Monday, December 31, 2007

衛生巾

從 yahoo! 知識+ 得到新知識~
同女士有貼身關係啊!
-----------------------------------------------------------------------
古時沒有衛生巾, 古時的女人用什麼方法防止漏月經?

衛生棉的歷史—遠古時代的女孩兒們,要有「隨地取材」的絕技才能過活喔。

穴居時代的女性,有時直接用海裡的海綿,有時用草之類的東西作成衛生棉使用。古埃及人用軟化過的紙草葉子作衛生棉條,而希臘人用麻布包在木頭上,當作衛生棉條。

沒有衛生棉可以買的過去,女生們用自家乾淨的碎棉布作成棉墊,用過之後再洗乾淨,重複使用。以中國為例,中國婦女用一條長長的白色布巾,在月經來潮時放在身下吸收血液,更換後以清水加明礬清洗。這樣既麻煩又不衛生,難怪以前的女人都不太出遠門!

20世紀初的時候,有些公司開始製造衛生棉,女生會用安全別針把衛生棉別在內褲上(不過如果別針蹦開了,後果不堪設想啊!),或者她們會綁個「月經帶」-就像綁個麻煩的裹布,所以那時月經來的日子裡,總是很不方便。

在1921年,美國金百利-克拉克(Kimberly-Clark)終於成功地製造出第一塊拋棄式衛生棉-靠得住(Kotex)。

1927年嬌生公司又出品了摩黛絲(Modess)。由於這兩家公司在拋棄式衛生棉的市場上擁有相當大的佔有率,所以很多女性提到棉墊時,不是說靠得住就是摩黛絲。

後來第一個拋棄式棉條-Tampax於1933年問世,一直到今天如我們所見,已經有許多選擇性了。而且在70與80年代的時候,還有一個大突破:自黏式背膠的衛生棉墊的發明,自此以後再也不需要別針或帶子啦!真是覺得活在現代的女性真是幸福。

古代:利用自然產物,而且通常是坐著一直等到月經結束後。
近代::使用布,而且洗了再用。
現代:脫脂棉普遍的使用在醫界。
現今:衛生棉的出現,大量生產的時代。而現在大家所看到的衛生棉形狀,大概就是出現在第一次世界大戰時的1910年代。

參考資料:
http://tw.knowledge.yahoo.com/question/?qid=1004120200369

整指甲

我沒有愛上整指甲.
因為我嘅指甲本身已經好硬,
顏色都好健康,
唔需要成日修整,
淨係長得滯打唔到鍵盤嘅時候要剪短啲.

不過整指甲不失為浪費時間嘅聯誼活動,
一整就個幾鐘~
基本上我接受到好古怪的顏色,
不過我嘅朋友唔係,
所以通常會整啲保守色系.

上次整咗深紫色,
大家覺得太女人,
返工黑.白.灰就易襯,
出街 causal wear 就有啲難度~
然後加咗條 french 閃粉邊,
抺走時難度十分!!

今次整咗低調透明粉紅,
好似打咗臘咁,
有啲反光囉.

幫我整個小姐都幾有心機,
(但係林芍芍嗰個仲多~)
不過死皮剪得好貼肉,
有啲痛...

整啲咁簡單會唔會有啲浪費金錢呢??

E-nail $108
地址: 銅鑼灣駱克道510號1樓
電話: 21470200

南歐房子

久唔久我會去杏花村食晚餐,
由以前 $88 食到依家 $128 /per head.
我都仲係覺得好抵~

睇餐牌任揀, 一個set:
1. 餐酒一杯 / 橙汁
2. 湯或沙津
3. 頭盤小食
4. 主菜
5. 甜品
6. 咖啡及其他飲品

餐酒一杯 / 橙汁
紅 / 白酒都 ok,
但係我通常飲果汁先生.

湯或沙津
香濃海鮮湯係推介,
但係我飲咗就冇位食主菜,
所以我會叫凱撒沙律,
係咪正宗我唔知,
但係啲菜好新鮮.

頭盤小食
有十幾款,
我全部都食過晒,
樣樣都好.
比較鍾意白酒煮蜆同炸洋蔥圈.

主菜
有意粉 / 扒 / 海鮮.
然後又係差唔多樣樣都食過....
個人喜好海鮮類,
上次個龍脷包蝦都唔錯,
個餐連啲配菜都好有誠意架~

甜品
必食推介: 蘋果金寶 (係焗嘅.)
外脆內軟~
加忌廉奶, 超正!

南歐房子
地址 : 柴灣杏花杏花新城 G50舖
電話 : 2976 9786
菜式 : 多國 (西餐廳)

推卸責任

最憎啲人乜都唔做,
叫人地做,
無論結果係點,
都話人做得唔好, 唔正確.

既然人地做乜都唔合你心意,
點解要叫其他人而自己唔做?
如果你冇時間,
你就應該嘗試接納別人的方案.

要推卸責任,
一啲都唔難.
你咁叻,
你自己做晒佢啦.

拉斯維加斯: Stratosphere 跳樓機

我一向都鍾意刺激活動,
這報導提醒我.
這是我玩過最驚嚇的跳樓機.

Stratosphere 嘅頂樓係觀景台,
可以望晒成個拉斯維加斯.

係大厦頂部加建跳樓機,
跳樓機本身唔高,
(但係個大厦本身係拉斯維加斯係最高嘅.)
同埋係等上機之前,
腰咁高嘅欄杆,
勁大風,
好似隨時會吹落街咁...
好可怕.

而個大厦頂仲有一個高空過山車,
又係冇圍欄,
又係會跌落街咁架....

去拉斯維加斯,
一定要去 Stratosphere!!!

reference:
http://www.stratospherehotel.com/xstream.html

-------------------------------------------------------------------------
去 年 陳 慧 琳 到 拉 斯 維 加 斯 登 台 , 為 了 紓 緩 工 作 的 緊 張 心 情 , 完 騷 後 她 竟 然 並 非 返 回 下 榻 酒 店 休 息 , 而 是 趕 去 Stratosphere 酒 店 樓 上 玩 跳 樓 機 , 認 真 貪 玩 , 那 是 世 界 三 大 恐 怖 的 跳 樓 機 , 最 高 會 升 至 921 呎 , 當 被 吊 到 漆 黑 半 空 之 中 , 興 奮 的 Kelly 不 時 狂 叫 , 正 在 地 面 替 她 拍 照 的 助 手 都 清 楚 聽 到 , Kelly 說 : 「 我 吊 到 半 空 , 可 以 望 晒 腳 底 夜 景 , 我 好 鍾 意 玩 呢 刺 激 遊 戲 , 一 都 唔 驚 。 」
蘋果日報 2007-12-31

Sunday, December 30, 2007

初戀

一年一度,
每次我都好慶幸你係第一個.
(我都好想以後日日都好慶幸我老公係最好架.)
最怕見番啲舊人走晒樣! 哈~
(點解當年會睇得上眼?)

有樣嘢真係唸極都唔明:
點樣可以十幾年都唔老嘅呢??

Saturday, December 29, 2007

wish list

2007 年都就黎過啦,
我仲未想到未來一年嘅 wish list.
唔係 shopping list 呀!

dream 應該繼續留番做 dream,
fulfil 咗依家冇晒方向!

魔幻羅盤

早幾日林芍芍話唔 ok,
我覺得幾好喎,
兒童書改篇電影.
不過哈米波波好好多.

可樂 bear 好得意,
女巫好飄,
個小女主角都唔錯. (當然妙麗精靈啲啦!)
nicole kidman 真係冇皺紋架~

故事就好似哈米波波電影版咁,
冇睇過書就有啲支離破碎囉,
然後個結局又 imply 一定有第二集囉.

結果係: 又要俾錢買書啦....

官方簡介:
故事發生在一個平行世界的國度,那裡一切事物匪夷所思:人類靈魂會以動物的形體出現,稱為"靈獸",每個人都會有一隻守護靈獸;而人類與女巫、會說話的靈獸及武裝冰熊,以及不同族類共同生活;主人翁是一個12歲叫萊拉的女孩,她為了拯救被神秘組織拐走的好友羅傑,不惜前往北極追查真相。北極光之下的奇聞軼事、傳說中「塵粒」的奧秘,牽引她走向早已註定的命運,也從此改寫宇宙的未來...

Friday, December 28, 2007

奧地利蔬菜樂團《創意音樂湯》

太高深的藝術唔識睇,
我專睇啲啱小朋友嘅入門 show.
結果...
全場都係小朋友~
不停問:
做緊咩呀?
打南瓜!
好嘈呀~

蔬菜樂器好有趣:
青瓜話筒, 紅蘿蔔長笛,
南瓜鼓, 洋芫荽,
紅蘿蔔馬林巴琴, 大蔥小提琴,
南瓜圓號, 豆角,
辣椒小號, 洋蔥皮,
芹菜邦哥鼓, 椰菜結他,
茄子響板, 紅蘿蔔導管.

係有樂曲架.
但係一首好聽,
一首唔好聽,
唔好聽嘅完全係噪音!

買個體驗,
都幾得意嘅~

演出藝團介紹
全世界獨一無二的蔬菜樂團,以演奏由新鮮蔬菜製成的樂器知名。憑著這些精心製作,古靈精怪的蔬菜樂器,樂團創造了一個獨特的音樂和美感世界。
對樂團來說,音樂絕無疆界。各種不同風格的音樂:當代音樂、節奏強勁的跳舞音樂、實驗電子音樂、自由爵士樂、以至噪音、Dub和Clicks'n'Cuts等,都可以融為一體,不拘一格。樂團的音樂範圍亦不斷擴闊,最新研發的蔬菜樂器及所發出的聲音,更是決定樂團音樂風格發展方向的要素。

蔬菜樂團的音樂會可說是全感觀的享受。音樂會謝幕的時候,部份觀眾更可以享用美味的蔬菜湯作為「安哥」。樂團的成員各有不同的藝術背景,集樂手、視覺藝術家、建築師、設計師、媒體藝術家、作家及音響詩人等大成。

*藝團網址:www.vegetableorchestra.org

飛行棋

本月 14 號,
公司 annual dinner,
冇乜特別,
所以我冇記錄.

原本事情係有尾巴嘅.

嗰日人少,
結果我地冇打牌,
但係 G 叔叔好好人咁買咗副特大飛行棋 (HK$30) 俾我地玩,
特大飛行棋的特色係張膠棋盤紙係大過酒席個轉盤,
然後個飛機棋係手板咁大的玩具飛機, 個轆仲識轉架添!
平平地的玩意,
八個人分四隊玩,
非常高興~

不過 G 叔叔最後飲醉酒,
坐佢隔離嘅戇 J 就幫佢攞咗.... 返屋企.

正常人係第二日返工就會攞番俾人,
第二日唔記得,
第三日, 第四日, 第五日都會記得啩.

咁大個人,
日日同你講都唔好意思啦.
三催四請,
戇 J 到尋日 (27號) 都冇攞!
(特別報告: 戇 J 的仔女放聖誕假中.)

尋日,
G 叔叔再叫佢歸還,
戇 J 仲要話星期六啦.
(點解仲要等星期六???)
G 叔叔當然唔肯啦,
人地都有個女放聖誕假啦.

今日,
戇 J 攞咗返黎,
但係仲要同 G 叔叔講:
我冇義務要幫你攞走架.

well....
戇 J 呢啲咪得罪人多, 稱呼人少囉.
咁嘅小便宜都貪, 呢世都做唔到大事啦.

Thursday, December 27, 2007

嘔吐

人愈大,
身體愈差.
細個嘅時候會因為暈船浪, 暈車浪, 太勞累而嘔,
依家進展到太飽, 太餓, 太辛苦, 唔開心都會嘔.

有一段時間,
我成日搵醫生.

醫生 A 話可能個胃有事,
要注意十二指腸,
但係我從來都冇胃痛.

中醫 B 話我胃氣過多,
然後我放棄汽水,
多喝暖飲,
好像真的好一點.

醫生 C 的答覆最好,
每個人對事情的反應不一,
有人會喊,
有人會暈,
而我會嘔.

小事一件,
何足掛齒.

瑣碎二三事

唔經唔覺,
都寫咗半年部落格,
開頭落筆的原因係想記錄每日的心情.

慢慢地愈寫愈無聊,
亦更瑣碎,
但係我鍾意寫,
因為我唔再需要將同一件事講十萬次.

那些我想佢關心我而真係關心我的人會自動自覺的定期閱讀我的無聊事.
我唔需要再騷擾那些唔關心我的人去傾吐我的煩惱.

聯和墟

聯和墟係粉嶺,
我同阿媽入咗去探契媽個孫女.
六個月大, 十九磅, 好重~

我見到我阿媽好恨,
好多 auntie 都抱孫,
但係我阿媽未有~
連新抱茶都未飲!
(哈~ 你等吓啦!~)

有時見到人地個仔好得意,
自己都會想生番個,
我都會唸自己生嗰個會係點呢?
靚仔定聰明呢?
但係我自己都未理得掂,
點理個仔呀?

媽, 你都係等吓啦! 呵呵~~

Tuesday, December 25, 2007

聖誕快樂

一年一度的聖誕節重頭節目,
今年的活動係一人煮一道菜...

well...
一向唔落厨嘅我地煮嘅都係最簡單的即食小餸~

林芍芍的豉油雞翼,
麥同學的什菜煲,
iris 的青咖哩什丸,
游博士的粟米豆腐羹,
ling 的黑椒肉碎炒粉絲,
我整蕃茄炒蛋,
仲有小翠自備的藍莓芝士餅~
好豐富~!! 仲好好味添~~

然後交換禮物~
林芍芍得到游博士的精美打小人套裝!!
麥同學得到小翠的雨傘, (下年嚴禁雨傘!)
iris 有麥同學的胭脂,
ling 得到我買的磁石月曆同幾米原子筆,
小翠得到林芍芍的金色蝴蝶結小袋子,
游博士得到 iris 的紅色小袋子,
我有 ling 的黑蘋果頸鏈.
今年大家的禮物都好正常!!!

皆大歡喜!
聖誕快樂~

平安夜

小病是福,
平安夜的我不太平安.

感冒不太精神,
腰痛,
仲嘔添...

暈陀陀...
好辛苦~

Sunday, December 23, 2007

電視精

熟知我的人都知我係電視精,
我一起身第一件事就係開電視~
當然唔係新聞台,
係娛樂台或者電影台!

必睇亞蘇同蘇民峰嘆世界!
不過有重播,
所以星期六都可以出街.
但係我盡可能都想星期日留係屋企睇 'America's Next Top Model' 囉.
我好鬼鍾意睇'真人騷',
好似 'Fear Factor', ' Project Runway', 'Amazing Race', 'Survivor'.....

Saturday, December 22, 2007

開會

好憎開會,
每次開完會都一肚火!

我唔同佢.
我唔想行呢條路.

Friday, December 21, 2007

睇嘢

同事話我好鍾意睇嘢.
其實我係唔鍾意有一刻冇嘢做.
我寧願 multi-tasking.
眼望, 耳聽, 口講,
然後手又打字咁,
我覺得充實好多.

咁係公司坐係個位度,
又唔想做嘢,
最好就係上網,
睇吓報紙,
搵吓去邊度食飯,
所以又係睇嘢.

放工係屋企睇電視, 睇書, 睇雜誌,
出街睇戲, 睇畫劇,
全部都係睇嘢囉.

我唔鍾意發吽哣,
我鍾意一路都有嘢做~

聖誕咭

除咗聖誕禮物,
我每年都會買聖誕咭.

啲人成日話環保,
送張親手寫嘅咭係一份心意黎架!

揀咭都好難,
blank 咭冇誠意,
雖然話你可以自己寫滿成張咭,
但係我覺得預先 print 咗字或者有意思圖樣嘅咭詩意好多~

Thursday, December 20, 2007

Slava's Snow Show

excellent!!
很有趣.
香港很少咁互動的節目.

其實係小丑默劇,
Mr Bean 式的笑話.
玩視覺效果,
音響, 燈光,
有落雪(紙碎),
有玩水,
有大風,
有煙霧,
有大波,
有棉花.....
好好玩!!

好後悔冇買貴飛坐前面一齊玩.
好想睇多次....

官方簡介:
《Slava's SNOWSHOW》是俄羅斯知名丑角大師Slava Polunin的驚世之作,揉合了形體、舞臺視覺效果和著名的樂曲,表現出天馬行空的創意和令人讚歎不已的舞臺效果。

《SNOWSHOW》全劇沒有台詞,以豐富的動作,與觀的互動,通過滑稽而夢幻般的特有的語言和環境,傳達出悲傷與孤寂之情,卻不時令人有喜悅之欲,把冷靜和狂喜都夾雜在體驗過程之中,成爲一部既震撼又能貼近人心的經典巨作。自十四年前在莫斯科的普希金中心創立開始,已經遊走了世界各地30個國家及100多個城市,在全世界熱愛藝術的城市裏一次次揮灑暴風雪所帶來意想不到的種種人生體驗。

斯拉法說:"雪是最潔淨的東西,好比你的心。就像在一個乾淨紙上,詩人會用自己寫詩歌來表達那塊潔淨的地方,就在同一時間,驚恐、幸福、喜悅、哀愁、興奮、微笑、狂喜……它包含了一切。"

聖誕禮物

很愛聖誕,
很愛選購禮物,
很愛交換聖誕禮物.

因為一年一次,
所以每年選購的時候都很興奮.

又到聖誕~
yeah~

Wednesday, December 19, 2007

Amour Fantasia

今日我收到今年唯一的生日蛋糕,
係美容院送嘅,
都幾有誠意,
送到公司.
同埋呢個宣傳手法幾新鮮!!

個蛋糕同時有張蛋糕店的宣傳紙,
6" 都要 HK$280.
個蛋糕叫 Ruby Love,
係紅桑子果茸, 杏仁忌廉同芝士.
略甜.

Amour Fantasia
地址 : 尖沙咀漆咸道南百利商場地下七號街鋪
電話 : 2375 2636

投名狀

投名狀,
廣告舖天蓋地.

沒有高潮,
沒有特別感動位,
有打打殺殺,
有政治手段.

不過,
睇完好似冇睇咁,
睇又得, 唔睇都得.

官方簡介:
1870年秋,大哥 (李連杰飾) 一身官服,在城牆頂俯瞰自己的就職典禮舞臺;充滿理想、胸懷壯志的他,如果沒有走上這條不歸路,極可能是推翻腐敗清庭的新中國革命者之一,創大事業名留青史,可惜... 兩個強盜和一個女人改變了他的一生,造就了他的成功,亦導致他最後的毀滅。這兩個強盜是曾跟他矢誓生死與共的結拜兄弟:二哥 (劉德華飾) 和三弟 (金城武飾),而那個女人正是二哥的妻子蓮生 (徐靜蕾飾)。

Thai Basil Bar & Cafe

這陣子出街食飯,
我都鍾意攞番咗單,
一張完完整整的單,
寫晒叫咗的食品同價錢,
然後第二日我就可以舒舒服服的寫 blog.

有一陣子我很喜愛 Thai Basil,
係金鍾區比較另類的菜式.
我差唔多試過晒餐牌上所有的菜式.

尋晚睇完戲,
叫咗幾樣清清地的小餸~

冬蔭公 HK$60
唔知點解甜嘅??
唔酸, 但係都 ok 嘅.

芒果米紙卷 HK$72
平時我鍾意叫軟殼蟹米紙卷,
因為今日太夜,
叫過清淡啲嘅素菜卷.

蟹肉帶子雲吞 HK$70
個湯好甜!!
雲吞又好鮮,
第一次食覺得好好味喎~

暖朱古力蛋糕 HK$65
暖的朱古力蛋糕加凍的雲呢拿雪糕!
正!
不過蛋糕內冇朱古力流出黎, 差少少~

芒果糯米飯 HK$58
非常一般.

是夜消費 HK$357.50 兩位~

Thai Basil Bar & Cafe
地址 : 中環太古廣場地庫005號舖
電話 : 2537 4682
菜式 : 泰國菜

未好返...

病情已受到控制,
沒有咳, 沒有鼻水.

眼腫到雞蛋咁...
好樣衰....

骨又痛到不得了...
好像大肚婆一樣,
彎不了腰~

不過精神幾好~ 哈!

跟游同學對話

這是今早跟游同學的 MSN 對話:-
----------------------------------------------
Josephine says:
首先唔好用倉頡或速成,
按住alt→ 按32854 →放開alt
按住alt→ 按35477 →放開alt
按住alt→ 按24555 →放開alt
按住alt→ 按27138 →放開alt
然後 會見到 我想對您說的話 (按健盤右邊數字鍵)

Weeeee..... 古靈精怪金叵籮! says:
..........

Josephine says:
WAHAHAHAA

Weeeee..... 古靈精怪金叵籮! says:
i dun want to follow the instruction

Weeeee..... 古靈精怪金叵籮! says:
what's that ar

Josephine says:
no ar it's meaningful

Weeeee..... 古靈精怪金叵籮! says:
u tell me la, the instruction is so long

Weeeee..... 古靈精怪金叵籮! says:
complicated

Josephine says:
merry christams ar! LAZY

Weeeee..... 古靈精怪金叵籮! says:
hahahahaa, u noe i'm lazy ga la~ hohoho

Josephine says:
gick sei
------------------------------------------------
Merry Christmas to YOU all~

Tuesday, December 18, 2007

聚會

很久沒有跟兄弟聚會,
自從沒有做 gym 之後我們便失散了~ 哈!

這夜到了 '譚魚頭',
我們也很久沒有打邊爐啦~
當然食物係次要,
主菜係我地不停的 bilibala~
我地仲去咗 Cafe Habitu 食咗朱古力蛋糕添~~
輕輕鬆鬆又一晚~

Spasso Italian Bar & Restaurant

海港城新開了意大利餐廳,
分三個地域,
酒吧, 主餐室及露天茶座.

因為怕凍,
揀咗室內餐廳,
然後好後悔...
完全睇唔到海景...

Selection of Liver HK$155
有生, 有熟, 有醬,
share 食 ok,
一個人食晒全份膩啲囉.

Crab and Avocado HK$118
蕃茄, 蟹肉加牛油果的配搭,
意想不到的驚喜,
好鍾意~~

Risotto of the day - 青口 Risotto HK$228
飯做到半生熟,
青口都係半生熟,
但好奇怪地唔夠熱.

Hawaiian Pizza - HK$128
係意大利式薄批,
但好濕好腍,
薄批唔脆囉,
仲等咗好耐吓添.

暖朱古力蛋糕配朱古力醬及意大利咖啡雪糕 - 送嘅~
因為啲唔知乜嘢嘅原因,
等咗十年都未到,
個經理帶個侍應走黎話:
sorry for keep you waiting,
coz he ate your cake,
so i'll punish him,
he'll pay for you.
結果甜品免費~
個蛋糕好好味!!!
仲有朱古力 mousse 同咖啡雪糕,
好開心呀~
一次滿足咗三個願望~~

Lissa 礦泉水 HK$55

整體一般啦,
因為主菜拖低晒啲分~
因為個甜品,
我會再黎.

Spasso Italian Bar & Restaurant
地址 : 尖沙咀海港城海洋中心4樓403號舖
電話 : 2730 8027
菜式 : 意大利菜

Monday, December 17, 2007

身份

男人總係認為跟二奶比跟大婆一起較快樂.
佢地唔會明白,
呢個係身份的問題.

做二奶唔想要求,
唔敢要求,
唔可以有要求.
所以大家相安無事.

做二奶要不斷的忍耐.
簡單如見面食飯,
可能都要等上一時三刻.
大時大節,
少不免形單隻影.
難得見面,
你會想珍惜見面的時光.
然後相見甚歡.

二奶係聆聽者,
係解決問題的人.
你唔夠膽作出正室能夠做的事情,
大婆可以製造問題.

做二奶的要處處都好似比正室好,
如果唔係,
係相對與比較上,
二奶同正室一樣,
點解要放棄正室?
二奶唯有忍氣吞聲.

但係,
當二奶成為正室之後,
身份對調,
二奶一樣都會製造問題,
二奶都係女人,
一樣有大量的要求,
佢唔會再好似以前咁 '體諒' (忍) 你.

二奶比正室好,
係身份的問題.
係錯覺.

講笑話

由細到大,
我都唔識講笑話.
最憎細個要做什麼 '三分鐘演講' 要講笑話.
個笑話講完自己都覺得唔好笑.

我唔知道問題係邊:- ??
可能我唔識表達.
我詞不達意.
件事情的本身都唔好笑.
我表情唔夠豐富.
身體語言唔足夠.

總之,
唔好要我講笑話,
一啲都唔好笑.

發 Lo-So

比起 King of Lo-So,
分別在於我唔鍾意呻,
我鍾意寫,
對每一件事,
我都有啲睇法同體會,
亦代表我有好多 Lo-So,
寫 blog 抒懷好多.

沐浴露

我的朋友都說我很奄尖,
換句話講: 就係我好麻煩.
買支沐浴露都好麻煩.

為咗支沐浴露,
我行過好多鋪頭,
價錢係其次,
一支沐浴露值幾多錢?
我要個樽靚啦,
個味又唔太甜, 唔太濃,
我好憎啲人造香味.
然後要係 gel 狀,
洗完乾睜睜,
冇晒油脂好似好乾淨咁~
最憎嗰啲懶潤,
沖完涼有塊膜係皮膚上,
好似沖極都唔乾淨咁!

最後,
我係莎莎買咗支 moschino,
原因係個樽吸引到我,
個香味都接受到,
但係我都好驚今晚試用嘅時候唔鍾意個 texture......

Sunday, December 16, 2007

掌心

是你感到我的存在.
是你帶給我歡樂.
是你把我捧在掌心.
是你讓我看見幸福.

都是你.
謝謝你.

Nana 2

我沒有看過原著漫畫.
從有線看到 Nana 2.

娜娜跟奈奈係兩款唔同的女孩子.

Jo, Cindy, Fish 跟 Ling 比較像奈奈.
陽光般的性格,
感染力強,
一個笑容都能夠令你開心.

我自覺像娜娜.
Iris, 小翠同林芍芍都似娜娜.
外表冷酷,
事實內心脆弱,
有事情都刻意的大事化小.

睇 Nana 見到友誼同愛情加上工作的期許.
得閒要去佐熊煲吓 Nana 先~

寂寞

這些同行的時間過得好嗎?
天曉得.

我. 很寂寞.

我知道各種的原因:-
工作太忙.
不在港.
各式考試.
陪家人, 伴朋友.

我被寂寞吞蝕.
嘗試拓展自己的生活.
被迫的獨立自主.
我不斷的發掘新事物.

最後,
我們生活在沒有交匯點的兩個世界之中.

我. 很. 寂. 寞.

Saturday, December 15, 2007

這個星期六

持住有小病的我,
今日病假,
小休在家.

沒有冷氣的家,
令我舒服很多.
工作地方強勁的空調,
我覺得冷氣蝕骨.

不過留在家也沒有閒着,
東攪攪, 西擦擦的.
洗了那些存放約一星期的碗碟,
吸個塵,
替盤栽換水,
執吓啲衫褲鞋襪.
睇吓過咗期都未得閒睇嘅雜誌~
又一朝啦!

