認識佢的朋友,
至少生活圈子大一點,
成功的機會又大一點.

權衡利害, 量入為出.
呢個時候因為成日出街,
支出相對會比較高,
所以絕對要衡量當日出席的人數同質素.

人靠衣裝
新相識的第一印象很重要.
所有人都喜歡靚,
不過樣貌天生,
而且各花入各眼.
要低調不刻意,
唔需要打扮得花枝招展,
唔需要額頭鑿住 '媾我啦!'
只需當一般聚會,
讓人認識平時的你.

今時今日咁嘅服務態度係唔夠嘅, 當然係要用親切同埋誠懇的態度去待人啦~
識朋友當然性格決定命運啦.
太矜持會俾人覺得扮上菜,
最容易令人接受的當然係開朗幽默成日笑嗰啲啦,
但係同時要好小心,
過咗火人地又覺得會太寸太嘈.

迎合大眾
一般香港男士都好死板,
首選長直髮,
斯文有禮,
小鳥黏塵,
陰氣細氣.
當然性格就冇得變啦,
但係可以暫時藏拙,
表現你的優點,
收埋你的缺點.
唔係個個人都接受到你一開始就揭開個肚皮俾人睇,
外表亦都可以暫時迎合一下市場的需求.
呢個唔係欺騙,
只係好似化妝咁,
略為打磨一下.

咁成件事至少都有下一次先啦.

好攰,
寫住咁多先啦.

牆頭草之家

爹: 我係自戀狂, 成日都覺得自己好靚仔. 所以我個女都好靚~
我: 梗係啦! 梗係啦! 我老豆梗係靚仔啦!
娘: 啲好嘅就你嘅, 唔好就我嘅!
爹: 唔係, 咁阿媽都好靚, 阿媽唔靚個女點靚呀??!
我: 梗係啦! 梗係啦! 個個都話我似阿媽架, 我阿媽梗係靚啦! 仲駛問嘅?
娘: 你地好嘢吖. %^*^&**#$$!
----------------------------------------------
晚飯中, 阿媽問仲駛唔駛炒冷飯.
爹: 我都話好飽囉, 唔食啦...
娘: 吓! 你好飽! 又叫我煮湯圓?!
爹: 唔係, 我好飽但係有個位係留番俾湯圓嘅~
娘: 咁好啦, 你入廚房'畢'埋剩番嗰啲同埋我個碗裡面有兩粒係你嘅!

New York Fries

那天遊街遊到去尖沙咀,
轉頭冇電搵個下午茶,
想去試吓新開的 New York Fries.

排隊的人唔少,
但係座位就好少,
你好難係海港城攞住兜薯條周圍走.
雖然話有 (幾個) 露天海景位,
不過結果唯一坐地下 :p

醬汁選擇不多,
牛肉汁, 芝士, 加腰豆, 煙肉, 蔥粒, 咁上下啦.
薯條連皮炸,
好油又唔夠脆皮,
個心又唔夠鬆軟.
薯條比較幼 (粗過麥當當少少),
同時又頗多汁,
食咗幾條之後其他的都已經淋晒,
又幼又淋又濕,
用义都义唔到,
都唔知點食!

薯條都係返去愛爾蘭瘋薯啦.

New York Fries
地址 : 尖沙咀廣東道17號海港城港威中心2602號鋪
類別 : 西式、小食店

買!買!買! 冷帽

都說每之去旅行都會買一些準備的東西,
今次去北京會好凍,
所以購入御寒衣物.
第一件事想到冷帽,
因為我一向都唔鐘意戴帽,
咁印象中應該只得一頂薄的彩色賊仔帽.
拿拿臨去 H&M 找到平靚正的粉紫色粗冷帽,
返抵家發現其實已經有一頂從日本書訂購的紫紅色賊仔冷帽.
過兩日,
我又發現有一頂係韓國買的扮羊頭帽,
然後記得應該仲有一頂係澳洲讀書時買的粉紅色扮熊仔帽.
尋日,
阿媽又同我講:
咁你咪可以戴上次係柏斯買嗰頂冷帽囉!

係喎.
其實係有冷帽喎.
仲買...
好彩我真係冇 earmufflers 啫.

Sunday, December 28, 2008

衝上雲霄

完成<超級星光大道>,
集集都喊到收唔到聲.

剛開始了<衝上雲霄>,
陳慧珊好靚呀~~
劇情都好有誠意啦.
上網睇,
慳番好多~

荃灣

食完刀削麵就當然唔會即刻走啦.
先行吓眾安街 / 川龍街 / 沙咀道...
行咗荃新天地,
之後仲去咗愉景新城.
(但係喺地鐵站行去愉景新城好似由柴灣行到小西灣咁遠!!)

荃灣周圍都好多人,
好多我愛的街頭小吃,
不過太飽食唔得多.
但係咁唔足以令我常到囉,
久唔久當遠足都 ok 嘅.

山西刀削麵

專程去荃灣食呢個刀削麵,
因為我好懷念以前灣仔摩利臣山道嗰間.

當然一定要叫刀削麵啦.
四川擔擔菜肉雲吞刀削麵,
HK$33 包一杯凍豆漿.
餸好一般,
麵不錯,
不過還是灣仔那個比較好,
這裡的刀削麵大小非常不一致,
明顯技術不足.

麻辣手撕雞 (HK$16 小碟)
沒有很辣,
不過很麻,
手撕雞跟青瓜也切得很幼細,
非常好味道!

小籠包 (HK$15 / 5 隻)
賣相不太好,
不過味道不錯,
這個價錢簡直超值!

正宗蘭州拉麵山西刀削麵
地址 : 荃灣沙咀道245號坤德樓地下
電話 : 2409 1209
類別 : 拉麵

張發

今日同老豆講開追女仔.
佢話佢追女仔的事情都係喺佢身上學的.

老豆話其中最經典的是,
張發曾經到過明華大廈追過一個女仔.
明華大廈是舊式大廈,
每戶個樓層的走廊都能夠望落街.

張發的招數係大叫!
係明華大廈樓下大叫.
叫乜嘢呢?
佢大叫自己個名!
因為你叫個女仔個名太瘀,
個女仔一定唔會出黎,
佢叫自己個名,
個女仔聽到自己朋友的名一定會走出黎睇吓!
之後當然係得米~
成功追到個女仔啦~

我都覺得佢好厲害呀~
幾時有人係屋企樓下大嗌我個名呢?

xbox

下午到銅鑼灣活動,
天氣寒冷.
在銅鑼灣地帶門口見到 xbox 的宣傳姐姐,
小背心迷你裙露出長腳纖腰.

爹跟我說: 你千祈唔好做呢啲呀!
我: 我唔洗做呢啲呀.
爹: 咁又係, 你咁肥~
我: ........
娘: 佢咁老!
我: ........ 洗唔洗踩得咁盡呀...... 我廿歲嗰時唔講, 三十歲至講.........

一起真的不易

活在不同世界的兩個人,
要走在一起相知相遇已是緣份.

到了要共同的相處,
還有待磨合.
共同的興趣,
共同的理念,
共同的生活空間.

各人有一套用咗幾廿年的活動程式,
怎能一下子改變?
大家都覺得自己維持著的模式是最棒的.

不要以為婚姻是兩口子的事情,
實在結果係兩家人兩碼子的事情.
如果要生仔就係三口子的事情了.

結局會是如何?
悉目以待.

Saturday, December 27, 2008

舊嘅唔去, 新嘅唔黎

舊愛: 陪伴了近五年的小草枯了....


新歡 1: 這個好像小椰樹, 呵呵~


新歡 2: 紅紅的, 好意頭 :p

Friday, December 26, 2008

其實幸福很簡單

昨晚看超級星光大道的第一季有在唱,
想起你有種窩心的幸福呢~



張棟樑
其實幸福很簡單
作詞:曹軒賓/茍慶 作曲:曹軒賓 編曲:Terence Teo

晚風吹 笛聲有多美 難得時間忽然變得好輕微
你說著 是三月的滋味 桂花香正隨著夜色飛

很在乎 月光多醒目 忘記有誰會在燈火闌珊處
千百回 用盡力氣去追 原來你早已用愛將我包圍

以為最終幸福是像結局般的遙遠 卻在不經意之間 它早已如此絢爛

其實幸福很簡單 就像你在我身邊
靜靜看著你的臉 也酗F個心願 溫暖留在我心間

其實幸福很簡單 平安快樂到永遠
輕輕靠著你的肩 感受著溫暖 不需要任何諾言

很在乎 月光多醒目 忘記有誰會在燈火闌珊處
千百回 用盡力氣去追 原來你早已用愛將我包圍

以為最終幸福是像結局般的遙遠 卻在不經意之間 它早已如此絢爛

其實幸福很簡單 就像你在我身邊
靜靜看著你的臉 也許了個心願 溫暖留在我心間

其實幸福很簡單 平安快樂到永遠
輕輕靠著你的肩 感受著溫暖 不需要任何諾言

知足是快樂也是最平凡 每一刻都有你值得去揮霍
我不要你承諾你的所有 只要我們都記得同一個幸福片段

其實幸福很簡單 就像你在我身邊
靜靜看著你的臉 也許了個心願 溫暖留在我心間

其實幸福很簡單 平安快樂到永遠
輕輕靠著你的肩 感受著溫暖
不需要任何諾言 其實幸福就是這麼的簡單

Thursday, December 25, 2008

相遇太早

過去的讓它過去吧.



蘇永康-相遇太早
作詞:深白色(Arys Chien) 作曲:深白色(Arys Chien) 編曲:吳慶隆 女聲:周蕙

當我們再度相視微笑 成熟的心有一點蒼老
許多的傷痛都已經忘掉 記憶裡剩下的全是美好
妳我都找到新的依靠 過去對錯已不再重要
只是我們都清楚地知道 心裡還有個劃不完的句號
只怪妳和我相愛得太早 對於幸福又了解的太少
於是自私讓愛變成煎熬 付出了所有卻讓彼此想逃跑

上天讓我們相遇得太早 對於緣份卻又給得太少
才讓我們只能陷在回憶中懊惱

從來未發生

昨天在佐熊無拿拿的想起這首歌.
今日特地從 youtube 找出.
聽到一半已淚流滿面.

世事從來都是有苦才覺甜,
知道今天的我是如何的幸福.



從來未發生-蘇永康
曲:黃尚偉 | 詞:梁芷珊 | 編:黃尚偉

浮浮沉沉裡太多路過人 卻與你走近 這是緣份
曾是我心愛情人 糊糊塗塗裡也許合後必分
令我跌進黑暗 如臨末日般被困
計算內這樣事情原是沒可能 可惜最終 仍是發生

仍然是發生 當刻骨的愛飄散似灰塵
你也許不信 你也許不知道 長久以後感覺這傷痕
從未發生 當天可親你總算我福份 現在縱使失去
而知道被他替代當你一半 多少有點興奮

沉沉迷迷裡愛得極放任 沒有與你終老 這是遺憾
無奈也出現裂痕
迷迷糊糊如墮入日月星辰
沒法再看通透 前路像驟光驟暗
計算內這樣事情原是沒可能
不想發生 仍是發生

荒失失奇兵2



一如以往的那些年,
聖誕節我們會一起看卡通片.
忘了為什麼,
我沒有看荒失失奇兵1.

續集很攬笑, 很輕鬆.
不過我還是唔明白那兩人何以能笑得那樣開懷?
然後睇個零鐘再講成個鐘呢?

荒失失奇兵2 (粵語版) (I)
89 分鐘
導演: 艾力鄧尼, 湯麥桂夫
演員: 鄭中基 (配音), 田蕊妮 (配音), 方力申 (配音), I Love You Boyz (配音)
粵語對白,沒有字幕
上集講到獅子阿力、斑馬馬提、河馬歌莉亞和長頸鹿邁文,意外由紐約中央公園動物園走失,流落到馬達加斯加,於是佢地千方百計諗辦法返屋企。計仔多多的企鵝整好一部爛飛機,諗住送佢地一程,點知中途墜機跌落非洲大草原,身處危機四伏的原始森林,今次一班「荒失失奇兵」真係「唔荒走得甩」!

Wednesday, December 24, 2008

北方餃子源

突然間好想食北京厚皮餃子.
絕對好過灣仔碼頭好多.

鮮肉韭菜餃 (10 隻, HK$28)
淨白菜肉餃
山西手撕雞
手拍瓜
樣樣都好食, 又平.
埋單 HK$89

北方餃子源
地址 : 灣仔皇后大道東259號地下
電話 : 2838 8486
類別 : 北京菜

Monday, December 22, 2008

News Feeding

1. 冇牙婆的第 n 天
開始正常進食,
不過覆診的時候牙醫話個洞實在太大,
進食後可能會有食物藏在洞內,
所以進食後一定要大力嗽口 'chok' 番啲殘渣出黎,
同勤啲覆診吸番出黎+洗一洗會快啲好,
但係佢約我兩個禮拜後又有幾勤呢?

2. 死人 eye phone
經過我每一日都打去小佢一個禮拜之後,
佢終於肯換番個正常電話俾我,
但係要等佢黎安裝.
個電話留係屋企成個禮拜,
冇一日成功通話超過三分鐘!

Sunday, December 21, 2008

阿嫲失蹤了?!

一如每個星期日,
我地會同阿嫲飲茶.
平時我地會係停車場門口等,
不過今日唸住行工展會唔揸車,
所以改變咗約定的地點.

阿嫲住係我地樓下,
老豆落到大堂的時候叫阿嫲落黎係大堂等.
但係我地等咗十五分鐘都唔見人,
打電話去佢屋企,
三叔又話佢已經出咗門口.
究竟佢去咗邊呢?
我地再搵過佢住的同我地住的樓層, 平台, 樓下的酒樓, 停車場門口, 甚至公廁,
但係都唔見佢,
所以我地唯有出去飲茶啦.

半個鐘頭,
終於電話到.
原來佢自己走咗去地鐵站的大堂個恆生銀行等!!
結果係等到佢腳軟 :p

邊個話老人家唔精靈?
明知你唔揸車自己走去地鐵站等你!

Wednesday, December 17, 2008

魯一居

因為睇完戲都唔太肚餓,
但係漫漫長夜唔食又好似好難過,
是但叫咗啲嘢食吓就算啦.

話梅醉乳鴿 (HK$108)
其實 108 食隻鴿都幾貴,
不過都幾大隻.
話梅味好重,
肉質鬆化.
推介~

苿莉香薰素鵝 (HK$48)
一啲都唔似素鵝,
正確係腐皮卷,
薄薄的腐皮包住紅蘿蔔絲同冬菇絲,
味道 ok.

魯家生煎包 4 只(HK$24)
個底都煎得好脆,
都好食.

羊肉餃 (HK$36)
我唔食羊.

另加每位 HK$9 茶同餐前小食 HK$10 碟,
埋單 HK$268.5.
送 HK$20 晚餐卷.

不過後話係我返到屋企十級口渴,
我唸味精都唔少.

魯一居
地址 : 九龍灣宏照道38號MegaBox 9樓23號舖
電話 : 2359 0188
類別 : 東北菜

Tuesday, December 16, 2008

地球停轉日

千里迢迢去到 MegaBox 睇 IMAX,
六點正係公司走,
七點三先去到,
七點八開場,
不停轉車好隔涉又肚餓!
食咗土耳其雪糕再整多個燒賣芝士腸頂住先.

故事麻麻地,
話講環保又唔太深入,
外星人又唔外星人,
人情味又唔係特別濃厚,
最好笑係無拿拿 Keanu 同個中國人講咗一大段唔鹹唔淡的國語!!
(仲要十句之後就大家用番英文!!)
下次要睇巨幕版都係返翡翠明珠唔洗舟車勞頓.



地球停轉日 (巨幕版) (IIA)
103 分鐘
導演: 史葛大衛遜
演員: 珍妮花康納莉, 奇洛李維斯
由《22世紀殺人網絡》巨星奇洛李維斯,聯同《有你終生美麗》金像女星珍妮花康納莉 及《尋找快樂的故事》天才童星積頓史密夫施展渾身解數落力參演。此片改編自1951年勇奪「金球獎」的經典鉅獻,奇洛李維斯飾演一名與眾不同的外星人,他意外地闖進地球,一舉一動惹來政府高度注視,爆發連場不可收拾的動亂!這時候他結識了兩名地球人,並展開一段令觀眾感動無限的友誼和真愛。

Monday, December 15, 2008

陶藝班 4th class

終於完成啦!
我有三隻杯啦~
(相片後補... 林芍芍唔該得閒 msn 俾我, thanks~)

至於之後係第二同第三堂至起步的作品呢,
過咗聖誕再上去攪掂佢,
仲有兩隻~
老師實在超好人!

踏入三字頭:: The Lobby

上半部嬲死唔講,
下半部係我一早準備為踏入三字頭而晨早成個月預訂的晚餐.



半島酒店的維港遊餐宴,
五點九係半島坐部 60 年代開篷巴士到尖沙嘴天星碼頭,
再搭改裝了天星小輪遊維港,
船頭船尾都係露天嘅.
仲有 moet chandon 的香檳同一杯小食 (合桃同芝士洋蔥味薯片).
一邊飲香檳,
一邊睇兩岸燈飾,
天氣又好,
遊咗約 45 分鐘, 超 relax~

落船之後,
可以坐番巴士或者步行番到酒店大堂茶座,
嘆三道菜的晚餐,
一坐低有杯紅酒 / 白酒 / 果汁,
頭盤, 主菜同甜品都各有三款揀, 仲有餐後飲品.
可能好食物都應該係爽口, 彈牙, 煙韌,
好可惜有啲暈船浪加飲咗支香檳兼個口未好番,
無福消受...
仲好眼瞓, 哈哈~
但係其實成件事情都好掂架.



一坐低的飲品好有誠意,
除紅白酒,
果汁都有五六款的選擇.
餐前麵包好好食,
主要係法國包類,
個碟牛油簡直精華所在!
(我超鐘意食牛油的啦!)

前菜揀咗蘇格蘭煙三文魚沙律配黑醋汁.
黑醋汁好好味.
主菜選了唸住一定食到的魚!
紅鯛魚柳配蘭度豆, 煙肉及大蒜.
點知個魚係比較實肉, 又偏鹹,
食咗兩啖就放棄咗啦.
佢食燒牛肉配焗馬鈴薯及時菜,
佢話牛肉好得喎.
甜品我要了蘋果撻,
不過實在水準以下,
好奶粉味,
佢的莫卡雪糕蛋糕 ok 喎.
(地方太黑, 我影唔到食物相 :p)

做到出年 3 月 12 日,
成件事兩個人都係 $988 再加一,
普通西餐廳都要啦.
仲有兩張 $300 半島 spa 現金券,
邊個想試話我知.

半島酒店大堂茶座 The Lobby
地址 : 尖沙咀彌敦道19-21號半島酒店大堂
電話 : 2920 2888
類別 : 西餐廳

Friday, December 12, 2008

嬲到想殺人!!!

千祈唔好轉 eye phone!!
完全用唔到!!

事源係我阿媽屋企要加條傳真電話線,
無情白事個電話推銷叫我阿媽將我個電話轉 eye phone??
(關我個電話咩事?? 仲要最後係冇加到傳真線俾佢!!)
少優少惠欺騙佢老人家換咗,
但嗰個人根本不能解釋個電話又乜嘢唔同,
一味淨係講同我地用開的電話冇分別,
既然冇分別,
又便宜一點,
何樂而不為?
(我覺得自己好似雷曼苦主...
以為一樣又少少優惠....
點知完全被騙!!!!!)

雖然我到依家都唔多知呢個 eye phone 係乜東東,
不過安裝後我發現佢可以睇 now 新聞台, 聽 moov, 交 pps...
少量上網的功能啦,
即係王祖藍扮賓賓個廣告.
係網上的電話,
冇電話線咁囉.

上黎整的時候都已經麻麻煩煩,
我呢啲咁嘅宅女,
只係需要係睡房能夠同時上網兼講電話就可以啦.
個師傅同我講因為我個 modem 係電腦房,
我要再加個接收器係睡房先能夠接收,
咁再加多樣嘢的收費其實已經接近以前俾開的價錢!

咁都算~
更大穫的事情係後頭...
個電話極廢!
講唔夠一分鐘就斷線!!!
重覆試咗好多次都係咁!!!
打電話投訴佢話可能因為同時上網!!!
(吓?? 唔係可以同步架咩?? 佢之前唔係咁講架喎... 被騙....)

三日後,
事情仍然冇變,
不單止電話唔通,
仲要上唔到網!!!!
然後我就好忙啦:
1. 打電話去個推銷員度鬧爆, 我要換番以前的服務.
2. 打電話去電話部門, 要求支援
3. 打電話去寬頻部門, 要求支援

2 同 3 都係治標不治本,
但係都要整架.
我用咗最多時間係 1 的推銷部門,
搵個吳經理 (小姐).

我的要求其實好簡單,
只要轉換回原本的有線電話,
讓我能舒舒服服的在被窩內上網兼講電話.
吳經理: 不能夠, 因為閣下已簽下兩年合約.
我: 我只係轉回之前我所用的有線電話.
吳: 唔能夠駁回原本的有線電話.
我: 你的公司仍然有有線電話服務提供, 點解唔可以?
吳: (無言...) 因為閣下已簽下兩年合約.
我: 咁我繼續我的合約, 唔轉台, 原本個月費仲貴啦.
吳: 真係唔好意思, 真係唔可以.
我: 但係你的服務非常的不滿意, 我對你的新服務係零信心.
吳: 我地可以幫你維修, 仲免你一個月月費.
我: 你俾個用唔到的電話我, 免我月費又有咩用? 我都未叫你賠償我損失.
吳: 我好明白, 但係真係唔可以.
我: 總之我唔要你呢個唔用得的服務.
吳: 唔好意思...
我: 你呢啲乜嘢公司? 乜嘢服務? 欺騙人地轉用一啲唔用得的服務唔俾人轉?
吳: 你簽咗約...
我: 你之前夠話冇分別但係事實係好大分別! 你依家係迫我用人啲的唔滿意的服務. 我要換番同公司貴月費而你地仲存在的服務你同我講唔得??? 總之我唔要呢個廢物 eye phone!
(同樣的對答重覆 n 次... 我十個堅持!)
吳: 我再幫小姐你申請... 我再覆你啦...

