清炒豆苗+蒸鹹雞

重回職場

我.要.重.回.職.場.!!!
這是新的一年最大的決定吧!
也是近來較忙碌的原因之一.

舊年三月一日, 我回家當全職媽媽去.
今年三月一日, 我出外簽約回歸職場.
陪伴瓜瓜整整一年!
這一年飛快的過去!

原因很多啦:
唔想星星壓力太大.
瓜都就黎返學, 唔想很多時間係屋企冇所事事.
我同瓜返學的時候發現自己冇辦法同其他主婦溝通.
做家務又唔係本人特長之一.
湊仔一年, 個人就瘦咗二十磅有多!! 需要回復一個有自我又有規律的生活模式增肥一下.
個人瘦了, 瓜又肯自己行了, 瘋狂的想念華衣美服~~
購物意欲十級旺盛, 但係唔搵錢就想用錢感覺十級罪惡!
想瓜瓜學多啲嘢. (因為自己都可以學埋一份 :D)
想生多個豆仍可以維持普通中產的生活.
到尾一句就係想用錢, 唯有搵多啲錢.

祝我幸運吧!
---------------------------------------
突然間咁快返工!
搵份工比我想像中容易!
本來我唸住用半年,
搵份舒服冇壓力又穩定兼人工不錯福利不錯近屋企而自己想做但係學歷經驗未必符合的工作.
對! 我要轉行重頭由新人開始~

我想我也算幸運吧,
用咗一個月左右,
九唔搭八的寄咗 <20 封信,
第三間一見即請!
最好笑係次次見工都會同我講其實佢地有另一個職位未出廣告但係好啱我,
而另一份職位無論係任何一方面都俾我原先申請的那一份好!
以前搵工都係咁!
好明顯我從來都唔知自己適合做乜嘢工作!!

唉... 未返工已經開始掛住瓜瓜啦... 想哭...
不過咁... 未返工已經瘋狂洗$$$啦... 非常滿足... 就好似餓咗好耐的吸血鬼勁吸了一大口血咁!

撻著

我們在看亞視那個相睇節目.
星星係咁話唔好睇,
梗係啦,
我地睇慣內地的非誠勿擾,
珠玉在前,
而且內地那個節目裡的女子的質素高好多!

星: 你話係咪唔好睇啦?
我: 係喎, 冇你份好失色喎!
星: 咁你覺唔覺得我上去的話一定好過佢地先?
我: 你咁老, 貪你驅風呀?
星: 唔係喎, 我識驅鬼!
xyz#%#$@%^#^&

XO醬焗醋扒+老火湯+浸菜心+蒸鹹魚

沖繩自駕租車::OTS

上網見到大量自由行推薦的租車公司,
全部都係網上輸入日子, 汽車款式即時報價,
格價後我用車當日的價錢最便宜是 OTS,
最大的分別係BB汽車坐椅唔需要加錢,
其他公司要加 1000 日元一天.
要知道日本法例任何年齡的嬰兒都要安坐汽車坐椅,
而汽車坐椅係計 1.5 人,
即係有汽車坐椅的 5 人車只可以坐多 3 個大人.

攞車好簡單,
係機場有操國語的專員接載到分店,
分店都有懂國語的,
雖然不易明白 :p
詳程其實係網路預約的電郵都寫得清清楚楚.
辦完手續有個人教你用GPS就可以開車走啦,
GPS輸入固網電話或地圖編號皆可.

係沖繩自駕其實不錯,
本地人的車品都很好, 很禮讓,
車唔多又唔快,
公路又簡單!

還車亦唔難,
有職員望下架車有冇花就放你走啦,
係DFS分店還車之後可以行下隔離們的Naha Main Place,
叧一分店就直頭係 Outlet 對面.

我地一家三口一件行李唔需要搬酒店租架細車 FIT.
雖然細細架但易睇位亦坐得舒適.
最後亦不忘讚賞一下星星駕車不錯,
係成日分唔清左右囉 :P

薯仔炒雞柳+鮮淮山XX湯

全球熱戀+杜拉拉升職記+不再讓你孤單+翡翠明珠

都是在瓜瓜返學前上網啦睇架,
(即係好幾個月前...)
依家未時間啦!!!!
連寫 blog 都冇乜時間啦!
呢篇個稿起自舊年 11 月 24 號架囉!
(有冇咁懶呀...)

又看了好幾齣戲,
是為了補償瓜瓜出世後沒得看吧?!

全球熱戀
本身幾鐘意睇呢啲分幾格又有啲連繫的愛情故事,
好似一次過睇咗幾齣戲咁!
呢齣有我鐘意的劉若英~
即時加分~~
佢同新富城係太空分離的那段令我眼濕濕啦...

杜拉拉升職記
是內地很火紅的題目,
不過我覺得平平淡淡,
唔會很特別又未至於爛片 :P

不再讓你孤單
見到人地寫係全年最感動電影,
又劉燁又舒淇好似好吸引!
點知係又咁慘得咁慘!
個女的一個人係外地生活跟男友生活,
轉個頭俾個下屬搶咗個男友仲俾人呃晒啲錢而屋企人又唔理佢,
好啦,
難得唔介意新識男子較窮兼要照顧個有病的小弟同聾啞的弟婦,
轉頭個男的發現得了絕症,
女的有咗 BB!!
最後個男的仲要意外死埋!!!
駛唔駛咁盡呀??
簡直慘絕人寰!!!
It's too MUCH!!!
可能我冷漠,
太多又反而感動唔到我.

翡翠明珠
呢套好明顯係年青人市場而我已經老啦!
真係爛到呢...
時間都晒埋!