一陣小睡片刻先~

Friday, December 14, 2007

買樓

爹又叫我買樓,
佢話我間屋細喎...

室雅何需大??
你估買樓好似買棵菜咁咩....
我邊有錢供呀??

小病是福.
今日有少少作病,
好攰, 好眼瞓.

我要少少福得啦.
唔好再嚴重落去啦,
我仲有好多生日飯未食呀.....

生日與花

其實我唔明白點解生日要收花?
有啲女士覺得一定要收花, 型啲啩?

可能因為原本我已不太愛花.
對於壽星的本身,
收花係同收多份禮物一樣.
多份開心囉.

不過對於同事而言,
就可能係有唔同的反應:
好羨慕/
原來佢名花有主/
浪費金錢/
......

我又唔係要示威.
今年冇花收,
我覺得冇乜嘢喎.

筍盤

點解香港冇啲咁筍嘅回贈???
---------------------------------------------------------------------------------
台灣醒目醫生 拎盡渣打回贈
網上轉帳五月賺84萬

在網上轉帳就能輕鬆賺到數十萬元!台灣一名醫生今年七月利用渣打銀行合併新竹國際商業銀行(簡稱竹商銀)後,推出兩家銀行資金互轉不收手續費的優惠,再看準另一家銀行推出的網上轉帳回贈計劃,每轉一元(新台幣.下同)可獲回贈六元。他在短短五個月就合法賺取三百五十萬元(約八十四萬港元),更因此獲封為「網神」。 《中國時報》引述本身是醫生的張先生稱,網上轉帳賺銀行的錢,收入比當醫生還好。張在竹商銀的帳戶有二百多萬元(約五十萬港元),其後又在台北的渣打銀行開戶。至今年七月,渣打合併竹商銀後發出公告,竹商銀存戶轉帳到渣打,將不收取手續費,而國泰世華銀行則推出網上轉帳回贈客戶的計劃。

一次轉一元 恐怖如黑客
張先生發現銀行轉帳潛在賺錢機會,遂施展「資金大挪移」。他利用渣打的戶口,把款項轉帳至回贈最優惠的國泰世華銀行,每轉一次,渣打就要給國泰世華十元手續費,而這十元中,國泰世華又會「回贈」六元給客戶。張笑稱:「坐在電腦前面,只要按一百下,就可累積一百次,不花一毛錢,就可靠手指賺錢。」最後甚至以「一次匯一元」方式,一個月轉帳了三十幾萬次,令渣打損失至少七百八十萬元(約一百八十八萬港元)。

渣打對這位「只轉帳、不買基金」的客戶非常頭痛,揚言取消其提款卡,又要求他把錢「存回竹商銀」,雙方僵持不下,事件最後鬧到渣打香港總部。渣打上周採取行動,取消張先生的竹商銀轉渣打免收手續費的優惠,還設下貴賓理財要存款達三百萬元(約七十二萬港元)的門檻,逼他將存款轉到別的銀行。

渣打表示,對方有時一次只轉一元,簡直跟黑客入侵電腦系統一樣恐怖。為防其他客戶倣效,渣打已在官網上貼出簡短公告,「即日起調整本行帳戶透過他行自動提款機及網上每日轉帳次數。若造成您的不便,敬請見諒。」

14/12/2007 太陽報

Thursday, December 13, 2007

板前壽司

我覺得最好食嘅迴轉壽司.
係我今年第一餐生日飯.

我次次都食差唔多嘅嘢.
海膽軍艦,
珍寶帶子壽司,
吞拿魚腩壽司
荵粒吞拿魚腩手卷.
全部都好新鮮!

兩個人食,
都係二百幾,
好值囉.
但係長期排長龍,
煩啲囉~

多謝 c~

板前壽司
地址 : 銅鑼灣東角道24-26號1-3號舖
電話 : 2110 8504
菜式 : 日本菜

Petrus

openrice 開飯介紹: "位於五十六樓的珀翠餐廳俯覽一望無際的著名維多利亞港海景,其出品的法國菜被公認為全香港最上乘的,理所當然成了港島香格里拉大酒店的代表餐廳。
2000年八月,珀翠餐廳被美國HOTELS雜誌評為全球五間最佳酒店餐廳之一,更是亞太區唯一一間入選的酒店餐廳。

well....
我覺得名過其實.
海景靚,
但我覺得上次去 Sheraton Oyster and Wine Bar 嗰個九龍望番過黎香港嘅夜景靚啲.
食物好食,
但係未至於好食到有驚喜.
服務就真係一流,
服務員 (個個都好似經理咁嘅樣.) 永遠係應該出現嘅時候出現.
宮廷式裝修,
好高貴,
所以有啲拘謹.

坐低先叫支 Evian, HK$78.
兩杯 Moet & Chandon 嘅 Brut Rose,
好香.
埋單至知 HK$280/ glass.

餐前麵包有好多選擇,
以 soft butter roll 最出色,
又有兩隻牛油,
我鍾意鹹啲嗰隻好味啲~

另外送咗個 ham 做嘅冷盤.
普普通通啦.

煎鴨肝 HK$360
鴨肝甘香,
入口即溶,
外脆內軟,
但係呢個鴨肝係厚切,
所以軟嘅比例較多.
我個人鍾意薄切香脆啲.

龍蝦沙律 HK$330
都有成隻龍蝦,
好爽,
但個 dressings 就冇乜味.

主菜叫咗個二人前嘅鴨胸 HK$780
經理推介五成熟,
成隻鴨攞出黎即場切出一片片嘅鴨胸,
五成熟又唔會太血淋淋,
個肉就嫩,
但係引唔起我食慾,
我食咗少少就放棄啦.
配菜又個 meatball,
反而幾好食.
切完鴨胸嘅鴨殼會再另外入厨房切對脾出黎,
要自己原脾再拆肉,
我太懶唔想切.

加個黑松露菌焗雜菜 HK$320
黑松露菌個味好似普通嘅菌類,
同白松露菌都冇得比.
不過碟菜都唔錯.

甜品當然係最重要啦!
芒果梳乎里 HK$160
係焗好嘅梳乎里加芒果 sauce,
略甜, 梳乎里嘅本身又唔係特別好.

脆橙條配薑味雪糕 HK$160
脆橙條好鬼甜,
係橙味糖膠加 cream.
但係薑味雪糕就好好食.

最後再送一盤十件嘅甜品拼盤,
very nice 喎,
有啲誠意~

同樣地,
兩個人埋單 HK$3K 嘅晚飯,
雖然菜式唔同,
但我覺得上次 Sabatini 出色啲.

Petrus 珀翠餐廳
地址 : 金鐘太古廣場港島香格里拉大酒店56樓
電話 : 2820-8590
菜式 : 法國菜

鑽飾

標題係鑽飾, 唔係鑽石.
鑽飾係首飾,
唔需要雞蛋咁大粒石.
反而閃嘅, 有款有特色嘅,
會靚啲, 係首飾囉.

我會買鑽飾,
我要靚, 唔係要威,
又唔係要同人比較.
要雞蛋咁大粒石,
貪佢重咩!

又大一歲

多謝大家的 '生日快樂'.
今年我真係幾快樂.
:)

Wednesday, December 12, 2007

增值貶值

呢個今朝係都市日報見到,
幾得意,
同大家分享吓.
-------------------------------------------------------------------------------
有次與朋友約會,她唏噓的說,身邊有個女同事剛踏足社會,明明賺錢比自己少許多,卻是一身名牌,挽的手袋是她一個月的人工,收入與財富極不相稱。

朋友跟這個女同事閒聊,女孩卻自豪的說:全部都是男朋友送的,還坦然何用努力工作,只要找到一個米飯班主,便可一世無憂。我的朋友苦口婆心的跟她說,女人還是要有獨立經濟能力為妙。

最近聽了這樣的一個笑話。

一位年輕漂亮的女孩在網上討論區發問:怎樣才能嫁給有錢人?她表示自己25歲,非常漂亮,想嫁給一個年薪四百萬的男人,還問為甚麼有些富豪的妻子,總是樣貌平平,究竟男人尋找妻子及女朋友的標準為何?

一位男士表明自己是投資顧問,年薪四百萬,他作了一個非常有趣的回覆。

這位男士說,如果跟這位漂亮女孩結婚,就是天下最糟的投資。他認為這是一筆「財」「貌」交易,一方提供外表,另一方提供金錢,本來是公平買賣,可是問題的核心是,女孩的美貌會隨年月消逝,但男方的金錢卻不單不會減少,甚至可能逐年增加,反觀女孩絕不可能一年比一年美麗動人。

這位男士進一步從經濟角度分析,說男方是增值資產,女方卻是貶值資產,美貌消逝的速度可能愈來愈快,一個聰明的投資者,對於會下跌的貨品,只會立即拋售,不宜長期持有。換句話說,明智的選擇是租賃而不是購入。所以年薪能超過四百萬的人,對一個只虛有美麗外表的女人,只會交往,而不會結婚。

男士更忠告這位女孩,倒不如想辦法令自己變成擁有年薪四百萬的人,可能比碰到一個有錢但願意娶她的傻瓜較為容易。

一直有?這個夢想的姊姊妹妹們,夢醒了沒有?

當然這只是一個極端的笑話。衡量一個男人,絕不應只憑其收入;衡量一個女人,也絕不應只看其外表。

其實無論男人或女人,都應該不斷為自己增值,才不至令人覺得,其生命在不斷萎縮。

都市日報 - 2007/12/12
都市儷人:增值貶值
魏綺珊 - 企業傳訊

禮物的價值

如果禮物的價值係可以反映我係你心目中的地位,
我知道,
我係你心中的比重.

我冇乜嘢要買,
又唔係特別鍾意名牌.
相比起一份昂貴的禮物,
我寧願你將心思放係 '點樣先能夠對我再好啲' 嘅課題上.

真嘅,
一張你親手寫嘅咭,
已經好足夠啦.

神探

劉青雲十分精彩,
而劇本的本身我都好鍾意.

'人人心裡面都有隻鬼.'
每個人都有唔同興趣, 選擇,
有時好靜, 有時好動,
有時性格分裂,
有人表裡不一,
原因可能係心中的 '鬼' 所祟.
唔同的事情又會影響而衍生新的 '鬼' .

唔知我心中有幾多隻鬼呢?

官方簡介:
兩名警員到樹林查案,結果一名警員王國柱(李國麟)連人帶槍失蹤,另一名警員高志偉(林家棟)平安而回,失槍卻接連牽涉不同的搶劫謀殺案... 重案組督察何家安(安子杰)受命調查此案多月毫無進展,何家安決定找舊上司,已退職的陳桂彬(劉青雲)請教 ... 陳桂彬是破案天才,手上從沒破不到的案,多年前因自切一隻耳仔給退休的警司,被認定患上精神病而被退職...

我唔想做啦!

做 agent 有時好心灰,
搵極都唔啱,
條數計極都唔掂,
無拿拿唔關你事又俾個客鬧,
少啲 EQ 都唔掂.

當心灰嘅時候,
會想休息,
想就咁就嫁咗佢唔駛做.
然後搵個人撒吓嬌.

我會同你講:
'不如你養我啦, 我唔想做啦!'
(呢個心態男女都會架.)

當然我想聽到嘅答案只得一個,
就係: '好呀, 你唔好做啦, 我養你啦!'

我淨係想得到少少嘅安慰,
俾啲支持我,
令我知道呢個世界仲有人值得我為我同佢嘅將來而努力,
咁我就重新有力量繼續工作.

如果你之之咗咗,
我都唔知我咁辛苦為乜!
你估話唔做就唔做,
咁易咩!

Monday, December 10, 2007

大閘蟹

大閘蟹的季節就黎完啦~
今年食咗唔夠五次大閘蟹,
雖然少食,
但全部都係高質素的~
貴精不貴多!

我以前唔識食蟹,
由細到大淨係食蟹蓋同蟹腳,
到十幾歲會食蟹鉗,
近呢幾年至識食晒成隻蟹!
因為開始食大閘蟹~

食大閘蟹好麻煩,
我一定唔會出街食,
太冇儀態!!
見到埋蟹殼都想走啦~

最緊要係食完大閘蟹之後碗薑茶!
一絕也~

生日送禮物

很少收禮 / 送禮,
因為回禮好煩.
生日我鐘意請食飯,
因為唔想唸買乜嘢~

太便宜顯得小家子氣,
太貴我又肉赤~

同交換聖誕禮物一樣.
杯呀,
頸巾,
毛巾套裝,
卡片套,
鎖匙扣又太行~
食之無味, 棄之可惜!

人地送俾我我禮物我又唔會 'dum',
我屋企有 n 個杯囉...

如果我明知份禮物好貴,
但係我又唔鐘意,
我又十萬個唔好意思令人浪費咗金錢...

每年各方親友都會問我想收到乜嘢生日禮物??
邊有咁啱有啲嘢無端端想買??
就係想買, 嗰樣嘢作為禮品可能又怪怪哋~

最好都係折現~
利是得架啦,
我赤貧呀~
多謝!

周杰倫07-08世界導巡迴演唱會

周杰倫細細聲演唱會~
我很欣賞他的才華,
鋼琴, 古箏, 鼓, 舞蹈, 雙截棍.
你會見到他的心思.

周杰倫的歌好適合開演唱會,
節奏好強,
好有氣氛.

南拳媽媽唱咗成十五分鐘,
我覺得周杰倫呃咗我錢囉...
嘉賓係柯有綸,
'哭笑不得' 幾好聽~
最攪笑係周杰倫的外婆有一段歌上咗台跳國標!

以下節錄的演唱會評論,
我十個認同!
---------------------------------------------------------------------------------

去看周杰倫的首場演唱會,充滿期待……

當他一開口唱歌,我只覺得:為甚麼他的聲音又沙又散?廣東話的一個「拆」字是最佳形容。

我很喜歡他的歌,也覺得他唱歌的技巧很不錯,所以當聽了幾首歌下來,發現他拿不同的咪唱歌聲線便有不同,完全沒有感染力,又經常出現有迴音(Feed)的時候,我就知道是大會的音響效果有問題。

作為亞洲一個極受歡迎的歌手,作為一個巡迴演唱會,製作又怎能馬虎?縱使他的舞步有多精彩,他的鼓打得多激昂,他的古箏彈得多典雅,卻被這技術性的失誤蓋過,實在是多麼可惜。欣賞他作為一個歌手的我,好的歌聲和音響才是最重要,所以看畢演唱會,我是若有所失的。

Reference:-
東方日報 - 09/12/2007
周杰倫演唱會
花花世界 - 梁以花‧電影人

Saturday, December 8, 2007

Ferragamo

依家嘅工作成日都要出街,
一對舒服的鞋十分重要,
一雙體面的鞋亦都透視了你的整潔/態度/風格,
而優雅的鞋可以完全改變你的形象.

以前我會不斷的買,
不同的款式,
不同的牌子,
但很快的會被嫌棄,
有些穿久了會腳痛,
有些鞋踭沒有跟腳板向前行,
有些皮革太硬, 腳跟位常常擦損.
總之交過好多學費啦~

Ferragamo 的鞋不便宜,
但係較優質的皮鞋世界裡面又唔算貴.
我都係減價期間至捨得買,
每季都會買一對.
可能呢個牌子的鞋楦比較適合我,
而且亦都有啱我嘅大腳八尺碼,
不過某啲款式就阿婆啲囉...

今季我買了一對三寸高的紅色漆皮高跟鞋,
係最經典的蝴蝶結款式,
雖然未必可以成日都着,
但對鞋好亮麗!!
完全有 red dancing shoes 嘅感覺~
又好啱生日 / 聖誕 / 新年嘅氣氛~~~
(不斷俾藉口自己買嘢....)

不停呻窮的我,
忍唔住...
又洗錢啦....
唉.....

當送俾自己做生日禮物啦~

這幾天,
我在思考嫁人的意義.

好愛佢?
想成日見?
冇第二個好過佢?
驚俾第二個搶咗?
驚過多幾年嫁唔出?
精神的支持?
尋求生活的協調?
想改變?
想離開原有的家庭環境?
被包養?
想唔洗做?
被照顧?
被愛鍚?
想生仔?
驚老咗冇人理?

點解要嫁?
幾時要嫁?
我未唸到一個要嫁嘅原因.

家族生意

老爸辛勞半生,
終於決定退下火線.
最遲兩年後便會退休.

昨晚,
我們開了個人民大會.
老爸說明意向,
而且會完全的退出家族生意.
我們這些第二代,
也不便接手.

說真的,
我從來也沒有想過染指家族生意,
非到最後關頭,
我也不希望回歸祖業.

一來冇興趣,
曾經試過報讀相關學士課程,
但維持不到一個月便放棄了.
二來第二代人多勢眾,
無謂爭崩頭.
三來, 這些年間,
我也為自己努力的爭取了少許的資歷,
少少的學歷同工作的經驗,
斷估唔會餓死啩~

現在早些解決,
未嘗不好.

Friday, December 7, 2007

澳洲

生活係澳洲接近兩年,
但係實在冇乜印象??
個腦應該自動刪剪了那段不堪的回憶.
其實又唔係太差,
只不過係悶到慌囉.

朋友去澳洲前都會問我有乜好玩,
我都唔記得啦.
記得嘅都只係飲飲食食囉.
印象濛濛糊糊囉.

最記得就係三日食咗一箱蘋果芒!
同埋那個送彩電追女仔嘅故事~

想點?

我做人最大的問題係:
我從來唔知自己要啲乜?

我樣樣都想要,
樣樣有少少,
但係我唔知我最想要嘅係乜嘢?

我知我唔鐘意乜嘢,
但我唔知我鐘意啲乜?

最麻煩我又五時花六時變...
今日我覺得呢樣好啲,
聽日又嗰樣好啲.

我都唔知自己想點?
究竟想點?

Thursday, December 6, 2007

'酒精害人不淺'.
我信.
曾經唔止一次,
我疏遠了那些酒後失儀的朋友.

飲少少酒,
放鬆心情,
我覺得冇問題.

問題係:
你要知道你的酒量.
你可以控制到自己,
唔會淪為人家的笑柄...

最憎人飲醉酒.
最憎人酒後失儀, 勁樣衰!

我從來唔明白愛.

犧牲是愛嗎?
好友為佢愛嘅人放棄事業,
疏遠摯友.

等待是愛嗎?
等候回頭,
聽候命令.
一聲令下,
外賣速遞,
隨傳隨到.

管束是愛嗎?
被迫過着灰姑娘的生活,
穿上不配襯的衣服.

打罵是愛嗎?
打者愛也,
愛者打多幾下?

無為而治是愛嗎?
任你自生自滅,
我行我素,
好嗎?

聽話是愛嗎?
你話乜我做乜,
咁你覺得我愛你嗎?
這是愛嗎?

怎樣才是愛?

手信

有些人去旅行,
乜都唔買,
以為好灑脫.

有啲人就乜都買一餐,
樣樣都話要留記念.

旅行去多咗,
就唔會再想買紀念品,
因為通常都只係會咗堆垃圾返屋企.

不過我一定會買手信俾屋企人同男朋友.
(sorry.. 朋友就冇啦..)

買手信俾朋友,
成日都好似要禮尚往來,
好煩.
對於要唸買乜嘢禮物,
我唔係好 enjoy...
都唔知人地鐘唔鐘意?
又唔知用唔用?

咁點解要俾屋企人同男朋友呢?
可能嗰個地方你同佢地去過,
可能你只係近近地去星加坡,
可能嗰個地方你一年去三次.
但係我十次有九次都會買手信.

雖然只係一盒無聊嘅鳳梨酥.
但係佢意義重大.
證明你雖然自己走咗去玩,
但係你仍然記掛佢地.

有時好小嘅事情你以為冇所謂啦.
但係佢地個心會記得架.

Wednesday, December 5, 2007

外表

對於男朋友嘅外表,
我冇乜特別嘅要求,
因為我明白呢樣係天生嘅,
唔通要怪父母咩?

不過,
化妝, 衣著可以略為改變,
你可以突出你的優點,
同修飾你嘅缺點.

我會歧視嗰啲自暴自棄, 不修篇幅嗰啲物體!

Tuesday, December 4, 2007

三級片

細細個嘅時候,
有冇想過到十八歲一定要入場睇三級片??
我冇呢個 '夢想'.
但我記得我第一齣睇同埋第一齣入場睇嘅三級片.

第一齣睇嘅係黃秋生主演嘅 '人肉义燒飽'.
係一班妹妹仔一齊去揀錄影帶,
(當年仲興租錄影帶.)
然後某 auntie 去租架.
之後再上佢屋企睇.

第一齣入場睇係 '性書大亨'.
不過西片我真係冇乜印象.

Monday, December 3, 2007

名牌的奴隸

我愛名牌嗎?
ummm....
我想我的朋友會覺得我愛.

我.. 應該愛啩..
因為我虛榮~ 哈!
但係經濟能力又低! 哈哈!

有牌子嘅嘢質素比較有保證,
不過價錢愈來愈貴,
款式成日變,
用好多錢去買牌子嘢好似好戇居.

冇牌子呢...
一時時啦..
打底都 ok 嘅~
哇哈哈~

算啦..
我都係認啦...

生日

一到十二月就好多活動,
生日!
聖誕!
新年!
時間很快的過去啦~

可以物以類聚,
十二月真係好鬼多人生日.
重要係熟嗰批...

每年我們十二月生日人士都會一起的慶祝,
今年謹定於十五號~
唔知到時某主角會唔會唔得閒呢?

Sunday, December 2, 2007

澳門篇 - 食!食!食!

我唔賭錢,
澳門之行就係食同瞓.
每次都係 '糟豬' 增磅旅行團.

必食推介:~

保健牛奶公司
地址 : 新馬路褔隆新巷4號
電話 : 2893 8391
唔好話去澳門一定要食義順!
其實我覺得義順一啲都唔好食...
保健我由細食到大,
啲奶好滑~
薑汁撞奶,
雙皮奶,
我去親日日都食, 次次都要兩碗~
另外辣魚包都唔錯.

新榮記豆腐美食
地址 : 新馬路果欄街47號
電話 : 2892 1152
第一次我係跟書去食,
你食過呢間嘅豆腐花你唔會再想食其他.
佢個豆腐花真係十個滑.
另外仲有車仔麵, 都 ok.

洪馨椰子
地址 : 新馬路果欄街14號地下
電話 : 28920944
原杯冇溝水嘅椰子汁,
好濃,
好滑,
好正.
仲有椰子雪糕架.
係豆腐花舖前少少~

安德魯餅店
地址 : 路環黑沙海灘旁
電話 : 862 5759
葡撻!
新鮮! 熱烘烘~
環境清幽,
仲可以順便行吓添~
(不過香港家鄉雞嘅葡撻都好得...)

誠昌飯店
地址 : (乙水)仔官也街28-30號地下
電話 : 2882 5323
水蟹粥,
大家都識架啦~
炸鯪魚波同墨魚波,
好香口~

新陶陶酒家
地址 : (乙水)仔飛能便度街26號地下
電話 : (853) 827-311
中菜,
魚翅囉,
人多咪食囉~

Friday, November 30, 2007

夢想

由細到大,
我也沒有好好的想過 '夢想'.
最憎作文年年都要寫 '我的志願'.

我都唔鐘意唸啲不切實際的事情,
又唔鐘意唸將來.
今日都未顧得掂,
聽日有可能死掉,
都唔知唸咁多做乜?

近呢幾年,
我會寫低生日願望,
係可以係未來一年想做到, 又會做得到嘅事情.
這陣子我已經開始思考我下一年要達到的目標,
不過亳無頭緒....
冇乜方向.

我唔洗做千萬富豪,
又冇乜貴價嘢特別想買,
升職加薪又驚辛苦.
讀書又想遲少少先,
身體健康太行.
心想事成要留番新年用,

下年,
點算好?

肖馬B

生肖血緣:肖馬B 貪新鮮冇時停
正宗驛馬星,
坐唔定,
鍾意四圍發掘新鮮事物,
又喜歡跟朋友玩鬧,
可惜把口唔收,
守唔到秘密,
優點是沒有機心,
喜怒形於色,
做朋友夠坦誠。
至於對長輩,
雖也尊敬,
但遇爭拗,
會據理力爭。

今日蘋果副刊內容,
好準~

Thursday, November 29, 2007

冷血動物

終於都凍少少,
我就可以着大褸啦,
(我已經買咗好幾件褸...)
哇哈哈~~~~

我個人的本身係唔識自我發熱,
手腳長期冰冷,
好似雪條咁.

會開暖爐,
但係冇乜用,
個人係唔會暖番架.

一定要沖涼,
開勁熱的水,
然後成身紅晒!
成個浴室煙霧迷漫~
(啲煙會係門縫飄出廳...)

成個人舒服晒~
咁可以維持兩個鐘頭左右.
我最高紀錄係一日沖咗四次涼!

Tuesday, November 27, 2007

眼闊肚窄

食之前: 好肚餓! 好肚餓!
食完: 好飽! 好飽!

我就係咁~
餓又嘈!
飽又嘈!
冇得食就做餓鬼,
食少少又變咗隻飽鬼.

每次食飯我都鍾意叫到一枱都係.
鍾意有好多好多選擇,
但係其實我又食唔到咁多嘢...
食得飽得滯又會嘔~

同事們都鍾意同我 AA 飲茶或者打邊爐,
樣樣都唔食,
食得又少,
佢地話好抵!

電車

咁多種交通工具之中,
我最鍾意電車.

唔趕時間,
我會搭電車.
坐樓上,
居高臨下.
吹吹風,舒舒服服的.

唔開心我又會坐電車,
望吓街,
分散注意力.
睇吓四圍嘅變化.

鈴鈴鈴鈴~~
煩惱鈴走晒~

Family Day

星期天係永久的 Family Day.
雖然我出街出得很凶,
但係星期日我會留俾屋企人.

這樣難得全日的假期,
第一件事係飲茶,
個個禮拜都唔同酒樓,
有時想食盅飯,
有時想食糯米雞,
有時要大飽.

小時候會去遊車河,
行山,
郊野公園,
去啲冇雷公咁遠的地方.

依家會去超級市場,
行一少陣街.
之後返屋企瞓覺~
休息!

有時想探阿哥,
我地會揸車返大陸,
按個摩, 食個飯.

一日輕輕鬆鬆的過去了.

Monday, November 26, 2007

失戀

我記得失戀時候的痛,
是何等的蝕骨入心.

失去知覺, 味覺, 聽覺, 視覺, 嗅覺.
我, 只活在自己的世界裡.

明天怎麼了?
我唔想知,
亦唔想理.
只沈醉係悲痛的世界裡.

你唔需要可憐我,
我想暫時的死掉,
封閉自己.

我知愛我的人會因為我的痛而痛,
可惜我愛的人已經離開我.

我由衷的感激那些對我不離不棄的人.

那種痛,
那些支持,
我全部都記得.

第三者

我曾經做過第三者,
亦有過第三者.
三角關係,
非你所願.

大部份人都希望感情係一對一.
愛情要係一個唔合適的時間來到,
理智影響唔到你嘅選擇.

好友 r 說:
兩個人之間如果冇問題,
根本容不下第三者.

第三者的出現,
只係間接反映兩個人之間的隙縫.