我都唔知結果係點,
但係實在嬲爆!!!
不顧儀態係公司破口大罵!
你唔好因為賣一條 eye phone 等於賣三條普通電話線而迫我用呢啲用唔到的 so-called '電話線'!!
勁冇陰公.

Thursday, December 11, 2008

陶藝班 3rd class

第三堂係上色,
之前老師已經幫我地素燒咗一次變咗白色.
上色係將個素件成個快速浸落筒油度,
因為慢得滯同多得滯都會龜裂,
老師話乾咗再燒就完成啦.

當然可以繼續做番第一堂同第二堂的事宜,
好似永無止境咁....

即食麵

很久沒吃即食麵,
因為太多味精令人口渴.

最愛海鮮味出前一丁,
那些芝麻極香!
就算冇餸都好好食,
我偏好略淋的麵食.
另外辛辣麵也不錯,
麵質比較煙靱.
或者無聊一個人係屋企沖個海鮮味合味道杯麵都感覺悠遊.

恭喜! 恭喜!

恭喜你找到個陪伴一輩子的人.
(自己也無聊的被感動哭了 :p)
祝福你們白頭到老呢~
一定要幸福唷.



我是幸福的 梁靜茹
作詞:姚若龍
作曲:李正帆
編曲:王豫民

黃昏過後 暖暖的晚風中 在小公園裡頭 眼眶紅了
看老公公和老婆婆在散步著 把手牢牢握著
星星亮了 我覺得幸福就是這樣的

幾十年後 你也變老公公 我當你的柺杖 扶著你走
眼睛花了 你老花眼鏡就是我 把時間忘了 慢慢走
美麗風景 我為你轉播不讓你錯過

能和你牽手 我是幸福的 你就像溫柔又頑固的石頭
用心蓋了座 最美的城堡叫永久 圈住我
不管過再久也會幸福的 我們都走過了動搖的時候

愛已變成樹 就算是有風會平息的

被懂我的人愛著 我是幸福的 連沈默都能是交流
你總是能給我比我想的還要多 我愛你
不做你的公主 要做你的快樂

Tuesday, December 9, 2008

甚麼是愛?

愛是犧牲.
為你愛的人犧牲你現今所擁有的.
犧牲你的睡眠時間只為見你一面,
犧牲你的自尊換取另一半的笑容,
犧牲你的對狗的喜好只因對方有鼻敏感.
最大的犧牲莫過於放棄你從小到大從熟悉的環境走到一個陌生的國度生活.

曾經以為我也能這麼的浪漫,
曾經有選擇在前,
不過我沒有作出犧牲的選擇,
基於經濟因素, (藉口吧.)
也許當年並沒有那麼的深愛着一個人.
然後到了自己覺得可以犧牲的時候,
當時的另一半比我更早一步的作出犧牲而回來了.
到今天仍然心存感激.

看見人家雙雙對對的修成正果,
很感動呢.
到了這個年紀,
甚麼事情也感動一番 :p



我願意 王菲
曲:黃國倫 詞:姚謙 編曲:NATHAN WONG

思念是一種很玄的東西 
如影 隨行
無聲又無息出沒在心底 
轉眼 吞沒我在寂寞裡
我無力抗拒 特別在夜裡 哦......
想你到無法呼吸
恨不能立即 朝你狂奔去 大聲的告訴你 唔......

願意為你 我願意為你
我願意為你 忘記我姓名
就算多一秒 停留在你懷裡
失去世界也不可惜
我願意為你 我願意為你
我願意為你 被放逐天際
只要你真心 拿愛與我回應
什麼都願意 什麼都願意 為你

我什麼都願意 什麼都願意 為你

Monday, December 8, 2008

冇牙婆的第十一天

還是只能用單邊進食,
味如嚼臘,
因為想好快的咀嚼完畢之餘要小心食物不會走到另一邊.
好想享受美食呀,
你幾時好番呀?

不想長大

從未曾希望過長大.
還很享受那些學生餐, 學生優惠, 學生特賣.

轉眼間,
日子又過去啦,
就黎又老一年,
仲要轉個字頭,
想起都很難過.

不藥而癒



不藥而癒 郭靜
作詞:王雅君
作曲:王雅君
編曲:伍冠諺

等你等到了冬季 雪飄進了我眼裡
我試圖去尋找愛情 和我們之間的關係

套上了你的毛衣 心更加凍結成冰
如果我先放棄愛情 我的痛會不會變得不藥而癒

看傷心不能痊癒 我始終相信愛你的勇氣
明明說好是兩個人一起去的旅行 怎麼剩下我一個人欣賞孤寂
看傷心慢慢痊癒 我會好好地安慰我自己
寧願相信你 只是突然改變了決定 去了另一個美麗城市
也等著我入境

Saturday, December 6, 2008

買了書

吟遊詩人皮陀故事集 (中文版) by J.K. Rowling
Remember Me? by Sophie Kinsella
One Fifth Avenue by Candace Bushnell

Friday, December 5, 2008

阿拉麵館

麻辣鳳尾魚 (HK$45)
鳳尾魚依家好少地方有得食.
呢個係我小時候的至愛,
上海館子必食!
甜甜地又香口.
呢度整得好好食,
其實唔多麻辣,
鳳尾魚全部細細條,
好好味!

煙獅子頭湯窩麵 (HK$55)
麵館的麵當然水準不俗啦,
獅子頭也不錯.

咸肉百頁時菜 (HK$65)
百頁咬死人,
都唔淋!

阿拉湯飽 (HK$40 / 5只)
小籠飽做得好,
皮薄餡鮮,
一口一個.

香煎鮮肉餃 (HK$40 / 6只)
煎鮮肉餃很好,
面軟底脆.
但其實煎飽仲好,
不過要人多先得.

上海雙檔 (HK$60)
雙檔要得十五分鐘,
但又唔係太特別囉.
個湯淡而無味.

凍豆漿 (HK$16)
本來無問題,
咪一杯豆漿囉,
點個用個紫紅色的玻璃杯,
望落去成杯士多啤梨奶咁!

埋單三個人 HK$353.1, ok 啦.
鳳尾魚一定要食!

阿拉麵館
地址 : 銅鑼灣告士打道280號世貿中心3 樓311號舖
電話 : 2265-8188
類別 : 上海菜

Thursday, December 4, 2008

冇牙婆的第七天::續

牙醫話傷口好好,
不過仲要等多一個禮拜至可以用左邊食嘢!!
OMG!
每餐都唔係因為飽而停手,
係因為太攰而收口.
我真係好想大魚大肉呀.

Wednesday, December 3, 2008

冇牙婆的第七天

個口可以開大咗,
不過仍然只可以用另一邊食嘢,
又唔可以完全咬緊牙關,
好快個牙較就會好攰,
所以可以進食較軟身的食物都食唔得幾多.

都唔知係咪 '營' 住,
定係條線扯住,
個牙較成日都好似抽筋咁.

一陣覆診,
我想做返正常人,
依家好似痴脷筋咁.

Tuesday, December 2, 2008

森仔

新人物登場!
呢度都唔知乜嘢地方黎,
老中青,
一個比一個怪.

森仔係一個年青人,
態度輕佻.
好感度零.
不過河水不犯井水.

不幸的...我.

星期六的時候,
老闆老點我同佢一齊跟一個感覺流流地的 '大客',
流流地的原因係佢講嘢唔踏實好難令人相信,
好似兜個大圈講大話兼死撐.
由於佢對中環並不熟悉,
我叫佢準備不同的資訊.
當時係十二點,
仲有成個鐘頭先放工,
但係離開會議室之後佢竟然上網乜都唔做!!
即時覺得佢無藥可救.

到咗星期一,
約咗個客四點鐘睇樓,
佢唔熟中環,
一定要先到場視察,
無謂錯漏百出.

到咗十點半佢仲未返工,
好擔心,
我知佢一啲準備都冇.
打佢電話冇人聽.
老闆話十一點都未返就直接搵佢個客.

十一點,
終於搵到人,
森仔話佢返緊黎.
但係十二點三至見人.
係邊度返黎要成個鐘呢?

十二點九,
老闆虎視眈眈咗好耐想查問佢,
以下係佢地嘅對答:
老闆: 你今朝去咗邊?
森仔: 同個客睇樓.
老闆: 點解全公司冇人搵到你?
森仔: 電話壞咗.
老闆: 電話壞咗你都要打番黎報到.
森仔: 我唔記得咗公司電話.
老闆: 你個客睇邊度?
森仔: 尖沙咀星光行.
老闆: 你約咗個客幾點?
森仔: 九點半.
老闆: 你返九點, 你九點正應該返到公司. 你個客幾時約?
森仔: 星期日.
老闆: 咁你約到業主咩?
森仔: 約唔到, 所以淨係睇咗周圍環境.
老闆: 周圍環境點睇到十二點幾至返?
森仔: 同個客去咗茶餐廳.
老闆: 邊間茶餐廳?
森仔: 唔記得叫乜嘢名.
老闆: 係邊條街?
森仔: 樂道.
老闆: 真係好難令人相信囉, 我俾次機會你, 你由頭答多次. 你唔好再講大話啦.
森仔: 我明白係好多巧合. 不過我真嘅係真話.
邊有人有佢咁好戲!?

兩點鐘一齊出去行個圈,
我問森仔: ifc 最高幾樓?
森仔: 唔知.
我: 最高叫過幾多錢?
森仔: 唔知.
我: 有啲乜嘢大租客?
森仔: 唔知.
乜都唔知,
你準備過啲乜?
嘔十九幾襾血...

Sunday, November 30, 2008

冇牙婆的第五天

其實都已經好多了,
可以說可以笑,
係不能開大口食嘢,
所以仲係食粥囉,
同埋牛奶加穀物早餐 (淋晒嗰隻.)

面又冇咁腫,
仲可以行街添~
可以離開籠屋啦~

漲價了

大減價開始了!
我愛的鞋牌都減價了.
有七折,
但係同時我發現它們都漲價了??!

carla 由 3850 變到 4200,
varina ballerina 由 3500 漲到 3950,
那有減呢???

Saturday, November 29, 2008

H-Tea-O Tea Garden

很輕鬆的下午茶.
地點好, 梳化舒服,
很悠閒, 仲有棋捉.
約$65/位英式下午茶,
一件餅一壺茶.

茶冇研究,
不過茶具感覺優雅.

英式鬆餅(Scone)好家庭式,
配打發忌廉(clotted cream)和草苺果醬,
唔太甜都幾好.

另叫了蘋果金寶 (apple crumble) 配 custard cream,
好好味呀!
仲唔細件添.
不過有少少漏.

H-Tea-O Tea Garden
地址 : 銅鑼灣記利佐治街19號名店廊1樓F-9A舖
電話 : 2972 2111
類別 : 西式、西餐廳

冇牙婆的第四天

終於都係返咗工.
老闆同我講: 大個女架啦, 智慧齒都出埋啦.
我話: 四隻都出晒啦, 我老啦.

今日可以食多少少 - 薯蓉!
不過都係一件好悶蛋的食物
塊面只有少少腫,
不過仲係開唔大個口.

Friday, November 28, 2008

冇牙婆的第三天, 續

6.
原本阿哥係屋企,
結果我打咗半日牌.

7.
一凍就牙震的我,
有傷口仲牙震,
慘過死.

8.
原來唔覺意就瘦咗五磅,
但係我很懷念九大簋.

9.
其實可以繼續放假,
但係屋企又好悶,
咁應該點好呢?

冇牙婆的第三天

1.
我覺得自己好似乞丐,
每人有慈善團體送我粥水,
洞穴人一樣的收埋自己,
凍得滯又要長期匿埋係被蝸裡面.

2.
好悶呀.........
睇緊金裝四大才子.
五十二集有排睇.

3.
塊面變咗平面方角,
不過一啲都唔痛,
可以開口講嘢啦.

4.
明明已經食咗兩日粥水,
點解個肚腩仲係咁大?
餓得滯唔會燃燒脂肪咩?

5.
一定係受到咀咒,
次次都係放假至有嘢做,
仲要簽單!

Thursday, November 27, 2008

冇牙婆的第二天

天氣太冷,
躲在被蝸一整天,
悶悶不樂.

看著 youku,
完成第十一季的 ANTM,
無聊的康熙來了,
新寵 Stylista.

幾時消腫?
我好想同兄弟們出街.
好想講嘢.
好想笑.
好想食 monster burger,
好想食 mcdondon 蝦包,
好想食 pizza,
好想食嘢....
係食! 唔係飲!

依家先至第二日,
救命.

死得. 得咗!

係, 我係好想放假.
係, 我成日都好眼瞓.
係, 我想減肥.

但係,
依家唔駛返工放假成日有得瞓.
冇得出街悶死啦.
淨係食粥水餓死.

冇牙婆的一天

殿堂級醫生果然比較好,
當然價錢也不相宜.
不過我平時睇開嗰個介紹話我係親朋好友唔係客仔,
所以俾咗半價!! (但係半價都好赤...)

個口冇好痛,
唔食藥都頂得順.
冇流血不止的吸血彊屍,
少少腫好似鴿子蛋咁.

不過同樣的不能說不能笑不能吃.
少量凍的粥水只足夠我係室內活動,
長期都好攰.

好彩最後一隻啦,
可以收山啦.

Wednesday, November 26, 2008

脫了

11 點的約會,
等咗半個鐘,
牙醫見到我解釋一輪:
你的智慧齒太近神經線,
可能會影響下唇感覺,
一日唔定, 一個月唔定, 幾年唔定, 不過唔會永久.
bla bla bla....

然後打麻醉針,
再等,
要等到半個嘴都完全冇知覺.
又等咗大半個鐘,
個醫生冇聲冇影,
原本唔驚都變驚再變番唔驚.
我一個人坐係張床度好悶,
所以不停 sms.

到事情準備開始的時候,
姑娘第一件事就係用口罩封住我對眼,
再做張得一個洞的膠布蓋住我塊面!!!
所以乜都睇唔到...
但係淨係聽聲仲恐怖...
好彩我唔驚.

四十分鐘左右,
醫生話完成啦,
隻牙好大好難剝.
但係我一啲都唔知 :p
之後洗傷口, 縫針,
姑娘揭開張膠布,
我終於都復活啦~

再等差唔多成個鐘至俾錢,
等等等.....
兩點幾先走得...
好想走呀!!
地鐵又好似開得特別慢咁,
第一次覺得中環離屋企咁遠.

結婚公仔



呢對咁騎呢的公仔,
我揀架!
呵呵~~
男的短褲,
女的圍裙, 我仲加條珠鍊俾佢!
呵呵~~
好街坊~

Monday, November 24, 2008

婚事

溫馨提示:
花.
1. 除非你的結婚花束是在上午提取, 否則不要選擇繡球花, 早一天提取留到第二天的話真的很殘花敗柳.
2. 秋天可以選擇牡丹, 那種漸變色很漂亮, 因為它是很大的一球, 假如表面的花瓣乾涸了, 只要剥去那些燶了的花瓣就好, 它仍然是大大的一球, 常保新鮮.
3. 在花墟最大的那一間訂購, 服務好, 花又靚, 絲帶跟扣針也做得好, 價格也還可以.

婚紗.
1. 在內地選擇跟在金都看到的沒兩樣, 價錢差得多, 還可以租七日.
2. 東門有很多配飾, 超便宜.

晚宴.
1. 食物還是酒樓的好.
2. 灣仔龍皇在酒店內, 地方體面, 食物更是好得沒話說, 我們剛好碰上特價酒席, 很相宜! (雖然那個訂座的小姐怪怪的.)

化妝.
1. 如果是夏天 / 你一定會喊的話, 化妝師還是跟足全程比較好, 溶妝影相真的很狼狽.

陶藝班 2nd class

進入第二堂的陶藝班,
先找回上一堂的 '傑作',
已經成個星期的時間,
但是放在塑膠袋內的陶胚還未完全的乾透.

今次要做的事情係修正,
打磨原本的陶胚.
先要磨平低部,
磨得太多會穿底成為花盆.
再修圓角,
然後修到整個陶胚的厚薄一致,
厚薄不均會令燒出的陶瓷有裂痕.

比較喜歡這堂打磨的過程,
要破壞才能建設更美好的將來.
我是有破壞冇建設的代表!

修正所用的時間不多,
假設第一堂所做的只有藝術品就更沒事幹.
所以之後又由第一堂的泥水做起....

落堂後去到專程搭的士到西環德記食潮菜,
將近打烊的關係,
大部份的食品都售罄了,
很是掃興.

慢慢黎

日日都出街,
寫的時間相對地少,
發生的事情又何其多....

第二堂陶瓷班啦,
祖戀明歌音樂會啦,
婚事記趣啦,
工作啦.....

Sunday, November 23, 2008

禮成

終於都賣走咗阿哥啦!
今朝晨早六點半起身,
攰死我!

今朝到依家都只不過食咗兩三件點心,
簡直超人!
笑容維持一整天,
又要確保流程順利,
各人也被招呼到,
作為統籌 / 導演 / 指揮 / 公關 / 佈置,
十級累.

Thursday, November 20, 2008

你好不好



你好不好 張惠妹

你什麼都沒說 只是牽著我的手
那一秒鐘 遠勝過一句愛我
你手中的溫柔 還在我心裡逗留
愛情卻已變成停格的鏡頭 感覺少了些什麼

你好不好 當你開口對我這麼說 我就懂了你做的選擇
愛若讓你變得不快樂 我寧願還給你自由
也許我應該保持沈默 留給彼此一個再見的理由
但在你轉身後 眼淚卻不停流

我並不是懦弱 害怕面對獨自生活
只是你的影子總跟著我走 讓我的心不自由

你好不好 當你開口對我這麼說 我就懂了你做的選擇
愛若讓你變得不快樂 我寧願還給你自由
也許我應該保持沈默 留給彼此一個再見的理由
但在你轉身後 眼淚卻不停流

我想我已學會了 和寂寞做朋友
只是我想起你 心仍有一道傷口 隱隱作痛

你好不好 當你開口對我這麼說 我就懂了你做的選擇
愛若讓你變得不快樂 我寧願還給你自由
也許我應該保持沈默 留給彼此一個再見的理由
但在你轉身後 眼淚卻不停流

十兄弟大團圓

自從中五畢業後,
我們也沒有試過全體人齊的坐埋一枱吃飯.
當然現在還有大小陳生.

以前我去讀書,
之後 ling 去迪迪尼,
swan 去澳洲,
出黎做嘢大家又以為大家好忙.

笑聲依舊,
嘈吵依舊,
無聊依舊.
雞啄唔斷的晚上.
不過下一次都唔知等到幾時?

Tuesday, November 18, 2008

ipsa 護膚療程

ipsa 四十五分鐘護膚療程,
本身其實冇乜特別.
先用電腦分析皮膚質素,
用全線 ipsa 產品加面部按摩,
當然做完之後面部也是很有光采的,
不過唔會有修眉針清拔唇毛的服務.
特別在 HK$400 可以全數換回產品,
如果有用開佢嘅產品其實等於送咗個護膚療程俾你.

今日買咗 water massage (HK$310) 同 refiner skin clear-ize clay (HK$290),
買嘢就送 The Time Reset 試用裝四包啦,
每日頭十個客又送 water massage 十日試用裝,
滿 HK$600 又送 30ml On the Peak Lotion Serum 同另一個 On the Peak 四十五分鐘護膚療程 (三個月內有效)!! (HK$400 都有嘢送架~)
好似提早過聖誕咁吖!

深水=蛇

近排有冇睇寬頻廣告?
小時候對深水的印象就是那些蛇~~~
在電腦商場前的馬路交界,
總是一班人圍觀蛇王.
蛇王殺蛇去膽剝皮,
啲人仲要將個蛇膽放落杯酒度飲咗佢,
好嚇人!!

總懷疑這是否真有發生過?
日子太久遠了.
這樣的奇觀已不復見了!!

Monday, November 17, 2008

陶藝班

無聊學習拉坯班,
不過估佢唔到又幾好玩!

先教推泥,
推走泥入面的空氣,
因為有空氣會令陶瓷有裂痕.
好似做麵包推粉團咁.
(雖然我未做過麵包 :P)
然後去 '人鬼情未了' 個轉盤度,
(轉盤仲係棍波同衣車腳踏, 可以選擇段速.)
黏實舊泥落個盤度,
將舊泥變成小山丘,
平頂, 中間開孔,
再推高,
推高的技巧比較難,
一不小心, 不成杯便成碟,
更可怕的變煙灰缸或者藝術品!
然後修頂同介底.

第一堂拉坯,
第二堂加工裝飾,
第三堂上色,
第四堂唔記得做乜啦... (林芍芍你提我啦...)

一人三次機會,
有三個製成品攞番屋企!
成功失敗就睇天份啦~

導師好有心機,
仕整唔嬲,
地方整潔悠閒.
相當有趣的課堂!
----------------------------------------------------
課程簡介
學習另一種製陶技巧,利用電動轉盤,拉坯成形,製作各種器皿,加上造形、裝飾、施釉等技巧,創作可用於日常生活的器具或裝飾用的藝術擺設。

上課時間
學費(包括材料費)
HK$800
以四星期計 每星期一堂
每堂2小時30分

上課時間:
星期四、五晚上七時
星期二、四、六上午十時

鯉魚門

原本阿哥的結婚晚宴選址鯉魚門,
所以尋晚一行六人就去咗鯉魚門想搵間個樣體面啲的舖頭.

非常失望.
今非昔比.
六點去到七點半走,
都係得三張中枱客!
好冷清.

叫咗星班, 九節蝦, 奄仔蟹, 瀨尿蝦, 鮑魚仔, 芥蘭, 炒飯.
埋單千八.
但係流浮山真係好好多.

當去行吓香港景點啦,
都好幾年冇去啦,
當然我有買鯉魚門手信: 炒合桃啦~

Monster Burger

Monster Burger 開咗一段日子,
成日都人頭湧湧的,
所以平日的午餐都唔想浪費時間等待快餐.
(快餐梗係要快啦! 仲等!)
星期六就好啦,
完全唔使等.

即叫即整,
等候時間比較長,
冇人都要等五分鐘.

我食咗魚柳包,
一個餐有薯條, 汽水,
HK$5X 囉,
平過 Triple O 先啦.

