Wednesday, June 27, 2007

同事w 說我很頹.
真的, 我承認我不太積極.
因為失戀, 因為完成論文, 因為想休息, 因為無生意.
我有很多藉口.

我樣樣都有d, 但又唔完全擁有.
我樣樣識d, 但又冇樣精.
我有生意, 但個個客都死唔斷氣.

有時我很喜歡一個人靜靜的.
有時又覺得有點兒寂寞,
又有更多的空虛.....
不過我清楚記得我有很好的家庭生活, 同很多關心我的好朋友.

我想我都係他所講的無病呻吟.....

Monday, June 25, 2007

鹿鳴春飯店

爹說在北京沒有吃到好味熱烘烘的北京填鴨.
所以回港後一定要到鹿鳴春去.

但每次星期日即日致電鹿鳴春總是客滿的.
很氣憤!!
試過改去北京酒樓 (係北京酒樓! 唔係北京樓!)
很平很好吃但填鴨不是即場表演而是在廚房片皮的.

上兩個禮拜蔡瀾在壹週刊再介紹鹿鳴春, 嬲嬲地再打去留位.
都要等多兩個禮拜後的星期日第二輪, 即8.30!!!
(有冇咁好食呀......)

我們一行八人叫了一個套餐加碟菜. 全部都係大大碟!!!
套餐好豐富:
冷盤 - 有海蜇, 牛月展, 腩肉等 - 我個人就麻麻地鐘意
清炒蝦仁 - 很好, 好清淡, 唔會油淋淋
北京填鴨 - 真人show, 隻鴨超正!! 片皮唔會淨係皮或淨係肉, 一塊塊仲熱架!
鷄燉翅 - 好好好好好味!!! 湯又甜, 又唔油, d翅仲好大梳!! 一人仲有兩大碗!!
松子魚 - 成晚呢個最差, 似蕃茄魚, 一D都唔酸
蒸素餃 - 皮薄餡靚, 好味~
北菇西蘭花 - 一般啦, 不過北菇好淋好厚肉
拔絲蓮子 - 通常拔絲係香蕉或者蘋果, 蓮子真係第一次, 因為蓮子所以冇咁甜, 食多又唔膩~

計埋汽水, 茶介, 加一, 俾一千七, 抵食!
咁等兩個禮拜都值得的~

鹿鳴春飯店
地址 : 尖沙咀麼地道42號二樓
電話 : 2366 4012/ 2366 5839
菜式 : 北京菜

表態

曖昧, 我最憎曖昧.
係就係, 唔係就唔係.

我跟你說了: 我等你.
既然做唔到扮無嘢做普通朋友, 不如我早點表態.
至少我唔洗收埋, 唔洗猜測你的想法.

謀事在人, 成事在天. 如配額真的滿了, 我也沒法子.

但我舒服多了.
我覺得我做了一件令自己開心的事情.

多謝你給我一個舒懷的機會.

Thursday, June 21, 2007

飲醉酒

今日跟友人閒聊.

佢問:
如果一個人飲醉酒成日打俾同一個異性,
但那人的電話號碼并未在電話的記憶體中,
那代表什麼?

我都唔識答, 我話:
呢位異性可能在你心中有點特別地位啩.
因為都係下意識地打出.

我又唔係你, 我點知你對人地有什麼感覺喎.

每個人對酒醉的反應都唔同.
有人瞓覺, 有人發癲, 有人不停講嘢.
可能打個電話一點意義也沒有.

Wednesday, June 20, 2007

曖昧

在兩性關係中, 有些人鐘意玩曖昧.