好友 c 說:
三角關係嘅主旨在於鬥長命.

你能夠當第三者,
先要鬥實力,
再鬥忍耐力,
最後鬥長命.

愛情從來都係持久戰.
無論愛情的種子係由那個人開始,
邊個收成?
幾時收成?
能否收成?
只有天知.

Saturday, November 24, 2007

分手不要期望

今日聽到一個惡耗.
在我未來得及恭喜之前,
他們分開了.
兩個人的感情只有兩個人知道,
你唔需要向第三者解釋,
唔需要別人的明白與體諒.

分開了,
是環境的因素?
定係沒有足夠的愛呢?

竟然是這樣的兒戲.
過山車般的戀情,
大起大落.

我知道,
你要離開時,
我心底裡係會偷偷的等待你回心轉意,
但係你唔需要係分手嘅對白裡面包括:
'如果我失敗了, 我會回來跟你結婚.'
你唔好再俾希望我.
未來嘅事係冇人知,
但係依家唔該唔好開定期票.

沒有希望,
你唔回頭,
我唔會自怨自艾.
但到了你要回來的那一刻,
我會覺得更美好.

郭富城舞林正傳演唱會2007

同唔同嘅人睇 show 有唔同嘅見解.
今次同專業人士睇演唱會,
除咗郭富城,
會研究 dancers, 服飾, 燈光, 舞台, 音響, LED 設計.....
又學多樣嘢~

張叔平嘅衫好靚,
連 dancers 嘅衫都好靚!~
好有舞台感!
個舞台好好玩~
好有 '黃金戰士' feel~
好多 function,
360 度轉,
又可以做升降台,
好有型!

大部分都係快歌,
但我太耐冇聽郭富城,
冇溫書就聽演唱會~
實在有好多歌都冇聽過囉....

另外,
郭富城嘅對話實在太 '娘'~
去換衫之前會講: 一陣見!
講完爛 gag, 就會話: 以下呢首歌, xxx, 送俾你地~
可唔可以唸過啲稿?

但係歌舞連場,
都值得去睇嘅~

Friday, November 23, 2007

辦公室戀情

我一向抗拒辦公室戀情.
而事實上我做咗咁多年嘢都冇試過係公司結交男朋友.

題外話:
咁男朋友從何來?
可能我成日出街咁識到好多朋友嘅朋友.
真係要擴闊生活圈子先至容易係新朋友堆度搵到新男朋友.
成日留係屋企,
唔通無端端有條友黎按個門鈴咩!

公司是非鬼咁多,
一個唔覺意就變成發姣(!)私生活唔檢點(!)
無拿拿招人口舌,
我覺得幾戅居囉.

不過話分兩頭,
我個人又唔衰得,
愈多人阿芝阿咗,
我就愈發奮兼更努力,
係唔衰俾人地睇呀!!
(都唔明點解個人咁好勝?!)
(呢個唸法真係好無聊~ 攪到我鬼死咁忙...)

喂~~ 好耐冇 function 啦~~~

成個幾禮拜冇見過十兄弟啦!!!
連 msn 都少講咗,
工作又忙,
不如下個禮拜食飯啦~~~

其實要多謝陳媽媽~
那時我們剛開始全職工作,
常以為其他的兄弟事務繁忙,
因為酬備婚禮,
我們等無聊精又聚集啦~~
(一個婚禮, 竟然日日都得閒出黎做 preparation!!!)
(赫然發現, 我地原來大家都咁無聊.)

WildDayOut - 星光幫

節目: WildDayOut - 星光幫 Live
地點: Hard Rock Cafe

個幾鐘頭嘅表演,
四個星光幫 -
周定緯, 潘裕文, 許仁杰, 林宥嘉.

四個都唱得,
不過唔睇得.
氣氛一般.

唱嘅係第二隻碟嘅歌.
有個人, 有合唱.
周定緯有跳舞,
成日扮阿 rain, 好煩!
(雖然真係有兩分似阿 rain.)
林宥嘉比較靚仔,
但身形就... 又肥又矮咁囉~

不過全程企係度,
攰啲囉....

* 我得到一張有齊四個親筆簽名嘅 poster,
有興趣請通知我~ *

Thursday, November 22, 2007

冷靜

再係舊網頁找到這些.

{請給我一點時間憎恨你。}
當我憎恨你,不想見你的時候,我會想起你的優
點:你對我其實很不錯、沒有人比你更能容忍我、
你心地好、你不太會說謊、你很踏實……如果不是
有時間憎恨你,我就沒時間記起你的優點來。

吵架之後,我說不想再見到你。這個時候,你可否
給我一點時間?若你給我一點時間冷靜下來,我會
懷念你的一切。那麼,我會再見你。

我說要分手,請你不要求我留下來。你就給我一點
時間吧,一星期、兩星期,甚至一個月。見不到
你,也許我會好好反省一下自己。我自己也不是那
麼好,我憑甚麼對你那麼挑剔?我也許不會找到一
個比你更好的。

我罵你的時候,你不要理我好了。你最好給我一點
時間恨你。第一天、第二天,一直到第六天,我都
恨你,恨死你。但是好奇怪,到了第七天,我忽然
有點想念你。

我自憐的時候,你就由得我吧。請你由得我發霉、
發臭和風乾。我就是喜歡這樣。風乾之後,我或許
有力量重新愛你。原來,當你愛一個人,你不但要
愛他,還要偶爾恨恨他。在恨他的時候,你才會發
現他可愛的地方。請讓我有時間恨你。

------------------------------------------------
如果要一點時間才能記起你的好,
那你其實應該不太好.
------------------------------------------------

{你要冷靜多久?}
男人永遠搞不清楚女人的安全期,女人則永遠搞不
清楚男人的冷靜期。

男人說:「我想一個人冷靜一下。」這是不是代表
他想分手呢?他沒說分手,只說要冷靜。那麼,他
到底要冷靜多久?

「我會打電話給你。」男人通常會這樣說,而不會
直接告訴女人他要冷靜多久。

女人回家等男人的消息。對女人來說,這段冷靜期
漫長而痛苦。她知道,男人忽然希望一個人冷靜一
下,那就是說他不愛她了,他想分手,只是他還開
不了口,所以他需要一點時間。

所謂冷靜期,根本就是一方等候另一方宣布這段愛
情死亡。很少情侶能夠熬過冷靜期,冷靜期過後又
走在一起的,只是苟延殘喘,很快就會分手。

「冷靜」根本就是「分手」的同義詞。談過幾次戀
愛的人,不會笨得不明白冷靜的意思。雖然明白,
我們還是很難接受對方忽然說:「我們冷靜一下好
嗎?」無論聽過多少次類似的說話,我們還是希
望這一次是例外的,這一次的「冷靜」是有好結果
的。無論受過多少教訓,我們還是弄不清楚男人要
冷靜多久。我們還是會追問:「你為甚麼要冷靜,
你要冷靜到甚麼時候?」

-----------------------------------------
我也弄不清為何要冷靜?
是為着要想起我的好嗎?
既然忘記了,
應該要再記起嗎?
-----------------------------------------

Wednesday, November 21, 2007

謝謝你折磨我

從舊的網頁,
發現了幾篇我喜愛的文章,
邊個作者唔記得啦.
這是我最喜愛的.

{謝謝你折磨我}
在日常生活,在工作上,我們常常會碰到許多討厭
鬼,他們或許是你上司和同事。這些討厭鬼對你的
折磨,也許有激勵的作用。
是的,生活中,有很多折磨。貧窮、失意、失戀、
苦戀、單戀、被人奚落、被人藐視、被人欺侮、與
至愛的人別離、疾病、死亡,統統都是折磨。
受折磨的時候,你萬分痛苦。然而,有一天,你會
感謝所有折磨你的人和事。
折磨等於鍛煉。
沒有受過折磨,我們不會成長,不會變得成熟,也
不會擁有智慧。若有一個人折磨你,你該感激他。
若不是苦戀他,若不是他對你若即若離,害你受盡
折磨,你怎會開始了解愛情和人生?當你發現你可
以為一個人而忍受這種折磨,你的視野會忽然變得
廣闊。
不要被所有的折磨打倒,你要用這些折磨來自我提
升。長夜哭泣之後,你會感謝所有曾經折磨過你的
人。他們成就了你。

十兄弟遊樂場

大家仲記唔記得我係澳洲寫嘅無聊網頁?
那是 1999 年的回憶.
好得意,
好細路女,
勁白痴,
哇哈哈~~~

今日悶悶地,
又重溫一篇當年那些無聊的日記.
有啲好開心,
有啲好溫馨,
有啲好嬲,
有啲好笑.

相比之下,
我發現呢幾年我過得愈黎愈好~
呵呵~~

栗子

鐘意扮街坊,
鐘意着短褲拖鞋走落街~
十級鐘意食街邊嘢.
我完全唔介意企係街邊食嘢!

街邊嘢都有季節性~
到咗秋天,
當然要食栗子啦~~!!
真係生炒的栗子好好食架....

搖吓粒栗子,
離殼嘅又易剝又粉啲.
經過栗子車都會買半磅襯熱食!!

屋企樓下都有,
不過質素一般.
旺角近火車站橋底個叔叔嘅炒栗子好味好多~

魔戰王:貝奧武夫 Beowulf

又一套漫畫化史詩式英雄片,
好似戰狼 300,
又似 Troy.
雖然以上兩套我都有睇,
(三齣戲真係好似架~)
但係仍然覺得 Beowulf 都好好睇....

轉登去咗圓方的 Grand Cinema,
睇 3D 版本,
$100 張飛.

全套戲都係 3D,
俾副老土眼鏡你戴,
十個重.
而一路睇 3D,
好攰, 好傷神,
睇完想即刻返屋企瞓覺.

戲院環境好,
張橷好好坐~
音響又勁.

新地方新事物,
一定要試吓啦,
強勁推介~

官方簡介:
在英雄輩出的年代,大地上出現了最強的戰士:魔戰王:貝奧武夫(雷溫斯頓聲演)。貝奧武夫打敗橫行大地的惡魔格蘭杜,激起了惡魔之母(安祖蓮娜祖莉聲演)的怒火,她將不擇手段實行報復。隨之而來的世紀大戰將傳頌千古,令貝奧武夫的名字永誌人心。金像大導演羅拔湛米基斯在《魔戰王:貝奧武夫》把現存英語最古老的長篇故事映畫化,運用最頂尖的電腦技術,炮製出一部融合數碼科技的真人動畫電影。

Tuesday, November 20, 2007

平衡

可口可樂總裁迪森 (Brian Dyson)說過:
生活就好像一個擲球比賽,
你必須輪流拋接五個球,
分別是『工作』、『家庭』、『健康』、『朋友』及『精神生活』,
而你不可讓任何一個球落地。
很快地你會了解『工作』是一個橡皮球,
如果你不幸失手掉下,
它還是會彈回來。
而其他四個球是玻璃製的,
一旦落下,
它們可能會破損,
甚至變成一堆碎片,
再也不能和以前一樣了。
(from 都市日報 2007/11/14)

好不容易...平衡各方面,
時間總好像永遠都不夠~
討好了各方面,
某程度上...
辛苦了自己...
我嚴重的睡眠不足...
哈!

叫雞

有啲嘢我真係好想做~
例如叫雞...

如果有下世可以繼續做人,
我仍然係想做女人,
唯一令我要考慮做男人,
係可以去叫雞~ (好變態...)

人一世, 物一世.
如果我係男人....
我一定會去見識吓架!!!

當然我依家都可以入夜總會望吓或者睇吓艷舞,
甚至乎叫鴨.
但係都感受唔到做男人然後叫雞嗰種興奮~
真遺憾... (有冇咁嚴重呀....)

精神分裂

從素顏天使中看到以下文章,
我又正在被煩中!!!
身同感受.
呢個世界真係有好多人係精神分裂!!!!

女人選擇伴侶的條件可能有很多,又要有錢又要英俊又要高大威猛,要懂吃喝玩樂時又懂四書五經,但在我看來甚麼都不比這二字要緊,就是「謙厚」。

坦白說,so far 做了廿幾年人以來,我的追求者,不算多,但就專門招惹到那些發瘋的男人。為甚麼不,因為我很相信如果是互相對對方有好感,跟本就不用怎麼追求就能走在一起,所以我知道(覺得)是沒可能的,我都會一一很決絕的回絕。在我看來,那些男人用 N 年時間又冒雨又冒雪的去等待一個女孩子,十分的不可思議。

然被我拒絕了的男人,很多時候都有一個共通點,就是不夠謙厚。

有自信,固然是好,但過了頭,就是病。通常這些男人都是外表普普通通啦,收入不算差,比上不足,比下有餘,都雄心壯志,覺得自己已是擁有全世界。但就沒想到自己可能只是一家大企業裡的一個小薯頭,甚至只是薯頭上長著的那一小片青苔,比你更好更聰明的人還多的是。擺著大爺般的脾氣,好像世上的女人都是你寢宮內的小宮女。

唉我常常說,如果你真是叻真是聰明真是漂亮真是英俊真是很有成就,你就算瘋狂的讚自己,無人會覺得有問題。等如古天樂或者金城武跟你說覺得自己好靚仔,誰會覺得有問題先?

好啦,當我拒絕了你啦,我意正嚴詞地說我有男友,我要結婚了,你好討厭,好煩,你這一世都沒有機會的啦,你死心啦諸如此類。因為你受慣那些十七八歲小妹妹或是月賺六七千的女郎的簇擁,我拒絕了你,你忽爾覺得我特別起來。你以為,我拒絕你,是因為想要試探你的心意,要你受盡折磨才會與你一起。但其實我要的很簡單,我喜歡你,自不然會是想要跟你一起,但我一點都不喜歡你,甚至極之討厭你。

然後因為你太過有自信,你受不了打擊,你會說,死八婆你好有寶咩,你呢世都搵唔到個好似我咁有條件的男人呀,F 字頭的字眼,很多很難聽很難聽的說話都會說出口了。然後你又後悔了,你會隔天就送來一大紮花,瘋狂的發短訊 / MSN / E-mail 來轟炸我,求我原諒你,但話出了口就收不回,不是你說了要原諒就能原諒。

OK,然後又是一個 routine,你又覺得怎麼你低聲下氣了我還不肯原諒你呢,你呢個死八婆有病,好有寶咩,你心地好差,你呢世都搵唔到個好似我咁有條件的男人呀...... 再然後又後悔,說自己會改過 blah blah blah,我把你放進 ignore list,你還是隔一陣子就發電郵來說要跟我出去晚餐 make it up 很想見你。不停循環。

前一陣子那宗遊繩入屋殺女友的男生,很大機會就是這種人,受不了打擊,發飆,EQ 極低自信太高,危險人物。其實這篇文已經完全離了題,我只是想說,那種男人,煩到我想吐血囉!

reference:
http://plainfaceangel.blogspot.com/2007/11/blog-post_2964.html

Sabatini

因為近來大熱的白松露菌,
我們來到 Sabatini.

一如其他酒店餐廳,
一坐低有個經理走黎一輪咀的推介了各款美食.
其實佢有冇唸過一個正常人係一次過只係記到七樣嘢??
講完之後我實在係頭昏腦漲...

叫咗餐前酒, 頭盤, 主菜, 意粉, 甜品.

餐前酒佢話係意大利酒,
不過我已經唔記得叫乜嘢名啦.
好似香檳,
唔太甜,
非常易入口,
結果我全晚都面紅紅的.
(埋單至知原來 $140 一杯, 估佢唔到~)

送嘅餐飽有 4 款~
樣樣都好正!
加橄欖同醋,
正! 正! 正! 正! 正!

頭盤叫咗兩款,
白松露菌 + 蛋 + 多士 ($350) -
我第一次食白松露菌,
有樣學樣的先放咗一片入口.
不得了!!
一小片白松露菌令到成個口腔突然間充滿菌味!!
我覺得氣味濃烈得似蒜.
蛋加入芝士成炒蛋,
淨食蛋都好鬼好味囉!!
不過白松露菌加芝士蛋就好似冇乜味囉.

Parma ham + 哈蜜瓜 ($238) -
Parma ham 係原脾切出黎,
咁啱 Sabatini 的老闆 Mr. Sabatini 黎咗香港,
咁 Mr. Sabatini 就係面前招呼我地, 切 Parma ham 啦.
(即時覺得自己係貴賓~)
Parma ham 唔太鹹亦唔太肥, 哈蜜瓜又好甜, 好 juicy, 好好食....
Parma ham 同哈蜜瓜真係好夾~

主菜經理介紹食牛柳同龍蝦,
但係我唔食牛,
西餐食龍蝦又撈撈攪攪.
所以叫咗魚.
係原條煎撻沙魚加蘆筍 ($598).
撻沙魚煎得剛剛好, 脆皮但係唔乾,
蘆筍好嫰滑~

意粉係白松露菌寬條麵 ($690),
(有 3 gram 白松露菌),
係先煮熟個自製寬條麵加白汁然後係你面前磨白松露菌片.
(好扮嘢呀唔該....)
白松露菌真係好鬼死香!!!
但其實分開計個汁又好滑, 份量剛剛好,
意粉又好煙韌.
不過細碟啲囉.

仲加咗個 side dish 的菠菜 ($98),
蒜頭加菠菜囉,
賣相麻麻地.

甜品係會有架三層成個人咁高嘅甜品車推出黎,
(好似酒樓推車仔....)
咁見到個個蛋糕都好吸引....
當選擇咗個經理會係你面前切囉,
(再一次.. 我覺得好扮嘢呀....)
(但係亦解釋咗點解咁貴! 有 service 囉!)
叫咗三款甜品 (total $255)
我叫咗件餅叫聖安娜,
(經理話係西西里式喎...)
係酥皮底加 puff 加 whipped cream 同 chocolate mousse,
好味到不得了!!!!
另外叫咗雲尼拿布甸,
好滑好濃,
但係我件餅好食啲囉~~
仲有個 cream cone,
個 cone 好似脆麻花咁嘅味,
中間 whipped cream 加開心果碎,
樣靚但味道一般.

開咗支水 ($80),
最後加杯咖啡 ($50).

埋單成 $1500 一個人... 好貴....
係我食過最貴的西餐,
但係真係好好食...

多謝晒~!

Sabatini
地址 : 尖沙咀麼地道69號帝苑酒店三樓
電話 : 2733-2000
菜式 : 意大利菜

Sunday, November 18, 2007

購物狂之家

我生於購物狂之家.
我家各人都愛購物.

爹愛看電視.
我家有 20" 29" 32" 37" 46" 的電視機,
(仲一日到黑話要買個 52"!!)
我以前的房間已成為電視收容所.

娘愛厨房用品.
佢嘅煲, 鑊, 兜 (碗碗碟碟)...
已經玩完咗佢個厨房繼而入侵咗我個厨房~

哥就係 '必先利其器' 的表表者,
基本上佢一有新嗜好,
就會買最貴最靚的器材.

我買嗰少少衫,
濕濕碎啦~

Saturday, November 17, 2007

11-13

-------------------------------------------
如果我忘記了,
你會知道我不是有意的.
我知道,
你永遠不會忘記我的生日.

每年的生日,
是我唯一可以勇敢想你的日子.
-------------------------------------------

很喜歡劉若英,
很喜歡 '生日快樂' 這齣片子.

戲如人生.
每年我都會係你的生日給你一張生日咭.
到我的生日,
你會給我一個祝福的留言.

這樣的交談,
不經不覺的已維持了十多年啦.

回憶總是美好的.
我們互相關心,
不過沒在一起.
只有各自在兩條沒有交點的鋼絲上走着.

這一年生活愉快嗎?
祝你生日快樂!

Blog

朋友們成日都問我點解成日有咁多嘢寫,
因為我無聊兼時間多囉~ 哈~
我啲 Blog 咁冇深度,
半個鐘頭就寫完啦~

有時想到要講的 topic 的時候,
會係電話度記低,
靈感通常都係一閃即逝!~
(我又冇記性...)

然之後得閒先慢慢擴張句子變番篇文章囉.
咁多啲出街多啲講嘢都有幫助嘅.
當然....
都唔係個個人好似我咁無聊乜都寫得一餐~

寫出黎因為我自己都好鐘意睇番自己之前去過邊食過乜做過乜.
我強項係五時花六時變.
至少寫低咗有個記錄,
前因後果會明白好多.

清純~!

同事 w 成日話我扮純情.
我一買學生衫佢就嗌救命~

其實我偏愛 college look.
一身學生妹的打扮好似好有氣質~ (真膚淺!!)

黑.白.灰.
裇衫,
公主袖,
百摺裙,
V 領冷衫,
蘇格蘭格仔,
圓頭婆仔平底鞋.

簡潔中見高貴~
又長青,
季季都着得~

不過我覺得一把長直髮真係呃到唔少人嘅~
'清純' 係我大學時代係統計處返工嘅時候啲同事俾我嘅花朵!
你話笑死唔笑死!!!

來電

來電: xiao 者, 錢運你有 mou 天過千雲學 yuen?
我: 吓? (一頭霧水!! 一個字都聽唔到...)
小姐: 梗你有 mou 天過湘講鎮苦遲讀鑽燒支今?
我: 吓? (我估計佢想講 '香港政府持續進修基金')
我: (用純正的廣東話) 不如你同我講國語吖~
小姐: xiao 者, 你係咪唔塞天廣東話?
我: 我識聽廣東話, 不過係你啲廣東話差囉.
我相信廣東話對答我應該 ok 架, 我會考中文會話合格囉)
小姐: mou li yau 架, 便時啲仁都天得 dou.
我: 咁你搵啲聽到你講嘢嘅人啦, 唔該晒, 拜拜~

星匯佛蘭明高

星匯佛蘭明高 Gala Flamenca Dance.
呢個係地中海節嘅閉幕節目.
屬於西班牙的舞蹈.

Flamingo 拍子感好重,
好似踢躂舞.
主要係腳同手部的動作.
(唔好咁膚淺同我講跳舞唔係手就腳!!)
(跳舞仲有頭, 頸, 膊, 胸, 腹, hip 架!!)
地板同跳躍的動作亦都較少.
另外就係好多 sharp turn,
女舞者啲裙一轉就好靚!!
係輕快同熱情的舞蹈.

伴奏係 live band (結他&鼓) 加拍手,
好悠閒~
不過有時加插啲好似日本能劇加歌劇的歌聲, 好嚇人~

最離譜係隔離嗰兩公婆全場阿呆上身!!
冇交流, 冇笑容, 冇拍手.
好冇品!
拍手係基本禮貌,
係對表演者的支持同鼓勵,
點解咁吝惜你的掌聲??

另:
有冇人識西班牙文呢?
有冇人知 'alay'(音) 或者 'alure'(音) 點解呢??

節目簡介:
來自倫敦及紐約佛蘭明高藝術節的台前幕後演出精英,囊括國家級大師和最炙手可熱的舞壇新貴,最強陣容一時無兩。

以畢生獻予佛蘭明高藝術的西班牙一代舞伶瑪爾切.埃斯梅奈特,其一舉手一投足均是佛蘭明高的絕美姿態。這次演出匯聚了擅於在傳統中創造新意的貝蓮.瑪雅,還有曾於眾多大師舞團中都擔任獨舞員,剛贏取了2006年馬德里大獎最佳表演獎的奧爾嘉.佩利榭度,和同樣經歷了不同著名舞團首席舞位,千錘百鍊造就了驚人舞藝的曼努埃爾.里楠,以及在佛蘭明高舞界絕無僅有的自學天才,被舞評人讚譽為現時西班牙最具代表性的馬可.弗洛雷斯,加上十位結他手、敲擊樂手及歌者的現場精湛奏和,成就了一份無可比擬的佛蘭明高舞蹈巨星名錄。

一個延續傳統、當代、以至永恆的傳奇故事!一個匯聚西班牙絕頂舞蹈巨擘的完美絕配,只此一次的星匯佛蘭明高!

失憶

拾荒者一家四口,
支出比較大,
所以比較慳吝.

呢排和記又有某幾款手機作零機價推廣,
佢應該都係老人痴呆,
同樣的對話已經發生咗好幾次:

拾荒者: 近排某N記手機好似做緊零機價喎.
我: (敷衍的) 係呀.
拾荒者: 吖! 嗰隻 xxx 型號好唔好呀?
我: 冇研究.
拾荒者: 嗰隻 xxx 喎. 黑色嗰隻喎.
我: 唔識. (大部份嘅電話都係黑色架, 阿叔!!)
拾荒者: 咁你覺得零機價買 xxx 抵唔抵呀?
我: 都話咗冇研究咯....

救命!!
有冇人拯救我!!
我真係唔識呀...
唔好迫我呀.......

Friday, November 16, 2007

精神領袖

我們好像回到那個分隔兩地的日子.

沒有見面.
見面好像總是爭吵不斷.
維持着天各一方的日子,
我們相安無事.

一如以往,
各自為政,
互不相干,
獨立自主.

我們像精神領袖.
不需見面,仍然生活安好.

這是什麼樣的生活??

暗戀

從 facebook 裡看見一個久違了的名字,
突然記起....
我也曾經暗戀過某學長!!!
應該係小學三年班的時候~

他比我高兩屆,
皮膚黝黑, 瘦瘦的,
當時比我高成個頭.
讀書成績唔突出,
係運動型.
最剎食係嗰個黑人牙膏式的笑容~

不過呢件事情唔係維持咗好耐.
我太把人追啦~~
哈哈!!

拾香紀

開場前我仍然以為自己冇睇過呢本書,
但一開始簡介那些家人的時候,
連城, 宋雲,
大有, 相逢, 三多,
四海, 五美, 六合,
七喜, 八寶, 九傑,
拾香.
我記起了那個大家族.
(我想我應該有點老人痴呆!!)
(開場前我實在係零記憶!!!!)

生死只係一紗之隔,
同時代表兩個時段的回憶.
全場以黑.白.灰.代表拾香的回憶.
好簡潔.
不過太簡潔的舞台未能表達太多香港的回憶.
黑色嘅拾香好靚.
可惜連城同宋雲個老妝勁差.

最可惡係表演場地係西灣河文娛中心的劇院,
張橷比較差,
坐得好唔舒服.
全場三小時又不設中場休息,
攰死咗...
我地又坐第二行,
(第一行冇人架, 視野一流!!)
唔好意思拉筋阻住人.
雖然第二行的好處係見到演員的表情,
但唔好係要成個頭轉動先至可以睇晒成個台囉....

節目詳情:
原著小說榮獲香港中文文學雙年獎,透過主角連拾香的第一人敘述,道出連家上下十多人的遭遇和變遷;故事從五十年代到九十年代,當中加插了很多近代社會中的大事,但又與劇情及人物絲絲入扣,令人回味。
本劇曾於於二○○○年公演,好評如潮,獲劇評人及網上投票選為全年十佳演出之一。
今次演出為二○○七年全新改編版本。
小說原著:陳慧
改編 / 導演:馬志豪

Thursday, November 15, 2007

助養 / 助學

某天跟友人說起慈善活動.
跟很多人的答案一樣.
平時有買旗,
很想幫助別人,
但總是懶懶的,
或者唔知道點搵那些慈善機構.