魚柳包超正,
唔會好似老麥的'淋芝芝'.
個汁又好味道.
生菜蕃茄洋蔥圈,
樣樣新鮮!

薯條係粗薯條,
外脆內軟.

評價係一定會再食!

Monster Burger
地址 : 金鐘夏愨道16號遠東金融中心閣樓
類別 : 漢堡包

我們的約定 (信口開河篇)

每次見面我們總誇下海口作出一些奇怪的承諾,
奇怪在於我們總愛討論各人婚宴上的演出!!!
雖然大家都未有設宴的意慾!

遠期的有為 ling 而設的廣東話版 '今年夏天' 歌舞表演,
新近討論的有現場即興管弦敲擊樂義演:
貝貝的 cello,
仙地的沙鎚,
iris 的拍板,
我的搖鼓,
加上沒有預算練習的自由發揮大合奏,
邊個結婚就真係自求多福啦!
ling, 你會唔會預算吹牧童笛?

Sunday, November 16, 2008

盛記

這是在陶藝班後的晚飯.
(陶藝班容後再談.)
十點幾的中環.
街邊大排檔,
夜媽媽涼涼地人少少就冇問題.

叫咗啲煎炒煮炸嘢,
大排檔的食品選擇總是要很強勁鑊氣.

椒鹽鮮魷
係冇炸粻面的鮮魷,
不過鮮魷比較細隻同少,
但個椒鹽都唔錯.

生炒骨
強勢推介,
我平時生炒骨一件起兩件止,
呢個肉脆汁香,
十個讚!
係我食過最好食的生炒骨之一!

蕃茄紅衫魚
家庭風味,
不過我鐘意阿媽嗰隻多湯啲的比較好.

腊味芥蘭
普通啦.

豉汁炒蜆
幾好,
蜆都鮮甜.

蒜蓉炒西洋菜
炒菜一碟.

煎釀三寶
係茄子, 青椒同尖椒,
都唔錯.

樣樣都細細碟,
似一人份再加個白飯的套餐份量.
五個人食七個餸剛剛飽,
一人都只不過係 HK$50.
可以一試的風味餐.

盛記
地址 : 中環士丹利街9-10號舖
電話 : 2541 5678
類別 : 大排檔

Friday, November 14, 2008

家家有本難念的經

每個人也有苦惱,
形形式式,
不論年紀, 國藉, 身材, 背景.
一個人能背上多少?

射手座終極分析

iris, 我又 copy, kakaka
很正! (正確的正.)
-----------------------------------------
射手座終極分析
樂觀與憂愁:
射手座人的內心不是外表看上去那麼樂觀的,因為喜歡看的遠,容易擔憂的事情也就多,在他們的字典裡,即使現在好,也不一定代表未來好,有時候很多人覺得很好的一個工作或一個伴侶,他們很輕易的就會放棄掉,可能只是因為一個毫不起眼的小原因。所以,這樣的外在表現,就讓人們覺得他們不喜歡被某件事情或某個人束縛住,追求自由的,沒有壓力的感覺。

現實:
常說射手座是追求夢想的人,但往往忽略了他們現實的一面,算計起來不會比處女座差哦,只是更高明更隱藏罷了。射手座人的夢想是必須建立在現實的基礎上的,一般他們很少談及自己的夢想,而是實際的去做一些向夢想靠攏的事情。如果可以借巧力完成的事情,決不會多花一點工夫。所以有時候射手座也容易給人耍小聰明的感覺。可是,不得不承認他們完成的還滿不錯。也許終其一生,他們都在考慮怎麼巧妙的做一些事情,花最少的精力去達到最好的效果。所以,很多射手座看上去讓人們會覺得很懶,但是其實他們的大腦可沒有停下過思考現實的事情。

拒絕低俗:
幾乎所有的射手座內心都是驕傲的,其程度絕不亞於獅子座。只不過他們不會顯現在臉上,外在的表現總是隨和的,恰當的。可是內在有著極強的自尊心,敏感也情緒化。因為射手座人心中是驕傲的,所以他們拒絕低俗,不喜歡任何俗氣的、粗魯的事或人。如果可以,他們希望一切有關的事物,都是優雅的、高尚的,值得品味的。而真正能讓他們覺得值得交朋友或談戀愛的人是很少的,雖然表面上他們是很隨和的。

多情:
很多人說射手座多情,尤其是男性。其實在射手座人的心目中,對於愛情確實有理想化的傾向,和他們談戀愛,是一件高難度的事情。他們非常討厭俗氣的人,所以你不能很物質或喜歡談錢,但是他們又很現實,所以你不能一文不名,各方面也必須有一定的實力。物質與精神,你必須平衡的剛剛好,才讓他們覺得你值得去愛。或者,你有足夠的神秘感,可以讓他們不知道你的缺點在哪裡,而盲目的愛你。一般,當然是沒有完美無缺的人的,所以,可能像金牛座這樣永遠會讓射手感覺捉摸不透的悶悶的人,會非常吸引他們;或者象雙子那樣,足夠機智,懂得察言觀色,捕捉他們的情緒,才會讓他們感覺到愛情的甜蜜。一般射手的感情模式是,第一階段,你們還不熟悉,他(她)愛上了你,非常熱情。第二階段,你們逐漸熟悉,而他(她)開始龜毛,整天挑剔你的毛病,無論是背地裡還是當面。如果你有幸通過他(她)的挑剔過程,基本挑剔出的毛病為零或者你把缺點保密的非常好;那麼進入第三階段,他們就又是忠誠和熱情的愛人了。但是基本能通過第二階段的人非常少,所以有了射手多情一說。其實射手對戀人的挑剔,是源於對愛情的挑剔,對喪失自由感的恐懼。

射手座人的人生,往往是幸運的,因為他們是聰慧的、明朗的、通透的。與眾不同,也許是他們終生追求的夢想,希望每一個射手人,可以找到他們的夢想!

人人都說射手座是感情的騙子,對愛情不尊重,只追求片刻的快感,是花心與沖滿慾望的象徵。朋友們…你們瞭解射手座最真實的一面嗎?
  
射手座是大孩子,天真與善良,遇到愛情時,可能讓人感覺不認真,付出的比誰都少。可是,知道嗎?射手座很想愛,卻也很怕愛!剛開始他們只是慢慢的付出,謹慎的愛,好怕自己會受傷。可是在一句一句的愛,一天一天的相處下,射手座把帶刺的防備丟掉,開始不顧一切的去愛他們所愛的人,在別人眼中,只是射手座為了達到某種目的而作的行動。可射手座不介意,他會在自己幸福的想像中陶醉,希望對方能感受自己的愛,想對方覺得與自己一齊是幸福的。

在射手座愛上了一個人,他會把自己放到最後。有苦自己承擔,可能會因為吵了一場小架而不開心,卻也是最快認錯,無論誰的錯,他們都會包容,知道嗎?射手座會因為深愛一個人而原諒他的背叛,會因為你的一句話付出很多。他們愛玩,在玩的同時,也希望把那一份好心情帶給你,射手座是樂觀的。
 
人們總覺得射手座的世界很快樂,可是呢?射手座難過時沒有人知道,他不想讓別人可憐自己,射手座不堅強,可是很善良。在你難過時哄你開心,讓你有依靠,分手後,他會哭者去想屬於你們倆幸福的回憶,也不想愛的人因為同情而勉強和他一齊。他比誰都希望自己愛的人快樂幸福,卻常常忽略了自己,全身都是傷也笑著告訴你,我很好不用擔心
 
在所有人看到他的笑容以為他沒事,卻不知道失戀對射手座有多大傷害,華麗的外表下有一顆脆弱的需要別人瞭解和安慰的心。知道嘛?你的一點關心,心思細膩的射手座會記得你對他的好,把自己的愛毫無保留的送給你,射手座是不被瞭解的,可他們不會怨誰。他們會傻傻的認為,讓我承擔吧,別讓別人也受到傷害。所以,不要讓快樂的射手座痛苦,別讓他們最有魅力的笑容成為掩飾痛苦的偽裝,認真愛射手座。你會知道射手座的愛,是充滿淚水的…

Reference:
http://diary.blog.yam.com/visualpunk/article/5982857

Thursday, November 13, 2008

通天曉

在家人的心目中的我應該係通天曉,
朋友多, 見多識廣, 無所不能!
如果唔係點解乜都關我事?
其實我只不過係宅女一名.

誤會

愛找出別人的語誤,
無論懶音, 謬誤, 曲解.
最怕人不求甚解或自以為是.
誤會因此而起.

想哭



想哭
主唱:陳奕迅
作詞:林夕
作曲:徐偉賢

想約在一個適合聊天的下午 分開很多年滿以為沒有包袱
我還打算回顧我們為何結束 還想問你是不是一個人住

當你的笑容給我禮貌的招呼 當我想訴說這些年來的感觸
你卻點了滿桌我最愛的食物 介紹我看一本天文學的書

我想哭 不敢哭 難道這種相處 不像我們夢寐以求的幸福
走下去 這一步 是寬容還是痛苦
我想哭 怎麼哭 完成愛情旅途 談天說地是最理想的出路
談音樂 談時事 不說愛 若無其事原來是最狠的包袱

當我想坦白我們的樂多於苦 你說水星它沒有衛星好孤獨
我才明白時間較分手還殘酷
老朋友了再沒資格不滿足

頭大

沉寂了的事情原來暗潮處處,
懷念那段風平浪靜的日子.

看見他們的信,
接到他們的來電,
都讓我煩死了.

一刀切是否真的切除了煩惱?
裝作沒事人不可能嗎?
我也是個人呢.

Wednesday, November 12, 2008

獨居老人

患上老人痴呆症,
突然心血來潮的要找某件外套,
結果找來三件外套加手袋再加大量麥當當玩意,
都是已經忘記了它們曾經存在的東東.

間屋又唔係大,
東一點西一點,
何以每個角落都有衣飾呢?

一口氣丟掉十雙鞋,
好像出了一口烏氣!

Monday, November 10, 2008

土司工坊

跟娘到尖沙咀購買 '飲衫',
因利成便,
試咗我想食好耐但係冇拿拿又唔會過海的土司工坊.
估計係一間好啱的麵包人的地方.

一個麵包套餐 HK$26
有唔同款式的多士,
加半熟蛋或者煎蛋 (兩隻),
同一杯飲品.

要了傳統土司餐跟鬆軟麵包餐,
傳統土司是牛油咖椰,
鬆軟麵包是潮州辣蝦米.
蛋就每樣一份.
飲品加三蚊要熱的薏米水.

成件事係好可惜.
意念很好,
環境很好,
就在麵包爐的隔鄰,
食物理應都很好.

可是土司是冷的唷!!!
冷掉的土司真的不要得.
實在枉稱土司工坊!!!
咖椰沒有很椰,
味道很淡,
是選材不好,
咖椰可是便宜的東西啦!
鬆軟麵包是餐包仔,
潮州辣蝦米好似 xo 醬,
特別一點,
不過餐包本身是甜的,
跟 xo 醬不大搭配.

半熟蛋是剛熟的滑蛋,
蘇絲黃曾示範滾水熟是如何的困難,
不過我唔多識欣賞,
用作點土司也是怪怪的.
煎雙蛋像麥當當的圓形煎蛋.

薏米水就唔錯,
唔會太甜,
而且好大杯!

行街行到攰 tea 一 tea 都唔錯嘅,
但係下次會試吓喇沙,
見到好似都好多人食,
又唔係太大碗.

土司工坊
地址: 尖沙咀廣東道30號新港中心地下G18號鋪
電話: 2111 1842

Sunday, November 9, 2008

冬天來了

愛冬天的大褸,
因為包裹全身,
看不到肥或瘦.

不愛冬天的天氣,
太冷令血液循環差,
黑眼圈都大啲.
天氣乾燥,
更不用說,
那個脫皮的唇也回來了.

上年看皮膚科醫生說是皮膚敏感,
今年買了 organic 的 yes to carrot 潤唇膏,
脫皮的狀況好像好多了,
不過持久力低,
每兩個鐘頭就要補一次.

Friday, November 7, 2008

天生我狂

在看 '畢打自己人'.
今集主題是購物狂.
很有共鳴.

衣物兄弟姊妹的心連心:
頸飾八折, 要買!
要襯件新的上衣, 買!
再襯條正確剪裁的褲子, 買!
要配對靚鞋, 買!
加埋個手袋就完美啦, 買!
最後其實屋企係有齊紅橙黃綠青藍紫金銀啡灰黑白的衣飾,
同款唔同色,
同色唔同款.
有的穿過一次,
有的還在包裝紙內.
(直頭係我的故事!)

劇情叫人每次購物前問自己三個問題:
1. 你係咪好需要?
2. 你係咪日日用?
3. 你係咪有多餘錢?

我的答案係:
1. 大部份的物品都唔需要, 但係好需要購物的過程.
2. 屋企張床, 電視, 電腦, 梳化就日日用, 咁可唔可以買新呢?
3. 冇欠咭數係咪就可以買嘅呢?
-------------------------------------------
劇情介紹
殷賞與員工到「好玩吧」消遣,大德說出歌壇往事,聽得眾人津津樂道,高興之際更揚言《潮》員工可以八折的優惠到「好玩吧」消遣,殷賞面色一沉,藉詞把大德拉開,提醒親友一律九折的規條。兩人爭執之際,殷賞為助酒吧客人買魚蛋離去。

殷賞告知大德,在買魚蛋的途中,看到一直心儀的頸鏈減價發售,竟在買下了心頭好後再買一系列的衣物配襯,在旁的繼好中斷兩人的對話,並帶領兩人進殷賞的房間揭發殷賞買的衣物、手袋經常是同款同色數件之多。殷賞向大德提出以三天共花一百元為上限,否則讓大德換掉「好玩吧」的音響。

國仁接載殷賞上班時壞車,檢查過後,國仁發現殷賞已下車,並與一闊太在店內爭先買一限量版手袋。國仁為減低殷賞的購物慾,使計令她無法準時下班。

法國名牌旗艦店開幕,邀請閆器派員到現場採訪,殷賞拒絕,國仁卻希望殷賞可以戰勝心魔遂代為答應。殷賞回家的時候,雙手空空如也;國仁深感安慰之際,門鐘響起,是送貨員找殷賞簽收一整套冬季皮具………

智慧齒

最害怕的事務終於都發生了.
今日去洗牙的時候,
醫生說智慧齒前(尾二)的牙齒一角缺了口,
懷疑受智慧齒影響.
問我智慧齒脫了沒有.
我說還有一只.

醫生給我照個 X光片.
不出所料,
左下的智慧齒還在.
(下面的是比上面的痛苦多啦.)
是正正的九十度橫躺着,
而大小是一般大牙的兩倍,
牙腳又比正常的長. (是特大的唷!!!)
還有它是剛剛躺在神輕線上!
一定要剝喇.
但係連那個經驗老到的醫生也要轉介的到專科去!!
(專科! OMG. 退稅沒有了.)
剝下排的智慧齒實在係滿清十大酷刑.
(唔知生仔痛啲定剝牙痛啲呢??)
唸到都想喊...

可以公告的是:
今個月尾的有七日假,
會留在家中痛死去.
月尾的活動唔駛預我.
唔該大家有啲睇完的書俾幾本我打發時間.
或者應該重溫哈米波波...
成個禮拜都冇啖好食,
希望可以瘦十磅!
同埋塊面可以瘦少少囉.

copy: 豬和偉哥引發的金融危機(搞笑經濟學)

一男趕集賣豬,天黑遇雨,二十頭豬未賣成,到一農家借宿。
少婦說:家裏只一人不便。
男:求你了大妹子,給豬一頭。
女:好吧,但家只有一床。
男:我也到床上睡,再給豬一頭。
女:同意。
半夜男與女商量,我到你上面睡,女不肯。
男:給豬兩頭。
女允, 要求上去不能動。少頃,男忍不住,央求動一下,女不肯。
男:動一下給豬兩頭。
女同意。 男動了八次停下,女問為何不動?男說豬沒了。
女小聲說:要不我給你豬……
天亮後,男吹著口哨趕30 頭(含少婦家的 10 頭)豬趕集去了……

哈佛導師評論:要發現用戶潛在需求,前期必須引導,培養用戶需求,因此女生的投入是符合發展規律的。
-------------------------------
另一男得知此事,決意如法炮製,遂趕集賣豬,天黑遇雨,二十頭豬未賣成,到一農家借宿。
少婦說:家裏只一人不便。
男:求你了大妹子,給豬一頭
女:好吧,但家只有一床。
男:我也到床上睡,再給豬一頭。
女:同意。 半夜男商女,我到你上面睡,女不肯。男:給豬兩頭。 女允,要求上去不能動。
少頃,男忍不住,央求動一下,女不肯。
男:動一下給豬兩頭。女同意。 男動了七次停下,女問為何不動?男說:完事了∼∼∼
女:......
天亮後,男低著頭趕2 頭豬趕集去了......

哈佛導師評論:要結合企業自身規模進行謹慎投資,謹防資金鏈斷裂問題。
---------------------------------
又一男得知此事,決意如法炮製兼吸取教訓,遂先用一頭豬去換一粒偉哥,事必,天亮後,男吹著口哨趕38 頭(含少婦家的 18 頭)豬趕集去了……

哈佛導師評論:企業如果獲得金融資本的幫助,自身經營能力將得到倍增。
---------------------------------
知道此法男多,偉哥供不應求,逐漸要2 頭,3 頭豬換一粒偉哥。

哈佛導師評論:這就是通貨膨脹。
---------------------------------
當豬價格漲到 16 頭一粒的時候,哈佛導師評論:該男已經進入邊際成本,除了擁有對自身能力的自信和未來良好願望以外,實際現豬流已經=零。
---------------------------------
但換豬男越來越多,賣偉哥的決定,擴展生?能力,推出一種次級偉哥,如果你缺一頭豬,只要你承諾可以到該女房中一夜,就可以先借,事成後補交豬款,
這個方法大大促進了偉哥銷售。

哈佛導師評論:這就是貸款,讓企業可以根據未來的收益選擇借支流動資金。
---------------------------------
偉哥專賣店後來在即使你一頭豬都沒有,只要你承諾可以到該女房中一夜,就可以先借,事成後補交豬款。

哈佛導師評論:這就是金融創新,讓現在的人花未來的錢,反正等你老了未來的錢你也花不動。
---------------------------------
消息一出,換豬男越來越多,有人找偉哥專賣店,這個項目太好了,我們把它變成優質基金,對外銷售債券,你們也就可以分享我的收益,如何?結果偉哥專
賣店覺得甚好,于是該公司把換豬男分三類,一類是拿現豬換的,一類是一部分現豬貸的,一類是完全沒有現豬借的,發行三種債券。大家踴躍而上,紛紛購
買偉哥專賣店的債券。偉哥專賣店生意太好,就把債券銷售外包給另外一家公司運作,該公司也一?大發其財,公司越做越大,甚至可以脫離實際偉哥銷售情
況來發行,給自己和偉哥專賣店帶來巨大的現金收益。

哈佛導師評論:這就是專業的人做專業的事,從實體經營到資本運作,經濟進入了更高的層次。
---------------------------------
為了防止自己債券未來有損失,該公司決定給它買上保險,這樣債券銷售就更容易,因?一旦債券出現問題,還可以獲得保險公司的賠付。哇,債券公司銷售
這下子太好了,保險公司也獲得巨大平白無故的保險收入。

哈佛導師評論:這就是風險對沖,策略聯盟,提高了企業的抗風險能力,也保護了消費者利益。
---------------------------------
換豬男太多,排長隊等待,該女無法承受,說老娘不幹了,我搬家,一時間有無數擁有偉哥的欠豬男。

哈佛導師評論:這是個別現象,屬于市場的正常波動,不會影響整個經濟。
---------------------------------
結果該女遲遲不肯搬回。一部分欠豬男沒有收入,只好賴帳,結果大量債券到期無法換現豬吃,債券公司一看,一粒偉哥 16頭豬,這哪裏還得起,宣布倒閉。

哈佛導師評論:這是次貸危機,不會影響整個金融行業。
---------------------------------
哪裏曉得債券公司還把債券上了保險,保險公司一看,這哪裏賠得起,于是也宣布要倒閉。

哈佛導師評論:這是金融危機,還不會影響整個實體經濟。

花膠翅

某一晚係北角收工,
突發其想以碗仔翅作晚餐.

HK$21 二人份雪藏外賣翅,
加多一蚊就多一份彷翅.
二人份有兩大碗,
絕無欺場,
番屋企煮番熱就得啦.

超多料,
彷翅又似真翅,
亦有木耳絲、肉絲、冬菇絲等,
味道又唔錯,
超抵~

花膠翅
地址 : 北角琴行街8號
類別 : 港式

Thursday, November 6, 2008

日月如梭

轉眼又到星期四,
仲係一事無成.

Wednesday, November 5, 2008

恐懼鬥室5 人面獸心

悶爆! 極差!
剪番上一集的事情,
加插一段不知所以的殺人片段,
好似劇情片解釋點解好人會幫壞人.
買vcd 都覺得徙錢!

官方簡介
恐懼鬥室5 人面獸心緊接「拼圖殺人狂」(托賓貝爾 飾)死後,女助手亦遭警方捕殺,血腥傳奇卻並未告終!
一直負責此案的警官荷夫曼(哥斯達斯文迪拿 飾),是曾與「拼圖殺人狂」接觸的唯一生還者,他將會是破解疑團的唯一線索;抑或是延續「拼圖殺人狂」瘋狂理想,以虐殺教化世人的接班人…
導演 : 大衛哈克
演員 : 托賓貝爾
片長 : 93 分鐘
級數 : III
語言 : 英語 (中文字幕)

Tuesday, November 4, 2008

芽莊越式料理

食咗成個月都寫唔完 :p
生蝦卷 HK$42
好大個卷!
四大口都食唔晒,
啲米粉走晒出黎,
極冇儀態.

蕃茄蟹肉湯檬 HK$45
一般.

越式炒雜菜 HK$58
似炆多過似炒,
雜菜係蘿蔔, 木耳, 腐皮!!

越式香露雞 HK$78
我覺得有半隻雞,
好大煲.
(但係隔咗太耐都唔記得咗咩嘢味...)