「曖昧」這個詞,
字典解釋為含糊、含混不清、幽暗不明;行為不光明磊落,有不可告人的隱私。

有人說:
曖昧是,比好朋友再親一點,但比情人遠一點。
曖昧是,你會常常在ICQ等他在線。你會設定他一在線時,系統會有online alert,你也會把他的名字floating on。每當見他幾天沒有在線,你就會有些擔心。
曖昧是,你會不時去他的info看看有沒有更新;而且你會留意字裡行間,他對你有沒有甚麼暗示。
曖昧是有感覺,然而,這種感覺不足以叫你們切切實實的發展一段正式的關係。
曖昧是是明白人生有太多的無奈,現實有太多的限制。你知道沒有可能,但又捨不得放手。
曖昧是有進一步的衝動,卻沒有進一步的勇氣。
曖昧是,他不是你的情人,但似乎他比你的情人更關心你和了解你。
曖昧是,雖然他不是你的情人,但他卻會對你說:「你對我是十分重要的。」
曖昧是,你感冒時有一個會在晚上打電話來,特意提你服藥,叫你蓋好被早點睡的普通朋友。
曖昧是,當你遇到問題解決不了的時候,你找不到你的男/女朋友,你第一個便會想起他。
曖昧是,每當他提及他的另一半時,你會萬箭穿心。
曖昧是是為了逃避背叛的罪惡感。
曖昧是甜津津同時又酸溜溜的。往往從未開始,已叫人不安,患得患失。
曖昧是,別人以為你們在攪地下情時,你會沾沾自喜。
曖昧是,別人問你們是否在戀愛中,你會張口結舌。
曖昧是,常常掙扎表不表白。你怕表白之後,你既得不到一個情人,卻又失去了一個知心好友。
曖昧是,見到他時,你會心跳。見不到他時,你會掛念他。
曖昧是,兩個人都會互相猜度。他是不是已經暗示了甚麼?我是不是自作多情?
曖昧是,每天大家都會聊ICQ,間中互傳手機短訊,無規律地偶然約會。
曖昧是,除了情人節之外,在大時大節和生日,大家都會交換禮物。在外地的時候,你總會記得買手信給他。他有時煮了甚麼甜品,也定會預你一份。
曖昧是,在卡拉OK時,你仍會忍不住去點楊千嬅的「有發生過」。陳奕迅的「兄妹」亦曾在你心中繞樑三日,久久不能釋懷。

曖昧是,你很想多走一步,但又怕會嚇怕了他。你會很小心流露自己的感情,你忍不著不去著緊他,但又怕他知道你著緊。
曖昧是,兩個人沒有承諾過甚麼。但雖然如此,你願意付出的,比有承諾的情侶更多。沒有責任,但你卻很渴望去承擔,不問回報。
曖昧是是一扇門,你可以停留在門外,也可以踏進房子裡面。然而,你不可以停留在門下面。門 – 永遠不是終點站。

好迷, 當局者迷.
迷失於今天得到短暫的歡愉.

我好想脫離這種關係, 我想再進一步, 但更害怕失去.
我唔鐘意曖昧, 但我無計可施.
我不想離開.

Monday, June 18, 2007

婚宴

上星期參加了同事的婚宴. 於西港城.
場地係愛好做 show 的新人的首選.
樓底高. 有舞池. 有水晶燈.
是夜為新人暨朋友演唱會之夜.

去得西港城, 我預左要聽歌,
幸好, 兩位新人歌喉也不錯,
但, 先給我乳豬, 可以嗎?

Friday, June 15, 2007

和越式牛肉粉餐廳

呢期愛上左呢間越南粉餐廳,
係餐廳不過以快餐形式, 主要買粉麵或者碟頭飯.
張枱細細張的要 share 食物有d困難. 不過都冇 mud 食物可以 share.
但幾個人晏晝一人一碗都唔錯, 好味又飽肚.

我唔食牛肉, 主打的牛肉粉, 朋友們食過都覺得唔錯.
但其他的款式我就樣樣都食過下.
烤肉最好味, 醬汁惹味, 少少燶, 不過有少少油膩, 增肥期間食少少~無問題~
胡椒扎肉河粉, 胡椒扎肉好特別, 好香.
咖哩雞翼隻雞中翼勁大隻, 味道唔錯, 但係原隻擺落口食超尷尬, 要扮淑女先起肉~

最後, 一碗粉 $35-40, 午飯仲送飲品, 好抵......

和越式牛肉粉餐廳
地址 : 銅鑼灣登龍街45號地下
電話 : 2575 8677
菜式 : 越南菜

一生任食創作和食

成個禮拜都冇寫呢間鋪....

郭同學生日, 主人家話想食日本菜.
游同學係討論區發現 '一生', 仲任食,
book 枱又有位, 咁我地就去試一試啦.

有好多好多食物的選擇,
沙律啦, 刺身啦,壽司啦, 韓式燒肉啦, 煱物啦, 拉麵啦, 天婦羅啦, 燒物啦, 粥啦, 湯啦........
啦啦啦啦啦啦...........

人多多樣樣試下食少少好開心~~
不過冇貴價食品,
係任食的情況女士們都幾難回本.

星期日每位 $198,
我地多過六個人有八折,
咁好似又抵番d......

一生任食創作和食
銅鑼灣百德新街24-32號名珠城1樓
2808-0384

鄉村韓國料理

上個禮拜原本已約好大夥兒去豪一次,
但係由於某同學話太熱氣就轉左京菜.

尋日落大雨阿媽冇買餸的關係,
我就同爹娘去試一下 (又係阿蘇推介的韓國料理)

細細個寫字樓入口, 落雨濕濕都幾難搵.
家庭式管理, 中文唔多好, 英文都 ok.
但人手少d囉.