以下提供各大機構助養或助學的連結,
請傳送給你的朋友,
有能力的你,
請幫助有需要的小朋友~

助養
保良局兒童院
http://www.poleungkuk.org.hk/plk/index.aspx?id=20060809160343&lang=t#5

「樂樂」「遙遙」助養計劃
http://www.skhsch.org.hk/c-lokyiu07.htm

中國助養兒童計劃-無國界義工
http://www.volunteer.org.hk/fpmc.htm

香港世界宣明會
http://www.worldvision.org.hk/child_frame.html

助學
苗圃行動
http://www.sowers.org.hk/program/channel.php?channelID=41&channelName=%AE%BD%B4%DA&&lang=hk

救世軍 - 中國兒童助學發展計劃
http://www.salvation.org.hk/Help/Child/Child(tc).htm

育苗計劃
http://life.mingpao.com/htm/yukmiu/content.cfm?Path=intro.htm

捐血

有時係中環無聊又有時間,
我會去捐血.

某同事會話我傻傻地,
又瘦又貧血仲去捐血.
咁其實體重同捐血又冇關係嘅.
輕啲咪捐少啲囉.

其實如果你唔係嚴重貧血,
唔怕血,
又唔怕痛(可以要求打麻醉針架),
兼唔怕打針.
你應該去幫助有需要的人.

捐血只係用你45分鐘的時間.
咁簡單~
幫到人就幫啦~

你想知多啲關於捐血的好與壞,
請到紅十字會網址:
http://www5.ha.org.hk/rcbts/c_donation.html

捐血站地址:-
銅鑼灣軒尼詩道 505 號電業城三樓
(銅鑼灣地鐵站B出口)
電話: 2834 2084
開放時間 :
星期一至星期六 中午十二時至晚上七時三十分
星期日及公眾假期 下午一時至八時

中環德輔道中40-42號通明大廈1樓
(中環地鐵站 C 出口)
電話: 2526 1420
開放時間:
星期一至星期六 上午十一時至下午七時
星期日及公眾假期 休息

油麻地京士柏道15號,近衛理道。
電話: 2710 1202
開放時間:
星期一、二、四、五 上午九時卅分至下午四時
星期三 上午九時卅分至下午一時
星期六 上午九時至下午五時
星期日及公眾假期 休息

沙田正街1號A,香港紅十字會白普理沙田中心一樓A
電話: 2603 0100
開放時間:
星期一至星期六 中午十二時至下午七時
星期日及公眾假期 下午一時至八時

荃灣大河道8號
(近荃灣地鐵站A出口。)
電話: 2414 2378
開放時間:
星期一至星期六 上午十一時至下午七時
星期日及公眾假期 下午一時至八時

暗瘡

黑人憎呀!!
轉季生暗瘡呀!!!

嬲死~~

經驗

作為 agent,
係唔同的職位上做的事情都一樣.
一樣的文件,
一樣的地方,
一樣的步驟.
分別在於經驗.

經驗影響 EQ, 心理的調節.
影響你做事的手法.

當你曾經到過高級組的世界,
你唔會再想係低級組徘徊.
(迫不得而除外.)
就好似叫一個大學生做番小學生的數學一樣:
覺得好淺,
覺得冇癮.

有邊個人鐘意原地踏步??

有時我都覺得高不成, 低不就.
但係差一點就係一點,
經驗都需要時間累積,
急唔黎.

Wednesday, November 14, 2007

Quality Time

你問我係咪需要成日黏住個男朋友?
查實我又唔係咁想囉,
我都想要多啲私人空間.

如果你係太忙,
我寧願自己搵街去.
我唔需要日見夜見,
我只係想見到你的時候,
你整個人都係屬於我.

只有你同我,
冇工作,
冇來電,
冇上網,
冇其他.

咁我謂之 quality time.
所有的話題,
目光, 空氣之中,
只得你同我.

情緒化

我唔知自己屬唔屬於情緒化??
不過當我唔開心的時候,
我通常都只係會搵一兩個可以幫我解決到問題的朋友傾訴.
盡量我都唔想麻煩人,
亦唔想傳染啲負面的思想俾人.

係朋友面前,
我又唔會黑面.
(其實我應該算少黑面啦??!)
盡可能成日都笑口噬噬~
咁人地同你出街都係想開開心心啫.
冇理由要睇你面色架.

但係我係一時一樣囉~
呵呵~~~
咁應該唔算情緒化嘍~~~
呵呵~~~

搭地鐵

一般坐車我都會暈車浪,
搭地鐵就比較穩定,
同埋通常我都有位坐,
我會睇吓報紙雜誌.

一朝早返工會攞份都市日報.
到放工我有時會打機,
有時會睇書.

係地鐵我好少睇八卦雜誌,因為好似好八婆,
睇無聊愛情小說好似好多幻想,
睇新出的書籍感覺會 update 啲.
哲學類會有啲氣質,
驚慄科幻類感覺特別啲.
中文書唔可以太薄,
最好係繁體字.
成寸厚的英文書好似好扮嘢,
薄薄的英文書就有文化好多啦.

每一次攞本書出街的時候都要唸得好清楚~

我們都害怕失去

除了寂寞,
失去是最最可怕的.

一旦擁有, 成為習慣,
就好似上了癮.
很艱難才能戒掉....

曾經一度屬於你的人與物,
在你手心慢慢流走,
你無能為力,
直到完全的消失.
這是最最最可怕的.

有人說:
沒有擁有過,
便不會失去.

我寧願選擇擁有過,
然後永遠記得曾經擁有的快樂.

Tuesday, November 13, 2007

珠寶首飾

尋日係中環等客,
企係間首飾舖前面,
無無聊聊對住個櫥窗嘅貴價首飾,
冇乜興趣.

我對珠寶首飾興趣不大,
暫時未有閒情逸緻去欣賞,
或者我從來都唔識欣賞,
我都唔覺得靚!

珠寶首飾通常大就叫做靚,
咁大我又覺得論盡~
(我膚淺呀!)
(應該有其他切割呀, 質地呀, 顏色的分別)
(不過我唔識囉!!)

紅寶石, 綠寶石, 玉, 黃金...
我又覺得'娘'~

最緊要係我都唔襯!
過多幾廿年先講啦~

不過講開又講,
我又戴唔到朱義醒,
我敏感....

極其量可以戴吓純銀或者白金,
鑽石都 ok.
(但係鑽石太碎就留番黎做切割啦~)

大興海鮮飯店

我阿嫲好古怪,
成日覺得大排檔的食物好抵食,
其實大排檔先至貴.
冇環境冇裝修仲嘈到死,
都唔知點收咁嘅價錢!

大興我由細食到大,
由坐街邊到依家走入熟食市場.
食物質素維持到,
海鮮仍然非常新鮮,
價錢就愈來愈貴!

阿嫲生日,
叫咗蒸魚,
椒鹽瀨尿蝦,
蒸奄仔,
豉油王焗鮮魷,
粟米斑塊,
生炒骨,
白粥加豉油王炒麵!! (必食!!)

大興海鮮飯店
地址 : 西灣河西灣河市政大樓地下熟食中心C1
電話 : 2567-9356
菜式 : 廣東菜

What Kind of Lover Are You?

You are "The Student"!
'What do you like?' 'Want me to go slower?' 'What position is your favorite?' Sound familiar? That's because when you have sex, you're there to learn. You do your best to do your best, and recognize that every partner is unique, and your style must conform to what they like. Which is beyond appreciated. As a bonus, you'll eventually become a master of all styles, which will be awesome so you can stop asking so many questions.

係 facebook 做咗個心理測驗, 我覺得幾準.
我真係每事問架!!!
所以其實我都幾煩~
哈哈~~~

Sunday, November 11, 2007

畢業典禮

畢業典禮中,
有很多奇人奇事.

排隊亂七八糟的!
你估你仲係小學生呀?
基本的整齊列隊唔洗教啩?

唔識鞠躬!
鞠躬係多謝老師的教導,
家人朋友對你的支持.

由左邊上台,
係中間握手,
梗係係右邊落台.
邊會無端端係中間落咗樓梯走咗去呢??

個畢業生代表英文差到死!
幾百個畢業生,
都唔明點解搵個 oral english 難聽,
再加上唔識做 presentation 嘅出黎致詞.

最激氣係見到啲服飾,
件袍皺到死!
個 hood 好似海潮跌膊!
牛仔褲!
converse!
nike 波鞋!
legging!!

上台攞張(假)証書,
係你以時間金錢(或者係你家人的金錢)辛苦得來的榮譽,
當然,
大學生一地都係.
要少,
尊重場合,
尊重別人,
尊重自己.

你要上台,
留意一下禮儀同 dress code 吖唔該.

希望 /失望

我從來都說:
沒有希望, 便沒有失望.

凡事以平常心去面對,
由冇到有,
你能到的時候會有雙倍的開心.

假設你對事情有着很大的期望,
當你失去,
由有到冇加上期待的心情,
你得到的是雙倍的唔開心.

希望同失望是相對的.

幸運兒

<幸運兒>是幾米的作品之中, 我最喜愛的.

有一個幸運兒,
什麼都有,
什麼都好,
人人羨慕.

有一天,
幸運兒的背脊更長了一對翅膀,
大家都覺得,
幸運兒真的太幸運了.
可是,
幸運兒不快樂.

他害怕飛,
但制止不了自己的翅膀.
寂寞,
因為家人朋友都不了解他的需要.
最後,
幸運兒終於消失人間.
離開前,
遺留下滿地血跡.

我覺得幸運兒好可憐,
看似擁有全世界,
實則一無所有.

內心的空虛並唔係物質所能補償.

有時,
我都會覺得我物質上一點不缺.
自小以來,
我也可掌控物質上的需要.
家人好得無話可說,
朋友可以赴湯蹈火,
我可滿足呢~

唔知係咪我太貪心呢??
定係因為太好而產生不安全感??
或者我覺得冇嘢係必然嘅.

愛錫我的人有好多.
我又時感不足~
成日都覺得總係差一點.
係臂蔭下太耐,我又怕飛.

我總覺得縱然我有努力,
但總忍不住將成功與幸運掛鉤.
是我不夠自信?
還是我都覺得別人幫了我一把?
定係我唔夠努力呢?

除咗學術上,
我會認為我的努力係凌駕於別人的幫助之外,
今日我大部份所得到的,
都好虛無.
點樣先至可以讓感覺再充實一點呢?

懶洋洋

這陣子出街出得很兇.
今日星期天,
懶洋洋的浪費了一個下午,
很爽~

Saturday, November 10, 2007

恐懼鬥室4 回頭是岸 SAW IV

我冇睇過齣戲頭嗰三集.
基本上入戲院之前我係唔知齣戲講乜嘅?!
(呢啲事情極少發生係我身上, 因為我都幾鐘意睇影評.)
我淨係知係驚慄片.
(點估乜嘢叫做「拼圖殺人狂」???)

我唔怕鬼,唔怕驚嚇,
最怕血腥核突.
唉....
呢套係三級血腥架.
唉....

不過情節都幾豐富,
血腥得黎都接受到唔洗嘔~
入戲院睇都幾好~

官方簡介:
今集由《恐懼鬥室》系列原班人馬繼續重手泡製血腥驚嚇,緊接著上一回的劇情,「拼圖殺人狂」及繼承人阿曼達宣佈死掉同時,警探皮利斯聯同史達咸(史葛彼得遜飾),一拼協助老差骨警官荷夫曼(哥斯達斯文迪拿飾)詳查「拼圖殺人狂」殺人遊戲背後的玄機。同一時間裡,唯一接觸過「拼圖殺人狂」的特種部隊人員列克(勞力賓特飾)突遭綁架,急需逃離連串死亡陷阱和佈局,否則只有死路一條!荷夫曼等人沿列克的線索追查下去,赫然發現一切皆牽連到「拼圖殺人狂」前妻翠爾(貝絲羅素飾),因而揭發「拼圖殺人狂」鮮為人知的震撼過去,惡魔源頭終極現身!

鐵三角

很想為每齣看過的戲寫一篇影評.
每一次總係懶懶的....
然後又不了了之....

'鐵三角'有我覺得靚仔但唔多識做戲的古天樂,
愈年紀長就愈型的任達華,
仲有身材極佳的林熙蕾.

賣點係三個導演, 三種風格,
真的, 三種風格!!
啲演員性格唔同晒囉!!!
你唔會估到個結尾,
成件事唔太連貫,
好多可以被爭議的地方.

林熙蕾唔喪唔癲,
古天樂突然間要雷唔要錢,
任達華由小男人變咗話事人.

總之成件事九唔搭八啦....

官方簡介:
一間酒吧,三個落魄人,無數怨氣話。寶山(任達華 飾)、彭輝(古天樂 飾)和莫中原(孫紅雷 飾)三位飽受社會、家庭及經濟壓力的好友,在酒酣耳熱中商議大計,要改變可惡的現狀,只有錢!神秘老人出現留下線索。為三人帶來一次尋寶奇遇!莫破解老人留下的密碼,寶藏就在立法局的地底。三人出發,找出寶藏。滿以為發財在望之際,便衣探員正文(林家棟 飾)追捕而至。一連串怪事接踵而來!神秘老人的死在新聞報導中發放,輝受大圈佬威脅參與銀行打劫行動。 莫與輝雖懷疑寶藏背後埋著不可告人秘密,但為了錢,三人決定冒生命危險,儘快出貨!因為三人得來的之物是一具身披純金外衣的史前古屍 -- 無價國寶!

好眼瞓

好眼瞓.
好眼瞓.
好眼瞓.

又到週未,
特別的眼瞓.

Friday, November 9, 2007

Beauty or Brain ??

依家唔係港姐廣告,
個天係公平嘅.
如果你美貌與智慧並重,
天會攞走你其他嘅東西作為交換.

假若美貌與智慧只能選一,
我寧願要智慧.
美貌並不持久.
智慧終生受用.

Thursday, November 8, 2007

天堂 / 地獄

我看見地獄,
打從心底的知道,
那是不可進入的世界.

經不起試煉,
到地獄探訪一回,
赫然發現,
地獄原是天堂.

我原以為身處天堂,
怎料一切皆是南柯一夢.

那一個是天堂?
那兒是地獄?

天堂地獄只在一念之間.

張小嫻

好一段日子沒有拜讀張小姐的作品.
一看,
不得了.
比起她初出道時的作品,
差遠了.
比起其他新興女作家,
也不吸引.

沒有思念的情懷,
沒有愛得入骨,
沒有恨得要死,
沒有心情高低趺盪.
只像平民版的岑凱倫.

完全沒有購買意慾.
借來的書,
一口氣看下去的衝動係零.
今日的張小嫻,
像明日黃花.

百利火鍋海鮮酒家

從 openrice 看這裡的食評,
一啲都唔吸引,
睇完個食評,
你一定唔會想黎食嘢.

說真的,
這裡的外表一啲都唔吸引,
店內裝修同格局好似返咗六十年代咁,
關二哥在堂正中,
鏡面牆壁,
鋼架啡皮櫈,
已發黃的貼防火板木枱,
所有的事情都未能引起你的食慾.

不過作為熟客,
其實這裡的食物真的非常新鮮,
雖然樓面哥哥成日都會介紹各式海鮮並不便宜,
但佢地所介紹的真係當時得令,
最靚的活海鮮.

當然,
這裡我火鍋是一流的,
牛腩鍋,
醉雞鍋,
蕃茄粟米豆腐鍋.

每次都叫的手切牛肉,
炸魚皮,
炸芋頭,
菜心,
因為要食泰式青檸酸汁而叫的竹節蝦,
成日未夠凍就攞出黎的象拔蚌.

近來愛上他們的小菜,
阿哥同契媽熱愛的砵酒焗魚托,
蒸方脷,
糯米飯~

當然仲有最後星哥攞俾我的綠豆沙~
好滿足!

百利火鍋海鮮酒家
地址 : 旺角基隆街3號地下及2樓
電話 : 23980566/23980227
菜式 : 港式 (火鍋)

小時候與兄長並不友愛,
為爭寵總是不斷的吵架,
(當然我係比較得寵啦!)

中學時段,
各有各的課外活動,
而作為成長的一部份,
我們總愛困在房間中傾電話或者不斷的跟友人外出,
除卻星期日的家庭日,
我們同一屋簷下,
卻不多碰面.

直到一起到澳洲留學的日子,
事情也沒有變得好一點.

爹常說: 兄弟姊妹是一輩子的.
但我們仍沒有多交流.

這幾年來,
都沒有住在一起,
反而更緊密了.
是因為成長了嗎?
或是從這個爾虞我詐的社會中發現親情的可貴?
大家好像更能傾吐心事.

昨天,
他百忙中老遠從內地趕回來參加我的畢業典禮.
(雖然佢唔知我讀邊科!)
說真的,
哥, 很感動的唷~

太安樓

小學位於西灣河,
太安樓是一個充滿回憶的地方.

雖然同阿哥係同一間學校只差兩屆,
不過一起上學的回憶不多,
只記得那些在校車內發生的鎖碎事.
太安樓是我倆的共同回憶.

小時的太安樓,
很恐怖.
長期燈光昏暗,
地面磚地長期油膩膩的,
走廊好像四通八達,
好像隨時有拐子佬出沒.

不過,
每次參加完課外活動,
娘總會帶我到太安樓午膳,
與其說午膳,
掃街似乎更合適.

這裡有各式街頭小吃:
我愛的煎釀三寶,
格仔餅,
雞蛋仔,
車仔麵,
即蒸腸粉,
糖水,
燒賣,
粉果,
牛雜....

不過,
在業主立案法團的大力整治後,
現今的太安樓整潔多了,
但也遜色了.

Wednesday, November 7, 2007

白裇衫

衣櫥裡,
有些衣飾是必需的.
我會選一件精緻的白裇衫.

唔係一般的的確涼返學用白裇衫.
唔要花巧,
唔要短袖,
唔要透視.

要一件踏實而精明,
薄料挺身不透光,
合身的白裇衫.

低調時可以配襯牛仔褲,
返工時不失莊重,
飲宴時亦顯得高貴.

白裇衫是很難找到合心水的.

Tuesday, November 6, 2007

錯誤

小時候讀書考試,
溫習時有錯誤的話,
母親會教導說:
沒打緊,
你要記下這個錯誤,
以免考試時再出錯.

到長大了,
我也會思考自己做人的錯誤,
我總為自己的失言或失態而苦惱不而.
同一個錯誤,
我也不想再犯.

除了愛情,
我總是一次又一次的一頭栽下去,
每次總是死去活來,
從來沒有學懂精明一點.

愛情從來是雙方的角力,
一隻手掌又拍唔嚮.
係平衡雙方關係的層面上,
我的理解同學習能力極低.

是日游醫師問我怎麼了.
很久沒有求醫,
病情好像差得要命.

游醫師要好想一想,
明天想要的是什麼?
今日得到的是什麼?
只要事實,
不要藉口,
好好的面對現實.

Monday, November 5, 2007

等待

你有冇試過有啲東西你好想要,
等咗好耐,
牽腸掛肚,
渴望擁有,
到最後尾,
你終於得到.

得到之後,
你會好好珍惜?
定係,
得到之後覺得不外如是?
或者,
想像嘅同得到嘅係兩回事?
可能,
你享受得到的過程而不在乎結果?

你的選擇會係點呢?

拾荒者

同事 w 說:
你坐在拾荒者的背後. (精警! 讚!)

我後面嗰阿叔真係好可怕!!
張枱上面勁多嘢,
要知道我地張枱係好細,
佢係枱面上有左青龍, 右白虎!
兩大疊 file 成呎高~

然後到枱底,
枱底的地方我覺淨係放對腳都略嫌空間比較小.
佢放咗佢用黎返工的背包,
係, 係返學嗰隻.
不過佢都唔知帶乜嘢返工架,
個袋仲肥大過我返學嗰個!
仲有,
唔知點解又有另一疊 file ??
我做咗四年都冇咁多 file !!
加上,
報紙啦,
唔用的分類架啦,
膠袋啦...
啦啦啦啦啦....

真係好似拾荒者...
遲啲唔知會唔會發出惡臭呢....

另:
本來我覺得男士西裝加背包好型,
不過如果你唔係木村拓哉兼又肥又矮,
唔該,
公事包比較適合你.

再者:
公司的座位比較狹窄,
正常時間我同佢背對背所剩的空間已經非常的小,
佢仲由於冇位放佢對腳而再佔據我後面更多的位置,
我完全要貼住張枱坐而謄出走廊的通道,
長期呼吸困難!!!

Sunday, November 4, 2007

畢架山

今日係健康運動第二回.
行畢架山到大潭水塘,
用咗大約兩個鐘.

今日天氣極佳~
陽光普照,
加個樹蔭,
好悠閒~

完成後,
去咗做久遠了的燒烤活動.

我鐘意燒烤架,
不過係懶嗰隻,
任食唔洗做嗰隻,
但我係淨係食啲零食類,
牛扒, 豬扒, 雞扒都唔食~

出咗一身汗,
沖咗個涼~
舒服晒!

Saturday, November 3, 2007

我喜愛花嗎?
沒有特別喜好.

喜愛收花嗎?
基本上有禮物收我都好高興.
最緊要唔好'娘'樣!
幾貴都假~

有特別鐘意的花嗎?
沒有研究.
我唸我唔夠浪漫, 呵呵~~

好憎有香味嗰啲, 特別係百合~
最驚嗰啲好似粵語殘片對住束花深呼吸嗰批!

Friday, November 2, 2007

'度叔'

公司聚餐,
冇原因,
冇事要慶祝.
地點係老闆新開的酒樓,
係黃埔.

wendy 傳了電郵給大家,
邀請出席.
沒人回覆.

前一天,
wendy 致電各人落實參與人數.
他們的反應係:
'洗唔洗夾錢架?'
'一人要夾幾多錢?'

其實食飯係同事間聯誼的活動,
錢銀真係咁重要咩?
一齊開開心心食餐飯,
洗得你幾多錢?
況且老闆係度,
真係會要你夾錢咩!
咁多年黎都未試過!

小學

這幾天,
因為不停跟小學同學談話的關係.
常用心的回想小學期間的人和事,

是我太老了要去想當年?
定係想留住那段無拘無束的日子?

其實我沒有很多的記憶,
我記得那些人,
沒有記得那些事.
只有一兩件大事件在我心中.

除了 winnie,
小學時期我最想再見的人係小一的靚女班主任李玲老師同佢嗰兩個女~

又一星期

這星期過得特別的快~

公事上我開始慢慢的努力地做多少少,
(wendy 剛讚賞我有進步! 叻女~)
(不過只係因為以前做我太少...)
(依家做少少少都好似多咗好多咁~ 哈!)

放工後我又忙於跟朋友見面,
這個星期我沒有一天在家吃飯!

下個禮拜我決定休息,
返屋企食吓飯先!
(不過好似已經有幾日約咗人啦.....)

一日一詞 - 金叵籮

「金菠蘿」,
即是備受溺愛的孩子,
和「掌上明珠」同義,
不過前者多用於形容男孩,
後者則指女孩,
亦有人將之解作為「溫室花朵」,
帶有點負面的意思.

其實,
「金菠蘿」根本是錯字,
正確寫法應是「金叵籮」.
「叵」字唸作por,
乃是 p 音而非「菠」的 b 音.
叵籮在古代指名貴的酒杯,
不少詩詞中也有出現,
如唐代詩人李白有《對酒》詩雲:「葡萄酒, 金叵羅.」
就是說用金杯盛載葡萄酒來喝.
《北史·祖珽傳》記載神武皇帝宴請群臣,
席上失去金叵羅,
於是下令飲酒的人脫帽索查,
結果在祖珽的髻上找回失物.
從這個故事中,
可知「金叵羅」是一件非常珍貴的飲酒器具,
不然不會引人貪念,
把它竊取.

reference:
http://www.cantonese.org.cn/anl/oncc/data/fun-cantonese/16/index.htm
http://hk.knowledge.yahoo.com/question/?qid=7006072302500http://hk.knowledge.yahoo.com/question/?qid=7006111201324

感謝 Facebook

這幾天,
我在 Facebook 找到失散多年的小學好友.

那一年的九月一號,
她跟她那當教師的母親一同人間蒸發了.
我傷心了好一陣子啊~

那個年代,
大家都用中文全名稱呼對方.
現在大家都用英文名字,
用中文全名好像老了一輩....
但我們真的需要以中文名字相認!!!

很開心,
當年的謎團解開了~
原本遠在天邊, 近在眼前~!
我們是一輩子的好友呵~~~

Wednesday, October 31, 2007

PhD

我想我會讀 PhD,
不過今日唔得,
今年唔得,
下年都應該唔得.

如果要讀 PhD,
先決條件係要解決咗經濟的問題.
雖然讀 PhD 都有 allowance,
不過我比較大洗囉... 呵呵~~~

一係我唔洗供樓,
一係我唔買嘢,
一係嫁咗個可以負擔到我生活的老公, 哈~

林芍芍話讀完 PhD,
一定要買番件博士袍,
我幾時可以名乎其實地買番件型吓呢?

演唱會

睇咗陳奕迅 listen to me 演唱會.
歌好聽, 舞台好靚, 燈效非常出色~
可能主旨在於聽陳奕迅唱歌,
唯一不足係慢歌較多, 氣氛較靜.

我鐘意陳奕迅嘅歌,
歌詞比較有深度,
係寂寞的時候安慰到我,
係澳洲的時候聽得最多.
尋晚最鐘意的歌係 '天下無雙'.

曾經有一個演唱會我由頭瞓到尾,
係林憶蓮.

曾經有一個演唱會我悶到係人群中找尋唔啱拍子的螢光棒,
係側田.

曾經有一個演唱會我拍手掌拍到痛,
係草蜢.

曾經有某歌星的演唱會我話過唔會再睇,
係楊千嬅同陳慧琳.

依家最期待買飛的演唱會,
係張敬軒!

印象中最好睇的演唱會,
你唔會估得到,
係陳小春~

Monday, October 29, 2007

被溺愛兒童症候群

被溺愛兒童症候群
(Pampered Child Syndrome)

這個病毒的感染源不在空氣中,
被感染也不會發燒、嘔吐,
但日子一久,
孩子可能出現七大負面人格特徵:
驕傲、
憤怒、
妒嫉、
懶散、
暴食厭食、
陷溺、
貪婪,
從而影響一輩子的競爭力.

被溺愛,
會上癮.
會變成一種病.

我係其中一個癮君子.

reference:
http://www.businessweekly.com.tw/fineprint.php?id=23100

結婚

其實我唔係你地想像中咁想結婚.

我會結婚,
一定會.

但係拍得拖多,
失敗得多,
大個咗,
現實咗,
又好似唔洗咁急.

我為拍拖而拍拖.
我鐘意拍拖的感覺,
冇責任,
甜蜜開心.

每次想結婚,
係因為想了結耍耍滾的生活,
或者見到啲小朋友好得意, 好想生仔.

近來,
好多人同我講結婚.

你話我係你唯一想娶的人.
你話要報答我的不離不棄.
你話已經無分彼此.

同轉工一樣.
我搵唔到一個持續單身的原因.
亦都冇一個一定要結婚的理由.

當然,
我都會好好考慮大家的建議.
如果冇心做,
唔該唔好講.