椰青 HK$26
凍青檸茶 HK$23

HK$299
全部食品都好大碟!
叫兩碟小食都夠啦 :P

芽莊越式料理
地址 : 灣仔皇后大道東213號胡忠大廈2樓2號鋪
電話 : 2891 1177
類別 : 越南菜

Sunday, November 2, 2008

Wedding Planner

一個人處理咗阿哥的婚禮,
由選禮服到婚照到花球到花車佈置...
好似自己嫁咗一次咁.
可以轉行啦.

Friday, October 31, 2008

半天假

忙咗成個月,
需要休息一吓,
身心皆疲.

係屋企做咗個瑜伽,
食咗穀物早餐,
睇張敬軒演唱會,
清咗部落格段段寫咗一半的文字,
慢吞吞的....
深層休息!

聽日又要由頭開始啦!

魚翅城酒家

因為有五百蚊贈卷,
益咗我有翅食.

148 翅 (HK$148/位)
可選紅燒或雞湯,
仲係堂煮.
我要咗雞湯,
一大排翅,
不過冇乜特別,
就係一碗翅囉.

帶子瑤柱炒蛋白
蛋白好嫩滑,
不過淡咗少少.

芥末脆蝦
薄薄脆粻的炸蝦,
加日式芥末汁,
好好味呀~

蟹粉小籠包 (HK$78/兩隻)
太大隻!
一啖食唔晒,
所以流晒啲汁好狼狽.

杏汁撞蛋白 (HK$38/位)
略甜,
堂煮嘅特色係咩呢?

扣咗贈卷,
俾咗 HK$217.
好似好抵,
但係又唔會令到我俾十足黎食多次,
差唔多價錢的選擇又多的是.

魚翅城酒家
地址 : 尖沙咀彌敦道132號美麗華商場4樓D號舖
電話 : 3586 1328
類別 : 酒樓

回水!

我有退稅!
我有退稅!
我有退稅!
我有退稅!
我有退稅!
寒冬過得舒服一點.
(但係又好想買兩對鞋囉...)

洛杉磯愛樂樂團音樂會

真係唔識欣賞,
可能細個上音樂堂唔多留心.
全場坐立不安,
屏息靜氣,
真係好怕要靜英英坐定定.

大部份時間我都係好想瞓... :p
應該買隻 CD 番屋企做安眠曲!
唔眼瞓係因為我想睇吓同場的董建華會唔會打呵欠??
演奏第一首同唔係節目表裡面送的那二首比較輕快就好少少囉~
音樂會真係唔係好啱我.

節目詳情:
洛杉磯愛樂樂團音樂會
音樂總監: 埃薩 ‧貝卡‧沙羅倫

節目
30.10
法雅 舞曲三首,選自《魔法師之戀》
德布西 海
拉威爾 鵝媽媽組曲
拉威爾 波雷羅舞曲

Wednesday, October 29, 2008

長征

尋日返大陸同阿哥睇婚紗,
上去皇岡好似好快,
由灣仔出發半個鐘就到,
夜晚係深圳灣返嘉享灣,
用咗個半鐘,
攰死我 :p

好彩完成任務,
如果要我自己搭巴士上多去一次,
不如整死我吧啦~
有飯食都係咁話!

Tuesday, October 28, 2008

Sunday, October 26, 2008

大閘蟹

終於食了今年的第一次大閘蟹,
爹娘都高膽固醇,
已經不能多吃,
所以我都冇得吃.

出街食又貴又無儀態,
蒸大閘蟹又冇難度,
一般都係買番屋企整.
每年我們只會到華記永昌號,
唔鐘意買最平, 冇肉食.
亦唔鐘意食最貴, 太老.

今日食 $85/隻 (約五兩),
所有嘢都剛剛好,
鮮甜味美.

最重要係蟹後薑茶,
最緊要夠辣!
咁就完美啦~

華記永昌號
地址 : 銅鑼灣駱克道476 號地下
電話 : 2836 6411

牛仔褲

牛仔褲是除咗時間以外最最現實的東東.
個褲頭絕對冇彈性去客忍你肥多一寸,
肥腩的脂肪會從兩邊喞出黎,
當你要縮起個肚腩至扣到粒褲頭鈕,
咁就世界未日啦.

Friday, October 24, 2008

思緒混亂,
想起以前現在種種的人與事.
全部是片段式,
支離破碎的,
迷迷糊糊的.

想起小時候的家庭樂,
想起以往讀書的悠閒日子,
那些年陪伴我的他,
零零碎碎...

係咪因為就黎死呢? 哈!

Thursday, October 23, 2008

喜來登酒店咖啡廳

自從上一次宵夜自助餐失敗咗,
想食自助餐嘅筋一路抽住抽住.
試吓喜來登~
$380/位,
用恒生信用咭有8折!

我覺得呢度啱女仔食多啲,
冷盤, 熱盤同甜品的選擇相若.
甜品最好食~
一般自助餐我都唔食得多,
淨係揀啲貴的回本, 哈哈!

冷盤有生蠔, 魚生壽司, 青口, prawn cocktail, parma ham....
生蠔好細隻不過新鮮同甜, 要落單等待 (即開喎), 乾淨啲囉.
parma ham 加蜜瓜超正.
凱撒沙律也很好。

熱盤有燒西冷牛肉, 火雞, 原條蒸魚, 咕嚕肉, 燒味拼盤.........
十幾款啦, 不過我一樣都冇食 :p
買相唔多吸引咁囉.

湯就一中一西一泰, 冬蔭公好辣 :p

甜品有朱古力, Macaroon, 芒果布甸....
panna cotta 釋作忌廉布甸, 我覺得似雲呢拿 mousse :p
蜂蜜蘆薈, 好新鮮囉.
生果啦, 西瓜, 波蘿, 哈蜜瓜, 蜜瓜.
白酒啫喱, 都唔錯, 係結實咗少少.

喜來登酒店咖啡廳
地址 : 尖沙咀彌敦道20號香港喜來登酒店2樓
電話 : 2369 1111
類別 : 自助餐

Tuesday, October 21, 2008

抗抑鬱

病況:
週期性抑鬱加諸事不順引致腦閉塞同淚線腫脹.

減輕症狀的方法包括:
遠離是非
好處: 眼不見為乾淨.
壞處: 雖然你見唔到, 但係唔代表事情唔會繼續發生.

遠離煩囂
好處: 重投大自然的懷抱.
壞處: 日日係個城市度工作, 邊會咁得閒吓吓去親親大自然?

行街購物!
好處: 能醫百病
壞處: 荷包會得到乾硬化症狀.

食甜點
好處: 心情暫時得以舒緩.
壞處: 肥咗的時候會更唔開心.

曬太陽
好處: 吸收什麼維他命.
壞處: 曬黑咗的時候都係會更唔開心.

打電話俾游貝貝
好處: 呢個世界得佢咁厚顏無恥的係條街度大呼小叫然後再大聲的唱歌俾你聽!!!!!! 絕對係最方便快捷極速開心法~
壞處: 冇乜, 貝貝比較大方 :) 只要唔係三更半夜.

Monday, October 20, 2008

偷得浮生半日閒

生活迫人,
好頭赤.
原本想給自己半天假返家休息,
點知突然間有個客下午要睇樓.
得番兩個鐘.
人在中環,
想找個靜英英的地方休息吓.

先係蘭桂芳的 haagan-dazs 食個 high tea,
一球好甜的 tiramisu 雪糕,
加一件甜死人的 chocolate paradise cake,
再來一壺熱紅茶.
從一樓的窗前望下,
望住人來人往的街道,
得到片刻的寧靜,
跟兄弟無聊的 sms 和唔用腦的 nds 遊戲,
時間慢慢的流走.

平常我會沿着皇后大道行返金鐘.
今日選擇走條更遠的路.
聽着張敬軒唱着林憶蓮的歌,
經過炮台里,
走到聖約翰教堂,
穿過長江公園, 萬國寶通廣場,
再到香港公園.
慢步綠色的道路,
呼吸新鮮的空氣,
豁然開朗.

當然還得多謝你在公司幫忙處理那些瑣碎事讓我可以幹着這樣無聊任性的事.

家好月圓連續劇

播得太耐啦,
身為半個局外人都煩到想死啦.
局外人可以望到全貌,
但係又唔可以有情緒立場,
要體貼別人的感受,
再加上要謹慎的言行,
好抑鬱.

我分唔到好人同壞人.
只見到蠢人, 貪婪的人, 安於本份同埋意氣用事的人.

成件事的主旨係:
一個人最好都係自食其力,
唔駛你幫,
又唔要你養.

又轉季

一轉季就好想買衫,
想買新一輪的流行,
離棄舊衣.

但係我又想慳錢,
都唔知點算?
唸吓唸吓,
今個月已經唔覺意洗咗幾千銀啦.
慳乜鬼吖慳!

Sunday, October 19, 2008

絳州大鼓音樂會

這是一個很值得看的表演.
大鼓與小鼓的合奏氣勢磅薄,
配合服飾, 動作, 身韻,
加上完美的合作性,
很強的趣味性,
通過說故事的人,
可以感受當中的意境.

無論是一個人演奏成個人咁長直徑的大鼓,
定係縛在腰間的小號鳳陽花鼓式團體賽,
都係無懈可擊!
好有驚喜~
--------------------------------------------------
世界人類口頭和非物質遺產代表
國寶樂團:絳州大鼓音樂會

北京奧運開幕式的擊缶演出氣勢磅礡,扣人心弦;要知道缶源自晉南,即山西南部,跟山西絳州鼓樂藝術團是同鄉。乘中國在奧運舞台上展現世界一流的水平之際,山西絳州鼓樂藝術團重臨香江,以被受各國推崇的中國鼓藝文化饗樂迷。他們激越的鼓聲,流露遠古晉南的豪情,演出精益求精,絕不欺場。

今年乃山西絳州鼓樂藝術團成立20周年。該團1995年由香港藝術節踏上國際舞台,多年以來,鼓樂團曾出訪歐美亞20多個國家和地區,受到觀眾高度好評。丹麥奧爾胡斯時任市長西蒙先生稱讚絳州鼓樂團是「超一流的世界級藝術團體」。而於2002年,絳州鼓樂團更獲聯合國教科文組織列為「世界人類口頭和非物質遺產代表」。

是次絳州鼓樂團共演出十五首曲目﹙每晚不同組合﹚,其中包括剛於去年獲全國群星獎大獎及創作獎,由絳州鼓樂團自家創作的《楊門女將》。此曲由京劇妝容粉墨登場的小妮子,以颯颯英姿擊出明快的節奏,極盡視聽之娛。另外,用直徑2.2米大鼓演奏的《黃土的訴說》以雄渾的鼓聲帶動大地,訴說歲月的滄桑,情思無限。而《秦皇點兵》則涵蓋了絳州鼓樂多種傳統鼓技,再現秦王﹙唐太宗李世民﹚揮師北伐凱旋而回歸的宏大場面。

【節目】
《楊門女將》、《老鼠娶親》、《黃河船夫》、《滾核桃》、《拉呱》、《牛鬥虎》、《晉南花鼓》、《秦王點兵》、《黃土的訴說》、《黃河鼓韻》、《大得勝》、《打鼓山傳奇》、《狗攆鴨子》、《黃土》、《三晉鼓律》

音樂會資料
音樂會名稱︰絳州大鼓
地點︰香港文化中心大劇院
日期︰2008年10月18及19日﹙星期六及日﹚
時間︰晚上7時30分
票價︰HK $480 $320 $240 $160 $80 ﹙學生、60歲或以上長者及殘疾人士半價﹚

Karaoke

很久沒有唱 karaoke,
跟同事唱着歌,
她們總嫌棄我愛的慢版情歌很悶,
特別是她們並不欣賞台灣國語歌.

還是跟十兄弟唱歌好,
我們有着同樣的審美觀,
仝人高唱慢吞吞的歌,
很盡興!

Friday, October 17, 2008

燈燈燈燈送到了

新的廳燈終於都送到了,
返屋企一開燈的時候,
簡直好似裝咗個太陽係屋企咁呀!
超正!
我最鐘意光猛大廳~

好似太陽咁溫暖~

八八八拉麵

終於搵到間比較好食的拉麵館,
尋找拉麵之旅暫時告一段落,
因為其實我本身沒有很喜歡吃拉麵 :p

星期六的一點三黎到,
時間尚早,
不過都要等位.
呢到冇籌派,
要係門口條樓梯排隊.

小懷舊拉麵 (HK$30)
我相信其實係鹽味?
係半份的麵食,
都好大碗吓囉.
可能個湯味淡,
嗅就有鹼水味,
食就唔多覺.
麵質夠韌,
幾好.

另叫了豬骨湯叉燒拉麵,
都好,
湯底夠濃.

炸雞塊我覺得炸得脆得滯,
好彩有幾片生菜食吓,
冇咁熱氣.

炸芝士 (HK$28) 就真係超正~
軟綿綿軟心,
四粒仔,
唔會太膩.

八八八拉麵
地址 : 銅鑼灣軒尼斯道499號永光商業大廈B2地庫
電話 : 2893 2388
類別 : 拉麵

阿媽

從今日蘋果日報見到呢個:
醫 學 Online
多 上 網 記 性 較 好
經 常 上 網 是 預 防 冇 記 性 的 好 方 法 。 美 國 一 項 研 究 邀 請 24 名 55 至 76 歲 的 人 士 參 加 , 其 中 一 半 人 甚 少 上 網 , 研 究 人 員 將 參 加 者 分 成 上 網 及 閱 讀 兩 組 , 當 兩 組 人 完 成 上 網 或 閱 讀 任 務 後 , 即 接 受 腦 部 掃 描 檢 查 , 量 度 腦 部 的 活 躍 程 度 。 結 果 發 現 閱 讀 組 只 有 主 宰 語 言 的 部 份 較 活 躍 , 但 上 網 組 則 大 腦 多 個 部 份 , 包 括 記 憶 及 邏 輯 分 析 等 也 很 活 躍 , 顯 示 長 者 多 上 網 有 助 預 防 腦 部 衰 退 。
------------------------------------------
我 msn 叫我阿媽睇吓.
阿媽 says:
你話我老人家
Wee says:
卡卡卡
阿媽 says:
我已升級冇所謂
Wee says:
升乜級 ?
阿媽 says:
奶奶 :)
Wee says:
救命.................
------------------------------------------
佢娶新抱應該好高興.

Tuesday, October 14, 2008

垃圾

我有一大疑問:
明明我個個月都大清理家居,
除咗收拾衣物仲發現有好多其他東東.
點解每次都搵到大量唔需要的物資呢?

Monday, October 13, 2008

寵壞了

jo 跟我說起工作的不愉快,
jo 爸同佢講做得唔開心可以隨時辭職.
被寵壞了的我們,
總是任性的選擇面對喜愛的人與事.

這是每次想起都眼濕濕的往事.
十年前的事還是歷歷在目.
連天氣, 場景, 對話都記得一清二楚.
那一年我想離開澳洲到不得了.

那個在澳洲短暫的家有個很大的露台,
我們的家在小丘上,
遠眺山下的住宅區.
(那可是個高尚住宅區啊! 我卻無福消受.)

爹坐在椅上看著黃昏時份的夕陽,
微微的涼風,
灰暗的天加上沉降中大大個的幻彩太陽,
寂靜的, 烏繩飛過都聽到.

爹獨個兒坐了一會,
我走出露台跪在他身邊,
他語重心長的跟我說:
芷蔚, 呢度真係好悶, 你都係唔好讀啦, 一齊返香港啦.

當下感動得淚流下來,
那年當是理所當然的到澳洲留學,
只為著選擇那門喜歡但毫無用處的科目.
事實上我家沒有大富大貴,
要供養兩個好逸惡勞的外國留學生並不容易.
到頭來只是懷念着家中被寵的大小姐生活,
嚴重想家的我一點也不寫意.
想離開很久了,
不過不敢喧之於口.

很想立刻說句好,
但又不喜讓人看扁看輕兼半途而廢,
亦不想令家人失望,
矛盾極了,
眼淚不能停止緩緩的流下來.

最後,
勉強的支撐了一年多,
還是回來了.

那段孤獨的日子,
每次想起都打從心底的寒起來.

雪櫃

雪糕長期不缺,
一年四季.
愛選購不同口味的過程,
愛放入口香甜軟滑的質感,
食一口,
心都甜了.
----------------------------------
一定有啤酒.
心血來潮時想喝一口,
嗜甜的我其實不喜啤酒,
有時需要酒精,
因為寂寞.
幸好雪櫃內的啤酒放置了很久了.
----------------------------------
一向都沒能睡得很香,
很難入睡,
半夜驚醒.
一個人在部屋內很缺安全感,
好像有鬼,
好像有賊.
不知從那一天開始,
隔幾日就食安眠藥進睡.
終於能夠完全的放鬆.
(其實更似昏死去.)

Sunday, October 12, 2008

喜萬年酒樓

又是阿哥惹的禍,
每次返香港都話要食乳豬.
乳豬原本好難搵,
要好味的乳豬更難.
試過千里迢迢去元朗食,
成日去酒樓都嘗試叫,
但係大部份的酒樓都冇做,
太子鳳城做得唔錯.

喜萬年係午市好憎去的地方,
勁迫.
為咗阿蘇介紹的乳豬,
唯一晚市再去睇睇啦.

炭燒乳豬 (半隻: HK$180, 全隻 HK$350)
肥膏少啦,
鬆化豬皮啦,
豬肉juicy嫰滑啦,
份量十足啦,
半隻乳豬都仲有紅燈閃吓閃吓啦.

其他食物都可以,
服務就差啲囉,
不過乳豬實在係突出.

喜萬年酒樓
地址 : 灣仔軒尼詩道1號熙信樓1樓
電話 : 2861 2882
類別 : 酒樓

三妹嘜泰國菜館

油麻地之旅食咗個好好食的泰菜,
當時只係開咗兩日的新店.

冬蔭公 (hk$68)
泰式炒椰菜苗 (HK$48)
鹽燒魚 (HK$$98)

家庭式的味道,
冬蔭公的味道很合胃口,
鹽燒魚非常好食.
全店泰國人.
女店長很好人.
希望小店食品能維持水準.

三妹嘜泰國菜館
地址: 九龍佐敦吳松街 109 號
Tel: 2739 3738
菜式: 泰國菜

有時會唔覺意的 '頂' 我阿娘.
娘會回我: 你老母吖!
我會話: 咁你又唔好咁話你自己.
佢有時又會話: 你老味吖!
我會指住爹話: 佢話你呀!

老=懶

今日的節目係染髮,
一向都係同阿媽互染,
作為親子活動之一,
亦慳錢慳時間.

跟林芍芍 msn,
我說白頭髮愈來愈多.....
Wee says:
i think it's bcoz getting old too hahahaa
Wee says:
i made getting old as excuse for everything
林芍芍 says:
hai wo... old can be excuse for so many things
林芍芍 says:
poor memory
poor health
walk slower / less
work slower / less
don't want to move...
haha... actually just laziness
Wee says:
hahahaaaaaaaaaaaaaaaaaaa u noe the truth wor!!

實情係: 我又老, 又懶.