我地叫左三樣嘢:-
海鮮鍋 $300 - 有蟹, 有蝦, 有青口, 有蜆, 有魚, 有芽菜, 有大白菜, 全部又大件又新鮮, 勁豐富, 辣辣地好惹味, 有個爐坐住熱辣辣, 果然好介紹.
參雞湯 $180 - 參味唔多覺, 但隻雞好 lum, 好好味.
葱餅 $80 - 我覺得呢個最好食, 又香又脆, 原條葱加蛋加粉粻, 新鮮滾熱辣, 正!
埋單 $616 - 係貴d囉......

鄉村韓國料理
地址: 灣仔謝斐道408 - 412號華斐商業大廈二字樓
查詢電話: 2574 5142
營業時間: 6:00pm - 4:00am
菜式 : 韓國菜

Monday, June 11, 2007

全宇宙最無聊的人

Silly Ling 被號稱為全宇宙最無聊的人.
對, 係全宇宙!!
佢認為二, 我唔夠膽認為一.
相比起佢, 我簡直係小毛見大毛....
果然係一山還有一山高....

不過...
'無聊' 係好的一方面可以解作 '幸福',
因為佢無所事事 --> 即係唔辛苦啦~
得閒去 shopping 整指甲 --> 闊太的生活喎!
瞓到 '黃朝百晏' --> 瞓得係福呢~
打機由朝打到黑, 由除草到清曱甴 --> 個人對滿足的要求極低...

咁係某程度上,
無聊都可以好幸福.....

Sunday, June 10, 2007

落雨

我最憎落雨,
個天灰灰的,
毫無生氣...

出街又濕淋淋的!
我又唔鐘意帶雨傘!!
無端端又要攞多樣嘢~

下雨天心情已經低落,
仲要整濕晒.....
個人都灰埋.....
就算約咗人我見落雨都要留係屋企!

放假先黎落雨,
莫非個天都唔鐘意我?

我唔鐘意個天落雨.....

配額

有段時間,
非常的迷上倪匡先生的 '衛斯理' 小說.

有一本書是關於 '配額',
人生所有的活動由出世開始,
全部都係配額制的.

衣食住行有配額,
人同人之間相處的時間都有配額,
這方面跟 '緣份' 同 '福氣',
'個天整定的' 等佛學有點相似.

我相信配額制,
給家人, 朋友, 男朋友的時間都已經定下來.

配額有一日會用完,
到時一切又從頭開始.

Friday, June 8, 2007

做功課

係 '學業' 的三大內容之中,
我最鐘意做功課,
其次係考試, 最憎上堂.

做功課可以按照自己的進度,
我鐘意一開始做 70%,
然後 30% 慢慢做~
況且抄書係我強項~!

考試可以求鬼其,
橫掂我鐘意考天才波,
我又冇耐性, 睇一陣又周圍走~
溫書都唔會多過一個鐘!

上堂非常焗促,
四面牆, 好似透唔到氣咁,
個 professor 講嘢又悶,
又眼瞓~
通常半堂我就要走架啦....

雖然係咁, 我都讀咗廿幾年書啦~

Thursday, June 7, 2007

UNWTO

早排收到學校 email, UNWTO 聘請 '煙腸' (intern)
係 Madrid 總部做一年~
(註: UNWTO stands for United Nations World Tourism Organization)

Intern! 哇!
UNWTO!!! 哇! 哇!
Madrid!!!!!! 哇! 哇! 哇!

係咪好吸引呢?
咪試下 send 個 email 囉!
都冇壞嘅~

不過有利梗有弊啦!
人工係 500 euros 一個月!!
即係 5000 港銀兼唔包住宿!!!

點知又入左最後五強~?
五個請一個!

同阿爹講: 我可能去西班牙做嘢~
爹話: 點解要去呢? 為興趣呀?
well.....
........
因為我想個個禮拜都去歐遊~!

既然阿爹反對,
朋友們又話人工低.
咁我就求求其其做左個 phone interview,
佢地仲要出街食緊晚飯無啦啦打黎!!
我就講左d九唔搭八嘅答案~
點知又請左我!!!!

其實我嗜好係見工,
同埋推 job.

我鐘意見工,
然後佢請我,
我會覺得自己好有存在價值,
仲好有競爭能力~
好鬼死有成功感.....
我知道唔係呢度做,
我仲有人請,
同知道出面街俾幾多$請我,
咁已經好足夠,
我唔洗真係去返工架~

依家又要唸條好計去推左 UNWTO.....
但其實 Madrid 真係好吸引.........
如果人工高 d, 我一定去........
.......

Wednesday, June 6, 2007

IQ 題

我決定開一個新 label ,
專門負責記錄 Silly Ling 的神奇思維 ,
特別送俾佢的未來老公 ,
同埋以備將來婚宴之用作為賀禮 ~

昨天飯局 ,
游同學給我們一條 IQ 題 :
韜韜點解一直都咁肥?
(猜 : 護膚品品牌專線)
題示 : 各屈臣氏 , 萬寧有售

我們不斷的講出各種護膚品品牌名稱 :
Shiseido
Olay
Neutrogena
Pond's
Loreal.......