不過,
我其實仲有一段時間至三字頭架.
多謝關心.
我唔急呀.

家庭照

2002年,
大學畢業.
一家四口去影畢業相加家庭照.

2007年,
碩士畢業.
一家四口再去影畢業相加家庭照.

post 差唔多,
笑容差唔多,
仍然一家四口.

爹著番同一套西裝,
同一條領呔.
不過頭髮更薄了.

娘高興的換上晚裝,
化個靚妝~
更富泰了.

哥仍然一身黑色老西,
比照舊嗰套大咗兩個碼.
肥咗.

我呢?
好似換咗件袍之外,
心境外貌都差唔幾. 哈~

Saturday, October 27, 2007

Facebook 之二

近來發現 Facebook 的有趣之處.
我 add 咗好多舊同學!!!
小學同學!!!
中學同學!!!
大學同學!!!
交換一下大家的近況,
好高興~
完全十年人事幾翻新!~

龜兔賽跑

龜兔賽跑是伊索寓言中一個著名的故事。

內容簡介
有一天,
烏龜和兔子在談天,
不知不覺說到比較誰跑得快,
於是兔子便邀約烏龜比賽跑步。
一開始,
兔子大幅領先烏龜,
但不久後,
兔子開始輕敵,
認為烏龜追不上牠,
便到路邊睡覺。
結果烏龜後來居上,
在最後贏了兔子。

教訓意義
這個故事的教訓有兩面:

先天優勢者:
要虛心學習,
謙虛做人,
不要輕敵,
因為驕兵必敗,
只有時刻都保持謙卑之心,
才能保持頭腦清醒,
從而使做事更為成功。

先天弱勢者:
勿自暴自棄,
保持自信,
只要堅持目標,
努力不懈,
最後也能成功。

我係懶的兔仔.
很懶..
很懶的...

點樣先可能變成龜?

Reference:
http://zh.wikipedia.org/wiki/%E9%BE%9C%E5%85%94%E8%B3%BD%E8%B7%91

Friday, October 26, 2007

五年

畢業五年了,
成長了嗎?

停一停, 唸一唸.
我呢五年做過啲乜?
五年...
有啲乜嘢咁特別?

如果以五年的全職生活,
我今天所得到的,
算不俗吧?

得到一個碩士學位.
得到一本仍然黯淡的存摺簿.
得到一個小小的小天地.

經過多次失敗,
比較知道乜嘢東西唔適合自己,
不過仍然唔知乜嘢東西適合自己.

比較愛靜.
比較愛與三數知己輕嘗淺笑.
比較早瞓.

一樣的懶.
一樣的渾噩.
一樣的依賴.

心智有沒有成熟了?
智慧有沒有增長了一點點?
當年所希望得到的, 今天還在手中嗎??

托賴~
呢五年黎我都算過得好高興~

Thursday, October 25, 2007

即興 / 預約

相比即興的活動,
我鐘意預約多啲.
事前可以做準備.
無論心理定生理.

咁樣有個期待,
look forward 件事情的來臨,
期盼快樂的事情令到等待的期間都好開心.

presentable / acceptable

呢幾日成日聽到人地講:
唔需要最好, 要中上.

我想起同學 c 跟 a,
還在讀書的時候,
我們無無聊聊的談起心目中伴侶的條件.

c 說: 他要 presentable.
我: 邊方面 presentable 先?
c: 樣樣都要 presentable.
我: 樣貌, 事業, 學歷...??
c: 係.
我: 我的他不用 presentable, 樣樣都 acceptable 就可以啦. presentable 的話係 bonus. 但係唔可以有一項 fail 囉.

呢個世界係公平嘅,
每個人都有啲優點, 有啲缺點.

如果你想要 presentable 的人,
你必須先 upgrade 自己都係 presentable 先囉.
你選擇人, 人地都可以選擇你架麻.

依家一把年紀,
仲係堅持要所有嘢 presentable,
真係要買定姑婆屋至得啦.

Lian

今天午膳於 IFC.
原本想去翡翠, 但係人山人海.
見到呢間 Lian, 裝修精美, 又唔洗等!,
我入咗去攞位.

table 全部 reserved.
只有吧枱.
坐 corner 位,
兩個人傾計,
十分 ok.

set lunch 好豐富,
$130 - $190 per person.
但係驚食唔哂,
a la carte 叫咗三樣嘢.

軟殼蟹牛油果米紙卷 $85 - 勁大隻軟殼蟹, 米紙做得很軟薄, 好多牛油果, 仲包埋酸薑, 然後點個蜜糖汁, 酸酸甜甜, 好好食!!
泰式海鮮炒金邊粉 $98: 啲蝦超大隻, 又爽口, 賣相好靚, 略熑炒得唔夠香.
豆寇炒菠菜 $58: 菜一碟, 唔洗 comment 啦.

貴過 thai basil 少少,
都係 maxim's group.
但係好食囉.
同樣價錢食晚飯我覺得唔錯喎.

最無聊係要 decorate halloween theme,
無拿拿係我個位前放咗個血腥骷髏頭!!
要叫佢先收埋,
見住個死人頭點食飯呀!!!

蓮 Lian
地址 : 中環國際金融中心商場 Level2 2004號舖
電話 : 2521 1117
菜式 : 越南菜

Wednesday, October 24, 2007

surprising

surprising!
這是 car 給那件事情的 comment.

對於那件事情,
(同voldemort 一樣係 'you-know-who', 哈!)
我同樣的 surprise.
我發誓我從來未唸過會有啲咁拍戲的橋段發生的身上!!

而在這件事情中所引發的大部份事情,
我都沒有想過,
亦不懂招架.

事情的本身是開心的.
除了開心,
其實我好怕.
人們都會為唔熟悉的事情感到恐懼.

我要一些時間.
要適應. (可能失敗).
要想一想以後的路. (方向決定未來).

我相信你都唔急在一時.

多謝關心

你說,
前一陣子你瘦了.

你不斷的追問點解?
我好難答你架喎,
你根本知道,
然後你要尋根究底.
我唔想講.
點解要迫我再重溫一次那段苦難的日子?

當然我可以編織一個故事去令你放棄繼續.
不過我唔鐘意講大話,
通常我會選擇唔講.

題外話:
就算大話骰,
我都唔多曉玩.
我手腳又唔協調,
所以我去酒吧一般只可以玩幸運骰, 加減乘除, 大波細波等,
比較考清醒多過反應的遊戲.

唔該唔好迫我去講我唔想講的事.
如果我想話俾你知,
你唔問,
我都會自己招供.

照顧 / 被照顧

照顧人好? 定係被照顧好呢?
理論上我應該選後者.
因為懶.

照顧人可以肯定自己的工作能力,
又好似被認同,
同埋感覺被需要,
但係似無事搵事做囉.

被照顧的話,
我唸人人都想,
我又懶惰~
好似好舒服, 好 relax 咁.
但係又似冇付出,
憑什麼人地要照顧你呢?

個問題其實我都冇答案!~ 哈!~

Tuesday, October 23, 2007

Forever

Forever,
解作永遠.

很陌生的詞語.
我很久以前已經唔再相信forever.
在我心目中,
愛情這東西是沒有永久的,
事情會隨著時間而改變.

我想我這個人是怪怪的.
自我保衛意識太高,
變成安全感極低.
自信心又係低,
成日都覺得唔知點解人地會對我咁好.

'不要問, 只要信'.
真係可以??

Monday, October 22, 2007

感恩

那天你說我最大的缺點係唔懂得感恩.
因為我的一切都太垂手可得.

我一向都冇掩飾我有一個可愛的家庭,
因為佢地的努力令我冇負擔,
可以做我鐘意做的事情.

不過同時我都有努力去做我應該做的事情.
佢地俾你嘅'笨'唔係必然,
有付出先至會有收穫架!

p.s. 'charming' 係我聽過最動人的讚美.

Saturday, October 20, 2007

關於愛情

早幾日, 我老闆同我講:
我所有嘢都攪得掂, 係攪唔掂我老婆.

以前我老豆都曾經咁講我:
我覺得你樣樣都好叻, 一講到拍拖就攪唔掂.

對於愛情,
我無計可施.

Friday, October 19, 2007

港島徑

今日的活動好健康!
行山!!!

不過係好簡單的港島徑~
由山頂行到薄扶林水塘.
差唔多兩個鐘.

但今日假期,
山頂人多到好似旺角咁!!

Thursday, October 18, 2007

瘦田冇人耕

早一段日子,
係我放棄咗自己?
定係瘦田冇人耕, 耕開有人爭??

呢期桃花過盛!
新的, 舊的, 唔知係邊度閃出黎的.
好人, 怪人, 奇人.

從你奇怪的肢體語言, 突然溫柔的語氣同無聊的談話內容中,
我知道有些事情在蘊釀中.
可能我敏感, 可能我想得太多,
拜託! 不要再進一步!

想要的時候冇,
唔需要的時候就牛鬼蛇神都走晒出黎!

你唔好玩我啦.

我朋友多!

娘每天都大約在4時左右會打俾我,
問我當晚會唔會返家食飯.
當我連續多日都唔返家的話,
佢會問我去邊?
我通常會好囂張的答佢:
係呀, 我朋友多!

多朋友的意義在於:
我找到心理輔導, 有人傾訴,
有人幫我分析事情,
去行街有伴,
去食飯有伴,
去飲嘢有伴,
去睇戲有伴.
去唱 k 有伴,
去做 gym 有伴,

這些年來,
累積了很多的好友,
跟你們一起渡過的時光都是美好的~

Monday, October 15, 2007

名校

那天跟朋友閒聊,
說起現今的小學名校要排長龍在能得到入學申請表.

很多人說:
名校沒有用,
還不是學校一間,
老師也不特別的好,
功課壓力又大.

要知道,
學校中所學的是:
做人的道理, 禮儀, 群體的生活.
成績好唔代表人品好.

慶幸的,
我所就讀的小學, 中學,
也算略有名氣.
當然, 當年身處其中,
我沒有發覺我的生活是如斯的美好!

同學仔友愛,
同學仔的家長亦笑容滿面,
個個一家幾口樂也融融!
我的世界沒有陰暗面.

到了後來,
去到另一間中學,
世界開始變了,
因為優劣立見,
你會發現呢個世界真的有人好一點, 有人差一點.
會變得有嫉妒, 有階級, 有爛仔.

到了大學,
再到工作,
這世界廣闊很多,
是真的有人不懂禮貌, 轉數係零! 上進心都係零!

就我個人經驗:
朋輩的影響很大,
因為你會因為佢懶惰而同時懶惰,
你會有同他們一樣的語言系統.
(即係佢粗口你粗口, 佢英文你英文.)
同樣的,
勤力也是一夥兒的.

學校內找到你親暱一輩子的好友,
如果他日我有子女,
我想我也會替他找一間名校,
我希望他都能找到跟十兄弟一樣的益友~

double 雞

大家還記得 'double 雞' 嗎?
我想這應該是永世難忘吧!?
(我想我沒記錯吧??)

那天跟 ling 於 ifc 途經 jumbo grade.
她說: double grade 呀!
我: no! 係 'double 雞' !
她: 唔係 double grade 嗎?
我: 唔係! 係 'double 雞' !
她: 冇理由, 我冇理由錯得咁離譜~
我: well... 係! 你真係錯得咁離譜!

我還記得事發經過:
某天放學,
我地想去銅鑼灣遊盪,
相約係山下等,
你提議到 'double 雞' 門口等,
大家你眼望我眼,
冇人知係邊度!!....
仲以為係新開的鋪頭,
你再解釋 '係地鐵站隔離, 賣文具嘅!'
我地先至晃然大悟!!
係 jumbo grade....

而每次想起 'double 雞',
總會連著 '熊偈'
'熊偈' - 即係 '熊仔'.

想起這些,
我總很慶幸你係我嘅終生好友,
每日都充滿住歡笑~
哇哈哈~~~~~~

婚姻

小時候,
我常說要在三十歲前結婚,
然後好友們總會說: 對, 你同樣會在三十歲前離婚.
(不明白為何三十歲像分水嶺?!)

三字頭很快便會來臨,
我想在此之前結婚我可能性很低~
(這是我某小部份想做但做唔到的 '願望'.)

從 facebook 見到很多舊朋友,
有的結婚了, 有的有孩子了,
很有趣.
回想一下,
我還是太個人主義,
自由風太盛.
(我還未夠足夠的定力~ 哈!)

我還是先主理好自己吧啦~

綠茵閣 Garden Cafe

哥說想吃自助餐,
我從 openrice 找來 '20大最多好評自助餐排行榜'.

當日排第一的位於尖沙咀.
所以去排第二的綠茵閣, 係北角, 近好多!

食物ok, 至少大部份都入得口,
海膽豆腐同水蟹粥我就很喜愛啦~
最估唔到係豆腐花非常出色!

值得一提係佢地嘅 service,
十個佳,
當你攞完食物之後,
好快就有員工重新排列,
任何時間去攞食物都仍然係美美的!
空缺填補又快!

食到好飽好飽, 大部份信用卡都有折, 約 $200 一個人.

地址 : 北角城市花園道9號城市花園酒店1樓
電話 : 2887-2888
菜式 : 西式 (自助餐)

Sunday, October 14, 2007

c+偵探

jo 很愛郭富城,
很久前已說要看c+偵探,
今天大家都有空,
到銅鑼灣皇室堡看戲.

到達後竟然發現沒有爆谷賣!!!!!
我十次有九次半睇戲都要食爆谷........
好失望....

講番齣戲,
齣戲好好睇喎! (可能因為我冇 expection!!)
我以為係懸疑片,
睇吓睇吓有好多其他元素,
有笑位, 驚嚇位, 懸疑嘢, 親情嘢.
真係幾ok喎.
郭富城由頭帶到尾, 都接受到, 唔太差.

當然我最開心係見到隔離嗰幾個又要驚! 又要睇! 好好笑啦~

官方簡介:
亞探是一名潦倒私家偵探,因為有深近視而不能與好友風澤投身警界。亞探有一嗜好,就是查案時喜歡用手提電話附設的相機拍照。一日,一名名叫肥龍的男子拿著一張相片找亞探,聲稱相中女子要殺他,希望亞探找出女子下落並加以阻止。肥龍看似喝醉了酒,語無倫次,但因他取出一大叠鈔票作預支酬勞,亞探便答應所託之事。亞探憑相片查出該女子名叫慧心,是一間士多的麻將腳常客。他從士多老板取得一名叫大頭明的男子地址,逐往大頭明的住所追查,卻發現大頭明赫然在廳中上吊!到場調查的風澤斷定大頭明是自殺而死,但亞探對大頭明的死因深感可疑,決心偵查真相,過程中亞探用手機拍下線索。亞探從大頭明妻子得知大頭明與人合資股票而欠下巨債。不久,其中一名合資人芳竟也燒炭自殺,其家裡留下一大筆現金。更令亞探驚訝的是,另一名合資人原來就是肥龍,但他記不起自己曾託亞探找慧心,更發狂奔上天台一躍而下,只留下一句離奇說話。

轉工潮

今年是轉工年,
我最要好的朋友都在這下半年度轉工.

唔係因為貪得意,
係不太喜歡原有的工作,
近來終於立定決心想去改變一下.

市場環境好,
轉換工作也更容易一點.

我們一個一個的離開原有的工作環境,
去重新適應新生活.
大家好像鬥快的去到新天地.

祝願還未能離開的你們很快的找到理想的新工作.

要求

以前我很愛投訴男友很麻煩.
要求這個那個的.

有時他說:
你把頭髮弄直吧~
不如多添置紫色的衣物!
可否言行更女性一點?

我會認為他們多多要求,
點解要將我改變成為他心目中的形象?

近來忽然醒覺.

他給你的要求,
只因他在乎.
我都一樣.
我在乎,
所以才會想將小問題說明,
希望連小問題都解決.

我認為那些要求不合理,
一係佢作出要求時的語氣太差,
一係我已經唔愛佢.

不過, 我想我還是不太愛那些對我諸多要求的男孩子.

Friday, October 12, 2007

相處的藝術

我在重新的學習如何相處.

那天看'大小愛吃',
小S說相處的重點是忍讓.

我開始相信這是真的.
以前我總愛大呼小叫,
小事化大,
芝麻綠豆的事宜都可以變成吵架的導火線.

現在,
這些行為沒有了.

當你發現,
他根本比一切的無聊事重要,
你就會覺得為那些無聊事嘈吵是多麼愚不可及的事情.

我現在常常在想發作之前告誡自己,
他重要?
還是那件所謂'影響一世','主權被侵'的事重要?
然後那口烏氣很快便吞下去了.

我在學習忍耐.
大家都在學習.

離開

幾經掙扎,
最後還是決定離開.

很多時,
我都很想一走了之.
但我那只餘少許的責任心說:
再支撐多一會.

每天也想遲到早退,
在公司無所事事,
(其實跟以前一樣),
不過依家又更心散了一點.

離開是為著一個比較勤勞的環境.
但依家在培訓更懶惰的情緒,
很怪....

好眼瞓

好眼瞓,
十萬個眼瞓.

友人從紐約到來,
有時差,
睡到三點,
玩到午夜.

我都有時差,
玩到午夜,
九點返工.

好眼瞓,
十萬個眼瞓.

睡眠不足....
不過一年都未必有一次,
捨命陪君子!

Wednesday, October 10, 2007

色‧戒

這是一齣三級片.
有很多情慾的片段.
梁朝偉的蛋蛋.
湯唯三點盡露.
這些都是報紙上的賣點.

事實上,
內容是關於一斑愛國青年暑假期間所做的荒唐事.
現今看來非常無知的非一般愛國計謀.

我沒有覺得賣弄色情.
情慾場面很漂亮, (雖然湯唯幾醜樣.)
王力宏很有當代有為愛國青年的氣質.
陳沖配梁朝偉略老.

片長兩個鐘,
內容豐富,
絕無悶場.

官方簡介:
一群愛國青年在香港組成話劇團,為國家募款抗戰。劇團團長鄺裕民(王力宏飾)對汪精衛等一眾漢奸極為憤恨,當他得知汪手下的一個特務頭目易先生(梁朝偉飾)身在香港,決定夥同團員,展開暗殺行動。 易先生機警精明,等閒之輩難以接近,唯一缺點是好女色;團員決定以美人計對付易先生:由劇團台柱王佳芝(湯唯飾)假扮香港貴婦,先與易太太混熟,繼而藉機色誘易先生,從中製造暗殺機會...

Saturday, October 6, 2007

call you later

call you later 即係 '遲啲打俾你'.
某程度上等同 '得閒飲茶'.

later 即係幾耐?
每個人定義唔同.
五分鐘?
十五分鐘?
一個鐘?
一日?

唔好再 call you later 敷衍我!

Friday, October 5, 2007

小禮物

今日好開心,
一個跟咗好耐的客人終於搵到個合心水的地方,
仲幾貴嘅添~

更開心係佢除咗請我同佢下屬飲咖啡,
仲不經意的買咗隻小公仔俾我地.

呢啲老闆真係好 sweet~

呢啲工作好有滿足感,
人地真係 appreciate 你的辛勞!
多謝晒~

Thursday, October 4, 2007

青蛙理論

今日,
我再跟反對派之王進行討論.

我說:
留在這裡好比井底之蛙,
我唔出面的世界如何,
雖然我身在地產界,
但係實際我對地產一無所知,
係度胡亂的混混生活.
好想離開井底, 到外看一看.
可能我由A井跳去B井,
可能出去身先士卒,
至少我今日有勇氣跳一跳.
出去可能可以變牛蛙,
但留係度就一定只係一隻青蛙.

他說:
做牛后好過做雞后.
(我唔明白....好深....)

他說:
即係係一個小地方做王好過在一個大地方做小官.

至少佢都係一隻盧文氏樹蛙,
係棵樹度望到個世界吖.

我中五以前係最好的學校中最普通的一班生存,
亳無壓力, 非常憂哉悠哉~
到咗中六, 去咗間次一等的學校無拿拿變咗精英~
感覺好怪, 因為我知我唔係咁頂尖,
只係比較上好.
比上不足, 比下有餘咁囉.

好煩呀!!
我係咪繼續做井底蛙?
定係我由頭到尾都係海闊天空的世界裡面?
又或者我的決定只係跳過隔離個井?
做大王定做小官?

dilemma: should / shouldn't? (抄 jo 嘅)

對於改變,
有兩個派別.

贊成的認為,
年紀長了, 唔應該持續的好食懶非.
是時候有新衝擊.
應該學習新事物.
依家唔走, 以後就懶懶的一世啦.
係度冇前途, 因為管理階層唔掂.

反對派話,
要勤力的到那裡都一樣.
依家到叫做有小小地位, 到時又要由頭黎過.
依家想點都得, 進可攻, 退可守.
新的地方唔熟悉, 又有制度, 冇咁自由.

雖然,
我已經決定咗,
不過都係有啲擔心~

船到橋頭自然直,
煮到埋黎就食!

Monday, October 1, 2007

家務事

我出名懶, 十萬個懶.
讀書懶~ 做事懶~ 食嘢懶~

一個人住, 想懶都唔可以.

我不太整齊,
但我還算愛乾淨~
家務事一大堆,
雖然同阿媽住得近,
有時工人會來幫忙.

但日復日的,
簡單的清潔一定要做.
至少吸個塵, 洗個杯都一定要做.

但一開始做家務總係一發不可收拾的...
好多好多嘢可以做囉....
無論幾懶...
清潔一間屋,
真的不容易呵..

突然間..
我覺得主婦不易為喇...

Saturday, September 29, 2007

德國篇 - 床

呢幾年, 阿哥工作太忙.
一般都係我跟爸媽三人行.

雖然三個人應該有一間半房,
但係我地通常都迫迫地拍埋兩張床一齊瞓.

媽係中間,
佢會話我嗰邊張床高, 老豆嗰邊張床矮~
佢係中間打斜半高半矮, 好奇怪~

咁就梗係屋企張床舒服十倍啦!

改變

小弟說我害怕改變.
真的, 我非常的怕.

我怕身邊的人突然唔見咗,
我怕離開我熟悉的環境.

現在的生活多好.
家庭, 朋友, 工作, 學業, 金錢.
樣樣都舒舒服服的.

不久,
便要再次面對改變,
從頭學起,
我真的有點怕.

Thursday, September 27, 2007

天廚菜館

中秋節翌日, 放假日.
終於, 我地去咗講咗十萬次的東涌食海鮮!

行程豐富:
先去飲茶,
(註: 由於遠足的關係~ 除咗游同學, 我地全部都遲到~)
再行東薈城 outlet,
(註: 唔知點解所有人都被勸喻唔好買, 結果大家都冇買嘢~)
然後去 terminal 2 食壽司,
好 hea....
最後就係重頭節目: 食海鮮!!

六個人,
食咗蒜蓉粉絲蒸扇貝,
豉椒炒花甲皇,
薑蔥炒蟹,
海皇羹,
海鮮什菜煲,
椒鹽鮮魷.
仲送綠豆沙添~

埋單都只係$454~
又有專車來回地鐵站.
抵到痺~!!

開開心心又一天~!

天廚菜館
地址 : 大嶼山東涌馬灣新村22-23號地下
電話 : 2988 8469
菜式 : 廣東菜 (中菜館, 酒樓, 海鮮)

Tuesday, September 25, 2007

人月兩團圓

各位,
今日係我的大日子.

人月兩團圓.
恭喜恭喜~!

中秋節快樂!!

德國篇 - 食物

德國人的食物真係好悶!
日日都食同一樣嘢, 冇啲新意~

各式腸仔,
咸豬手,
燒雞,
燒鴨,
多種煮法的薯仔,
酸蘿蔔絲.

日日都係肉,
我食滯咗啦...

以上的食物,
我呢個月都唔想再食啦~!!!!

I Now Pronounce You Chuck & Larry

I Now Pronounce You Chuck & Larry
港譯: 迫上斷背山

我自己選擇的話, 我好少去戲院睇西片喜劇.
睇完戲返到屋企係iris個blog度見到佢都係, 又係講同一齣戲~
仲有我都想講:
(照抄原文)
簡單的故事、計算過的笑位,兩個小時輕易把我滿足。
離場一起乘地鐵又各自回家,原來這樣約來看齣戲,聊幾句,也很簡單美好。

我實在太懶啦....
佢講晒我想講架啦~:
http://iristsoi.blogspot.com/2007/09/blog-post_4441.html

官方簡介:
故事講述消防員卓克 (阿當桑迪拿 飾)和同事拉利 (奇雲占士 飾)老友鬼鬼,拉利更是卓克的救命恩人,兩個死黨都願意為對方赴湯蹈火,義不容辭。但兩人的家庭觀念截然不同,拉利事事以家庭為先,卓克卻享受單身生活,女友成籮。愛妻死去,拉利傷心過度忘記更改保險受益人,致兩個孩子未能成為保險受益人,令拉利極為苦惱。當他以為只要神不知鬼不覺的在政府公民表格上,填上卓克的名字為家庭伴侶,問題便可迎刃而解, 誰不知這秘密竟成了報章頭條!事件被揭發後,兩名壯男被迫生活在同一屋簷下,,公開扮同志,鬧出連番笑話。然而,經過一輪“新婚”同居生活,卓克和拉利終於明白,“花多些時間相處,了解對方需要”是一個融洽家庭的重要元素。

Monday, September 24, 2007

德國篇 - Lufthansa

我唔鐘意漢莎航空!
我唔會再搭Lufthansa!

點會仲有長途機冇獨立電視!!!!
個座位又十個迫!!
機鎗全滿~
食物又難食!
十二個鐘頭沙甸魚咁!
十萬個辛苦~

空姐仲有派發久違了的機餐menu~

有一餐食雞或牛,
去到我半路已經冇晒雞~
大佬呀! 呢個世界好多人唔食牛架~
我同個空姐講: 我唔食牛.
佢問番我點解唔食牛!
你理得我點解!!
總之我唔食!
問佢有冇杯麵, 又冇!
佢話冇辦法, 俾多個沙律我好唔好!
你話呢?
梗係唔好啦!
十個沙律都唔夠飽啦~
最後佢係商務搵咗個三文魚俾我,
非常精美,
個個 uncle 都好羨慕~
點知....
個三文魚十級鹹........
結果..
我都係餓住瞓...

記得以前去澳洲讀書的時候,
我每一次飛,
我都會攞個機餐menu,
comment 我食咗的每一樣食物,
然後寄俾麥同學.
我從前就已經好無聊...

粘住晒

Auntie F 話: 你個女咁好嘅, 咁大個仲跟你地去旅行.
爹笑笑口話: 邊好呀, 成鬼日粘住晒!

講真, 中國人都係鐘意兒女成日都係身邊架啦.
老豆把口話我粘住晒, 查實鬼咁開心~
我不知幾孝順~!

上班偷懶問卷

在報紙見到呢個無聊問卷:-

準時上班嗎?
official 返 9 點, unofficial 返 9.30,
我係9.20 到 9.30 之間返到, 應該唔算遲到.
 
會否買早餐回公司吃?
大部份日子都食包, 有時落街食.
 
回到公司做的第一件事?
開電腦,斟水
 
回到公司後什麼時候才正式處理公事?
冇幾可處理公事.
 