節錄: 環保專家倡豆漿替牛奶

遺 棄 的 熊 仔 餅 , 走 入 有 機 食 品 店 幾 乎 迫 到 窒 息 , 做 現 代 人 , 忽 然 好 無 奈 。
周 兆 祥 搞 環 保 搞 了 20 幾 年 , 冷 眼 旁 觀 毒 奶 風 暴 , 覺 得 人 類 應 有 此 報 , 「 牛 奶 根 本 就 唔 係 畀 人 飲 , 無 一 種 動 物 成 年 之 後 仲 飲 奶 , 你 有 無 見 過 長 頸 鹿 飲 羊 奶 ? 」 他 說 , 牛 奶 含 飽 和 脂 肪 和 生 長 激 素 , 對 身 體 絕 無 好 處 , 而 且 人 體 內 兩 種 分 解 牛 奶 的 酵 素 , 過 了 幼 兒 期 就 會 消 失 , 「 尤 其 中 國 人 , 好 多 都 不 耐 乳 糖 , 飲 牛 奶 就 會 肚 屙 。 」
今 時 今 日 跟 牛 奶 劃 清 界 線 的 周 兆 祥 , 承 認 自 己 從 前 也 是 奶 癡 , 為 了 完 全 甩 掉 奶 癮 , 他 創 製 了 「 牛 奶 美 沙 酮 」 , 用 豆 漿 、 果 仁 、 果 做 杏 仁 奶 、 水 果 奶 昔 及 雪 糕 等 , 美 味 之 餘 , 又 營 養 豐 富 。

杏 仁 奶 入 口 香 滑 清 甜
其 中 杏 仁 奶 入 口 香 滑 清 甜 , 又 有 鮮 奶 口 味 , 不 隔 渣 的 話 有 粒 粒 碎 杏 仁 飽 肚 , 最 得 記 者 歡 心 , 早 餐 或 下 午 茶 時 間 飲 一 杯 , 非 常 醒 神 , 若 放 在 冰 箱 中 儲 存 , 又 可 作 冷 飲 。
尚 營 坊 高 級 營 養 師 黃 凱 詩 指 , 成 年 人 每 日 需 要 1,000 毫 克 鈣 , 一 杯 奶 含 300 毫 克 , 一 安 士 杏 仁 有 75 毫 克 , 她 了 解 過 有 關 食 譜 , 認 為 可 稍 作 改 良 , 「 杏 仁 真 係 高 鈣 食 品 , 但 係 都 係 脂 肪 物 質 , 經 常 飲 杏 仁 奶 代 替 牛 奶 , 可 能 會 過 胖 。 」 她 建 議 把 杏 仁 磨 碎 , 加 入 豆 漿 中 , 再 用 來 煮 麥 皮 , 營 養 更 為 豐 富 , 亦 可 以 減 少 攝 取 脂 肪 。
她 又 指 , 中 國 人 愛 吃 的 芥 蘭 、 白 菜 及 西 蘭 花 , 本 身 也 富 含 鈣 質 , 「 好 似 白 菜 咁 , 一 碗 煮 熟 就 有 180 毫 克 鈣 質 。 」

三 款 天 然 奶 品 製 法
杏 仁 奶
材 料 : 杏 仁 、 無 花 果 、 無 糖 豆 漿
做 法 : 杏 仁 先 用 冷 水 浸 兩 、 三 小 時 , 與 無 花 果 一 起 放 入 攪 拌 機 打 碎 , 如 喜 歡 幼 滑 口 感 , 可 用 過 濾 網 隔 去 硬 粒 , 最 後 加 入 豆 漿 即 成
提 示 : 杏 仁 可 以 合 桃 、 腰 果 或 松 子 等 替 代 , 全 部 須 事 先 浸 冷 水 ; 無 花 果 可 以 黑 糖 漿 、 蜜 糖 、 麥 芽 糖 、 杞 子 、 去 核 紅 棗 、 龍 眼 、 杏 脯 等 作 天 然 甜 味 ; 另 加 芒 果 、 椰 子 、 有 機 木 瓜 等 ; 夏 天 可 冷 藏 後 飲 用
優 點 : 滋 潤 、 含 鈣 質 及 優 質 的 油
營 養 師 提 示 : 杏 仁 富 含 鈣 質 , 但 屬 高 脂 食 品 , 可 用 加 鈣 豆 漿 取 代 , 或 把 杏 仁 磨 成 粒 , 加 入 豆 漿 中 , 用 來 煮 麥 皮

麥 皮 水 果 奶 昔
材 料 : 薏 米 、 麥 片 、 香 蕉
做 法 : 薏 米 及 麥 片 先 泡 水 1 小 時 , 蕉 去 皮 切 片 , 放 入 攪 拌 機 內 打 碎 , 如 喜 歡 幼 滑 口 感 , 可 用 過 濾 網 濾 去 硬 粒
提 示 : 如 想 更 幼 滑 , 可 先 用 磨 機 把 薏 米 麥 片 磨 碎 才 浸 水 ; 香 蕉 可 以 橙 、 蘋 果 、 梨 、 榴 槤 、 椰 子 、 大 樹 菠 蘿 , 甚 至 紅 菜 頭 代 替 , 顏 色 更 鮮 艷 吸 引 ; 可 另 加 麥 芽 糖 、 杞 子 、 去 核 紅 棗 、 龍 眼 等 調 味
優 點 : 低 脂 肪 、 提 供 營 養 及 纖 維
營 養 師 提 示 : 香 蕉 熱 量 達 90 卡 路 里 , 若 加 入 太 多 香 蕉 , 反 而 容 易 致 肥

香 蕉 雪 糕
材 料 : 香 蕉 3 隻 ( 可 做 3 杯 )
做 法 : 把 香 蕉 剝 皮 切 片 , 約 1 隻 香 蕉 切 開 10 截 , 放 進 小 膠 袋 或 膠 盒 內 , 放 入 冰 格 雪 3 至 8 小 時 , 取 出 倒 入 攪 拌 機 內 攪 約 一 至 兩 分 鐘 即 成
提 示 : 可 以 木 瓜 、 芒 果 、 蜜 瓜 、 青 瓜 替 代 , 加 上 檸 檬 汁 、 橙 汁 、 蜜 糖 、 杏 仁 粉
優 點 : 沒 有 人 工 添 加 劑 及 白 糖 、 低 脂 肪 、 豐 富 維 他 命
營 養 師 提 示 : 是 理 想 的 雪 糕 替 代 品

資 料 來 源 : 綠 色 生 活 育 基 金 主 席 周 兆 祥 、
尚 營 坊 高 級 營 養 師 黃 凱 詩
記 者 : 張 嘉 雯
蘋果日報 2008-10-12

手作仔日

我們當中有創作界的代表 iris,
最愛購買各式各樣的手工材料作實驗,
成功後便輪到我們的手工班.

昨天試作了布包紐,
布包紐可變身成橡皮圈, 髮夾等,
原本係十級容易的小童班玩意!
有空讓我將大褸們換掉紐扣~
林芍芍同 ling 弄了精美的手機吊飾,
其實還可以整頸錬, 手錬.....
不過轉眼已經夜深啦.

手工班待續....

Saturday, October 11, 2008

嬲死: 山頭火

都係阿哥無聊,
係日本食咗拉麵又話要買麵豉醬自己煮湯!
老豆話不如出街食,
今期 '飲食男女' 介紹拉麵,
最近屋企有山頭火.

排晒隊!
等咗接近一個鐘,
心唸唔好食就死啦!

食品選擇唔多,
三款湯底,
我地三個人一人一款 (主角阿哥反而唔係度~).
鹽味, 麵豉味同豉油味. (HK$58/碗)
可加辣, 不過就變成一碗辣油麵!
豬頸肉款式要 HK$98.

食拉麵要先呷一口湯,
我三款都有飲.
well....
失望到震,
淡而無味. (仲要油膩添.)
我一向都食淡都覺得好淡! (死唔死??)

勁普通的拉麵,
仲要黏牙!!
(鬧到停唔到口.)
义燒同豬頸肉都唔見得特別好味,
又唔香又無肉味.

餃子一般 (HK$35, 六隻),
個人唔多鐘意多肉少菜.

半熟蛋
比較上還可以.

杏仁凍牛奶
杏仁味香,
不過太甜.

最讚係鮮果杏仁豆腐,
豆腐香滑,
鮮果係新鮮紅莓, 藍莓, 士多啤梨,
滿滿的舖在豆腐上,
亦沒有一般日式甜品太甜的問題.

三個人食咗三百幾蚊!
又要等.
又貴.
重點拉麵又唔好食.
嬲死!

山頭火
地址 : 鰂魚涌康山道1號康怡廣場吉之島1樓
電話 : 2967 4044
類別 : 拉麵

台式地道美食

沙嗲串燒四寶丸 (HK$8)
牛根丸, 貢丸, 蟹籽丸, 墨魚丸,
必食推介~
沙嗲醬超好食!!!

食品都俾其他的店平,
款式又多,
叫咗個布丁珍珠 (HK$7),
QQ 有咬口.

HK$15 蚊,
滿足到暈~

台式地道美食
地址 : 旺角山東街40號地下
電話 : 2264-8090
類別 : 小食店

太子 --> 旺角 -> 油麻地

又唔想返屋企,
銅鑼灣行爛咗,
尖沙咀又啱啱 shop 完,
今次目標花園街同講咗好耐想行的廟街.

隨住個人愈來愈老加愈來愈肥,
花園街的衫我已經買唔落手.
我一般都會買配飾,
無聊頸鍊, 橡筋, 髮夾真係平到震.
最後收穫係大大個毛絨布花花心口針 (同髮夾兩用),
早兩日係銅鑼灣見到賣三百多,
花園街賣十蚊一個!!!
即時買咗三個,
雖然我都未唸到可以襯邊件褸??

然後橫過旺角西洋菜南街行人區,
依家好多人賣藝架喎,
自彈自唱啦,
仲要係好多唔好樂器喎,
用腳寫毛筆字啦,
雜耍啦.....
但係唔見咗 '誠徵女朋友' 喎??

旺角又點少得必然的掃街小食呢?
呢個留番下回分解.

原本係再行去油麻地食橫綱拉麵,
(因為想補償早兩日係太古吉之島食咗個嬲死貴價北海道拉麵!)
點知要等成五十個號碼,
冇電的我即時走人去廟街尋食.
最後係吳松街食咗間新開的泰菜,
都係下回分解.

食完飯,
經過廟街返油麻地搭地鐵.
見到樓梯底坐係度小背心短褲的阿姐(年紀實在唔細.)
仲有街邊卡啦 ok,
大大聲唱歌的阿叔,
好閃的陪舞阿姐,
叫喊: '嗰邊好有財氣的阿哥!' 的相士,
做'妹' 玩鐳射光的阿姐: '嘩~~ 好勁呀~~~'

廟街好似係唯一冇俾時間洗禮的地方,
細個同屋企人行的時候係咁樣,
大個同十兄弟去又係咁樣,
家吓都係咁樣!
好另類,
好似去咗個旅行咁,
舒服晒~~

Friday, October 10, 2008

杭州酒家

返工好似好苦悶,
今日晏晝想食啲新奇又刺激嘅嘢,
想要啲新鮮感~

兩條友去咗灣仔,
見到人多又唔去,
又要食新嘢,
唔覺意去咗杭州酒家.
知道出名但係從來冇試過.

素鵝 HK$48
齋唔凍唔好食!
有啲又雪到結冰!
呢個就很好.
腐皮層層叠,
好好味!!!

片兒川面 HK$45
其實睇個名完全唔知乜嘢黎?
仲以為係辣嘅 :P
事實係肉片雪菜湯麵.
好鮮味.
但係唔知點解麵食係第二道上的菜??
(可能杭州麵食係前菜.)

錢江小炒 HK$60
今日果然係想要新奇有趣,
樣樣嘢都唔知係乜?
(冇睇菜牌, 只有一張好似點心紙的午市點餐紙.)
事實係炒絲加炒絲.
呢個有筍絲, 有冬菇絲,
有豆腐乾絲, 有青/紅椒絲,
有魷魚條, 有肉絲.
送飯會好啲.

小籠包 (特價 4 隻 HK$12)
賣相奇差,
好似蒸過龍咁,
我都唔想放入口...
不過咬一啖之後發現個味道都唔錯,
裡面仲好多湯添,

家常餅 HK$38
又一唔知係乜?
事實係大大個的蔥油餅.
(係大餅麵包款, 唔係酥皮嗰隻.)
新鮮熱烘烘,
十級正!
不過食唔晒,
打包咗三份二.

HK$223.
臨尾仲送綠豆沙添.
食物質素無用置疑,
係衰在一樣一樣黎,
前後次序錯晒,
等得略耐囉.

杭州酒家
地址 : 灣仔莊士敦道178號-188號華懋莊士敦廣場一樓
電話 : 2591 1898
類別 : 杭州菜

Thursday, October 9, 2008

想抖

返工好攰,
返屋企都好攰.

唔想唸嘢住,
俾個腦休息吓吖唔該.

Wednesday, October 8, 2008

悶蛋一號

同事話: 去邊度搵啲咁悶的人?
返工的時候就寄電郵俾同一班人.
收工去食飯又係同一班人.
放假行街都係同一班人.
去做運動亦係同一班人.
無聊 msn 仲係同一班人.
講心事仍然係同一班人.

日日都傾計,
個個禮拜都見面.

兄弟,
點解個個覺得我地好似好悶,
我地仍然樂此不彼?

慳唔到錢

話慳錢慳錢,
結果都係慳唔到錢.

俾咗保險年費,
阿娘保護費,
做咗身體檢查,
買咗燈,
又買咗袋,
買咗飲裙,
仲要買阿哥份禮.

救命...
借大耳窿都唔掂....

Tuesday, October 7, 2008

慳錢

市道應該會更差一點,
人工沒有加,
但市面大部份的費用都加了,
食飯加價,
衫褲鞋襪又加,
護膚品又加,
連成班大駛精都話要慳錢.

自從有每月各項預算同 microsoft money 之後,
我的財政已經比較容易追查,
不過我成日俾藉口自己超出預期,
拉上補下呀,
平均數呀,
好耐冇買呀,
好需要呀,
唔少得呀......

節流好似難一點,
再想一想開源,
其實仲難.
懶啦,
冇時間啦,
唔知可以做乜啦,
唔想多勞,
又豈何多得呢?

點先可以有多啲錢呢?

燈燈燈燈: 番外篇

昨天放工途經燈飾店選擇但沒有購,
今早跟爹娘一起去買.
尋日穿黑色 one piece 加黑色短靴,
今日 tee 加 爛鬼短褲加 birkenstock.

店員今日再見我的時候,
第一句話: 嘩, 你今日咁嘅? 尋日成個 OL look.
我話: OL 都要休息架.

返工的時候.
要見客,
至少都要體面一點.
但係靚通常都係有代價,
好少又靚又舒服.

休息的時候,
我想着得舒服啲,
又唔洗見人,
親朋好友都慣咗我係一個爛仔,

爛仔 look 真係舒服過 OL look 十萬倍.
不過亦都見證人靠衣裝.

燈燈燈燈+門鐘

我相信由我買這個水晶廳燈那一天開始,
我便不喜歡它,
只是我需要它.
安裝了那個燈,
我更不喜歡,
有燈影啦,
唔夠光啦,
唔夠靚啦....

再重新選擇,
我唔想再要水晶燈,
想要實際的勁光慳電膽又唔娘的燈,
(最好仲要平!)
很難.

行咗好多轉都買唔落手....
終於因為阿哥結婚而的起心肝買過支廳燈,
繼續係駱克道搵到(比較)合心水的,
佢話係奶白色的西班牙玻璃,
個人覺得似厚膠, 哈哈..
不過最光可有 720 火!!!!
i like it!!!
我鐘意光到似日抖~
--------------------------------------------

門鐘很久沒有聲音了,
其實搬來一陣子已靜寂了.
都唔知壞咗定無電.

不過我又習慣兼鐘意佢冇聲,
咁我就可以享受一個人係屋企的安寧.

但係接新娘冇門鐘會唔會太怪呢?

黑夜不再來

放假一起來翡翠台播着 陳奕迅 Get a Life 演唱會,
他亦是我唯一一個每次開演唱會都會俾錢睇的男歌手.
很喜歡陳奕迅歌聲中的感染力,
很喜歡他唱現場的功力,
當然林夕的歌詞亦應記一功,
有很多的歌都成為近代經典.

'黑夜不再來' 陪伴了我好一段日子,
當時淨係片面的想唔開心的心情快點遠離.

冇黑暗又何來光明,
所有事情都係相對.
---------------------------------------------------------------


黑夜不再來 陳奕迅
作詞:林夕 作曲:陳輝陽

如果將街燈的光線代表真愛
或者熄燈了會更發現你存在
如果日落西山燈光普照麻木了
蒙住這雙眼令黑夜再來

@誰叫我這樣活該
縛起雙手給你愛
愛到兩腳浸沒在大海不懂再走開@

熟悉的想講再會
陌生的都很匹配
難怪我永遠懷念飛灰

如果將香煙點給我代表深愛
莫非煙熄了會更震憾與期待
難道討好我等於鼓勵我去歧視你
一手將心摔下來

嫌棄你想再會
被丟低想反悔
誰叫我要靠別人待薄才配

如果一呼氣一吸氣代表相愛
或者淹死我會更發現你存在
如果日夜一起想不起我曾被愛
難道分手會令感動再來

如何不後悔

Monday, October 6, 2008

重覆犯錯

每個人都會犯錯,
但係大部份的人都唔會認錯.
但係錯誤已經造成, 可以點呢?
唯有推卸責任.

將錯誤歸咎於別人好容易,
從而可以掩飾自己的不安,
心理中得而平衡, 不能自拔,
所有的反對行為變得名正言順.

當局者迷.

Sunday, October 5, 2008

深海尋人

尋日買的 vcd.
以為係恐怖片.
頭一半同尾一半係兩樣嘢黎.

整整兩個鐘頭!!
成件事死唔斷氣.
太多解釋, 做極唔完, 阻住我食飯.

係個海底特別少少.
HK$38蚊... uummm.... ok... 啦...

官方簡介:
『與那國島』是位於沖繩列島中最西端的小島,也就是日本國境最西端之處,連許多日本人都不知道它的存在。在島的海底長眠著神祕又令人震懾的海底古城遺跡。身為考古學家的陳國棟帶著高靜潛入海底古城準備向她求婚。就在此時,一件離奇的意外發生了,國棟竟在汪洋大海中消失得無影無蹤。 隨後打撈到一具無頭男屍,但經過DNA比對仍不能證實那是否就是國棟的遺體…

高靜難以接受這個打擊,對國棟的生死未卜及思念讓她陷入一種迷離狀態。為了查探水底發生意外的經過,她透過其病人Simon的引導,看得到不應該看到的光景、感應到平常人不能感應到的事情,異常的事件相繼在她身邊發生。這到底是真實或只是高靜的幻覺,驚懼之餘,她像是被一股未知魔力所牽引,回到國棟作研究的小島上。如當地自古流傳探求理想之鄉的傳說般,高靜向著黝黑的大海的另一方漂流而去…

密碼

facebook 的 status 或者 msn 的 personal message 是一處讓你寫上一小段現況或者心情.
某程度中係一個密碼.
雖然你的 friend list 中有好多人,
但係唔係個個人都明白你寫乜嘢.
只有你自己知道你係寫俾邊個人睇,
只得有心人先至明白你想表達的事情.

發生

當外在環境變差的時候,
你最親密的人會與你更緊密或離你更遠.

雖然事務着實令人難過,
但我慶幸原本已經可愛的家又再緊密一點.
這個月中我跟哥所通的電話已經是以往年的總和,
咁多年都未試過有咁多共同的秘密,
亦只有我倆並肩才能解決當下難題.

我終於都開始有啲崇拜佢啦, 哈哈~~~

觀點與角度

又一單觀點與角度的往事.

今日同家人行 megabox,
入咗去 B&Q 的傢俱部,
見到張摺枱好適合我的部屋.
想像一張橢圓形枱好像蝴蝶,
中間腹部可以收藏摺櫈,
兩邊翅膀可以張開成橢圓形枱或收起得番一個長方形的櫃.

哥說: 小時候也有一張相似的摺枱, 每次被追打藤條炆豬肉的時候都會喱係櫃底.
娘: 你細個頑皮吖麻.
哥: 唔係呀, 我明明覺得細個的時候阿妹頑皮啲.
我: 咩呀, 我明明記得細個每次原本打你都無拿拿打埋我. 我不知幾乖~
娘: 公平吖麻, 兩個都打. 唔係你個妹會囂架~
哥: 唔係呀, 佢依家都好囂架.
我: 呵呵~~~

究竟係邊個頑皮呢?
一般打邊個先呢?
我又喱去邊呢?

Saturday, October 4, 2008

泉昌美食

我想我真的老了,
總懷念買少見少的食品.
特別愛掃街類小食,
一串一串的,
好像很多選擇,
旺角的店愈來愈差,
灣仔這家小店不錯,
不過堂食的話是在衛生沒有很好的後巷內.

咖哩魷魚是有名的,
咖哩入味,
魷魚軟滑,
不個唔係熱食的.

另一樣推介的是臭豆腐,
即叫即炸,
香脆可口,
而且沒有很臭,
食咗都唔會一陣味 :p

泉昌美食
地址 : 灣仔灣仔道150b
電話 : 2575 8278
類別 : 港式小食店

Wednesday, October 1, 2008

想買

格仔格仔格仔,
我愛的蘇格蘭格仔裙回來了.
(訂咗格仔裇衫裙同格仔絲襪啦~)

紫色紫色紫色,
衫褲鞋襪都想買紫色.
(得條紫色 tight pants 同紫色平底鞋.)

長靴長靴長靴,
想要一對深啡色.
(雖然已經買咗兩對, 不過意猶未盡.)

新袋新袋新袋,
想買個輕的 tote bag.
(成年都冇買新袋啦.)

飲裙飲裙飲裙,
阿哥結婚嗰日條裙都未唸~
(屋企的衫好似唔啱身份.)

保持通話

我沒有看原片,
不過這套拍得不錯.
大部份的電影原素都有,
緊張的氣氛持續.
飛車追逐場面尤其出色.
王祖藍的一段亦攬笑輕鬆.
大S 兩母女,
古天樂的父子情也不俗.
唯一係最後十五分鐘有點畫蛇添足同太似和記廣告.

另外一讚係太古廣場的 AMC 實在係全城最好的戲院,
座位寬敞,
山頂的朋友都唔會見到人頭湧湧,
音響質素高,
更重要係一般去金鐘睇戲的人都有教養一點,
亦不會太多小朋友,
沒有人聲沸騰,
星期二的五十蚊飛簡直超值~

官方簡介:
改編自荷里活電影《駁命來電》(Cellular),講述單親媽媽Grace(徐熙媛飾演)這天如常送女兒如婷上學,途中卻被悍匪以霍(劉燁飾演)駕車欄腰猛撞,在她半昏半醒、全身無力的狀態下,目睹以霍在她屋內大肆搜索,更以凶殘手法殺害其女傭!然後把Grace擄走並鎖到一個貨櫃內。以霍逼使Grace交出他的犯罪證據,否則把她全家幹掉。驚惶失措的Grace襯無人看守時竭力地把一台損毀的手機重組,奇蹟地打出一個求救電話,意外撥通給任職財務公司貸款部職員的阿邦(古天樂飾演)。

Tuesday, September 30, 2008

諸事不順

工作不順,
個個客都舉棋不定,
一不留神,
所有的好位都租晒,
所有事情從頭黎過.
日日都睇樓睇樓睇樓,
睇到傻.

家事不順,
是錢財之爭還好一點,
心理的不平衡又有誰共鳴?
要令到大家也滿足的決定很難.
二人同心已難,
更何況四人同行呢?
每日就係會議會議會議,
煩到爆.

好定唔好?

我以為係為你好.
但係你唔覺得咁樣係好.

即係好定唔好?

Monday, September 29, 2008

退休好咩?

人怕老,
到咗退休的年紀更怕老,
怕自己冇用,
怕老幪董,
怕冇所事事,
怕冇收入,
怕入不敷支.

依家尚算年青力壯,
卻想躲懶,
想蠢啲做少啲,
想唔洗做,
想放假,
想休息,
想發達...

剪頭髮

話貴~ 話貴~ 話貴~ 話貴~ 話貴~~~
但係我又番去剪~ 哈!
半年先至剪一次,
計落條數都可以啦~

但真係好舒服,
一句聲都唔洗,
任佢剪,
唔洗理唔洗睇唔想知,
攪掂~ 走得!
俾嘅係信心錢囉.

Sunday, September 28, 2008

更新

這裡沒有以往更新得咁頻密.

因為近來工作很忙,
不能在工作時間中慢慢的寫寫想想.

因為工作後的時間也很忙,
家人的煩惱成為我的煩惱.

因為阿哥婚期一日一日的接近但係乜都未準備好,
我做咗阿四做咗跑腿.

因為每一日與夜都有嘢做,
唔得閒又冇心情.

因為我想寫的事都很長,
寫咗一半又冇時間完成另一半. (去台灣的事情都未寫完...)

因為我藉口多去掩飾我的...懶~

Friday, September 26, 2008

雲陽閣川菜館

其實食咗好耐,
一路都懶懶閒咁寫吓停吓.

水煮鮮魚片 HK$90
必食推介,
又麻又辣,
魚片又新鮮.

川北涼粉 HK$48
普普通通.