突然!
Ling 同學提出 : 'PAMPERS' !!!!!
(註 : Pampers 乃一嬰兒紙尿片品牌)

然後我們引申出另外一條IQ 題 :
應如何以 Pampers 作護膚用途?
Mask? (但要自行剪出眼, 鼻, 口的位置)
吸黑頭?
吸面油?
防毒面具?

一如以往, 我們沒有爭執,
但 Ling 同學開始黑面!!~
我們停止創意了~

最後, 第一條 IQ 題的答案係 :
Olay - Total Effects!!
(韜韜易肥....)

Tuesday, June 5, 2007

荔枝

我很鐘意吃水果, 特別那些在中醫角度,
又濕, 又燥, 又毒,又無益的~ 我最鐘意!!
芒果啦, 荔枝啦啦, 榴槤啦啦啦~

每年到左夏天,
我都請爹從大陸帶一籮籮的荔枝俾我~
(一籮有成五, 六斤架,
咁二叔又一籮, 佬叔又一籮,
我一個人都食成籮~!)

每次爹都話 '發神經, 邊食得咁多'!!
阿娘就話 '燥呀, 又要成籮'!!!!
(但係我仍然得到一大籮~)

幸好我天生極級寒底, 百毒不侵.
我由今日開始, 又可以早.午.晚三餐都食荔枝啦~~! 呵呵~~~

Sunday, June 3, 2007

學潛水

我跟娘說 : 我想學潛水?
娘 : 嬉山莫嬉水....?!
我 : 那我學騎馬?
娘 : 行船跑馬三分險...?! (忽然間咁好文彩嘅??!!)
我 : 不如學揸飛機吖?
爹 : 發神經!
我 : 咁學揸遊艇喇?
哥 : 你揸車揸好d先啦..!
我 : 我都係繼續讀PhD吧啦.......

鴉雀無聲........

Saturday, June 2, 2007

給十年後的我

這是一首很恐怖的歌.
每一次聽都忍唔住要反思一下.

究竟我十年內做過什麼?
我得到什麼?
我失去什麼?
得到的多還是失去的多?
而往後的十年, 我又將會怎麼樣?

只要細心的想一想...
好灰.......
好鬼灰.......
-------------------------------------------
給十年後的我 - 薜凱琪
曲:陳小霞 
詞:黃偉文 
這十年來做過的事 
能令你無悔驕傲嗎
那時候你所相信的事 
沒有被動搖吧

對象和緣份已出現 
成就也還算不賴嗎
旅途上你增添了經歷 
又有讓稜角 消失嗎

軟弱嗎 
你成熟了 不會失去格調吧 
當初堅持還在嗎 
刀鋒不會 磨鈍了吧

老練嗎 
你情願變得 聰明而不衝動嗎 
但變成 步步停下三思 會累嗎

快樂嗎 
你還是記得你跟我約定吧
區區幾場成敗裡 
應該不致 麻木了吧

快樂嗎 
你忘掉理想 只能忙於生活嗎
別太遲 又十年後至想 快樂嗎

對於我來說, 這是一首尋於你的歌.
除左因為歌名, 歌詞亦都很窩心.

由那一年出走加拿大開始,
我都係心口掛住個勇字的.
----------------------------------------

勇 - 楊千嬅
作曲:Barry Chung
填詞:黃偉文

我也不是大無畏 我也不是不怕死
但是在浪漫熱吻之前 如何險要
懸崖絕領 為你亦當是平地

愛你不用合情理 但願用直覺本能去抓住你
一想到心儀的你 從來沒有的力氣
突然注入了漸軟的雙臂

旁人從不贊同 而情理也不容
仍全情投入 傷都不覺痛
如窮追一個夢 誰人如何激進
亦不及我為你那麼勇

沿途紅燈再紅 無人可擋我路
望著是萬馬 千軍向直衝
我沒有溫柔 唯獨有這點英勇

我也希望被憐愛 但自願扮作英雄去保護你
勳章你不留給我 仍然願意撐下去
傲然笑著為你擋兵器

趺下來再上去 就像是不倒翁
明明已是撲空 再盡全力補中

再沒有支援 還是有這點英勇
想被愛的人 全部愛得很英勇

Friday, June 1, 2007

朋友,我當你一世朋友

基本上我沒有太多的朋友,
朋友是貴精不貴多的?!

有一班中學同學啦.
少量的大學同學.
有幾個新舊同事.
(係! 我係講緊你地, 請對號入座)

手指加腳指應該數得晒~

我應該慶幸我的朋友全是知心的朋友??
抑或我應該覺得朋友太少??
Blog Widget by LinkWithin