座位附近有同事嗎?會一邊工作一邊和他/他們聊天嗎?
有同事, 佢地好嘈. 我多數 intercom 傾計.
 
和同事聊天的除了公事外,最多是傾談關於……?
樣樣都講, 大部份時間講是非~
 
吃午飯時會否用盡午飯的所有時間?有多餘的午飯時間你會怎處理?
通常會用凸, 我一般都食兩個鐘.
 
公事/私事,在公司裡的百分比大約是多少?
30%公事,70%私事
 
所謂私事……是指讀書?睡覺?打機?聊天?還是其他?
有讀書, 有打機, 和同事聊天, 有上網睇報紙雜誌……
 
老闆/上司臨時請假,你會繼續如常上班,還是乘機偷懶做私事?
繼續偷懶~
 
下班前多久你會執拾妥當準備好下班?
即走!
 
能否在公司上網?能否接上IM(例如MSN, ICQ, Y!M, AIM, QQ, GTalk……等等)?(如回答不能的,請跳過以下的題目,回答最後的問題)
有上網, msn 係每日必做的事.
 
上網的話你會做什麼?
所有你想像得到的事都有做,基本上Office電腦=家用電腦
 
如果公司禁止上網/IM,你會否有辭工的念頭?
冇, 不過我呢行一定可以上網~
 
最瘋狂曾經在上班時做過的私事是什麼呢?
四個同事一齊去雀會打牌!

參考資料:
http://www.daihung.com/blog/2007/09/05/3316

我回來了

我有好多好多嘢想講,
關於旅行,關於工作,關於家人....
聽日應該成日都好忙寫blog~

Thursday, September 13, 2007

珍惜眼前人

我們都不太會珍惜,
無論人, 事, 時間.

當皇后碼頭未話清拆之前,
你有坐下留心的欣賞嗎?

跟友人茶聚的時候,
你係咪不停的講電話?

你覺唔覺得成日都無所事事?
慢慢的虛渡光陰呢?

人的劣根性係,
當件事情係你面前,
你唔會珍惜.
當你失去的時候,
你先會覺得佢重要.

如果機會有幸再次來臨,
我一定會好努力!

------------------------------------------------


愛情萬歲 鄭秀文
填詞:林若寧 
作曲:劉祖德 
編曲/監製:蔡德才@人山人海

愛情存在輿論性
承受這批鬥與你笑著革命
市內全民皆兵 聽著流言之聲
我若能擁抱你已是險勝

受盡炮轟任由戀愛沒有世界共鳴
維持著愛護與尊敬
未怕沒有親友贈興

寧願犧牲也與你以愛捐軀
從歷史中見證這轟烈一對
愛到倒下去 浮沉是非中一對伴侶
謠言裏 人潮裏 尋求我幸福至少無罪

那怕走得再崎嶇
言論之中去見證愛情萬歲
未似對正常情侶
你我縱是殘餘弱旅 頑抗愛下去

愛情長路如絕嶺
無論傷口再中箭也未怨命
世上如何孤清 對望仍然溫馨
都不可封殺 戀之風景

彼此不必世界的嘉許
只想講生命至少也許
每人亦有最珍惜伴侶
旁觀的怎麼拼命插嘴 潑下冷水

寧願犧牲也與你以愛捐軀
流下這可歌可泣動人眼淚
滲進沙漠裏 懸崖上開花一對伴侶
曾難過 曾憔悴 尋求我幸福更加無懼

愛侶不需要心虛
承受子彈去愛你也是壯舉
若有了我們兒女
與你故事遺傳下去 能愛到萬歲

Wednesday, September 12, 2007

來電

朋友,
我呢種人無事不登三寶殿.
(除咗對啲無聊的人我會打啲無聊的電話之外.)
當然我會多謝你聽咗我的電話啦.

我唸我係你心目中應該非常的識做人.
我唔想麻煩人,
冇必要唔會搵人.
亦唔係唔適當的時候出現.

不過,
如果我係一啲奇怪的時候搵你,
我一定有事.

然後,
我知你一定會話:
你好叻架,
你自己可以攪得掂,
你好快冇事.

冇得依賴,
當然,
我好快冇事.

我已經冇事.

屬於自己的晚上

我很害怕孤獨,
我一個人的時間唔多,
一個人好寂寞.

今晚,
我想一個人.
想思考一下.

日間見人太多,
好混亂, 好趕.

我今晚想靜靜的,
一個人.

本來我想搵個好似屬於我的人傾吓計,
不過佢唔得閒.

我好迷糊,
我唔知自己想點,
唔知可以點,
唔知應該點.

生活中有啲唔如意,
當時我知道冇可能樣樣如你所願,
世界冇完美,
個天都好公平.

我唸我又自尋煩惱.

我想一個人 張栢芝
曲:謝杰 詞:陳少琪 編:劉志遠 監製:陳德健

我已領悟了 痛會洗去記憶 像落日沉掉
我已發現了 你已把愛殺死 體質漸弱小 失去心跳
如流血了 永久不止 這個凶兆

我感覺沒了 似某些腦細胞在慢慢融掉
沒痛苦 也沒笑 我每天也懷念可怨恨你 因戀愛困擾
總好過心情沒法動搖

*以後我只想一個人 如傷口深到任誰望我都不敢看人
神經都死了 任何甜蜜都不可攻陷
全靠你我遇著誰 談什麼 都已減七十分
忘掉了怎憎一個人 還灰得可怕 誰來扶助一把也不信任
如何想像到日後過什麼快樂生辰 你我熱吻(我會熱吻)

我戀上自困 世界不再戰爭 但尚在淪陷
願看天繼續陰 我眼中任誰或可替代你 都不再敏感
總好過天晴後再密雲

我昨日情難自制 只有利沒有弊
想快樂到底 終於跌落到底
從寂寞自閉 轉化活在下世
當告別某位 我心裡沒有位 拿不起放不低

曾磨練嘴巴閉著才忘懷被吻

畢業典禮

我昨天發現原來我有兩個畢業典禮,
一個係成間 polyu 的畢業生 - 1 dec,
一個係 faculty - 7 nov.

我 17 oct 可以攞袍,
請問大家幾時得閒一齊影相?

....
ummm....
我今次想要畢業公仔....
ummm....
多謝大家...
ummm....

Tuesday, September 11, 2007

曼谷篇 - 無帶個腦出街

那一年跟 S 去曼谷.

翟度翟的開始時間係九點.
我地預計七點鐘起身,
沖涼洗頭食早餐,
八點三出門口.

電話鬧鐘嚮起,
我先梳洗.
當我攪掂唸住叫佢起身的時候,
我發現...
時間係六點半!!!~
佢個電話冇較時差!!!

結果我地早咗一個鐘去翟度翟...
啲鋪頭都未開..
去旅行個腦留咗係屋企.

二奶

我覺得一個孤寒的人唔會包二奶.

作為一個二奶,
冇地位, (你唔係大婆.)
冇時間, (大時大節梗係俾咗阿大.)

甘心做二奶,
一係好愛, (可以有幾愛?)
一係為錢. (錢可以買起一個唔愛你的女人.)

孤寒的你點包二奶?

另, 甘心做二奶好愛佢的妳,
我祝福妳,
有一日會等到成為他唯一的一個.

Monday, September 10, 2007

偏食

我出名偏食,
由細到大都非常偏食.

我唔食骨,(除左雞翼.)
唔食皮,
唔食肥,
牛肉唔食,
羊肉唔食, (我食冇羊燥味的羊鞍.)
鴕鳥肉唔食,
內臟唔食, (但我食鵝肝.)
樣衰都唔食.

我食大部份的蔬果,
不過苦瓜西芹麻麻地,
唔食西柚同碌柚.

加拿大的回憶

那段在多倫多的日子,
沒事幹.
第一次去像遊客,
一個人在地鐵站站停,
觀光, 影相, 悠遊自在.

在 Waterloo 的日子,
像居民.
每天也是看電視,
下載劇集, 電影,
你每天回來的第一件事總是看看是否下載完成.
我愛看真人show - fear factor.
你愛 smallville.

那天的 top gear,
真的沒有印象~

Friday, September 7, 2007

底線

在我最痛苦的時候,
曾經有個朋友話我:
你對自己太嚴謹,
對朋友太寬鬆.

每個人心目中都有一條底線.
而我對每個人的底線都唔同.
回應番尋日所講的遲到,
對於一般人, 我的底線係五分鐘,
客人係十分鐘,
係之前嗰廿年都遲到嗰啲, 底線係三十分鐘.
呢啲係親疏有別.
對自己都係五分鐘.

我會估計我係你心目中,
係一個五分鐘定三十分鐘的朋友,
從而去定我可以去麻煩人的程度.
例如:
可以霸佔人地幾多時間去傾訴.
可以幾多點鐘打俾人而唔會俾人鬧.
可以問你借幾多錢.
我好少求人, 但每次搵人幫手之前我都會先衡量一下.

朋友說:
當你當佢地係三十分鐘的朋友的時候,
佢地都會當你係三十分鐘的朋友.

我不知道這是不是真的.
我驚如果我遲到三十分鐘會不停受到咀咒....
特別係對住好兇狠嗰啲...

Thursday, September 6, 2007

遲到

我最憎人遲到,
等五分鐘已經係極限,
依家手提電話咁方便,
明知自己遲到的話就早啲打電話話俾人知.
呢啲叫禮貌.
客遲到我會對佢印象好差.

遲到唔需要解釋,
因為大部份的解釋都係藉口去掩飾你遲出發.
遲即係遲,
遲咗要認, 唔關交通, 阿媽, 漏嘢 ...
xxxx事!!

雖然你打咗電話報定案,
但係你都係遲到.
講到尾其實都係你冇時間觀念,
你早啲起身, 早啲出門口, 早啲出發,
你就唔會遲到!

你嘅時間係時間,
我等緊你的時間都係時間,
你想瞓晏啲, 想整靚啲個頭, 想開多個會...
你要知道同時你浪費緊我的時間,
點解你要浪費我的時間?
你遲到實在係虛渡緊我的光陰.

咁大個人,
次次都係咁,
吓吓人地話你就無癮啦.
檢討吓啦.

Wednesday, September 5, 2007

童裝

我昨天在 Zara 買了一件童裝裇衫,
有公主袖,
宮廷娃娃式樣,
布料質地柔軟,
不易皺,
顏色係奶白色,
很高貴,
童裝價格亦比較相宜.

雖然 Zara 的童裝衫出到中童13-14歲,
但名義上我還能穿著童裝,
很高興~

Facebook

我昨天也開始了Facebook,
聽說,
很多人也沈迷了.

我是新手,
未領略個中樂趣.
玩多兩日再講.

Monday, September 3, 2007

波板糖

小時候體弱多病,
汽水零食糖果離我甚遠.

手板般大的波板糖,
非常偶爾才可得一支.
我會分好多好多次食.
舔兩吓又擺番入雪櫃.

我記得有次媽跟我說:
只要你三次默書一百分,
我便給你買一塊.

到我得到三個滿分以後,
媽已忘記承諾.
我最後也沒有得到波板糖.

我存有一支橙色的波板糖,
是有心人在廿年後知道故事,
老遠從英國寄給我的.
多謝!

不遠矣

不遠矣.
我知道那一天不遠矣.
我要加把勁!

Sunday, September 2, 2007

我又想讀書啦.

我以為我唔想讀書架啦.
我以為我厭倦咗功課同考試.
我以為之前用咗兩年做的一份功課會係我最後一份功課.

但我太無聊啦.
讀書用多啲時間.
同埋讀咗書真係屬於自己.
好過日日係屋企打機.

雖然讀的時候成日覺得冇用,
但係讀書的知識係日常生活中不知不覺的原來真係好需要.

不過我仲未唸定讀閒科,
定讀關於工作的,
定係讀phD.

仲有少少時間考慮吓.

Saturday, September 1, 2007

Fox's 果汁糖

今日係屈臣氏見到久違了的霍士果汁糖.

有一段日子,
沈迷於霍士果汁糖.
日日都食,
買完一罐又一罐.

一粒粒彩色晶瑩剔透,好靚,
果汁味又香.
係公司悶悶地食粒糖真係精神爽利~
價錢又平,
不停請人食又唔肉痛~

不過係硬糖,
會'界'損條脷~

Friday, August 31, 2007

好清閒

今日好清閒.
好清閒..
好清閒...
好清閒....

完成所有quota.
(除咗無單~ 哈!)
聽日由頭黎過~

復合

沒有.
我們還沒有復合.
我亦唔知道究竟我地會唔會復合.

是怎麼樣的關係?
對不起,
我不懂得回答.

我是買手,
是美容師,
是醫師,
是私人助理.

我唔急,
我可以等.
我仍然在等.

唔知醜

我昨天聽咗個唔知醜的故事.
主角係姣 tun tun.
佢竟然夠膽死 show off 佢頸上的咖哩雞!!
OMG!!!
淫賤不能移...

同事G 見到佢條頸,
取笑佢: 乜咁唔小心呀?
(原本有頸巾, 之後條女揭開俾人睇.)
女(囂張的): 吓? 你唔知咩? 尋日都已經有啦, 今日淺色咗啦.

究竟佢知唔知什麼是羞恥??

Thursday, August 30, 2007

泡泡裙

我新買了一條泡泡褲,
外表看來像泡泡裙.
幾短.

他說:
這條像熱褲的泡泡裙,
短得好可憐.

一個人到咗咁上下年紀,
特別係女人,
有好多衫都唔着得啦.
唔係話唔好睇,
不過驚俾人笑...
同埋其實自己都覺得怪怪哋....

我睇過篇無聊文章,
話女人三十歲後唔好着XX (唔記得咗..)
四十歲後唔好着短裙.
五十歲後唔好留長頭髮.

我梗係仲可以着出街的時候着多幾次啦~

Wednesday, August 29, 2007

男朋友的男朋友

今日,
他跟我說,
他的一個女性朋友向他傾訴, 內容是:

我的男朋友有咗男朋友!

好震撼!
應該點安慰佢呢?
有啲困難...
好可怕~
呢個女仔仲忍咗半年.
我想是很愛他吧.

本身已經係三角關係,
對手仲要係男仔,
都唔知點幫佢?

無恐不入 Invasion

除咗無聊笑片, 我最鐘意睇恐怖片.
唔係血腥核突嗰隻, 係懸疑鬼怪嗰味~

我最變態係睇恐怖片的時候,
發現隔離啲人太驚, 而我又唔驚,
我會忍唔住哈哈大笑~

Invasion 呢....
有十個似 N 年前,
陳小春, 李燦森同湯盈盈主演嘅'生化壽屍'.
一樣係細菌入侵,
一樣人傳人變咗另一類人,
一樣新人類團結入侵舊人類.
我就覺得'生化壽屍'好睇啲,
睇多幾次仍然非常恐怖.

呢套戲入面的人受感染的人只係變到木口木面,
係變咗內在性格的恐怖,
變得冇情慾, 冇要求的統一平等的世界,
一啲都唔恐怖...
外表仲好似整齊靚仔咗添~
而最後亦太容易解除呢個 '病毒'.
有啲落雨收柴...

普普通通,
唔係太恐怖,
又唔係好驚.
作為恐怖片,
就失敗咗啲囉.

官方內容簡介:
一艘太空船神秘撞毀後,機艙出現恐怖異象,任何人一經接觸即受無形感染,極度可怕。由華府派來的精神病學家班卡露(妮歌潔曼 飾)及其拍檔狄高賓(丹尼爾格 飾)進行深入調查,發現外星病毒竟會在人類入睡時入侵,令患者無聲無息地改變,外表雖無異狀,但內在已非人類! 當太空病毒不斷擴散,愈來愈多人受恐怖侵襲,誰是人,誰是敵人,已愈來愈難分辨,卡露力抗入睡,並希望能找到她的兒子---他已成為唯一可阻止外星恐怖入侵的人!

火拼時速3

老翻商心情靚絕,
BT 咗成龍同 Chris Tucker 的 Rush Hour 3 一齊睇.

一貫成龍電影.
不過每況愈下.

睇咗成個鐘仲未見火拼,
(成套戲係一個鐘頭廿四分鐘)
更加冇嘢同時速有關.

故事無聊,
打斗場面悶蛋,
未見新鮮的動作場面,
飛車畫面熟口熟面.
連黑人講嘢都唔好笑...

唔睇的話一啲損失都冇.
好彩唔使錢!

官方內容簡介:
香港探員阿李(成龍飾)與洛杉磯重案組卡達(傑士德加飾)自從上兩次跨國任務合作後,這次又再聯手接下更加艱巨的任務,新任務將會在歐洲浪漫之都-巴黎發生,對付在當地的中國黑幫。這個黑幫是個全球犯罪,而且視警察如無物,殺害了十二個法國特工。機智聰敏、但查案笑料百出的阿李及卡達,今次能否破解這宗驚天犯罪集團?

Tuesday, August 28, 2007

沙灘

很多人說與情人漫步沙灘是一件很浪漫的事.

在記憶中,
我只跟一個人做過呢件事.

晚飯後,
駕車到淺水灣,
拿出沙灘蓆,
一人一張,
行到沙灘人少的那一邊.

燈光好暗,
天上面好多星星,
瞓係蓆上面,
望住個天,
好 relax.

我地講咗好多心底話,
細個的事情..
兄弟的感情.. 屋企人的煩惱..
工作....鬼故呀..
亳無保留的分享大家的成長故事.
你俾咗好多機會我去認識你.

我知你好鐘意海,
鐘意聽海浪聲.
但其實我好驚太接近個海架,
我好怕一望無際而黑mama的海,
好似行近的話會被那一大片的黑所吞噬.

不過你總給我莫名的安全感,
我信任你一定會保護同照顧到我.
下次如果一齊食飯,
不如都去沙灘坐一陣吖?

MP3

ling: 原來 HSBC 上網有得 download MP3 的 form!
我: mud 嘢 form 話?
ling: MP3 的 form 囉!
我: 噯黎做 mud 架?
ling: oooo sorry... 係 MPF!
我: ............

友誼大考驗

我們一行人常持著相識多年,
人生無聊兼苦悶的前題下,
我們愛開玩笑.

有一個項目做的比較多,
是 '友誼大考驗'.
(而對象多數都係 ling...)

我們會因著對大家的認知,
在被測試對象未出現之前,
議定一啲當事人未必會做題目,
例如:
要某人早起身,
要某人一齊去老遠買東西,
要某人借NDS~
根據佢的語氣同談話內容,
各自再估吓當事人的反應.

我地最常用的藉口係大家識咗咁多年,
應該無問題嘅:
佢應該會去!
佢應該會借!
佢應該會做!

如果當事人唔肯的話,
我地會話:
我地唔係好朋友!!
真係枉費我地咁多年的友情!!
我睇錯咗你!!

然後大家又嘻嘻哈哈的~
哈哈!! 我地真係十分之無聊!

Monday, August 27, 2007

白痴的行為

今日收到個白痴 email.
係嗰個就黎死的男同事所發出.

內容無聊,
話要多謝各位上司,
'I really appreciate for this, thanks for supporting by XXX and XXX since beginning until now. This should regard to yours! Thanks so much!'
文法又錯! 咪獻醜啦!
我仲以為佢決定唔做所以多謝照顧.

睇埋個附件.
係某客人寫俾佢嘅感謝信.
呢啲嘢攞出黎又唔代表你勁,
只係啲鬼客氣啫.
我相信個個 agent 都收過架啦,
我都有, 收到咪多謝個客囉,
點解要 scan 封信再傳晒成個商業部同人事部??!

好無聊呀.
你咪以為老闆會覺得你勁,
老闆話呢啲係應該架,
女魔頭更加覺得係流嘢!
你咪以為你咁樣好型, 串緊斑阿頭,
咁只係令女魔頭更憎你,
你咪以為自己唔洗死,
你咁樣死得仲快.

祝你早登極樂~

減肥之二

減肥一向都係自制能力高的人先至能夠做得到.
唔係話下巴輕輕,
講'我要減肥!'就做到.
仲要持之以恆,
要保持到你減咗的磅數,
年紀愈長, 新陳代謝減慢,
減肥愈黎愈難.

這幾次去做 gym,
每一次上磅都比上一次重一磅.
大鑊! 我一向 keep 住 110...
幾時先至返到家鄉?

Sunday, August 26, 2007

SMS

我收到一個很詭異的SMS:
love a lot, miss a lot
沒有上款, 沒有下款.
送出的號碼是 9xxx 1312.
這個號碼我不懂得,
不過小弟的生日正是 1312.
(後尾得w提點, 我133咗打出而知道係邊個鬼鬼祟祟啦.)

如果嗰個係我男朋友,
用我生日做電話號碼,
我應該覺得幾浪漫嘅.
但我都唔愛你,
亦從沒有開始,
加上咁耐冇聯絡,
做啲咁無聊嘅嘢我覺得幾幼稚,
兼且我唔會因為個電話號碼而愛你囉.

只好講句: 多謝你的厚愛.

Saturday, August 25, 2007

講完例牌B,
都唔差在寫埋例牌A,
金鐘都幾多日本公司,
所以日本食肆都唔少,
不過'圓'比較好食同環境開揚舒服.
仲有係易訂位.
返工中場休息, 係度傾吓計, 好 relax~

set lunch 約有三十個選擇,
除咗牛的部份, 我應該差唔多樣樣都食過,
我係呢度連最唔關事的 carbonara 都食過~
樣樣都有水準,
仲要開咗咁耐都 keep 到,
係貴啲囉.
一個餐至少$100, 魚生飯$200.
餐有青菜沙律, 麵豉湯, 主菜, 飲品, 有時唔知點解仲有雪糕.

叫得最多係海膽飯,
新鮮海膽撈埋落飯, 啖啖都有海膽, 十個好味!
一係叫西京燒銀雪魚, 個汁超正, 送飯一流, 好入味~
有時唔知食乜會叫最無聊的豬扒飯, 會唔知點解食咗大半碗飯!~

事實上樣樣都好, 叫那一樣都冇所謂.


地址 : 金鐘夏愨道16號遠東金融中心地下C2鋪
電話 : 28663939
菜式 : 日本菜

采蝶軒

係金鐘飲茶好貴,
去飲茶唯有俾多少少錢,
采蝶軒係比較物有所值.
呢度亦都係我地的例牌B.

有幾樣嘢必食~

~ 魚茸魚湯米線 - 我一向怕魚腥, 有得選擇我都盡量唔食魚, 不過呢個唔同. 魚茸唔腥, 魚湯非常鮮甜, 米線好滑~ 黎十次, 十次都食!
~ 芥辣醬銀雪魚 - 炸到金黃的銀雪魚, 唔油膩, 點個wasabi沙律醬, 好味到不得了~
~ 鹽水鴨 - 咸咸地的鹽水鴨好嫩, 唔會係老的柴皮鴨, 加個醋, 正!
~ 蝦餃 - 飲茶多數都食蝦餃, 呢個特別好食~
~ 椒鹽豆腐 - 呢度嘅小吃大部份都好食, 呢個椒鹽好惹味, 一食就停唔到口, 裡面的豆腐仲好滑添~

一般而言, 平均一百到百五一個人, 係金鐘差唔多啦.

采蝶軒
地址 : 金鐘金鐘道88號太古廣場LG1樓
電話 : 2845-4555
菜式 : 廣東菜

泰妃雞

尋晚阿哥返香港,
當然係同埋阿媽出街食飯, 佢請~
原本想去小白屋,
但係又 full booking!!
想去天后, 又好似無啲新意.

之後就唸住係灣仔碰運氣,
係灣仔街市街邊泊低架車.
隔離三角街開咗'泰妃雞' 分店,
之前 lunch 食過都幾好.
決定入去食雞~

三個人叫咗個$218二人套餐, 好豐富!

~ 泰式咖哩, 可選內容: 牛腩呀, 雞呀, 海鮮呀, 魷魚呀, 蝦呀..... (泰式咖哩係有蛋, 有洋蔥, 有青椒嗰隻.), 仲配埋我至愛的法飽 - 個汁唔辣, 個飽又熱, 因為阿哥叫咗牛腩, 我答唔到你好唔好食.
~ 泰妃雞飯 - 隻雞係浸熟而唔係煮熟, 好滑嫩, 同泰式雞係冇骨嘅. 個飯係油飯, 仲有薑味, 我無飯人都食咗一碗~
~ 咸魚炒芥蘭 - 平時我唔多食咸魚亦唔多食芥蘭, 但呢碟好好味!! 咸咸香香, 仲係小芥蘭, 冇渣~
~ 炸春卷雞翼 - 因為唔想食炸嘢, 我冇食, 但係個樣都好吸引~
~ 仲包兩杯飲品, 冰類都唔使加錢, 我飲珍多冰, 娘要紅豆冰, 哥另加一杯$20柑桔青檸.

二百幾蚊, 三個人, 飽晒~ (其實仲食唔哂添...)
好滿足~

泰妃雞
地址 : 灣仔活道1號地下2號鋪 (另灣仔三角街有間大啲嘅分店)
電話 : 2893-4798
菜式 : 泰國菜

Thursday, August 23, 2007

黑.白.灰

r 說我的部落格只有黑.白.灰.
好悶.

你忘了當日係你同我講?:
返工的衫只有黑.白.灰.
其他顏色可免則免.
這樣莊重一點.

我的部落格同你的返工衫一樣~
好悶.
不過莊重.

這裡記述了我每一日係公司的生活,
無論開心的, 無聊的, 白痴的, 悶蛋的.
返工的日子應該是屬於黑.白.灰.

9月15-23日 - 德國.匈牙利

好多年冇去過歐洲啦..
長途機好痛苦...
jet lag 都未完, 我已經返到香港啦.

Day 1 香港 -- 慕尼黑
LH731 飛機日.

Day 2 慕尼黑 -- 漢諾威
慕尼黑: 奧林匹克公園. 寶馬汽車博物館. 市政廳. 大教堂. 大學區.
LH1028 -- 漢諾威

Day 3 + 4 漢諾威
商務考察 (即係 shopping day 啦~)

Day 5 漢諾威 -- 布達佩斯 -- 海維茲溫泉區
LH1021 -- 布達佩斯
(布達佩斯溫泉好出名架~)

Day 6 海維茲溫泉區 -- 巴拉頓湖 -- 布達佩斯
釀酒區巴達干尼. 巴拉頓湖

Day 7 布達佩斯 -- 艾格爾
艾格爾又係釀酒區...

Day 8 布達佩斯 -- 香港
史提芬大教堂. 國家歌劇院. 李斯特博物館. 英雄廣場. 漁夫堡.
LH3445-- 香港

Day 9 香港

天上人間

這是一個聽來的故事.

M 未到過北京,
月頭的時候,
他往北京工幹.

某天晚飯後, 時間尚早,
聽聞 '天上人間' 是一聞名的夜店,
決定與同事 S 是夜去看一看~
便從飯店電腦找到 '天上人間' 的簡陋地圖.

離開飯店,
下着毛毛細雨,
想伸手截的士,
但係見到每隔一米就有一隻想截的士的手.
於是, 決定搭地鐵去到附近再算.

去到另一個區,
雨愈下愈大,
兩個男人, 冇遮~
仍然, 截唔到的士.