明明叫拚盤可選四道小食,
個小姐唔知點解幫我地分開叫咗四小碟!!
不過四碟都好味.
棒棒雞絲 HK$48
燈影牛肉 HK$48
川北涼粉 HK$48
薑汁露筍 HK$48

麻婆豆腐
同出面街食嘅好唔同,
真係好麻!
好好味.

乾煸冬筍 HK$68
冬筍煸得好乾身,
好正!

魚湯浸時蔬 HK$60
一般般.

八寶茶 HK$20
茶是鐵觀音,
再加入玫瑰花、紅棗、花旗參、冰糖、杞子、龍眼肉等.
幾有趣.

荸薺豆漿 HK$18
咪就係豆漿囉.

另再加
紫貝天葵汁 HK$12
白飯 @HK$10
花生 HK$10
茗茶 @HK$10
加一後三個人 HK$635.8

雲陽閣川菜館
地址 : 尖沙咀彌敦道132號美麗華商場4樓A號舖
電話 : 2375 0800
類別 : 四川菜

Wednesday, September 24, 2008

身體檢查

給自己三十歲前的準備,
做了個身體檢查,
檢查前八個鐘頭冇得食.
$3xxx, 聖保祿醫院的女仕保健計劃,
用咗約三個鐘頭.
---------------------------------------------------
個人健康分析 (Health Analysis)
--> 有個醫生同你傾吓計
體格檢查 (Physical Examination)
--> 度高磅重量血壓
全面血球統計 (Complete Blood Count)
--> 抽血驗晒下面嗰啲
腎功能 (Renal Function Test )
肝功能 (Liver Function Test)
電解質:鉀、鈉 (Electrolyte: Potassium, Sodium)
電解質:鈣、磷 (Electrolyte: Calcium , Phosphate)
蛋白質 (Protein)
全面油脂(膽固醇)分析 (Lipid Profile)
糖尿病測試 - 禁食血糖 (Fasting Blood Sugar)
女性 - 新超薄柏氏塗片 (Female – Thin Prep Pap Test)
--> 有個女醫生抽取細胞
尿液常規分析 (Urine Analysis)
--> 驗小便
糞便隱血測試 (Stool for Occult Blood)
--> 驗大便
胸部X光檢查 (Chest x-ray)
--> 照X光, 要簽署話冇 bb, 後果自負
女性 - 乳腺X光造影 或 乳腺超音波掃描 (Female - Mammogram OR Ultrasound of breasts)
--> 由醫生診斷後作出建議, 我做咗超音波掃描
女性 - 盆腔超音波掃描 (Female - Ultrasound of Pelvis)
--> 呢個最煩, 要內急至照到, 啲醫生護士成日問你急唔急??? 我等咗成個鐘至急囉.
雙能X光骨質密度測試 (DEXA Bone Densitometry)
--> 冇乜特別
心電圖 (Electrocardiogram)
--> 一個個鉗, 鉗住四肢, 我感受到有電囉
報告 Report
--> 等三幾個禮拜囉

Monday, September 22, 2008

$$$ @台灣

機票加酒店 (中華航空+寶格利酒店) HK$2499
香港機場稅 HK$120
機場保安費 HK$33
燃油附加費 HK$462
機場稅 HK$78
代收機票徵費服務費 HK$30
(好多濕濕星星的無厘頭費用...)
當地使費 約HK$1700 (包一般手信.)

四日三夜,
用咗大約五千蚊.

Sunday, September 21, 2008

食!食!食! @西門町

住係西門町附近,
又撞正颱風天落雨,
不能去遊山玩水,
用咗大量時間留係西門町食!食!食!

每一日都想去檸檬站買一杯白苦瓜汁
檸檬站係謝謝魷魚羹斜對面.
(我試過其他, 呢間最好飲, 冇加糖水.)
白苦瓜汁加青瓜, 味道清淡點.
可以加菠蘿, 不過濃啲.
加蜂蜜會甜甜地易入口.

牛雜大王
牛記食品的唔食,
不過佢話如果只可重覆吃同一間店,
佢會揀呢間.
我係佢碗牛肉麵度整咗兩啖麵好煙韌,
清湯味道濃郁.
地址: 武昌街二段119號

楊記花生玉米冰
刨冰是台灣的名物之一.
這個花生真係好焾,
玉米好似玉米湯,
紅豆好似紅豆粥,
好好味的刨冰呀!
地址: 漢口街二段38&40號

賽門苦不辣
唔係 tempura,
係 oden.
即係好似湯浸紀文咁囉.
白甜麵醬超正,
仲有清湯提供變麵豉湯.
地址: 開封街二段46號

八方雲集
香港都開咗類似的水餃店,
所以特地試一試.
得五款,
不過隻隻都好食.
可以係水餃或鍋貼,
比較有特色係咖哩水餃同韓式辣味水餃.
一隻隻計: NT$5!!!
超抵.

阿宗麵線
大腸麵線,
我唔多識欣賞,
不過每次經過都人頭湧湧.
地址: 峨眉街8之一號

謝謝魷魚羹
好似魷魚味嘅魚肉碗仔翅,
我鐘意食碗仔翅~
地址: 漢中街32巷1號

鴨肉扁
好肥的鴨,
個味幾好,
但實在太肥.
地址: 武昌街二段2號

老天祿滷水豆干
買咗一份做零食,
好好食.
地址: 武昌街二後55號

青蛙下蛋
連鎖店,
我鐘意珍圓加愛玉.

成都楊桃冰
最後一日買一杯搭車,
酸酸甜甜,
幾好飲.
地址: 成都路3號

最後一樣係周街都有得買的玫瑰四物飲,
香港未有,
係香港未有俾女人補身用的飲品,
個包裝又靚就買咗樽囉.
甜甜地的中藥飲料,
還可以啦.

全民總動員

尋日上磅竟然 118 磅!!

為身體又好,
為阿哥的婚禮也好,
為啖氣都好,
我一家四口都在減肥.

成班懶蛇食得又少,
又要做運動,
好可怕呀...

家好月圓

我的家在上演真人版家好月圓.
阿爹係jo飽,
阿娘係荷媽,
四嬸係紅姨,
四叔係面油王,
嫲嫲係嫲嫲,
二叔係管家仔,
佬叔係阿圓,
佬嬸係嘉美.
我同阿哥極其量咪阿月同阿卡~

我同娘細細聲講: 你係龍就飛上天, 係蛇就鑽落地!

成件事主旨係人不為己.
人性的醜惡,
就係你左右.

Saturday, September 20, 2008

買!買!買! @台灣

美容部:
我的美麗日記
必然首選.
平靚正面膜專家.
約 TW$189 有十塊.
有勁多款式選擇貼合唔同的需要.

蜂王乳
娘叮囑一家要買的東東.
蜂王乳係俾蜂王漿更好的天然產物.
事緣當年娘開始更年期,
醫生要佢食藥物輔助,
仲成日話藥有負作用 (情緒起伏咁囉).
那一年去台灣個導遊介紹之後買咗一年的份.
是原裝新鮮要放在冰格,
並不是膠囊或加工的製品.
每日食一小匙, (比雪糕的匙更少.)
咁佢話極好,
身體強健, 心情開朗,
最仲要係老人班都淡化咗!!
(好似賣藥咁...)
我都要試吓可唔可以減黑眼圈!
牌子其實有很多,
台灣的養蜂園有很多.
今次呢間就 NT$1500, 有 3個月的份量.
永全國際有限公司
台北市中山區松江路380號 (行天宮對面)
tel: (02)25867310

Dr WuFor Beloved One(寵愛之名) 都係台灣出名的開架皮膚護理品牌.
係專櫃試過寵愛之名的產品總覺膩膩的.
今次買咗大S 御用美白精華液的 Dr Wu.
咁啱康是美(類似萬寧啦)做緊推廣: 日夜美白抗皺組 NT$1680, 係原價的53折!!
熊果素美白精華液 15ml
RS 活氧美白精華液 15ml
微導抗皺面膜 3pcs
試完再報告.

衣物部:
PLEATS PLEASE ISSEY MIYAKI
香港冇專門店的日牌.
娘最鐘意佢地嘅袋,
布料輕身又特別.
約港銀2XXX 囉.
最估唔到係原來台灣係有得退稅 5%架!
咁多次都未試過,
可能好少係台灣買貴嘢.

仲有手信部:
黑橋牌肉乾,
義美蜂蜜蛋糕,
老天祿鴨舌,
淡水金記麻糬,
維格鳳梨酥,
我愛的港記芝士餅(鳳梨酥)囉.

Friday, September 19, 2008

飛 @中華航空

因為航班時間的關係,
選擇了中華航空.
iris 仲問: 你唔驚空中解體咩?

事實係除咗個位太迫之外,
其他的事情都好滿意.
座位係明顯的細張啲,
走廊又窄啲.

touch screen 的機倉娛樂,
廿套電影選擇,
仲可以 review 或 fast farward,
又有得打機.

最估唔到係食物好好食喎,
去程的點心拼盤,
連叉燒飽都軟熟,
回程的豆干炒米苔目,
都好好.

空姐更加係出名的靚啦.

幸福是...

同屋企人飲茶;
跟十兄弟無聊的虛渡光陰;
收到朋友的電郵信件;
等待的時間有人陪我玩無聊記性/智力遊戲/講電話;
可以瞓一個好覺;
有電視睇;
有甜品食;
有人陪/有錢/有時間去旅行.

看!
我是多麼的幸福~
我的幸福因為有你你你~

Thursday, September 18, 2008

台北: 寶格利時尚旅館 Burgary Hotel

今趟最特別係選擇了新興的 hip hotel.
寶格利上年才開業,
新鮮熱烘烘~
不過我覺得係台式 love hotel,
呢度另設時租!!
學生仲租兩個鐘送多一個鐘!!!

寶格利最好係地點,
係正中西門町,
遠東百貨對面,
行去蛋蛋屋都只不過三分鐘.

我覺得係情侶首選,
點解?
燈效一流~
有得揀唔同的情調: 晴空, 浪漫, 追型, 特色床頭燈...
頂級沖柱花灑SPA ,
沖涼實是享受!
加 HK$200 一晚有水療浴缸,
最抵死係開按摩池的時候有幻彩燈光!!!
(官方仲話係: 觀賞式櫥窗浴缸!!)
浴缸仲另有 20 吋液晶電視,
廳一部, 房一部!
廳的是 32 吋液晶電視,
百幾個台任選!
唔使迫, 又唔使爭~
(我不停睇康熙來了, 黃金 B 班, 我愛黑會, 模范棒棒堂.)
king size 大床,
或者可以叫兩大張單人床,
可以各據一方.

當然都有啲唔好啦.
雖然話包早餐,
但係實在係去隔離餐廳換份三文治加杯咖啡或茶或果汁,
麻麻地囉.
另外個廁所係掛牆式,
高度預計好差囉,
我坐上去係吊腳嘅!!!
緊緊腳趾公掂到少少!!
被舖只係被單加床舖, 唔多似有張被, 梗係好似唔乾淨咁囉.
同埋枕頭太軟,
所以瞓得唔係咁好.

官方網站
地址︰ 臺北市中華路一段168號
電話︰ (886) 02-2382-1314

台北: 往返機場

往酒店:
一出桃園機場,
轉左會見到飛狗巴士櫃檯,
同工作人員講你要去邊間酒店,
然後去櫃位後面上車,
到達的時候,
司機到站會叫你.
非常方便.

往機場:
因為經常誤點,
依家大部份的酒店都冇再跟飛狗聯繫,
即係冇得直接係酒店搭巴士出機場.
方法有二:
1. 酒店安排七人車,
今次就 NT$400 一位,
直接酒店門口上車.
2. 搭國光號巴士
先坐車去台北車站旁的國光客運車站,
搭巴士去桃園機場,
每張票價 NT$125.
60 分鐘抵機場.
每隔 20 分鐘一班車.

台北 4 Days

Day 1 雨天 (颱風天)
飛台北
飛狗去西門町
永康街
西門町遊盪

Day 2 雨天 (颱風天)
故宮博物館
淡水老街
按摩
士林夜市
西門町遊盪

Day 3 晴天
台北101
民權西路
按摩
西門町遊盪

Day 4 晴天
台北車站
書局街
西門町遊盪
返香港
-------------------------------
超悠~
慢吞吞4 日遊~
食!食!食!
我覺得好幸福囉!~

Wednesday, September 17, 2008

我回來了

返來囉,
好唔開心,
聽日又返工啦!!! 唉.....

幾日冇開電腦,
email 有 60+,
大部份係廣告.
facebook 有 60+ alert,
大部份係義氣仔女 online 的升級提示.
義氣仔女 online 變咗 121,000,000!!!
如果我個戶口都有咁多錢就好啦.

Saturday, September 13, 2008

low b

Wee says:
low b
Jellyfish says:
learnt from u
Wee says:
my professor is jo
Jellyfish says:
both of u are my tutors
-----------------------------
jo, i'm gonna miss you~~ hohoho

又打風

點解台灣又打風?
莫非連個天都唔鍾意我?

去到就算個風走咗都持續落雨啦....
唉...

Friday, September 12, 2008

真係好驚

尋晚瞓唔著呀!!
好驚呀!!!

(澄清: 我係因為套鬼片瞓唔著,
因為太驚....)

Thursday, September 11, 2008

4條大路通陰間

睇完勁興奮.
因為真的驚嚇!!!!
一定要同大家分享~~~

熟悉我的朋友都知我最鐘意睇驚慄片,
我有一個鬼片之友,
我地呢幾年去戲院睇咗大部份的驚慄片,
一致裁定呢齣實在係!
加多句:
散場的時候我聽到喊聲!!
有三個女仔分別在男友的手臂下喊緊!!!!
真係幾嚇人!
自問膽小實在唔好入場!

我知睇我部落格的朋友應該都唔夠膽入場睇呢套戲,
所以唔怕寫~
四個故仔,
一個故仔至少兩個勁驚嚇位,
至少都驚八次啦,
問你死未!

泰國鬼片實在一流!
由片頭到音效到手法到節接到演員, 導演.....
全部都勁有氣氛,
好好睇!!
絕對係近五年內睇過最好之一!!!

(細細聲話你聽: 其中一幕我都忍唔住大叫咗一嘢!! 你話驚唔驚!!! 仲要全場 echo!!!!)

官方簡介:
集結泰國電影新力量拍成的《4條大路通陰間》,請來《鬼影》(Shutter)、《19號屍體》(Body)、《連體孤魂》(Alone)等四位擅長拍攝泰國恐怖片導演執導4段駭人鬼魂故事:由《回陰短訊》中手機短訊惹出冤靈,到《恰鬼死人》一群年輕人欺負同伴後遭到詛咒的故事,到《在水中央......》露營帳篷內鬧出見鬼疑惑,到《凶中小姐》於空中運送屍體回國聽到“鬼”異之聲;四個故事一步一驚心,帶領觀眾進入恐怖鬼世界。《4條大路通陰間》在泰國上映後榮登票房第一位,而在力壓同期上映的荷里活電影,包括《奪寶奇兵之水晶骷髏國》、《魔幻王國 : 卡斯帕王子》等。

Wednesday, September 10, 2008

夜遊深水埗

好少去深水埗,
深水埗的印象係:
鴨寮街 + 麻甩佬,
電腦商場 + 電車男,
手工藝材料舖 (係咪應該 + 乾物女??).

我到深水埗的原因不外乎食:
街市有一檔專賣生劏龍躉的店,
買龍躉件返屋企蒸或炆.
不過我識去唔識地址,
淨係記得係街市大樓隔離.

個個月都至少去一次的腐竹店:
可以煮我愛的腐竹糖水.
樹記腐竹
地址: 深水埗汝州街236號
電話: 2386-7776

我覺得係全港最好的腸粉店:
腸粉超滑,
醬料又正~
合益泰小食
地址 : 深水埗桂林街121號
電話 : 2720 0239

那天試了劉森記,
自家製竹昇麵一流,
麵條沒有鹼水味且爽脆彈牙.
不過蝦子沒有灣仔楊記的好.
劉森記麵家
地址 : 深水埗桂林街48號地下
電話 : 2386 3533

仲有極出名的豬油渣麵, 0架0央多, 豬潤公仔麵....

原本想由深水埗經上海街行到油麻地,
不過太攰的關係,
淨係行咗鴨寮街,
再去到太子已經冇電.

廟街 + 上海街,
下次請早~

很累

尋日一早玩咗三個客,
今日又出走了整個上午,
由筲箕灣玩到上環再返銅鑼灣.
大熱天時,
我想返屋企沖涼.

Monday, September 8, 2008

台北四天暫定行程

Day 1: 永康街 - 故宮博物館 - 美麗華 - 士林夜市
鼎泰豐 (信義路二段194號)
府城台南清蒸蝦仁肉丸 (永康街31巷2號)
冰館 (大安區永康街12巷4號)
度小月
前往故宮捷運,
搭捷運淡水線或北投線至捷運士林站,
由【出口1-中正路】出站, 再搭公車304、620、255、紅30、小18或小19.
亦可由捷運士林站搭計程車至故宮(車資約130元).
捷運劍潭站乘坐免費專車(劍潭站1號出口右方)到美麗華百樂園(摩天輪).
可往捷運劍潭站的吃路邊攤。

Day 2: 野柳 - 淡水 - 淡水漁人碼頭 - 八里左岸 - 西門町
由台北車站, 搭往野柳的公車(NT$102),
參觀晚後再坐回士林站撘捷運 (紅線) 往淡水終點站.
從捷運站出往右找紅 30 車至漁人碼頭 (NT30, 車程 15 分鐘)
或可直接走至淡水老街.
可坐船往對岸八里欣賞對岸風景.
紅毛城-- 情人橋,
漁人碼頭睇日落-- 乘坐公車紅26回淡水捷運站.

Day 3: 台北車站 - 台灣故事館 - 中正紀念堂 - 101 - 誠品書店﹑新光三越新天地、 饒河夜市
台北車站周邊shopping
台灣故事館,
中正紀念堂,
從西門町坐捷運往市政府 1 號出口右轉會看到 101 免費接駁車, 101, 華納商圈, new york new york, 新光三越新天地﹐誠品書店.
乘巴士往松山的饒河夜市,

Day 4: 行天宮 - 忠孝敦化

copy: 十二星座野蠻女友

白羊座︰野蠻指數89%
白羊座的女生要是野起來你根本無法控制,只有他自己才知道要去哪,你叫他往東她鐵定往西去。

金牛座:野蠻指數23%
我不敢想像野蠻女友出在這個星座會變成什麼樣子,男不成野蠻的定義只是學印度人用手吃飯?

雙子座:野蠻指數46%
雙子座最痛恨野蠻了,有道是君子動口不動手,她不過最多用小虎牙咬你而已嘛!別擔心。

巨蟹座:野蠻指數67%
巨蟹座野蠻起來當然不只會用兩隻蟹螯夾你,她還會哭得死去活來的讓大家以為你欺負她了。

獅子座:野蠻指數72%
天生麗質的獅子座女友就算在怎麼撒野,你也只能說她野艷,絕對不能說她野蠻,不然小心她咬你喔!

處女座:野蠻指數20%
有些時候她認為自己很野,但是看在我們眼裡那不過是連續劇中小家碧玉跺跺腳鬧情緒而已。

天秤座:野蠻指數43%
雖然他們號成愛好和平,可是喜歡走極端的天秤女生,野蠻起來不是普通人可以受得了的。

天蠍座:野蠻指數76%
為了氣質著想他們很少撒野,但是為了愛情她可是會不顧一切跟你拼命,她一點也不野蠻,但是…

射手座:野蠻指數90% --> YES!! I AM~~
射手座女生對於任何事情都毫無顧忌,常常會嚇到一票男生,加上愛四 處跑的個性她不但野蠻而且還很野馬。

魔羯座:野蠻指數26%
號稱最具傳統婦女美德的魔羯座,當然不野蠻,她們比愛吵愛鬧的人冷靜多了。

水瓶座:野蠻指數68%
這個很喜歡說自己冷靜的星座要是遇到讓她生氣的事情可故不了這麼多,要知道男生能做的事情她也會喔!

雙魚座:野蠻指數54%
雙魚座常常喜歡裝成一付溫柔浪漫的樣子,但是當她歇斯底里的時候我勸你最好還是閃一邊去。

copy: 十二星座野蠻女友

King Ludwig Beerhall

為咗慶祝林芍芍同仙地同學全科合格,
我們一起 '高茶' 去.
由於貝貝需要 'fresh air'!!
地點最後定於赤柱美利樓.
之後仲去咗圖書館同去買赤柱名物-- Jenny Bakery 曲奇餅添~
-------------------------------------
tea buffet 整體不錯,
有沙律, 熱盤, 自選意粉, 燒烤同甜品.
燒烤比較有特色,
特別是薯粒很香口.
甜品有很多選擇,
有個類似心太軟的朱古力蛋糕最好,
蘋果金寶也不錯.

每位$118 包一杯飲品,
食物不錯,
服務不錯,
露台位置感覺悠閒,
天朗氣清,
很寫意呢!

貝貝仲不停唱歌啦... 扮嘢啦... 周身郁啦... 同發傻添...

King Ludwig Beerhall
地址 : 赤柱赤柱廣場美利樓號202舖
電話 : 2899-0122
類別 : 德國菜

莎巴馬來西亞餐廳

早前看完別人的部落格,
特地到場午膳.
試個海鮮喇沙 (HK$60),
超級「杰撻撻」!!
雖然個碗頗細,
但係好多配料,
有濃郁的咖喱味,
好飽吓.
佢叫咗海南雞飯套餐 (HK$60),
海南雞好嫩滑噃,
餐仲有湯, 甜點同飲品添.
--------------------------------------
早幾日睇黃子華之前,
一行四人就近近地食個快飯.

馬來羅渣沙律 (沙爹醬) HK$50
很得意的沙律,
有油炸鬼, 青木瓜, 青瓜....
同好多花生的沙爹醬.

咖哩馬沙拉鮮魷 HK$75
餐牌上明明得一隻辣椒,
結果都好辣吓!!
一般囉.
冇乜特別.
純粹有個咖哩汁食油鬆餅.

油鬆餅 HK$40 x2
好鬆的餅,
所以後加多一客.