記得地圖上的指標,
'天上人間' 係離開地鐵站係兩個街口, 轉左, 再兩個街口.
所以便一路行一路截的士.

經過兩個街口,
的士截唔到,
仍然下雨,
已經渾身濕透~
而行呢兩個街口的時候係 --- 一個鐘頭四十五分鐘.
又冷又餓.
想放棄.

致電酒店要求代找的士或酒店的接送服務.
酒店服務員: 無此服務~
而且當時已約十二時,
服務員告知: 先生, 你們還是回到地鐵站, 地鐵服務到十二點三十分.
(點可能三十分鐘可以返到轉頭?)

好灰.

見到前面燈光火著,
到那邊應該較容易有的士吧.

好不容易有一輛的士落客.
立即奔跑上車!!~

司機: 對不起, 我方才接送最後一個客, 我下班了.
很累的 M: 好, 那加一百塊. (註: 回酒店的車資係三十多塊.)
司機: umm...
想死的 M: 咁加二百啦! (好豪氣!)
司機: umm... 二百塊我都有.. 我真的很累要下班啦, 請你們下車. (司機, 你好型~!)
M 與友人唯有離開.

再十五分鐘之後,
另一輛的士到達.
已死的 M 已說不出話來,
拿出酒店卡片與司機.
這時,
S: 請問你知否 '天上人間' 在那兒? (死心不息...)
S: 雖然好勊, 去門口影張相都好!
可惜, 司機: 唔知道.
然後回到酒店瞓覺~

淋咗成晚雨,
凍到死, 又餓到死.
得個桔~
M 就係咁病倒了~

~ 完 ~

兒時回憶

小時候,
會收集一些東西,
好像一個潮流的玩意.

小學生時代,
會收集郵票, 花碌碌公仔信紙,
相同的用黎跟同學仔交換款式.

我記得信紙係要去太古城買嘅靚啲同貴啲~
然後返學校同同學仔交換,
大張又係 sanrio 公仔可以換人地兩張細嘅.
而郵票呢,
你有外國親戚就發達啦,
有啲唔知名國家郵票的話即時型咗十陪.

到咗中學,
都唔知點解當時咁富貴?
收集的東西變咗 paper n' things 貼紙, 同 sanrio 物品.
paper n' things 貼紙 由$4-$20 一張,
一次買幾張,
張張都話好靚好靚, 不停的買買買!!!
除咗交換, 仲會係同同學仔寫信的時候貼貼貼!!!
之後就係 sanrio 物品,
每人鍾意一隻,
我鍾意企鵝仔 tuxedosam,
如果你買咗人地鐘意嗰隻公仔的物品,
人地就會覺得好奇怪,
然後會唔妥你!
你只係屬於你鐘意嗰隻公仔, 唔可以過界~

大個女之後,
我而家收集的,
當然係一大堆的衣服啦~

曱甴

由細到大,
我對於蛇蟲鼠蟻,
都好似牛鬼蛇神一樣: 敬鬼神而遠之~
我的規條係: 人不範我, 我又唔理佢.
最後, 當然阿媽會攪掂. (我非常害怕殺生.)

早兩日,
我係厠所見到隻曱甴,
佢走得好快, 我冇理佢.
(我屋企連殺蟲水都冇支, 點理佢?)
之後我同阿媽講,
阿媽話一定要纖滅佢,
因為如果佢落地生根就麻煩啦~

尋晚,
係厠所,
我再見到佢,
我認得佢!
係佢! 我認得佢的顏色, 形狀同大小!
好緊張!
但係我仍然冇殺蟲水!!!~
最後我趕咗佢落洗手盤,
馬上開水喉~
我見到佢反肚暈咗~
沖走佢!
我驚佢走番上黎,
我再倒啲漱口水落去,
然後塞住個洗手盤!
我成身打晒冷震, 好驚....

上一次...
又係厠所...
我見到四腳蛇 (即係壁虎.)
我以為自己整死咗佢.
(我後尾至知原來呢隻嘢係鍾意扮死!)
頂唔住叫咗阿媽落黎救我..
我鬼死咁驚架... 想嚇死人咩....

Wednesday, August 22, 2007

怪叔叔N

我坐係班阿叔的左面,
怪叔叔N 坐係右面.
N 係怪, 其實佢個人...唔知點講:
佢都係怪架啦,
但係比較 positive,
因為佢唔影響人~

最經典係平時問佢嘢: 唔知咁樣做得唔得呢?
N: 冇話一定得, 但係又未必一定唔得.
我: 今晚一齊食飯去唔去?
N: 得閒咪去, 唔得閒咪唔去囉.
我: 咁佢死唔死得呀?
N: 死啲唔死啲咁啦.
well.... 大部份時間同佢講嘢都好嘥氣....

頭先有啲興緻,
做咗一陣 '凍打',
一路做, 隔離班阿叔一路嘈,
我都聽唔到個客講嘢!
唯有大大力揼電話以示不滿!!

然後我問 N: 你剛才同客人講電話的時候,你個客聽唔聽到你講咩?
N: 我個客又冇講喎. (佢好少有且非常正經的回答一個正常的答案)
我: 咁你又聽唔聽到你個客講嘢呢?
N: 都聽到嘅. (仍然答得好有誠意.)
我: 佢地班阿叔好嘈, 佢地一講嘢我同個客就溝通唔到啦. 可能我用左邊講電話, 佢地啲聲入晒. (註: 阿叔係我右邊.)
N: 梗係啦, 你應該用右邊啦~ (開始啦...)
我: 我個電話係左邊, 況且右手講電話咪用唔到 mouse 囉?
N: 係喎, 咁你應該用左手交叉將個聽筒放係右邊聽, 隻右手就可以繼續用 mouse 啦. (佢同時有示範俾我睇.)

好! 收到! 唔該晒...
返工好似玩雜耍咁....

Tuesday, August 21, 2007

悶到發慌

請用 '又到聖誕' 的音樂唱出:

悶到發慌,悶到發'毛',
悶到發瘋,悶到發癲,
全日坐係公司, 好悶~

多謝!

姣 tun tun

怪叔叔J 係公認的好好先生 (只限對家庭),
不過佢冇禮貌, 不整潔.

姣tun tun 的係情侶檔案的女主角,
成日以為自己天仙下凡... (實則地獄魔女)

為咗表現自己阿叔殺手,
條二打六話阿叔溝佢~
唔該晒....

俾多少少 background information
阿叔們都鐘意講車, 日日都至少講三十分鐘,
電單車, 房車, 車會, 整車, 乜都講 (好煩...)

阿叔做咗啲乜而令人誤會呢?
佢個白痴竟然約姣tun tun 去遊車河!
即時令條二打六以為自己客路甚廣!
個白痴仲要問: 我得一個頭盔, 你想我買個新的定係問人借一個?
我架電單車馬力好大(我知道係寶馬),你到時要抱緊我.

依我看來,
都係個姣tun tun 口多多叫個白痴帶佢遊車河,
然後個傻佬信以為真, 真係 confirm 佢時間囉.

不過孰真孰假, 閣下自行定奪~

和少

係呢間公司咁耐,
我最欣賞老闆請咗幾個弱能人士,
職位係 office assistant.

其實我都唔知佢地係什麼病,
只覺得佢地同常人有小小唔同.

不過佢地做嘢勤快, 又醒目,
有時傾談幾句都幾開心架~

和少係其中做得最耐的一個~

A級牛扒與正宗凱撒沙律

有一日, 跟 c 小姐食飯,
係一間好普通坐得幾舒服的西餐廳,
想叫一客凱撒沙律,
c 小姐問:
請問你地的凱撒沙律正唔正宗架?
店員o嘴, 冇反應...
(請問點先係正宗呢?)
(c 小姐: 咁有啲有雞, 有啲冇雞.)
(咁有雞係正宗定冇雞係正宗呢?)
(c 小姐 o嘴, 冇反應...)

另一日, 跟 m 先生食飯,
都係一間好普通坐得幾舒服的西餐廳,
m 先生想叫一客牛扒,
m 先生問:
請問你地的牛扒係咩嘢級數? 係唔係 A 級?
再次: 店員o嘴, 冇反應...
(呢度唔係牛扒專門店, 呢度係普通西餐廳... A 級牛扒?)

下一次,
我會邀請 c 小姐同 m 先生一起用膳,
佢地一定會起到不俗的化學作用,
一係冤家, 一係情侶...
好期待呀~

carmoon: 新 project! 做嘢!!

家庭無聊事-2

上星期, 無聊的媽收到無聊e-貓,
無聊的我看到無聊e-貓,
無聊e-貓內容極度無聊.

不過都幾好笑:
有個叫做'人多事'的無聊人寄出:
你老公出面有第二個女人,
你知道嗎?

寄嗰個人都傻架,
話我老豆出面有第二個女人咁少!
至少都一打啦!
咪睇少我老豆喎!
我老豆不知幾型~

攪笑事情陸續有黎~
尋日唔知邊個茂李將我老豆個手提電話飛線去咗999~
幾有新意喎!
但係佢又唔係得一個電話號碼~

我老豆呢期旺呀, 哈哈~~~

笑話一則

小翠說:
我家姐生咗啦~
蝴蝶話:
生咩呀??

可以生咩呢? 梗係生仔啦!

當然,
仲可以生暗瘡, 生痔瘡, 生癬, 生蟲, 生蛇, 生鼓漲.

上司 / 下屬

在這裡都待了一段日子了.
由學神開始,
一步一步的,
現在也算有少少成績,
有下屬 - 乙個.
不過我都冇當佢下屬.

大家都做同樣的事情,
全組人做的工作都一樣,
都冇話特別的管轄範圍.

我覺得我好懶:
我冇嘢做,
但係我將一個舊客俾咗我下面嗰個跟,
另外一個原因係個客 budget 比較小,
係佢範圍內嘅客,
如果我連佢嘅客都做埋,
咁佢咪餓死囉.

同樣地,
我上司依家做緊我範圍嘅客,
我咪就嚟餓死囉.

Monday, August 20, 2007

牆頭草

我係家中的牆頭草.
在家庭大會當中,
我會充當 moderator.
一時企阿媽嗰邊,
有時又會幫阿爸.
總之最後皆大歡喜.

每件事件我都冇立場~
一人一句, 我就每人加多一句~
有我呢個無聊人,
所以我的家庭長期都好快樂!

家庭無聊事-1

媽在我身後: mud 你行路成隻八爪魚咁架!
我: 唔係, 我係度扮緊水母~
爹: 你應該扮馬桶.
我: 馬桶太容易啦! 你睇~

內聯網

我跟同事們都是無聊的人,
係風平浪靜的日子裡面,
我們無所事事.

突然,
有個衰到無可再衰的人出現,
為我地的生活平添色彩~
每日也引發起無數火花~

從而,
我發現:
公司有個好強勁的內聯網~
藤lung瓜, 瓜lung藤~~
一個傳一個,
公司的人對突如其來大大小小的是是非非,
特別的有興趣!

全部人表面都唔在乎,
但係事實上大家都靜觀著事態的發展.
而結果係如此的出人意表!

估佢唔到竟然唔做佢..
真失望~

Sunday, August 19, 2007

滿清十大酷刑

我很喜愛無聊到 yahoo! 知識+ 走一轉,
有很多奇怪但充實的知識.
這天我看到這個,
古時人的創作真係天馬行空,
都唔知點解咁都俾佢地唸到!

血腥暴力恐怖, 膽小者勿看:

.

.

.

.

.

.

.

.

.

.

◎剝皮
歷史上最愛搞剝皮的人是明太祖。由於他是貧民出身,最恨貪官污吏,一旦被他抓到貪污,下場通常就是剝皮,他即位之初,曾抓到一對父子貪污,震怒之下,下令剝皮。皮剝下來之後製成兩面鼓,掛在衙門口,以昭炯戒。
「剝皮實草」則是後來的事,並且有規定,貪污多少兩銀子以上就處以此刑。最早的剝皮是死後才剝,後來發展成活剝。剝的時候由脊椎下刀,一刀把背部皮膚分成兩半,從這裡撕開,慢慢用刀分開皮膚跟肌肉,像蝴蝶展翅一樣的撕開來...
另外還有一種剝法,不知道可信度多少。方法是把人埋在土裏,只露出一顆腦袋,在頭頂用刀割個十字, 把頭皮拉開以後,向裏面灌水銀下去。由于水銀比重很重,會把肌肉跟皮膚拉扯開來,埋在土裏的人會痛得不停扭動,又無法掙脫,最後身體會從從定的那個口「光溜溜」的跳出來,只剩下一張皮留在土裏...

◎腰斬
電視上的包青天,開鍘的時候我們看到的都是把人頭塞進去,刀起頭落,彷彿中國式的斷頭台。但是根據歷史上的記載,包青天那三把鍘刀其實是腰斬用的,也就是一刀下去,就要把人分成兩段。
由於腰斬是把人從中間切開,而主要的器官都在上半身,因此犯人不會一下子就死,斬完以後還會神智清醒,得過好一段時間才會斷氣。
明成祖殺方孝孺就是用腰斬,傳說一刀下去之後,方孝孺還能以肘撐地爬行,以手沾血連書「篡」字,一共寫了十二個半才斷氣,大家可以算算看一共要多少時間,而這段時間受刑人又得受多少苦痛。

◎五馬分屍
五馬分屍很簡單,就是把受刑人的頭跟四肢套上繩子,由五匹快馬拉著向五個方向急奔,把人撕成六塊。不要以為這沒什麼,要把人的頭跟四肢砍下來都得花不少力氣,更何況是用拉扯的。而受刑人身受的苦處更可想而知。真到撕開的時候,恐怕受刑人已經不會覺得痛苦。痛苦的是正在拉扯的時候。
另外常聽到的「大卸八塊」,通常是把人殺死以後,才把人的頭、手腳剁下來,再把軀幹剁成三塊。不過歷史上有一段記載,恐怕比大卸八塊還慘。
漢高祖死後,呂后把他的寵妾如意夫人抓來,剁去手腳,割掉鼻子耳朵舌頭,眼睛挖出,丟在豬圈裡餵養,取名「人彘」。結果呂后自己的兒子看到,給活活嚇死...

◎凌遲
說到凌遲處死,那可就不簡單了。以前聽人家罵「殺千刀的!」意思就是詛咒這個人給凌遲處死。最早是把人殺死之後再剁成肉醬,稱為「醢」,受過此刑的記得有子路,還有周文王的長子伯邑考。
後來發展更加精細,目的還是要讓犯人受最大的痛苦,因此不但是活的時候施刑,還要求受刑人必須身受多少刀以後才死。
據說發展到後來,每次凌遲要由兩個劊子手執行,從腳開始割,一共要割一千刀,也就是要割下一千片肉片才準犯人斷氣。而據說犯人若未割滿一千刀就斷了氣,劊子手也要受刑。
而受此刑最有名的人就是大太監劉謹,聽說一共割了三天才讓他斷氣……而最慘的是明末抗清名將袁崇煥,因爲崇楨皇帝中了反間計,誤以爲他通敵賣國,判他淩遲處死,行刑前以魚網覆身(讓肌肉突出以便下刀),游街示衆,被北京城無知的民衆沖上前去,把他的肉一塊一塊咬下來...那種心理的痛恐怕遠高于生理的痛。

◎縊首
在國外,絞刑是普遍使用的刑罰。在國外來說,多半是使用絞刑台,絞刑台的構造是在受刑人腳站的地方有個活門,等繩子套好,活門一開,受刑人就兩腳懸空。
不過這樣子處死的受刑人通常不是窒息而死,而是因為頸椎被拉斷了,因此不會死得太痛苦。三毛就是這樣自殺的,據說這樣子自殺,只需要13公分的空間就足夠把頸椎拉斷。不過,中國人就沒那麼人道了,中國人的絞刑是用弓弦縊殺..就是把弓套在受刑人脖子上,弓弦朝前,行刑人在後面開始旋轉那張弓。弓越轉越緊,受刑人的氣就越來越少,最後終於斷氣...

◎請君入甕
「請君入甕」這句成語也是從酷刑來的..那是唐朝時代,武則天當皇帝的時候,朝中有位酷吏叫來俊臣,崇尚嚴刑峻法,對不肯招供的犯人往往以酷刑對待。
方法是找個大甕,把人塞進去,然後在甕下面用柴火加熱。溫度越來越高,受刑人也越來越受不了,如果不肯招供的話,往往就被燒死在甕裡...
後來武則天聽說了這件事,就把來俊臣找來,問他犯人不肯招供要怎麼辦?
來俊臣很得意的把這個方法說了出來,武則天就淡淡的說了句:「則請君入甕」,把來俊臣燒死...

◎閹割
談酷刑,大概絕對不能不談閹割。而中國的歷史上,有關閹割的東西可以寫成一本書。閹割的歷史非常久遠,有簡單的有複雜的。
簡單的就像阿拉伯人,只要犯了強姦罪,人家就會幫你準備一塊木坫,叫你把小弟弟擱在上頭,然後一斧頭剁掉。
複雜的就像中國人,由於代代都要靠宦官來服伺后妃(以免皇帝戴綠帽子),所以閹割的歷史久遠。中國人的閹割可講究了。
首先要拿繩子把小弟弟綁起來(包括子孫袋)讓血液不流通,自然壞死,然後拿利刃一刀子割掉(全部喔!不是只有小弟弟)。
割掉了以後拿香灰一蓋,止血,還得拿根鵝毛插在尿道裡。等過了幾天把鵝毛拿掉,如果尿得出來,閹割就算成功了。要是尿不出來,這個人就算廢了,大概最後會死於尿毒症吧。所以如果是要閹來當宦官的話,最好趁年紀還小就閹掉,年紀大了危險性高很多。

◎刖刑
關於刖刑,大家的說法不太一樣。有人說是把膝蓋以下都砍掉,也有人說是把膝蓋骨削掉,以後者比較可信。總之,刖刑是一種類似截肢的酷刑。
戰國時代,孫臏受師兄陷害,受的就是刖刑。聽說他名字本來叫孫賓,受刑之後,才改為孫「臏」。如果是把膝蓋骨削掉,大腿小腿之間失去了保護,這個人可能連站都站不起來,要出入行走都得靠柺杖。

◎插針
用插針當酷刑?沒錯,人身上有幾個地方,針插下去可是會哭爹喊娘的。插哪裡呢?插手指甲縫。俗語說:「十指連心」,被針插進指甲縫可會痛得椎心刺骨,不信你試試看。
以前這招也是用來逼供的,不知道為什麼,特別喜歡用在女生身上,有可能是因為女生的忍耐力比較差吧。不過也聽說女生耐痛的能力比男生強,生孩子那種痛都撐得過來,男生絕對沒辦法。
這種酷刑很早以前就有人用了,很多筆記、小說裡面都有提過。而且現在還有人在用。

◎活埋
活埋是戰爭時常用的手段。因為省力,速度也快。對日抗戰時,日軍就常用這招,另外一些第三國家的游擊隊也常用,所以常常有新聞報導在什麼地方又發現千人塚....
中國的酷刑中,活埋古已有之。過沒聽過有什麼名人受過這種刑罰。比較狠一點的,會把人直挺挺的埋在土裡,只露出一顆頭,然後開始凌虐..

◎服毒
服毒大概算是酷刑之中唯一比較人道的方式..中國古代的毒藥中,最有名的應該是「鴆」這種毒藥,成語中的「飲鴆止渴」便是源自於此。
據說這是一種鳥,鳥的羽毛含有劇毒,只要把羽毛泡在酒裡,立成毒酒,飲之立斃。其次應該就是砒霜。這種毒藥中外皆有使用,以前拿來毒老鼠,當然,要人死也是很好用的。而且據說砒霜沒有什麼特別的氣味,長期少量加在飲食中人注意不到,自然一步步被毒死....

◎棍刑
這裡要說的棍刑,不是用棍子打人。
這裡說的棍刑,是拿根棍子直接從人的嘴裡插進去,整根沒入,穿破胃腸,讓人死得苦不堪言。歷史上沒有看過用這種刑罰的記載,不過金庸小說「俠客行」裡有提到,還給這種酷刑起了個美名叫「開口笑」。
另外紅樓夢裡,尤二娘「吞金」自殺,就是類似的原理,利用金子的重量,吞進去之後,也是穿破胃腸而死。
這種酷刑還有變形,就是對待淫婦用的「木馬」。(滿清十大酷刑那部電影裡有)也是拿根木樁,從下體插進去,由於木樁在木馬上,人又坐在木馬上,身體的重量會往下落,木樁便會慢慢穿入,也讓人死得很慘...

◎鋸割
把人用鐵鋸活活鋸死,其慘狀似乎與淩遲、剝皮也在伯仲之間,難怪在地獄酷刑中,就專門有把人鋸開的酷刑。鋸割刑罰的慘像,千百年來在人們心中形成一種十分恐怖的陰影,使人畏懼震驚。

◎灌鉛
這種酷刑,就是用鉛或錫灌入受刑人的腸子裡,錫的熔點是攝氏二三二度,鉛的熔點是攝氏三二七點四度,無論灌錫或灌鉛都能把人燙死。而且溶化的錫或鉛一入肚腹就會凝固成硬塊,這種重金屬的墜力也能致人死命。

◎梳洗
這裡說的梳洗並不是女子的梳妝打扮,而是一種極殘酷的刑罰,它指的是用鐵刷子把人身上的肉一下一下地抓梳下來,直至肉盡骨露,最終咽氣。梳洗之刑的真正發明者是朱元璋。
實施梳洗之刑時,劊子手把犯人剝光衣服,裸體放在鐵床上,用滾開的水往他的身上澆幾遍,然後用鐵刷子一下一下地刷去他身上的皮肉。就像民間殺豬用開水燙過之後去毛一般,直到把皮肉刷盡,露出白骨,而受刑的人等不到最後早就氣絕身亡了。

參考資料:
http://tw.knowledge.yahoo.com/question/?qid=1305093012157
http://hk.knowledge.yahoo.com/question/?qid=7007010803541

酒醉三分醒?

酒後吐真言嗎?
我常常思考這個問題.
不過我從來得不到答案.

有人說是真,
但大部份的人都說假.

我不知道應否相信?
那些說話是真的嗎?
是一個諾言嗎?
那些是你心目中的秘密在你放鬆的一刻透露嗎?

那天所說的,
是真的嗎?

Saturday, August 18, 2007

導火線

這是甄子丹同古天樂主演的電影,
仍然係男士主導的打架警匪片.

出奇的少戲院上映,
銅鑼灣只有總統戲院.
套戲亦出奇的好睇!

打架場面豐富,
絕無冷場,
拳拳到肉!

不過最衰好似成龍嗰隻個人英雄主義太強烈.
全場不停見到甄子丹, 好煩~

官方內容簡介:
馬軍與黑幫的白熱化對抗中,華生臥底身份被揭,險些送命。渣哥為了脫身,一夜間消滅所有証人、証物。渣哥判刑前一晚,隻剩下唯一証人華生。阿虎冒死前往殺之,馬軍以一敵三,在狹窄的電梯空間跟阿虎死斗,阿虎最后被殺。馬軍雖保華生一命。但華生因女友被抓走,被迫隱瞞馬軍離去。宣判日來臨。華生雖現身,但卻以失憶理由,讓渣哥無罪釋放……華生獨自離去贖回女友。馬軍心知阿虎死在警方手上,Tony不會放過華生。即把目標落在渣哥身上,威脅作人質,跟Tony交換華生...

友人說閱讀完我的部落格,
comment: 很悶.
以為可以從中了解我多一點,
但內容太無聊,
不能了解什麼.

從我的部落格中,
可以知道我去過邊度食飯,
可以了解我的朋友,
可以體會我的工作,
但係想了解我,
有點困難.

在部將格中所寫的,
只係生活鎖事, 同埋工作的無聊事,
因為內容主要都係我每日所見所聞.
內容悶,
因為我係一個悶人~

而冇你份的原因,
因為呢幾個月都冇見過你囉, 呵呵!~

Friday, August 17, 2007

蝴蝶

同學們很期待這篇文章的出現,
為著大家的會心微笑,
我決定唔理自己的安危為大眾服務~

每個人都有自己的風格,
她愛 OL 裝扮,
她是屬於黑.白.灰,
她呢? 等於蝴蝶.波點.間條~

今日同大家上一堂科學:

根據教科書記載:
蝴蝶是屬於完全變態的昆蟲,
牠的一生要經過四個時期,
即卵、幼蟲、蛹、成蟲期,
每個時期的形態差異相當大。

蝴蝶未變形之前係間條的蟲,
再之前係代表波點的卵,
蝴蝶每個禮拜都會輪迴,
好似小學科學書咁.
波點-->間條-->蝴蝶.
我們蝴蝶的特徵係一個禮拜可以完成完全變態的一生.

reference:
http://turing.csie.ntu.edu.tw/ncnudlm/guide_static/Bfly_Life/index/Life_index_1a.htm

長劇

我係度追緊長篇連續劇,
點解個奸角仲未死?

我等咗好耐啦~

Thursday, August 16, 2007

庶民

這是另一個飛上枝頭未能變鳳凰的故事.
老闆給你多一點工作,
俾機會你上位,
不成功便成仁.

其實當你老闆想下放權力的時候,
佢會先俾機會去測試一下你的能力,
佢會俾一啲你未做過又或者難度比較高的事情你去做.

成功的你可以平步青雲,
失敗咗好大機會打入冷宮, 或貶為庶民.

同時,
機會來臨的時候,
你要保持冷靜.
切忌囂張. 忌擺款.

一來唔成功的話,
作為庶民, 你只會得到一沉百踩的下場.
成功的話,
謙虛的你得到人緣,
做起事情也方便一點.

回歸平民世界的你,
工作驟減, 快樂嗎?

誤交損友

這是一個誤交損友的故事.

如果唔係佢,
你地所偽做的 listings 未必會俾人發現,
你地出去玩冇人會理你,
你地去食煙理得你食到生 cancer,
你拍拖可以愛到天昏地暗.
就係一個害群之馬!
佢真係正牌的鉈衰家兼累街坊!

最厲害係佢可以已經被盯上了而不自知,
真有個人風格!
你想死唔通唔俾你死咩....

穿紅靴的貓

昨天跟同學們看了'穿紅靴的貓'.
(雖然都畢業咗手指都已經數唔晒的時間, 但係都習慣咗叫佢地同學.)

講番'穿紅靴的貓',
普通啦, 唔太好不過都唔太差.
因為係兒童戲,
某啲位要好詳細的解釋,
結果悶咗啲囉.

阿爸每一年係平安夜都係公園仔等阿媽,
雖然阿媽唔記得,
你提醒佢吖,
話佢知你仍然等緊,
終有一日,
佢會黎架.

你去等一個人,
你會知道原因.

Tuesday, August 14, 2007

我對賭錢這玩意興趣一般.
蠃咗我唔會太興奮,
輸咗亦都有限數目.

可能我賭得唔大,
可能我自律,
可能我對錢銀不太着緊.

我會久唔久買六合彩,
最叻都係電腦飛中四個字, 有$320.
(一次咁大把)

打麻將興趣大啲,
因為玩的時間長啲,
又可以一班人打牙較.
雖然坐得耐會膊頭痛,
但耐唔時一次都可以嘅.