怡保銀芽雞 (半隻) HK$118
咪即係海南雞?
有銀芽墊底咁囉.
一貫嫩滑.

馬拉盞通菜 HK$55
不錯的炒菜.

四個人埋單 HK$372.
可以再黎食吓其他嘢.

莎巴馬來西亞餐廳
地址 : 灣仔謝斐道98-102號仁文大廈地下4及5號舖(近盧押道)
電話 : 2143-6626
類別 : 星馬菜

娘的生日禮物

因為阿哥事務繁忙兼粗心大意,
所以每年娘的生日禮物都係我負責張羅.

由於阿娘五糧不缺三餐不憂,
一般我都係求其去珠寶店揀件首飾同阿哥夾份,
結果手鍊, 耳環, 吊咀, 頸鍊,
黃金, 白金, 鑽石, 珍珠, 乜都有.

今年攪攪新意思~~
以一輯結婚相作為賀禮.
娘一向都說在六十歲的時候未死又未離婚就會再影過,
家吓適逢阿哥結婚的時間,
爹娘就可以一齊影番輯外地婚照~

娘當然很高興啦.
爹的反應係: 冇問題~ 你減咗個肚腩先啦~
娘: 你唔好大我, 我即刻去減咗個腩! 你睇住黎!

究竟我啲錢可以留幾耐呢?
定係等到我結婚嗰時佢兩老至影呢??

雲腿月餅

每一年的中秋節我都期待月餅,
期待的不是冰皮, 不是奶黃, 不是雙黃白蓮蓉,
是鹹的雲腿月餅.

每一年我都要特地到國貨公司去,
買一盒國產, 平實樣, 金色紙盒,
大大隻紅色字寫住'雲腿月餅'的心頭好,
返到屋企用焗爐翻熱,
翻熱了的雲腿很香.

今年,
竟然... 冇入貨!!!!!
好.失.望.
好想食呀......

Sunday, September 7, 2008

節目預告

這兩天活動非常豐富,
先預告一下:

娘的生日禮物
High Tea @Stanley
夜遊深水埗
結婚公仔對對碰
深圳婚紗店半天遊

聽日慢慢寫,
今日好攰啦.

Saturday, September 6, 2008

男磨坊

'黃子華'.
買飛的時候只知道係'黃子華'!!
咁就俾錢啦.
一路都仲以為係棟篤笑添~
(所以買咗平飛...)
好後期至理解係: 舞台劇!
(之後後悔買咗平飛...)

三個男人的友情故事.
一個婆婆媽媽,
一個自以為是,
一個隨波逐流.
很像我們.
寸咀, 小氣, 無聊!

時間很快的過去,
兩個小時的演出轉眼就小息,
轉頭又全場完了.

節目簡介:
舞台劇《男磨坊Art》曾榮獲美國百老匯東尼獎「最佳戲劇」(Tony Awards – Best Drama)、美國紐約戲劇評論大獎「最佳戲劇」(New York Drama Critics Circle Awards – Best Drama) 、英國奧利花戲劇獎「最佳喜劇」(Olivier Awards – Best Comedy)和法國莫里哀戲劇獎「最佳劇本」(Moldier Award – Best Play) 等國際大獎認同。由棟篤笑殿堂大師黃子華主演,伙拍首爾劇壇泰斗鄧偉傑、喜劇老祖Philippe Gaulier傳人陳淑儀,配合香港演藝學院歌劇院五星級環境。這國際品牌舞台劇絕對不容錯過。

故事是講述三個情同手足的男性好友,因為其中一人用高價買了一幅現代派油畫後而引發的連串爭議開始,三個人的友情更因為價值觀、對藝術的認知與理解的不同而飽受重大的考驗。
香港演藝史上至尊天價舞台喜劇。

Thursday, September 4, 2008

12月13日 精密專家

12月13日出生的人具有鉅細靡遺的個性,總是咬著牙,慢慢地、仔細地、精準地做他們的工作,可是又不會因此而忽略了長遠的目標,這種收放自如的個性促使他們的成功機率大為增加。但是,他們也可能因為連小節都要求盡善盡美,而變得如履薄冰般地謹慎恐懼,甚或深陷其中、無法自拔,到後來便灰心喪志,不得不全盤放棄。一來,他們原來認為可以在短時間內達到遠大目標的雄心壯志,可能馬上就會轉變成難以承受的負擔。

所幸這些人還擁有跑馬拉松般的堅韌鬥志,而且他們會從短暫的痛苦經驗中體認到:羅馬不是一天造成的;真正有價值的目標是無法一蹴可及的。事實上,這一天出生的人對於傳言中的捷徑或速成方法、致勝秘訣等偏方都抱持懷疑的態度,認為它們太輕薄膚淺;可量他們自己卻也不見得能夠順利破解每道關卡,向更深遠的目標邁進。有時候,當他們使出渾身解數都還不能突破困境的網時,那簡直是連呼吸都有困難,更別說要繼續前進,或是尋找生命的意義了。

這一天出生的人有時也蠻像個心理學家,他們非常從家人、朋友或同事的言行中探察這些人的潛在動機。他們不但瞭解人類的矛盾心態,也能一眼看穿某人的一舉一動,究竟是自然本性的流露,還是防衛心態下的反應動作。

同時,他們自認為是挖掘生命中各種奇妙故事的偵探,但是別人並不見得喜歡他們這種敏銳的覺察力。的確,這一天出生的人大偵探們應該學會適時收入起敏銳的天線,多尊重別人的隱私權。

這一天出生的人通過工作上的概念形成和企劃,較能展現他們天賦的長才,並且能以很從容、優雅的方式來完成這項工作,但對於實際執行面的問題則花較少心思。其實,這一天出生的人只要不捨本逐末,光記著擦亮門把卻忘了開門的話,他們是很容易就能闖出一番成就來的。

令人擔憂的是,這一天出生的人容易顯露反覆無常的個性,怪癖又特別多,因此工作經常不太順利,與朋友及家人的關係也受到很多困擾。如果能夠為整體融洽著想,而做一些適當的妥協和讓步的話,他們的事業、家庭和友情便可絕處逢生、左右逢源。總而言之,千百萬不要因為太過吹毛求疵,而把別人都惹火了。

幸運數字和守護星
12月13日出生的人會受到數字4(1+3=4)和天王星的影響。天王星賦予今天出生的人反覆無常的個性和火爆的脾氣,與木星(射手座的主宰行星)的結合又使他們不太能察覺到自己對別人所造成的困擾。木星和天王星的交互作用,的確讓12月13日出生的人常常在生命的重要時刻中,經歷到無與倫比的紛亂與不安。雖然數字13對很多人來說不是一個幸運的數字,但它卻帶有強大的力量,善用它的人可能會獲得推波助瀾的效果,但相反地,也可能因此導致自我毀滅的後果。數字4基本上代表了叛逆、異於常人的信念以及改變成規的慾望。

健康
12月13日出生的人特別重視自己的健康狀況,他們不但對於自己身體的不適,會有一些異於他人的看法,對於如何解除這些病痛,也有著他們自己的一套奇怪理論-不過,經常因此而適得其反,不但病痛沒有解除,反而更加惡化。無論是新處方藥品、醫界尚持懷疑態度的新世紀療法,或是類似醫聞理論的方法都應小心看待。事實上,一個好的內科知師或醫藥顧問,才是這一天出生的人最好的健康守護者。在飲食和運動方面,這一天出生的人應該避免過度注重細節,因而經常變換飲食內容和運動方式。持續已試用過的飲食計劃才能保持均衡的健康,若再配合溫和的體能運動就更能遠離病痛的折磨了。

建議
不管做什麼事都不要身陷其中而無法自拔,要繼續你的腳步。有時候太多的修飾反而是在浪費時間和精力。接受別人的特色和缺點。不是只有你才需要自由的發揮空間。

靜思語
如果只見樹而不見林,你就很可能永遠走不出那座森林了。

優點
慇勤懇切、感覺靈敏、善體人意。

缺點

隨意干擾、令人惱怒、混沌不清。

Reference:
http://birth.poheart.com/

多謝

一. 多謝你的了解.
二. 多謝你的開解.
三. 多謝你聽我發嚧蘇.
四. 多謝你忍得住我煩到震.
五. 多謝你忍得我懶.
六. 多謝你請我食飯.
七. 多謝你請我睇戲.
八. 多謝你成日俾我白眼.
九. 多謝你成日俾我鬧.
十. 多謝你成日扮豬.
十一. 仲要多謝你俾我唔返工仲要養埋我~ 哇哈哈~~~

卡洛王子

比想像中冇咁悶~
三個小時輕輕的過去了~
中世紀劇情片!
家仇國恨嗰隻.

相比起歌唱的本身,
(當然意大利文我都唔識聽啦!)
我更欣賞製作的誠意.
服裝佈景道具非常認真.
另外小交響樂團的演奏非常有氣勢!

坐第一行的中間,
正正的望住各演員,
表情紋都見埋~
超正!

節目詳情:
威爾第道盡人間情事之作 崇高兼美 令人低迴
威爾第的著名歷史歌劇《卡洛王子》原本以法文寫成,並於一八六七年在巴黎作首演。作品是根據席勒以十六世紀為背景的德國戲劇為藍本,劇情圍繞西班牙國王菲利普二世皇室裡的愛情與嫉妒、政治與革命、鬼魂與謀殺,以及友情與背叛的糾纏而發展。悲劇圍繞著年青的卡洛王子對法國公主的愛發展,法國公主本來是他的未婚妻,結果卻成了父親的新娘。這齣歌劇後來被譯成意大利文,並由威爾第修改,於一八八四年在米蘭公演。歌劇裡有著多首著名的詠嘆調,包括由伊波莉公主唱出的《面紗之歌》。伊波莉公主因嫉妒而釀成悲劇,她唱出《噢,被詛咒的命運》來詛咒為她自己帶來惡果的美麗容貌。還有為卡洛王子犧牲性命的忠心摯友羅狄高,臨死前唱出的《啊!卡洛,聽我說》,懇求王子在法蘭德斯繼續反抗菲利普國王勢力的鬥爭。國王也唱出《她不曾愛過我》,流露出他對年青的妻子從來沒有愛過他的哀傷。而最後一幕,在和繼子及愛人最後一次會面之前,皇后伊莉莎白唱出了動人心坎的《你見識過世間的繁華》。《卡洛王子》是威爾第巔峰時期的力作,也是觀眾最喜愛的作品之一,讓大家可以欣賞到他非凡的音樂才華。

香港首演 四幕歌劇
意大利文演唱、中英文字幕
原法文劇本:卡米爾.杜洛克及弗朗索瓦約瑟.梅立,根據弗里德里希.席勒的同名戲劇改編
意大利文譯本:阿希爾.勞齊瑞斯及安傑洛.贊納第尼

夏威夷歌劇院、溫哥華歌劇院及香港歌劇院聯合製作
監製:莫華倫
導演:亨利.艾建納
指揮:吉田裕史
香港小交響樂團
香港歌劇院合唱團

Tuesday, September 2, 2008

不快樂

上班不快樂,
令人不快樂.
若需要快樂,
離開可快樂?

抑鬱大測試

在最近兩星期內,是否經常也覺得
●沮喪和不快樂
--> 係
●對身邊事物毫無興趣
--> 唔係
●自責,覺得自己沒用,對前景感到絕望
--> 係
●時常覺得疲累,沒有精力,不願活動
--> 係
●有自殺傾向
--> 唔係
●睡眠失調,包括失眠,,早醒或睡得太多
--> 係
●體重與食慾驟變
--> 唔係
●難以集中精神
--> 係
●躁動或遲滯
--> 係

如果兩周內,出現了上述最少5項情況,那便可能患了抑鬱症,請向家庭醫生或精神科醫生求助。
-----------------------------------------
死啦...死啦...
再咁落去我真係抑鬱症架啦!!
可唔可以 claim 工傷?
或者心理創傷?
-----------------------------------------
抑鬱症狀
情緒低落的感覺可以很快消退,但抑鬱意念卻長期在病人腦袋縈繞不去,所有東西也平凡沒趣無吸引力,既煩躁又睡不好,吃不好,頭痛失眠沒胃口,減低性慾甚至陽萎,心理折磨不會比其他肉體疾病輕


陷入抑鬱之路,的確很難受。衞生署中央健康教育組資料顯示,抑鬱者有下列特徵,不妨以此觀察身邊親朋,提高對抑鬱症的警覺:

1)情緒:
情緒低落.對嗜好失去興趣.悲觀.無助和絕望.緊張、暴躁、焦慮

2)身體狀況:
容易疲倦.食慾不振或過量.體重減輕或暴增.睡眠不安.性慾減低.原因不明的身體不適

3)思想:
記憶力減退.精神難以集中.思考困難.缺乏自信.難作決定.過份自責.有自殺傾向

4)行為:
孤僻.動作緩慢.無心打扮.缺乏活力.疏於職守

這些發生在抑鬱病人身上的轉變,可以很突然,很極端。譬如平日勤力持家、關心子女的家庭主婦,突然變得懶散,對家事和子女成績不聞不問,終日躺在床上唉聲嘆氣。又或者成績優異,積極參與課外活動的學生,不知怎的不願上課,又因害怕見人不肯再參加課外活動。也許從前一目十行,現在看了一整個小時,一句也看不入腦,覺得自己失敗極了,再也提不起勁,做事反應遲鈍。

此外,焦慮與抑鬱形同孿生子,往往一有抑鬱症狀,焦慮便如影隨形。當身邊人滿腦子焦慮不安,經常自責兼自卑,明顯意志消沉時,或許是抑鬱的先兆。同時,若患上抑鬱症,抑鬱情緒通常在早上或者日間最強烈,晚間會好一點。

支援抑鬱病友走出抑鬱
抑鬱病人通常失去自信,對所有事情漠不關心之餘,思緒亦左搖右擺,經常埋怨自己所作所為。病友親人應盡量避免讓病人作出重要決定,例如辭職、與情人分手等,避免病友沒有周詳考慮,一時衝動下事後追悔。

此外,病友其實極需要身邊人的支持和關懷。的確,身處抑鬱情緒的病人,對別人的鼓勵無法聽得入耳。不過,只要鼓勵病人發洩自己的感覺,關心他們,肯定他們的能力,讓他們感到抗病的路並不孤單,提高抗病的勇氣。

Reference
抑鬱大測試

Monday, September 1, 2008

家庭無聊事

返屋企食飯.

娘叫我七點鐘返到.
我準時,
發現佢未開始煮飯,
但係有一大煲我想食的紅豆沙.
佢話要等爹返黎.

一等,
等到八點幾,
我食咗三碗紅豆沙.

爹返黎,
開飯.
菜式奇奇怪怪,
炒雜錦太鹹啦,
白灼椰菜花加胡椒粉啦,
唯一個蕃茄紅衫魚正常.
況且我都飽飽地,
不停投訴呢樣嗰樣~

娘同爹講: 睇吓睇吓, 煮埋俾佢食仲咁多嘢講! 梗係食飽紅豆沙啦!
我同爹講: 都係你唔好啦, 咁遲至返黎! 攪到我食飽咗紅豆沙!
爹同娘講: 都係你唔好啦, 煮啲嘢咁好食! (再加反白眼!!)
我: .............!!@r^&#%^*&

我爹實在情場浪子鬼見愁, 溝死女呀~

Sunday, August 31, 2008

Irreplaceable

節錄自 Wyman 今日係蘋果的專欄.
我想我在公司的地位還可以吧.
--------------------------------------------------------------------
Irreplaceable 。
多 麼 好 的 一 個 詞 語 , 我 也 奇 怪 怎 麼 今 天 才 第 一 次 聽 到 有 「 中 文 譯 本 」 。 ( 也 許 一 直 有 而 從 沒 碰 上 的 緣 份 吧 。 )
看 台 灣 電 視 節 目 《 超 級 星 光 大 道 3 》 總 決 賽 , 只 因 心 懸 於 當 日 在 Youtube 一 聽 難 忘 的 徐 佳 瑩 , 到 底 最 後 有 沒 有 贏 呢 ?
果 然 在 衝 線 回 合 險 贏 一 個 馬 鼻 , 評 審 之 一 歌 手 張 宇 先 生 在 事 後 講 評 時 解 釋 , 徐 佳 瑩 勝 過 同 樣 超 職 業 水 準 的 亞 軍 林 芯 儀 一 點 點 甚 麼 呢 ? 那 個 東 西 叫 做 「 不 可 被 取 代 性 」 。
啊 , 一 言 驚 醒 。
這 個 概 念 呢 其 實 早 已 有 之 , 只 是 終 於 有 人 能 較 簡 單 直 截 地 整 理 好 , 化 成 一 個 中 文 單 詞 替 我 講 出 來 , 還 是 有 種 暢 快 的 感 覺 。
多 麼 好 的 一 個 詞 語 , 忍 不 住 又 要 再 讚 一 次 !
職 場 上 總 是 有 一 些 人 比 另 一 些 人 命 硬 , 公 司 無 論 怎 樣 財 政 緊 絀 精 簡 架 構 , 裁 員 時 炒 來 炒 去 就 是 炒 不 到 他 , 秘 訣 其 實 只 是 因 為 「 有 一 些 人 」 有 意 無 意 間 維 持 了 自 己 的 「 不 可 被 取 代 性 」 , 而 「 另 一 些 人 」 沒 有 。
雖 然 三 毫 子 哲 學 有 云 「 呢 個 世 界 邊 個 冇 咗 邊 個 唔 得 」 , 但 冇 咗 某 啲 人 就 係 麻 煩 , 冇 咗 某 啲 人 就 係 冇 咁 手 尾 長 , 老 闆 總 是 keep 個 開 除 嗰 就 比 較 「 乸 手 唔 成 勢 」 伙 記 。
至 於 甚 麼 是 一 個 人 的 「 不 可 被 取 代 性 」 , 各 師 各 法 很 難 講 , 有 時 一 個 員 工 能 永 久 保 命 , 只 不 過 是 因 為 知 道 「 釘 書 機 放 在 那 一 個 抽 屜 」 。
------------------------------------------------------------

Saturday, August 30, 2008

80分鐘死亡直播

強烈推介!!

內容不好說穿.
不過氣氛緊張,
由頭到尾只有少許喘息的機會.
第一身的攝影機,
直擊現場報導.
只是後段有少少失色.
整體都完全符合一齣驚慄片的要求.
音效一流,
好像到鬼屋走了一圈,
一定要去戲院親身體驗!

官方簡介
西班牙消防隊去年接獲26,735通求救電話;成功救援2,793人;24名消防隊員受傷;2名消防隊員殉職。為深入了解消防員的工作,電視台決定做一個消防隊員夜間工作的深度新聞專輯,派出女主持人及攝影師貼身追隨兩位消防員,真實紀錄他們日常的救援工作。這個晚上,一通再平常不過的求助電話將帶他們處理一個從未面對過的救援任務…… 消防隊接到市區某老舊公寓的報案,指稱有人受傷。主持人跟著消防隊員來到現場,攝影機也一路拍攝,但意想不到的事情卻發生了,他們全部被困在這座老舊公寓,眾人沒法逃出,而在這棟被封閉的公寓中更有未知的恐怖戲碼正徐徐展開。攝影機成為唯一的證人,記錄了慘絕人寰的恐怖畫面…

Friday, August 29, 2008

算吧啦

每個禮拜跟兄弟們吃飯,
已成為習慣,
亦是精神最放鬆的時間.
無無聊聊又過了一夜.

是日精選:
游博士魂斷美國上頭條.
記者會係佢個 facebook 找到 top friends,
訪問我地的時候我地都唔認識佢.
discuss.com.hk 會發現佢興趣廣泛.
部落格會洩漏佢嘅疑似戀情.


當我吐工作苦水的時候,
大家的反應只得一個:
算吧啦~
好. 今日開始就算吧啦~
工作還是要繼續.

Thursday, August 28, 2008

愛上 Dr 凌

<家好月圓> 黃宗澤飾演凌至信醫生.
有知識有學識.
一出場幫女人在商場接生,
臨危不亂,
超型!
完全係你需要佢幫手佢係你身邊的典範.

鍾嘉欣飾演于素心,
成日都喊,
小小事心煩意亂,
典型嬌嬌女.
有問題的時候,
Dr 凌都會有很多奇奇怪怪的方法去氹佢開心,
無拿拿去南Y島食飯,
悶又講急口令引你笑.
一個能夠令女人笑的男人實在不可多得.

看看官方人物性格介紹:
充滿朝氣,
幹勁十足,
為人不拘小節,
重情重義,
感情專一,
樂於助人,
在醫院內廣受病人愛戴及同袍歡迎的一個模範醫生.
(簡單完人呀!)

一個人充滿朝氣,
將快樂感染你身邊的人.
做事有幹勁,
即係事業不俗啦.
仲要重情專一,
去邊度搵呀?

Wednesday, August 27, 2008

唔識/唔講

最憎人藉口話唔識所以唔講.

我當然唔會識晒全世界的人與事.
第一次唔識,
第二次可能唔記得,
第三次仲唔記得咪講第四五六七次,
得唔得呀?

我唔識唔係代表唔洗講囉.

Tuesday, August 26, 2008

作家

很佩服作家們!
近來實在有點江郎才盡,
寫咁短嘅部落格都開始冇嘢好寫啦.
點樣先可以日日都有啲嘢寫呢?

娃娃裝

娃娃裝唔係個個都可以着.
特別係有肚腩的不能夠.

嗰日我見到個同事着娃娃裝,
不過大家唔係咁熟,
我連佢結咗婚未我都唔知,
更加唔知佢會唔會係有咗.

佢件娃娃裝仲要係喺胸下有摺.
而佢個肚係完全填滿咗所有的摺位!
忍住好想問一句: 你係咪大肚?

好彩最後我都忍到,
佢只係肥咗,
仲大部份肥咗係個肚度添.

Sunday, August 24, 2008

今日事幹

休息.
休息.
再休息.

夜晚全家一齊睇閉幕式,
好溫馨.
或許是沒能飛走的唯一好處.

Friday, August 22, 2008

中秋

將成件事情改咗去中秋,
舒服晒!
原本都想中秋去多次~
依家慳咗一次錢...

yeah~
ENJOY EXTRA HOLIDAY!

取消了

太大風.
取消了.

即係聽日又要返工.
又要開會.
又要見老闆.
好灰.