去賭場的興趣係零.
賭波同賭馬的興趣都係零.

通頂

有幾個世紀冇通頂啦.
通頂真係年青人的玩意,
幾廿歲人真係自己知自己事....
一個通頂起碼要瞓番三日!

皮膚質素差咗啦,
黑眼圈又大咗啦,
朝早要補番瞓覺,
夜晚又瞓唔到..

死屍一樣...
唔好再要我通項!

月中

我公司有大大小小的獎賞制度,
當冇數的時候,
得到幾百蚊幫補收入其實都幾好.

由於小弟呢期忙於 data entry 搵錢,
又唔夠得閒唸吓創作靈感,
所以都唔能夠一日寫幾篇 blog 啦.

過多一個禮拜啦,
i will be back!

Saturday, August 11, 2007

睇相

當一個人感到停滯不前, 前路茫茫的時候,
總會想到求神問卜.

我個人幾鐘意睇相,
因為我好想知道我的未來.
知道係順景的,
我會覺得自己好幸運.
如果係逆景,
咁都有個心理準備.

去算命的時候我唔需要你話我知我父母雙全或者有幾多個兄弟姊妹.
我想知道:
我幾時行大運?
幾時死?
會唔會有大病痛?
適合的職業?
能否創業? 幾時?
會唔會好有錢?
幾時退休?
升職? 定轉工好?
幾時結婚?
對象如何?
感情如何?
佢旺唔旺我?
有幾個小朋友?
父母健康?
與家人緣份如何?

你地又想知什麼?

20 30 40

有線播緊張艾嘉的'20 30 40'.
一套我幾鐘意的戲, 因為寫實.

我覺得我好似當中代表30的想想.
當中劉若英亦是我很喜歡很有氣質的女演員.
(我的評審是要有氣質, 有智慧, 而不是一般的美.)

廿幾歲人,
一事無成.
唔知自己要什麼,
只知自己唔要什麼.
只顧享受, 不善理財.
返一份自己唔係太喜愛的工.
但係又驚轉工所要承受的變動.
百無聊賴, 渾渾噩噩.
時間慢慢的流失了.

八號風球後記

八號風球最後都打得成,
得到半天的假期, 很悠閒,
我在家打機度日.

轉掛八號的時候,
我在中環跟客人睇樓,
離開時已三點多.
在半山的我,
找不著一輛的士接載.
幸好只下微微雨.
到達地鐵站,
我從未見過中環地鐵站咁多人!!
因為地鐵公司將某些扶手梯及閘口鎖上!!
醒目的我立即走到另一個沒有鎖上的閘口極速入閘!
車都唔洗等就可以返柴灣啦~

原本我跟同事約定在金鐘一齊離去,
但係其他乘客已經急不及待的迫入車廂,
我係零機會走出金鐘...
好似上唔到車留係金鐘會死咁~

車廂內你會聽到:
我想落車!
唔好迫入黎!
冇位啦!
但係大家都話之你~
我係裡面迫死咗...

Friday, August 10, 2007

我的無聊朋友

大家應該好奇怪,
返工咁無聊,
日子係點過架呢?

除咗同我一樣咁無聊的同事之外,
我仲有一班無聊的朋友.

唔知點解?
有幾個成日有 half-day off?
有個全世界最無聊的就返四日放七日?
有個放暑假?

總之,
要食飯要出街,
一個禮拜內一定成行!

日子雖然無聊,
但一行人的無聊,
總好過一個人的無聊~

願我地以後都繼續一齊無聊!

Thursday, August 9, 2007

打風

很期待的八號風球沒有來臨,
真失望!
只想放多日假...

其實我好憎八號風球.
唔鐘意落大雨囉!
出街又無嘢做..
係屋企又悶....
落大雨又嘈!!
風聲又煩~

但都係嗰句:
無嗱嗱有日假期都好似幾開心嘅~

創業

早兩日,
爹無端端問我: 你創業未?
我說: 我想開補習社.

其實,
我暫未有想太多.
只是間中留意一下生意經,
知道多點市場消息,
但係依家開始,
是好時機嗎?

該是時候認真的考慮一下.

你說: 條數你要俾我幫你睇喎.
這個是理想當然的,
數字與金錢,
一向都係你負責架啦~
不過你主動提出,
我梗係老實不客氣.

Tuesday, August 7, 2007

水種小草

我不太愛花. 花的生命太短暫.
(當然虛榮感作祟:久唔久收到花都好開心嘅~)

我比較愛草.
綠油油的, 感覺寫意.
小時我非常喜愛文竹,
不過每次都係枯黃收場,
失敗過多次之後, 我便放棄了.

現在只愛水種小草,
方便打理, 亦較土種整潔,
小草生命力強, 常常生出綠色的小葉片,
葉片亦會跟著太陽的方向而改變, 很有趣.

'草樣' 日日不同,
見到佢又長出新的葉片, 好高興~

我想你活得好

愛情消失了,
并不代表會變成恨.
不能攜手共行,
這是一種無奈吧.

當初窩心的你,
佔據著全部的你,
今日并不屬於我.

偶爾會收到你的消息,
知道你過得安好,
我會為你感到快樂.

我希望你:
身體健康.
事業順景.
兒女孝順.
開開心心.

曾經相愛過的你,
你好嗎?
我知道一定很好的!
我, 也很好!

why blog?

一向有寫事記.
事記係日記的一種.
只係好有心情或發生大事才會記下.
唔開心的事唔會寫, 因為翻睇的時候會心痛.
無聊的事唔會寫, 好似會浪費紙張.

部落格可以寫下生活點滴.
勁無聊的都可以記低,
文章上網又唔浪費.
係呢度可以分享心情同事情.
朋友們又可以了解我的生活.

hey friends, 我今日幾好.

Monday, August 6, 2007

君頤上海小廚

有日阿哥返咗黎,
問晚飯食什麼?
我原本想食銀針粉..
佢話寧願請我地出街食...

近近地去咗太古城.
呢度原身係翡翠拉麵小籠包.

叫咗:
~ 當然有小籠包 - 非常有水準, 皮薄肉鮮, 必食.
~ 鳳尾魚 - 新貨, 我兒時上海舗至愛(因為又脆又甜~),呢度出奇的好食, 新鮮熱的, 勁脆, 炸嘢當然係脆先好食!
~ 蔥油餅 - 熱哄哄的, 好鬆脆, 好食.
~ 甜品是高力豆沙 - 豆沙我麻麻地, 個皮都ok.

仲有其他不過唔記得啦....

但係呢度真係又平又好食,
係熱咗啲囉...

君頤上海小廚
地址: 香港太古城寶安閣地下G510-511舖
查詢電話: 2568 9989
菜式 : 上海菜

創發潮州飯店

尋晚去創發食飯,
係爹喜愛的潮州打冷.

三個人叫咗家常小餸:
前'魚倉'魚
胡椒豬肚湯
粉絲紹菜
清心丸綠豆爽
清心丸薑薯
埋單二百幾~

我主要想講清心丸!!
我好鐘意食清心丸, 呢度嗰啲好爽脆. 煙煙韌韌的.
有啲似珍珠奶茶的珍珠, 但更脆~
試過買新鮮的自己整都整唔到(自己煮到淋bebe).
所以我次次都食兩碗~
薑薯清啲.
綠豆膩啲.

創發潮州飯店
地址 : 九龍城城南道60-62號
電話 : 2383-3114
菜式 : 潮州菜

Sunday, August 5, 2007

娘話佢尋日問阿哥:我煲咗湯喎, 你今日返唔返黎呀?
哥: 你煲咗 mud 嘢湯?
娘: 冬瓜...
哥: 咁你下次煲草(冬蟲草)先啦!

我: 下次煲夏枯草!
爹: 係鷄骨草!

由於太無聊, 我想到好多押韻的字....

植物部有含羞草及小麥草.
煲湯落蜜棗.
補血用紅棗.
新年見到笑口棗.
潮州人食蟹棗同蝦棗.
作文要寫稿.
彈琴要睇樂譜.
唔鐘意 volvo.
個款有啲土.
收工要早.
生仔就趁早.
最憎人勾二嫂.
史匹堡係猶太佬.
我最鐘意係吳彥祖.
想你繼續當我係寶.
一齊買個小島.
so?

我係聾貓~ 各位好!

室內攀石

今晚做了一個新嘗試,
我去咗攀石~
係室內爬牆嗰隻~
好新奇, 都好好玩!
我唔鐘意做運動, 但係我鐘意刺激.

首先,
要讚賞 ling 同學啦,
因為佢今日第一個到兼準時. (請鼓掌!!!)
(題外: 今日係陳生約嘅..)
(題題外: 我同林芍芍都遲到囉, 都係十分鐘內到達(如果唔提呢樣某同學會指責我架..))

講番攀石~
一開始會同大家講解一輪準備事宜,
攀石安全同如何結繩兼穿著 gri-gri (裝備名稱).
一個人爬(climber), 一個 partner (belayer)係下面做輔助.

第一次上去有啲驚,
好似好高同危險.
仲要我個 partner 係雙手唔協調嘅佢~ (再開名你地就要做帛金俾我架啦..)
不過大家都係第一次,
鷄手鴨腳少不免喇~

第二次再上,
要 free fall 跳落一米左右,
好好玩.

今日上嘅係 Introductory course
最後要通過評核測試, 要爬另一面難啲嘅牆,
好緊張!!
牆上的輔助膠細隻啲同埋要 "lum" 大步啲囉~
但係要 pass 一啲都唔難嘅!

考完試見仲有時間,
再上!
目標係上到最高,
雖然已經好攰! 雙手已經無力...
到左一半已經好想放棄,
但係又好想爬一次到最高嗰度喎.
結果靠意志力支撐到最後~
好勵志的活動!!

好想再去玩!
我會再學 Elementary course 囉~
http://www.ymcahk.org.hk/member/html/indoorclimbingfac001c.htm

差啲漏咗件好重要嘅事! 個助教幾靚仔架!
ling 話有啲似 Edison (木獨+正氣+大隻版)
我就覺得佢有啲似靚仔版許孟哲(台灣組合5566成員).

後記: 林芍芍都話好似許孟哲, 唔似 Edison, 呵呵~~

Saturday, August 4, 2007

Beauty Forever

很懷念泰國的Spa,
昨天去中環試了一個很抵的package.

$388
八項事宜!
玩咗四個鐘~
三個人去, 全獨立房.

1. 韓式杏子嫩白面部保濕療程
不過做完又唔覺白又唔夠濕, 建議試其他療程.
包括針清同修眉, 非常有心機.
2. 韓式嫩膚磨砂護理
磨砂冇特別, 但奇怪在係最後至磨砂囉?
3. xx風呂
我唔方便, 冇做風呂, 但係我見環境好靚.
轉咗做腳部護理, 搽好多 cream 然後包住.
(但本身對風呂熱情一般, 一個人係自閉房入面浸浴好悶..)
4. 45分鐘淋巴排毒按摩
呢個係最期待的! 很舒服呵~
令我好有衝動去買一個 package!!!
5. 眼部滋潤護理
熱的 eye mask, 好似血液循環都好啲.
6. 滋潤手部護理
即係手部巴拿芬蠟, 普通嘢.
7. 頭髮深層護理
蛋白焗油喎, 洗嘅時候好滑, 可能冇用機, 之後就又係咁囉.
8. 排毒香薰耳蠋護理
我鐘意做耳蠋, 隻耳仔好似好乾淨咁~

服務超好!
一到俾杯五花茶(有得添飲~),
走的時候再整個冬瓜湯!

都會 sell 你 package,
不過都算 reasonable price~
同埋個小姐都唔過份,
仲全程都勁好笑容~
小姐 sell 我 package,
45分鐘淋巴排毒按摩
買十次送十次, $4000.

可以一試~

Beauty Forever
中環安慶大廈四樓 (呢間新架~ 今年四月至開)
http://www.beautyforever.biz.com.hk/ch/p2.htm

Friday, August 3, 2007

歧視

ling 一定係歧視我..
係日本嗰時阿媽係度佢日日都早到..
尋日老師約佢十點佢都冇遲到..
我今日約佢兩點, 佢一點八都仲未出門口..
次次約佢都唔準時..

一定係我唔夠惡.
一定係我對佢太仁慈.
一定係佢歧視我.

我嬲!

歡迎留言提供讓你的朋友唔遲到的方法!

周遊列國


從 ling 的部落格見到這個世界地圖, 幾得意.
它可以展示你曾到過的國家. 我還有很多地方沒有到過呢!

http://www.world66.com/myworld66/visitedCountries

Thursday, August 2, 2007

我從網上得到的命理分析

命宮三方四正的主星和福德宮主星列表:
命 宮: 廉貞星、破軍星
事業宮: 武曲星、貪狼星
財帛宮: 紫微星、七殺星
遷移宮: 天相星
福德宮: 天府星
你的命宮主星:
A. 你的命宮主星有廉貞星與破軍星,這代表你的個性與行為,會受這兩個主星所影響。另外一方面,兩個主星也會互相影響。
B. 破軍星是甲級星,影響力最大;破軍屬水,北斗第七星。在天為殺氣, 在數為耗星,化氣曰耗。破軍星代表不顧一切勇往直前、先破壞再建設、投機冒險。引自《清朝木刻.陳希夷紫微斗數全集》。
C. 廉貞星是甲級星,影響力最大;廉貞屬火,北斗第五星,化氣為囚。廉貞星代表公關、交際、應變、保護自己也保護別人。引自《清朝木刻. 陳希夷紫微斗數全集》。

關於你的個性:
A. 廉貞星重視人際關係以及想要保護自己,而破軍星具有不顧一切勇往直前的特質,這兩個星曜在一起,在執行力與人際關係方面,有互補的特色。這兩個星曜會影響你的個性與能力。
B. 破軍星命在宮的你個性方面主動積極,喜歡接受當挑戰。但是卻比較剛硬,吃軟不吃硬,佔有慾較強。有主見,對於自己認定的事情不太可能改觀。
C. 你個性比較衝動,思慮較不細膩,對於喜惡的反應比較直接,不善於拐彎抹角。
D. 對於自己或是所處的環境只要認為不妥當,就會想要改變他們,希望變的更好。
E. 比較以自我為中心,不喜歡被限制的感覺。
F. 廉貞星在命宮,你會希望表現自己良好的一面,好讓自己得到別人的讚美。對於自己的表現無人回應,或是別人認為你表現的很差,會讓你覺得難堪,並且會想辦法反擊,替自己辯解。
G. 你會重視人際關係的發展,因為你知道把這些關係處理好,才能讓自己更有發揮的空間。
H. 你內心深處的秘密與想法,不會輕易讓人發現,非常重視個人隱私權。
I. 你的內心深處是以自我為中心,但卻又非常重視人際關係的好壞,這兩者之間存在著矛盾與衝突,所以常常會讓你有人前一個模樣,人後又是另一個模樣的情況。
J. 你的反應能力不錯,面對突發狀況,你會在遵守規定、合情合理的條件之下,找到一條適合的方法去解決問題。
K. 你對於設計、技術、藝術、美術方面,有天份。經過開發與磨練以後,一定可以成為不錯的人才。

關於你的行為:
A. 廉貞星在命宮,你做事情的態度很謹慎,而且不會給人一種咄咄逼人、自以為是的感覺。因為如此,往往會讓其他人相信你的辦事能力,也願意跟你交朋友。
B. 你的處世以圓融為主,不管做哪一種事情,都會要求自己把任務完成,而且也要把相關的人、事、物之間微妙的關係處理好,才會讓自己覺得 有完成任務的快感。
C. 一件事情如果破壞處世圓融的原則,你會去做的機會很小。如果去做了,自己心中會有愧疚的感覺。
D. 你善於觀察細微的事情,揣測別人的想法,所以你對於外交與公關有一定天份,經過開發與訓練以後,一定可以展現你的能力。
E. 你對於自己的言行舉止,會比較小心謹慎。說話之前,會在腦子裡面轉一圈,才說出口。做事之前,會考慮對自己或是其他人有沒有害處。因 為這樣,你比較少得罪其他人。
F. 破軍星命宮的你做事海派,對於心中想要做的事情,會不顧一切把他完成。這是破軍星的優點,也是他的缺點,如果為了有意義或是正確的事情不顧一切、努力到底,那收穫一定不少,也會得到大家的讚美。相反的,要是所作所為有了偏差,那就容易有反效果。
G. 你希望能夠承擔重要的任務,對於開創環境與事業會比較得心應手,太過於平淡與安逸的生活會想要改變。
H. 命宮的三方四正遇到左輔星或是右弼星其中之一,代表你的人際關係處理的不錯,做事有手段,交際手腕有一套,經過人生的磨練後,一定會更精明幹練。遇不到左輔星或是右弼星,基本上來說一切都要看自己,也比較以自我為中心。

關於精神與物質的享受:
A. 命宮有破軍星,代表你的個性剛硬果斷,喜歡接受生活上的刺激與挑戰。而天府星在福德宮,代表你在奮鬥的過程當中,其實身心方面是很穩定與平衡,對你而言,只有在具有挑戰與刺激的環境當中,才會讓你覺得比較適合。
B. 你不喜歡錯綜複雜,繞來繞去的事物,如果要處理的人、事、物比較偏向這種,會帶給你在精神上不愉快,也覺得身心都很疲累。從事直接、單純的事物,才會讓你覺得自在。
C. 天府星在福德宮,代表你在辛苦打拼以後,你會得到豐厚的物質享受。
D. 六吉星在福德宮的三方四正越多,對於自己的身心上的滿足與穩定性越大,財運的開創也較好。六煞星越多,則情況相反。

四化星分析
你的事業宮出現化祿星
A. 說明: 化祿星是甲級星,在四化星裡面,是最好的一顆化星,直接代表「順利 」、「吉祥」、「豐收」、「好運」等意思。
B.分析: 化祿星出現在事業宮代表容易有下列一種至數種的現象:
a. 化祿在事業宮,會帶來事業與學業方面的順利。
b. 重視自己事在事業與學業各方面的表現。
c. 事業心比較強,對於成就一番事業很執著。
d. 自己會把事業或是學業,當成人生追求的目標。
e. 加強事業宮主星的力量與優點。
f. 因為你的事業宮出現化祿星,所以也會帶來你在命宮、夫妻宮、財帛宮的順利。
g. 只要方向對,自己也肯努力,在做任何事之前,能分析清楚目前的局 勢與將來的規劃,做出決斷與執行,這樣成功的機會就能他人來得大。

你的田宅宮出現化權星
A. 說明:化權星是甲級星,在四化星裡面,是優點較多的一個化星,直接代表「 穩定」、「堅定」、「掌握事物」、「權勢」。
B. 分析:化權星出現在田宅宮代表容易有下列一種至數種的現象:
a. 對於不動產方面的事物,比較有控制的慾望。
b. 重視對家居生活的擺設與品質。
c. 增加不動產方面的穩定度。
d. 增加田宅宮主星的力量與能量。

你的田宅宮出現化科星
A. 說明:化科星是甲級星,在四化星裡面,是優點較多的一個化星,直接代表「好名聲」、「外貌好」、「有知名度」、「表現好」等意思。
B. 分析:化科星出現在田宅宮代表容易有下列一種至數種的現象:
a. 你喜歡美化房子的裝潢。
b. 增加不動產的穩定度。
c. 加強田宅宮主星「向善」、「求表現」的力量與能量。

你的疾厄宮出現化忌星
A. 說明:化忌星是甲級星,影響力最大。化忌星在四化星裡面,是麻煩最多的一個化星,直接代表阻礙、停滯、不順利、阻擋、事倍功半。
B. 分析:化忌星出現在疾厄宮代表容易有下列一種至數種的現象:
a. 體質較虛弱。
b. 不常運動的話,容易生病。
c. 健康方面常常會讓你比較擔心。
d. 容易為疾病所煩惱。
e. 因為你的疾厄宮出現化忌星,所以也會間接影響到你在田宅宮、兄弟宮、父母宮的不順利。

命宮三方四正的總格局分析主星總格局分析:
A. 你的命宮主星有廉貞星、破軍星,事業宮的主星有武曲星與貪狼星,財帛宮的主星有紫微星與七殺星,遷移宮的主星有天相星。
B. 你命宮三方四正的格局,是由第一類與第二類,這裡種星群所組成,其中,第一類星群的星曜,佔了4/5,第二類星群的星曜,全部具備。
C. 在紫微斗數裡面,命宮、事業宮、財帛宮、遷移宮只要各有一個主星,就算是不錯的情況,而你命宮的三方四正裡面,主星有七個,是最強勢的組合,這代表你具有承擔事務的潛力。
D. 你的自信心很強,認為自己有一份優越感,而且也願意努力去實行,認真、努力、不服輸是你最大的特色。因為以上的關係,你是屬於文武兼具的格局。
格局越大的人,就越想要站的更高、飛的更遠,所以你必須要找到一個 寬廣的舞台,讓你盡情發揮。如果找不到這樣的舞台,或是找不到適合 你演出的角色,反而會讓你有一種龍困淺灘的感覺。

六吉星與六煞星列表:
六吉星:天魁星
六煞星:無六煞星
六吉星與六煞星的解釋:
你的命宮三方四正有天魁星。
˙ 天魁星在紫微斗數裡面,是貴人星,直接代表有貴人相助。天魁星比較偏向陽性,同性的貴人居多﹔或是讓你直接得到的貴人的相助。
˙ 貴人相助的含意很廣,可能是金錢、物質、朋友的安慰、長輩的提攜、 同學的幫助、陌生人的幫助…,範圍很廣。廣義的看待貴人星,就是當你有困難的時候,會有貴人幫助你渡過難關。或是你能靈機一動,找到解決困難的方法。
˙ 你對自己有信心,而且心地善良,願意幫助有困難的人,並且不會要求回報,因為常常累積福報,所以在你需要幫助的時候,每每往往都有貴人出來幫助你。
˙ 遇到天魁星,代表你的機會,總是比別人多一些,無論求學、就業、或是升遷,運氣總是比別人好。
˙ 天魁星是比較正派的星曜,只有從事正當的事情,才會有貴人相助。天魁星的貴人相助,可以比喻成『非洲大草原在經過長時間的乾旱之後,突然下了一場大雨,讓萬物獲得珍貴的水源』。貴人相助人人都愛,但是這種幫助其實都只能解一時之危,人生的夢想與目標,還是要靠自己才能有所突破。
˙ 天助自助者,這句話很適合天魁星,在這十年當中,如果你遇到困難不去找解決的方法,反而認為有天魁星的幫助,一定有貴人出來助我,那麼你的貴人看到你的模樣,跳出來幫你的機會,也相對的減少了許多。 要記住『窮則變、變則通』的道理與涵義。

你的命宮三方四正沒有遇到六煞星
˙ 這代表你的能力、才華、優缺點,不受六煞星所影響。

你的命宮三方四正煞星遇到0-1個
˙ 你命宮中的三方四正(命宮、事業宮、財帛宮、遷移宮),遇到煞星0-1 個,代表你是一個安分守己的人。
˙ 你的星群結構屬於有責任感,行動力強,衝力大,喜歡變化與刺激,並且想要表現自己,贏得大家的肯定。但是因為少了煞星的激發,所以你的行動力稍嫌不足,喜歡在穩定的環境當中成長,對於太困難或是複雜的事情會逃避。
˙ 少了煞星的激發,這種星群的衝力也就減弱了很多;煞星少,代表身心與環境的衝擊力量小,所以磨練不出自己的韌性與冒險犯難的精神 。
˙ 如果你想在工作崗位上,能夠有所表現;或是想要開創屬於自己的天地,那你一定要把上面的缺點改進。潛能是可以激發出來的,給自己一個機會,去挑戰你想要追求的目標,不要害怕自己的能力不夠,或是害怕失敗,當你完成你的目標以後,你的人生視野,一定會更寬廣。

你的命宮三方四正沒有遇到左輔星或是右弼星
˙ 你的命宮三方四正裡面,沒有遇到左輔星或是右弼星,就代表你會比較擅長單打獨鬥,不太擅長指揮團體作戰,主觀意識很強,不會隨波逐流,不喜歡被高壓的方式領導﹔遇到認務與事情,不太會去交給別人做,認為自己來做會比較可靠與安心。
˙ 少了左輔星與右弼星這樣的左右手來協助你完成任務與目標,所以你的作事態度會比較屬於『事必躬親』型。在人生的旅途當中,有些事必須自己來做才會有成果,絕對不可假手他人﹔有些事比必須懂得群策群力 ,才會有功效。如何在這中間取得一個平衡點,就必須要靠你的智慧去 思考,才會有答案。
˙ 你要多了解一下自己強的地方在哪裡,弱的地方在何處﹔發揮自己的長處,並且減少自己的短處,那麼人生才會有更多發揮的空間。

工作能力分析詳細的分數表:
●規劃與組織技巧:77
●文字與口語溝通的技巧:77
●決策、督導、管理與領導的技巧:80
●財務管理的技巧:87
●批判思考與分析的技巧:80
●問題解決的技巧:84
●衝突管理的技巧:73
●團隊工作的技巧:73
●倫理與容忍的技巧:73
●個人與專業管理的技巧:75
●資訊管理的技巧:74
●研究與探索的技巧:80
●人際關係的技巧:73
●壓力管理的技巧:84
●創意能力的技巧:75
●承擔事物的能力:84

貼心小建議
˙ 破軍星命宮的人在忍耐這方面的功夫比較差,很容易就爆發出自己的脾氣。小不忍則亂大謀,忍耐是成功必備的關鍵性格之一,學會忍耐的功夫才能在人生的旅途當中更順利、平安。
˙ 因為廉貞星的關係,你的優點就是重視人際關係與做事謹慎,但是當你缺乏一個有理想的目標,或是總是用蕭規曹隨的心態在處理事情,那成功往往與你差肩而過。成功人士的特點就是善於打破人、事、物的常規,為自己另闢一條道路去發展。在這條通往成功的道路上,沒有掌聲,沒有鼓勵,只有別人對你的指指點點與不信任,如何自處與自立,就是廉貞星在命宮的人,要去學習的地方。
˙ 目標愈大,所面對的難題與阻礙就越多,唯有學會耐煩的技巧,才能在錯中複雜的環節當中,冷靜找出解決問題的方法。這是破軍星在命宮的人,要學習的地方。
˙ 格局大而且能力強的人,往往比一般人驕傲,認為自己最厲害,別人都不如自己。如果你有這樣的毛病,那你一定要改過來,因為真正成功的人,往往都具有虛懷若谷、自信、有毅力的特質,這些特質缺一不可。
˙ 了解自己的優點,改進自己的缺點,才能夠在各行各業有所表現。你一定要對自己有信心,相信自己是個有用之才,告訴自己〝我行、我一定做得到〞。古往今來的成功人士、帝王將相,在往自己的目標邁進時,沒有人不受挫折與挑戰,但是他們總是跌倒後在爬起來,勇往直前,最後完成任務、達到目標。你要像這種精神看齊,如此才成掌握命運,為自己開創美好的人生。自怨自艾,把該做的事情成天都掛在嘴邊,光說不練,沒有目標,怕這怕那,猶豫不決的人,往往不能到達成功的對岸 。

http://www.life-guide.com.tw/
Blog Widget by LinkWithin