第一次,
打大風但係好唔開心.

八號波

今年第三個八號假.
雖然唔駛返工.
但係我唔開心.
今日飛唔到的話, 點算?

Wednesday, August 20, 2008

感冒

最憎咁熱的天氣.
條街勁熱,
商業大廈冷氣勁凍.
一冷一熱,
又'瀨'嘢!

又感冒,
眼瞓死!

今日對話

今日對話有四人,
我啦, iris 啦, jo 同 swan~
老闆唔係度,
講咗成朝.

專登節錄俾其他兄弟羨慕吓, 哈哈~~~
-----------------------------------------------------------
Jo says:
tmr morning need to go to apply US visa ar... so scary
...
..
.
Wee says:
then u can come and lunch w/ me, haha
Jo says:
930 ar
Wee says:
che, when u r done dou at least 11.00 la
Jo says:
let me calll u la, but we see tmr nite la wor
Jo says:
why see so frequent?
Wee says:
gum suen la, i dun wanna see u la
iris says:
STUPID CONVERSATION!
Wee says:
hohoho
Jo says:
what wor... very meainingful
Wee says:
coz i'm talking to stupid person, haha
-------------------------------------------------------
Swan says:
now nothing to do..............so become receiption............
Swan says:
and sometimes many phone calls.........just FAs ask this ask that...
Wee says:
swan , u r the only one can understand ling thru those FA la
Jo says:
yes wor
Swan says:
FA = trouble
Jo says:
so does ling
Swan says:
very very trouble
Jo says:
WAHAAAAHAHAHA
Wee says:
FA=trouble, ling=FA, then ling=trouble
Jo says:
WAHAHAHAHA
Jo says:
so logical
Swan says:
good equation
Swan says:
AU FAs even worst, be spoiled too much
iris says:
ling also spoiled by klm lor
Wee says:
or ling spoiled klm nei
--------------------------------------------------
Swan is off on Friday, and wondering what to do.
...
..
.
Swan says:
all sleep whole day..............
iris says:
Wee says:
oooo swan back to hk and make dumplings for us la
Swan says:
hah...........
Swan says:
no la..............
Swan says:
I duno how to make dumplings...........
iris says:
u learn from him NOW!...and make for us later~
Swan says:
me try to make before..........not ok.........not very weak at those skills...
Josephine says:
practice makes perfect
iris says:
practice makes prefect
Swan says:
hoho
Josephine says:
wahaha we're brothers ma
Swan says:
me come HK...is eat.............not make
Josephine says:
wahhhhhhh
----------------------------------------------
Josephine says:
good and honest is boring type ma
Swan says:
hope so..............
Swan says:
I like boring and safe type.......... hah
Wee says:
that's why jo likes dr law, exciting and dangerous, haha
Swan says:
too excitied............heart attack.........
iris says:
lawly jean
Swan says:
jo like drink wine..........
Swan says:
I like drink coke
Josephine says:
don't think i'm sin man sin tak ga
Josephine says:
i like to drink water actually, haha
Weeeee..... 小霸王 says:
................
Josephine says:
everybody is dying
Josephine says:
iris left tim
Weeeee..... 小霸王 says:
die jor alrdy
iris says:
死左..
----------------------------------------------
Jo says:
WAIT WAIT ME FOR 10 mins, i've to buy sth to eat
iris says:
eat what..
Wee says:
fish ball law
iris says:
HKU have fish balls ma.......-_-
Weeeee..... 小霸王 says:
she always buy fish ball ga wor
Swan says:
I also want eat fish ball..............
Josephine says:
back
Jo says:
fishball yeah
iris says:
where u buy fish balls
Jo says:
tuck shop outside lib
iris says:
食死你!
Wee says:
好毒呀!
Jo says:
whywhy
iris says:
why 咩野
Josephine says:
why said eat die me
Swan says:
because she ng dai duck u have fish ball to eat
iris says:
你唔知咩?!報紙都有寫啦...hku 賣個d 魚旦食都有人入e院wor!
Swan says:
oh...............god bless u...
Jo says:
really? then i can take sick leave!!!
Jo says:
yeah!!
Weeeee..... 小霸王 says:
die no sick leave ga, it is certified
Swan says:
hahhaaa
Jo says:
then u guys will pay white gold, is ok la
iris says:
咁你可以出帛金卡lor
iris says:
可唔可以透支lei
Wee says:
very 'lan' gag
Jo says:
yesyes
Jo says:
will 透支 from ur acct
Jo says:
don't worry iris
Jo says:
i'll buy as much as possible
Swan says:
kill me..
iris says:
咁可唔可以儲積分
Jo says:
儲積分 to get the reward and send to u
Swan says:
white gold 儲積分???
Swan says:
to buy "paper house"???
We says:
can exchange products ma??
iris says:
可以換飛行里數...換夠直接送我去死!
Jo says:
unless u're died
Jo says:
wahaaa yesyes!!!
Jo says:
hell mileage
Swan says:
to save to use when u die...
iris says:
咁要搵個把鬼FA
Jo says:
no i'll give iris so that she can come earlier to accompany me
Jo says:
but she's king of lo so wor, maybe not allowed to go to hell
Swan says:
lo so hell
Jo says:
wahahahaha then we're in different hell
Wee says:
very mo liu conversation ar
Josephine says:
wahaaa
iris says:
u think we will talk about constructing a aircraft ????????????????????????????????????????????????????????????????????????????????????????????
Jo says:
remember to burn wu chun to me
Swan says:
paper "wu chun"
Swan says:
will change face and shape wo...........
Jo says:
no matter how much he change, i still love him
Jo says:
wahahahahahahhaahahaha
Wee says:
hai mei!!!! i dun think so
Wee says:
wu chun would got fire burnt afterwards
Wee says:
so his face is melt!
Swan says:
melted wu chun.............so scary
Jo says:
gick sei me la
Wee says:
certified AGAIN!
Jo says:
yesyes u want me die so much
iris says:
the fa will said: 人又死..你又死....你死咁多次....煩死人..
Wee says:
hai wor
Swan says:
hahaha
Josephine says:
yesyes

Monday, August 18, 2008

揀衫

工作上看似高不成低不就,
似經理又冇乜管理.
年齡上又話老唔老,
十八廿二已經過去啦, 但又未到老姑婆.

每日打開個衣櫃的時候,
實在有點苦惱!

不能再穿上太隨便 (但舒服..) 的衣物,
至少都莊重一點,
看似比下屬更返工一點,
但係又無理由全套套裝上陣.
裙又不能太短露太多肉,
顏色不能太鮮太惹人注意,

一日到尾都係黑白灰.
連身裙.
針織衫.
黑西褲.
想悶死人咩...

出得街又返得工的衫,
好難搵!

Sunday, August 17, 2008

家庭無聊事-4

回來家中,
父母已大叫大嚷買咗個新磅,
叫我一定要秤一秤.
爹: 呢個壞架, 有冇可能咁重?
娘: 死啦死啦, 愈來愈重啦, 就黎過九啦!!

我走上磅,
爹問: 點呀? 係咪壞呀? 都話壞架啦!
我: 係呀! 真係壞架! 唔知點解咁輕!!
(真係無拿拿輕咗幾磅喎!)
爹: ^&*@&xyz*()^$
------------------------------------------------
某夜九點幾,
阿嫲走咗上黎探爹.

坐了一陣子,
嫲問爹: 你沖咗涼未?
爹: 未, 咁早.

再坐了一陣子,
嫲問爹: 咁夜, 仲唔沖涼?
爹: 夜啲先啦, 都未瞓!

再再坐了一陣子,
嫲問爹: 快啲去沖涼啦, 沖咗涼舒服啲啦.
爹: 做乜係咁叫人沖涼? 我要沖會去啦!

再再再坐了一陣子,
嫲問爹: 沖涼啦, 咁夜仲唔沖涼!
爹: ^&*@&xyz*()^$

實在養兒九十九,
五呀幾歲人都仲要俾阿媽趕去沖涼!

這一陣子

工作很沈重,
但係我又沒有很緊迫,
反而有點開心.

一來有你開解我,
給我當出氣袋,
我知道無論發生乜嘢事你都會係我身邊,
朋友唔需要多,
有明白我的你都已經足夠了.

同事們總覺得我的生活好悶,
出街的伴唔係你就係你,
聚會的地點同活動亦了無新意,
不過聚會重質不重量,
每次聚會後都經鬆多了.

二來我覺得這些那些新玩意都是一個考驗,
有些新的衝擊,
為悶到抽筋的生活帶來新意,
至少唔洗日日要唸吓有乜嘢做.

工作時間真的有點兒工作,
感覺充實多了.
而且從中可以發現我是否真的喜歡這工作(實際的工作!),
暫時都還可以.

換季

又到了八月的時間,
大減價尾聲,
秋裝登場.

在季初買了到依家都仲未開封的新衫,
加上剛剛大減價添置的新衣,
還有新購的秋季新裝.
(又忘記了舊衣未清新衣免問的一換一承諾!)
一袋一袋未剪牌還在膠袋內仍然漿著的新衣,
(在未穿著之前我會原封不動, 以茲識別.)

有些是薄長袖的,
要過好一陣子才能穿著.
有小外套,
只能因冷氣太大而偶而穿一下.
今季太肥, 沒敢買入背心.
天氣太熱, 忍不住要穿上背心.
結果新衣還是放在膠袋內.

新衣愈叠愈高,
要另闢一角專門放置新衣,
又要大清場啦.

Friday, August 15, 2008

古惑仔 online

近來沈迷的 facebook 遊戲是 '古惑仔 online'.

這是一個很簡單的遊戲.
以經驗值升級, 升級後可以做更難的任務,
以體力作任務換取金錢及增加經驗值,
以精神/生命打架增加經驗和金錢.
金錢可以購買地盤而獲得金錢.

這是一個有雞先定有蛋先的事情,
一環一環互相緊扣.

從各人的選擇亦都可以看穿心理.
有人愛新鮮, 想不斷的升級作新的任務.
有人愛錢, 不斷的購買各式娛樂場所, 錢搵錢.
有人愛型, 買入不同的型格裝備.
有人愛勢力, 交朋結友, 廣結黨羽.
你愛的是什麼?

Thursday, August 14, 2008

小霸王

每天娘也會於 msn 問我回否返家吃飯.
通常只會打兩隻字俾我: 吃飯
我會回她一個熊貓點頭或一隻搖頭 say NO 的豬.

我很久才轉換一次 msn 的名稱,
近來叫'小霸王'.

今日阿媽問:
霸王花今晚吃飯嗎

阿媽講嘢真係好 funny.

快餐店

一向不喜歡吃快餐店,
美x, x家樂同 x快活都唔鐘意.

又要自己搵位,
又要自己招呼自己,
仲要唔係平!

但係天口太熱!
大家都唔想行出街,
唯有食快餐店啦.

唉!
我真係唔鐘意食快餐店架.

占占占x2

每次占占占之後,
心情都好好,
特別是做完瑜伽之後.

開始有點明白點解咁多女人鐘意做瑜伽.
瑜伽可以一個人做,
就算跟朋友一起也無補於是.
因為要集中才能將動作完成,
是自我的提升,
亦無必要跟人比較,
輕輕的靜靜的,
由淺入深.

依家常常占占占,
雖然我仍然好 hea,
但能夠專注一齊做一件事,
好開心.

Sunday, August 10, 2008

亂世出英雄?

亂世中仍能氣定神閒, 運籌帷幄,
一定有其過人之處.

市場測試公司,
公司測試你,
自己亦可以測試是否適合當一個死剩把口的中間人,
還是死剩對腳的高級睇樓員!

以前一路以下屬的心態做事,
以個人的利益為依歸,
所以可以吃喝玩樂.
在愛權又愛錢的女人離開以後,
機會慢慢的浮現出來.

依家老闆的分組活動,
給我當個小組長,
在市場淡靜下令我更沈重一點.
為個人的成績負責,
為團隊負責,
為公司負責.

先要以身作則,
亦要扶老攜幼,
要比以前做得更多.
我又唔衰得...!
只要有人欣賞,
我一定會加多兩分努力.

遇強愈強真正適合的會留低.
一鳴驚人還是一命嗚呼,
未來的日子將會慢慢揭曉.

喝彩

成件事唔似舞台劇,
因為大多歌曲串連而成.
我覺得似高級版夜總會,
讓人重溫陳百強和張國榮的歌曲,
蓋掩了當中勵志的意義.

所有的歌曲都耳熟能詳.
當年的流行曲歌詞實在有意義多了.

官方簡介:
現場演繹四十多首陳百強、張國榮名曲串連的一套勵志音樂劇,提醒年青人面對抑鬱、濫藥和嗜賭,顯得迷惘,應如何面對。由譚偉權、陳健豪、鄭嘉俊主演。

Friday, August 8, 2008

奧運

坦白說:
我不喜歡奧運.

運動會期間都係冇電視睇嘅,
阻住晒!
今晚又冇得睇家好月圓啦!

各項比賽中,
我鐘意睇跳水同體操.

Thursday, August 7, 2008

打風

今年的風球好像特別多,
又放假.

在家幹麼?
vcd (柯南) + 小說 (深雪).

比返工 hea 一點,
但又悶一點.

Wednesday, August 6, 2008

快樂 / 不快樂

今天得到的快樂愈多,
明天領受的傷害愈大.

恨到

又恨到一個八號風球!
又恨到一日假!

我只係一個普通的打工仔.
放一日假.
好開心.

Sunday, August 3, 2008

占占占

教練每個禮拜都俾啲高難度我.
又要擰腰,
又要做籃球 sit-up,
又要舉重,
又要跑步.

好彩星期六占,
星期日可以休息.

全身痛到不得了.
腰又痛,
背又痛,
肚又痛,
手臂又痛.
想攰死人咩!

越南站餐廳

爹常說大坑火車頭越南粉好食,
新開的越南站也不錯,
所以今日來試試越南站.

其實越南粉唔多啱我,
我都唔食牛肉.

三個人叫三樣嘢.

雞絲河
一般般,
冇特別.

咖喱雞加法飽
咖喱幾香,
不過唔夠出色.
雖然有成半件雞,
但係啲雞極大件,
連雞脾都只係斬開兩件!
都唔知點食?
法飽咬一啖的即時感覺係: 好 cheap!
完全冇飽味, 又實,
唯一係焗脆咗個表面.

柚子蝦沙律,
柚子幾甜,
個汁幾好,
不過極口渴!!

唯一可讚係服務不錯,
原本想飲椰青,
不過小姐話剛剛放入雪櫃,
問我介唔介意.
我當然介意啦,
就冇再叫其他飲品.

啲枱又勁迫,
可一不可再.

最值得係坐我隔離枱的廿幾歲的小姐,
當碗粉到達的時候,
佢竟然問人攞醋!
你估食魚蛋粉呀?
最後發現佢原來係要魚露!
咁大個人魚露都唔識?
做乜去越南店?

個小姐仲要食咗一半突然醒起自己係叫嘅係檬唔係河,
叫人地換!
咁都唔緊要,
由於佢發現之前叫的雞絲唔好食,
再要人地換牛肉檬!
邊有咁架???

越南站餐廳
地址 : 銅鑼灣大坑銅鑼灣道136號地下
電話 : 2895 0788
類別 : 越南菜

Saturday, August 2, 2008

大廚日 - 零難度晚膳

我唔鐘意做家務,
但係煮食都還可以叫冇咁唔鍾意.
我為食吖麻~
不過懶,
所以極少煮.
最憎洗碗.

我鐘意久不久一齊去超市打個轉,
煮個簡單飯,
好像很溫馨.
當然亦只能煮簡單飯,
難度高都唔識煮.

今日去咗 sogo 備戰, 都係買咗 HK$117!
rustichella d'abruzzo Pesto alla Genovese (意粉香草醬)
龍島芝士辣味珍寶腸 (四大條)
紀文魷魚餅 (六件)
灼蘆筍 (一包)
然後屋企仲有必備的金寶湯同意粉.

先灼熟蘆筍,
灼一灼就要撈起,
因為撈起後的熱力會令蘆筍更熟.

用鍚紙包住熱魷魚餅同珍寶腸放入焗爐翻熱.
簡單方便.

一個爐煮火腿磨菇湯,
一罐湯一罐水,
唔係唔識煮呀?

一個爐煮意粉,
用滾水煲熟,
煮熟撈意粉醬.

白灼鮮蘆筍.
火腿磨菇湯.
魷魚餅珍寶腸意粉,
可選白汁或香草汁.

學 leo 哥話齋,
有肉有菜有澱粉質!
仲好好味添~
用咗唔駛三十分鐘.
可以一路食飯,
一路睇港男!

Friday, August 1, 2008

黃油蟹

又到了開始食蟹的時節.
相比起大閘蟹,
我更鐘意黃油蟹.
鐘意蟹糕的香,
不過比較漏,
一隻都漏死啦.
而且黃油蟹比較貴,
自己屋企整又煩.
大閘蟹可以個個禮拜都食,
黃油蟹一年先食一兩次.
去鴻星食最方便又唔會太差.

三款套餐的選擇,
選了中庸之道,
黃油蟹魚翅宴,
每位HK$738.

拍青瓜伴肴肉
前菜.
拍青瓜好香!
我唔鐘意肴肉的肉同啫喱分開兩段,
賣相係靚啲,
但係肉同啫喱應該要撈埋一齊食!

原盅雞燉翅
足二兩,
超多翅.

狀元紅蒸黃油蟹
狀元紅香,
黃油又香.
好在坐角落,
可以慢慢食,
又唔怕失儀.

廿年彫皇
好甜的酒,
甜得滯.

蔥燒遼參烤帶子
好食.
遼參爽口,
帶子彈牙,
蔥燒爽脆.

元貝扒雙白
最普通.
乾貝絲蒸竹笙豆腐.

燕窩蛋白杏仁露
好大碗!!
原本唔多飽都即時飽死咗!
好好味!!!
最鐘意食甜點~

鴻星海鮮酒家
地址 : 尖沙咀彌敦道83-97號華源大廈1樓
電話 : 2628 0339
類別 : 酒樓

Wednesday, July 30, 2008

我看新人之五

又多一個怪人.
新人怪.
擾亂公司政策的阿叔仲怪.

一個無拿拿去請教個資歷最淺又最冇規矩嘅.
(年資同年齡係冇關係架.)
一個又以為自己好好人的指導新同事教人好食懶非.
(好心做壞事.)

自己死就好啦,
仲要害人,
真係無陰公.

我當新人的時候,
世界不是這樣的.

做人難

做醜人難,
同蠢人講嘢難,
點醒個蠢人仲難.

Wall.E

很浪漫的卡通片!
兩隻悶蛋機械人發展出人性.

八成時間無對白,
需要很強的故事性同豐富的畫面.
中段略悶.
小強好無聊不過都幾得意.

環保的主題,
令人反思.
肥胖退化到唔識行的人類,
只有程式冇彎轉的機械人,
污染到人類不能再居住的地球.

官方簡介:
身為最後一名「廢物整理機械人」(地球型號)的威E,在全人類大遷徙後的污染地球上,獨自執垃圾執足700年,一直盡忠職守從未詐病吞pop,當他以為自己要做到down機才可以榮休之時,卻遇上總部派出的最新型號超級機械人Eve,更因而發現自己原來身懷影響宇宙存亡的重大任務,立即緊隨Eve向太空出發!

Tuesday, July 29, 2008

熱! 熱! 熱! 熱! 熱! 熱! 熱!

熱! 死了.

Monday, July 28, 2008

留言

這陣子寫上感情路上的點滴.
不知怎的,
收到好幾個沒有留下名號的留言.

子非魚,
你唔需要明白我的感受,
而我亦不準備向大家解釋.
我只是自說自話.

是因為描述感情的話題引起大家興趣?
多謝你們的關心.
既然路過留言,
何妨讓我知道你是誰?

Wings Bar & Restaurant

做完占,
有啲攰,
想坐底又未肚餓.
去到 wings 先飲杯嘢食個甜品再叫主食.

朱古力心太軟 (HK$52)
做到外脆內軟,
熱蛋糕凍雪糕,
不過朱古力較 '杰',
少了岩漿的效果,
但還是很好吃.

Ruby Red (HK$54)
mocktail,
很 girly 的飲品,
雜莓汁囉,
略甜.

Set Dinner (HK$98, 其他選擇 HK$98-168)
有前菜, 湯, 主菜, 飲品.
辣肉醬粟米片, 頗油膩.
羅宋湯, 一向都很好.
湯配的蒜蓉飽都很香口.
卡邦尼扁意粉, 好味, 不過 creamy 得黎幾膩.

我要香煎鵝肝配燒什菜沙律 (HK$70)
什菜沙律有誠意.
鵝肝配多士就正常貨式囉.

藍芝士露荀野菌忌廉汁尖通粉 (HK$68)
可以拼配其他的意粉.
好好食!
至衰食甜品食到半飽~!

埋單 HK$376.

個人太貪心,
叫得太多,
其實一啲都唔貴.

水晶燈, 梳化加黑漆漆的環境,
hea 一流.

Wings Bar & Restaurant
地址 : 銅鑼灣怡和街2-6號英光大廈4樓
電話 : 2881-6981
類別 : 西式

Sunday, July 27, 2008

空調

很變態.
我家位於客廳的空調,
昨天才是今年內第一次的運作.

原來你非不快樂

原本我是到書店買我必讀的深雪,
可惜要書展後才有貨.
看到林夕的新書自序寫得極好,
是心靈書籍.

對佛學很有興趣,
可惜中文底子差,
理解能力低,
參透不了.

林夕這書很淺白,
雖然只看了十數頁,
每篇均有無盡的思考空間,
很有共鳴.
可以慢慢的細味.

節錄如下:
總是在悲哀的時候,
才有足夠的距離審視着快樂的條件.
樂不思蜀, 便忘了自己身在何處.
不斷理性地知道當下是如此快樂,
就會擔心失去, 又如何快樂起來.

要滅苦, 先破執,
不固執於追求,
不以堅強為手段擁有為目標,
心才能沒有牽掛,
沒有負擔故無重,
才能自由自在.

關於愛情,
因快樂而快樂,
就是做到 '不錯過任何挑逗, 也不為任何人守候',
'不給我的我不要, 不是我的我不愛'.
Blog Widget by LinkWithin